Kramat Jati

MINGGU II Setelah TRINITATIS 23 Juni 2019

ACARA IBADAH MINGGU – HKBP KRAMATJATI

MINGGU II Setelah TRINITATIS – 23 Juni 2019

Topik Minggu : ” NGOLU NA MARHABADIAON DI JOLO NI DEBATA
/ HIDUP KUDUS DI HADAPAN ALLAH”

Rangkaian Ibadah Bahasa Batak Toba
Pukul 06.00 wib & Pukul 10.15 wib

Buku Ende Huria No.113
ALE TUHAN, AMANAMI
BL. 176

1. Debata Sitolusada
Ama, Anak, Tondi i.
Nunga montok nasa bada
Na paholang tondingki Continue reading “MINGGU II Setelah TRINITATIS 23 Juni 2019”

Posted in Acara dan Kegiatan, Kebaktian Minggu, Minggu TrinitatisTagged , , , , Leave a Comment on MINGGU II Setelah TRINITATIS 23 Juni 2019

Minggu Manogot Arian 12 Agustus 2018

Minggu Manogot Arian 12 Agustus 2018


Topik Minggu : XI Dung Trinitatis
“Haholongan Na Mangarahut Hasadon /
Kasih Sebagai Pengikat Yang Mempersatukan”

Minggu 12 Augustus 2018

Acara Pamuhai
(Saat Teduh)

BE. 18
UNGKAP BAHAL NA UMMULI
BL. 84.

1. Ungkap bahal na umuli,
bagas ni Debatangki.
Ai tusi do au naeng muli,
ganup jumpang Minggu i.
Hulului do disi, bohi ni Debatangki.

2. Nunga ro au, o Tuhanku,
ro ma Ho tu au muse.
Ai di bagas ingananMu,
las ni roha do sude.

Sai bongoti rohangkon,
baen ma JoroMi dison.

3. Sai pantun pangalahongku
Maradophon bohiMi

Sai suruhon tu rohangku
Tondi Parbadia i

Asa sai tongtong ture
Tangiangku ende pe

Votum : A.XV.A11 – D.XIII. 46

B.E. No.187
DENGGAN DO PANOGUM
BL.200

1. Denggan do panoguM ale Jahowa
Di angka na pinarmahananMi

Tagamon bahenonMu ma na roa
So tarbunihon Ho do burjuMi ?

Jotjot suhar do pambahenanMi
Di roha ni na so tumanda Ho

Alai marhite sian i do ro
Tu hatiuron na tinoguMi.

3. Dialo Ho sude na jungkat roha
Na timbo i dipatutoru Ho

Alai sude na serep i marroha
I do na sai diasiasi Ho

Parhata na gogo di tano on
Di hagigihon rohami sude

Na dangol i ditatap Ho hape
Naeng urupanMu angka i tongtong

Patik : Mateus 22 : 37 – 40

BE. 432.
Sian hurungan ni dosangki.
BL. 292. :

1. Sian hurungan ni dosangki
ro au tu Ho,
Ro au tu Ho.

Tu haluaon di mudarMi
Jesus au ro tu Ho

Nasa rohangku malum,
hipas,
Gabe mamora, nang pe pogos,

Sian jeangku ro au tu Ho,
Jesus au ro tu Ho.

2. Sian ilangku,
nang ramunhi
Ro au tu Ho
Ro au tu Ho

Gabe na ias nang rohangki,
Jesus, au ro tu Ho.

Sian holsongku tu sonangMi,
sian runduthu tu dameMi,

Sian arsakku tu holongMi,
Jesus, au ro tu Ho.

contoh lagu :


BE. 458. Logu. 309 :
Barita na umuli

1 Barita na umuli, i na sian Tuhan Jesus,
sai i do margogoihon au,
nang arsak pe hubolus on mangapuli rohangki:
Sai Tuhanki, na basa i do donganki.

3 Ibana haporusanki di godang ni dosangku,
MudarNa do mamuri au, ditobus do hosangku.
Tuhanku gabe singkathi!
Dibahen i, pujionki basaNa I.’

Epistel : Psalmen 133 : 1-3

BE.656
Parhahamaranggion

1. Parhahamaranggion i,
lam hot jala togu,
Singhop ma hasadaon i,
di Jesus i burju,

Rap sauduran hita be marholong na tutu,
Mardame, marlas roha ma di Jesus i tutu.

3. Ai disagihon do ganup
asi-asiNa I,
Asa ringgas huhut burju,
di ulaonna I,

Sai lam serep ma rohamu
hombar tu Hata I,
Parholong roha ma hamu
maniru Tuhan I.

B.E No.123
ALE DONGAN NA SAROHA
BL.180

1. Ale dongan na saroha Manjalahi dame i
Dompak Jesus tapasada Holong ni rohanta i

Ai Ibana do ulunta Hita do ruasNa i.
Tuhan Jesus do gurunta Hita siseanNa i.

instrument – musik…

2. Tanda asi ni rohaNa Na bagas na timbo i
Tanda holong ni rohaNa Na so hadodoan i

Didongani Debatanta Ama na sumurung i
Dohot Jesus pe Tuhanta Hita na porsea i.

instrument – musik…

3. Sai pasada ale Tuhan Angka na porsea i
Asa masihaholongan Songon na pinatikMi

Dibagasan hasintongan I do pinangidoMi
Sai padomu angka dongan Na tutu sinondangMi

instrument – musik…

4. Sai pasada rohanami Doshon Ho tu Ama i
Asa unang sian hami Nanggo sada lilu be

Ho tongtong hutiru hami Di ulaon i sude
I ma patandahaon hami Gabe siseanMu be

instrument – musik…

Kotbah
Evangelium : Kolosse 3 : 12 – 14

B.E.No. 126
NA MARGURU DO LUHUTNA
BL. 96

1. O hamuna ale dongan Ringgas be masijalangan

Lao marningot Tuhan i Na mandok tu siseanNa

On do patik di hamuna Masihaholongan i.

instrument – musik…

2. Tole ma itatadingkon Roha na masihosoman

Na manirang dongan i Kristus i do pardomuan

Na patongtong pardonganon Salelenglelengna i.

instrument – musik…

3. Hasangapon, pamujion Di Tuhanta pardomuan

Ni huria i sude Di utara, di dangsina,

Hasundutan ro di purba Dipadomu Tondi i.

instrument – musik…

4. Ala ni sai taradoti Roha na mangkaholongi

Debata nang dongan i Hatigoran, hasintongan,

Hatiuron,hadameon I ma tong padanta i.

instrument – musik…

Posted in Kebaktian MingguTagged ,

Minggu Botari 10 Juni 2018

IBADAH MINGGU SETELAH MINGGU TRINITATIS


Minggu : 10 Juni 2018 Pukul 17:00 wib
Minggu Ke-II Setelah Minggu Trinitatis

HKBP KRAMAT JATI – RESSORT KRAMATJATI

Topik Minggu :
“Allah Maha Kudus, Penolong dan Penebus / Debata Na Sun Badia, Pangurupi Jala Sipalua”

EP : Roma    3 : 21 – 26
EV : Yesaya 41 : 14 – 20

Continue reading “Minggu Botari 10 Juni 2018”

Posted in Kebaktian Minggu, Minggu TrinitatisTagged , , , ,

DUNG TRINITATIS I 3 june 2018

PARMINGGUON :  June, 03 / 2018 

DUNG TRINITATIS I

ENDE HURIA : B.E No.112
O TONDI PARBADIA I, BONGOTI
BL. 206

1. Haleluya Tapuji ma Amanta Tuhan Debata
Dibaen denggan basaNa,

Sai tong girgir ma hita be
Pasangap Debatanta i
Dibaen asi rohaNa

Sangap, sangap, Hagogoon, Hatoguon, hapistaran,
Di Amanta na di ginjang

2. Haleluya Di Jesus I, Talehon hasangapon i,
Nang pe pujipujian.

Dilehon do mudarNa i
Mamuri hita sasude, Parade hatigoran.

Denggan, denggan, Parsaoranta tu Tuhanta, badiaNa
Songgop do tu huriaNa

instrument….

3. Haleluya.
Di Tondi i Na sangap, na badia i,
Tadok mauliate

Aut unang saor Ibana tu
Rohanta na so dung togu
Luhutna do mandate.

ENDE HURIA : B.E No. 125
MARLASNIROHA HITA ON
BL. 82

2. Dibaheni manggogo be
Ma hita on sude
Mamuji Tuhan Jesus i
Parasiroha godang i

Sibaen las ni rohanta i
Nuaeng nang sogot pe
Nuaeng nang sogot pe

3. Alai taingot ma huhut
Mambaen sangap tongtong

Barita ni Tuhanta i
Marhite parangenta i

Di jolo ni donganta i
Di atas tano on
Di atas tano on

PATIK : 

ENDE HURIA :  B.E No. 114
PAROHON HARAJAONMI
BL. 212

1. Ale Jahowa Debata, Sai tatap hami on
Ai masiboan dosana be, Do hami tu joloM

Asi rohaM di hami, Sai sesa dosa i sude
Marhite Jesus AnakMi, Na mate di hau silang i
Di Golgata, Di dolok Golgata

3. Ho Tondi Parbadia i, Sai tatap hami on
Lopokkon haholongonMi tu rohanami on

Pasada rohanami be, Patiur tondinami pe
Lao mangihuthon dasdasMi, Mangkasiholi sondang ni
Parholong i, Pardenggan basa i

ENDE HURIA :  BE.476 Logu.322 :
Ndada au guru di au.

1. Ndada au guru di au be,
Jesus do nampuna au.
Las rohangku dung hubege,
Jesus sipangolu au.

Ndang be au guru di au.
Jesus na humophop au,
Nampuna au. Tung saleleng au mangolu,
Jesus do nampuna au.

2. Ndang di au, di Tuhan Jesus,
daging dohot rohangki;
Saluhutna hupasahat tu Ho,
Jesus Tuhanki.
Ndang be au…….

Ndang be au guru di au.
Jesus na humophop au,
Nampuna au. Tung saleleng au mangolu,
Jesus do nampuna au.

II Musa 14 25

7:14 Dung i ninna Jahowa ma tu si Musa: Na tangkang do roha ni raja Firaun,
dijua do mangaloas laho bangso i.

7:15 Laho ma ho sogot manogot i tumopot raja Firaun; ida ma na ruar do ibana tu aek,
dapothon ma ibana tu pasir ni batang aek i, jala tiop ma di bagasan tanganmu tungkot na gabe ulok i.

7:16 Jala dok ma tu ibana: Jahowa, Debata ni halak Heber marsuru ahu tumopot ho mandok tu ho:
Loas ma bangsongku laho, asa disomba Ahu di halongonan; alai ida ma, ndang ditangihon ho rasirasa nuaeng.

7:17 Boti didok Jahowa: Botoonmu ma sian tanda on, paboa Ahu do Jahowa: Ida ma,
lipathononku ma tungkot na di bagasan tanganku tu aek na di bagasan batang aek i, jadi muba ma i gabe mudar.

7:18 Jadi mate ma dengke na di bagasan batang aek i, jala bau batang aek i,
jala gialan halak Misir manginum aek sian batang aek i.

7:19 Dung i ninna Jahowa ma tu si Musa: Dok ma tu si Aron: Buat ma tungkotmi,
jala patoltol tanganmi tu atas aek angka na di tano Misir, tu atas ni angka batang aek di nasida,
tu atas ni angka halian aek, tu atas ni angka ambar dohot tu atas ni saluhut angka parpunguan aek,
asa gabe mudar saluhut, gabe mudar di sandok tano Misir, nang di bagasan poting, nang di bagasan panguhatan.

7:20 Jadi dibahen si Musa dohot si Aron ma, songon na tinonahon ni Jahowa, dihindat ma tungkot i tu ginjang,
jala dilipathon tu aek, na di bagasan batang aek i di jolo ni raja Firaun dohot di jolo ni angka naposona,
jadi muba ma sude aek na di bagasan batang aek i, gabe mudar.

7:21 Jadi rage ma dengke, angka na di bagasan batang aek i jala bau batang aek i,
jala ndang tarinum halak Misir aek na sian batang aek i, ai gabe mudar do i di sandok tano Misir.

7:22 Alai angka parsibalik mata ni Misir pe dibahen do songon i marhitehite tabasnasida,
jadi laos tangkang ma roha ni raja Firaun, jala ndang ditangihon nasida,
songon na nidok ni Jahowa hian.

7:23 Dung i humusor ma raja Firaun laho muli tu jabuna, laos so mangilala rohana, nang disi.

7:24 Alai saluhut halak Misir mangkali aek siinumon humaliang batang aek i,
ai ndang tarinum nasida aek na sian batang i.

7:25 Pola gok pitu borngin lelengna, dung dilipati Jahowa badan i.

ENDE HURIA : BE. 457. Logu. 308. :
Bagas ni haholongan.

1. Bagas ni haholongan naung sun hinaholongkon ni
Debatanta I tu hita jolma i.
Na tuat do Anakna tumopot hita jolma.

Hupuji holongMi, na so mansohot i.
Hupuji holongMi, na so mansohot i.

2. Diporsan do dosanta, targantung do singkatta
Di hau parsilang I, songon parjahat i.
Na mate do Ibana, hita pinaluaNa.

Hupuji holongMi, na so mansohot i.
Hupuji holongMi, na so mansohot i.

PELEAN / PERSEMBAHAN ALTAR 

ENDE HURIA :  BE.588
Tasomba tongtong

1. Tasomba tongtong na sun gogo I,
Tadok ma antong songkal Tuhan I,
Partanobatoan Haporusan I gok
Hamuliaon habangsaNa I

instrument….

2. Baritahon ma huasoNa I,
sondang na tiur do ulosNa I
Angka ombun dibaen huretaNa I,
Api na marjimbur suruanNa I

instrument….

3. Ojak tano on dibaen gogoMi,
hot ojahan ni salelengna I
Aek sian dolok ro tu rura I,
Torop do binatang marsobur tu si.

instrument….

4. Na tinompa I disarihon do,
na marhosa I diparmudu do.
Alogo nang udan las ni ari,
Luhut papatarhon panarihonMi.

instrument….

5. Sude jolma I sian orbuk do I,
na gale do I ala dosa i.
Padan na binaenNa patau jolma I,
Marsaor tu Tuhan Debatanta i.

instrument….

KOTBAH : 

Pangungkapon 16 ; 1 7

16:1 Dung i hubege ma soara na gogo sian joro i, na mandok tu surusuruan na pitu i:
Borhat ma hamu, usehon hamu ma saoan na pitu i, inganan ni rimas ni Debata, tu tano i!

16:2 Gabe borhat ma na parjolo, diusehon ma saoanna tu tano i.
Jadi masa ma baro na roa jala na jahat di jolma, angka naung manjalo partinandaan ni binatang i,
jala naung marsomba tu gombaranna.

16:3 Dung i diusehon na paduahon ma saoanna tu laut, jadi gabe mudar ma i songon mudar ni na mate;
laos mate ma nasa na marhosa di laut.

16:4 Dung i diusehon na patoluhon ma saoanna tu angka batang aek dohot tu angka mual aek;
laos gabe mudar ma angka i.

16:5 Jadi hubege ma soara ni surusuruan, sigomgom angka aek, mandok: Na tigor do Ho,
na mangolu i nuaeng nang najolo, na badia do Ho, ala songon i panguhumonmu!

16:6 Ai didurushon nasida do mudar ni angka na badia dohot angka panurirang,
gabe mudar do dipainumhon Ho tu nasida; patut ma i di nasida!

16:7 Jadi hubege ma langgatan i mandok: Olo, ale Tuhan Debata,
Sigomgom saluhutna; na sintong jala na tigor do angka uhummu !

  • KOTBAH MANOGOT : Pdt L Lumbantobing M.Pdk – Pukul 06.00 wib
  • KOTBAH ARIAN         : Pdt Ertinius Napitupulu S.Th – Pukul 10.15 wib

PELEAN / PERSEMBAHAN ALTAR

ENDE HURIA :  B.E No. 117
JAHOWA DEBATANTA DO
BL. 205

1. Jahowa Debatanta do
Partanobatoanta
Musunta ingkon talu do
Dibaen pangondinganta

Ianggo musu i, I ma sibolis i,
Jorbut do tahi ni Mangago jolma i;
Ndang dapot na mangatup

instrument….

2. Gogonta ndang haposan i,
Tibu do mago hita;
Pinillit ni Jahowa i,
Na tuk pamonang hita

Ai ise goar ni ?
I ma AnakNa i
Tuhanta Jesus i
Sigomgom sasude
Na so tarbahen so monang

instrument….

3. Gok begu pe portibi on
Na naeng mamolgak hita
Nda tung mabiar hita on
Ai ingkon monang hita

Ai nang tarrimas pe
Sibolis i tahe
Ndang habiaran be
Ai nang sahata pe
Tuk do manaluhonsa.

instrument….

4. Ai hata ni Jahowa i
Ndang dapot ungkitonna
Tuhanta manjagahon i
Ditungkol naposona

Hosanta arta pe
Ugasan sasude
Dirampas musu i
Antong mahua i
Hot do harajaonNa.

instrument….

—–

ACARA MINGGU PANDIDION NA BADIA TU DAKDANAK

ENDE HURIA :  BE. 146
PAIAN MA DI HAMI
BL.6

1. O Jesus naeng tardidi Do posoposo on
Sai ro ma mangaligi Huhut manjalo on.

2. Diboan natorasna Nasida be tuson
Ai naeng pasahatonna Tu Ho dakdanak on.

ENDE HURIA : BE. 147
JESUS HAMI RO DISON, ASA
BL. 78

6. Sahat ma tu rohaMi,
Jesus pangidoannami
Togu i tu surgo i,
Sai olio ma sangkapnami
Nang goarna i, o Tuhan
Baen tu buku hangoluan

DOA : TANGIANG PANUTUP, TANGIANG ALE AMANAMI, TANGIANG  PASU-PASU

Posted in Kebaktian Minggu, Minggu TrinitatisTagged , , , ,