Minggu pagi 2 feb 2018

Minggu 04 Februari 2018, Minggu sexagesima


Topik Minggu,
Manangihon Jala Mangulahon Hata ni Debata /
Mendengar & Melakukan Firman Allah

Ep Jesaya 55 : 6-9 (Yesayas)
Ev Lukas 8 : 9 -15

B.E. No.27
DEBATA DO MANGGOMGOMI
BL.86

1. Haleluya ari
Minggu Ari na dumenggan i

Molo iba lao marpungu
Dohot dongan Kristen i

Ari na sumurung i
Las ni rohangki do i

2. Maradian do tondingku
Di na jumping Minggu i

Nasa arsak ni rohangku
Hulonongkon do disi

Tu bagasan roha ni Jesus Kristus, Tuhanki

instrument…

3. Na huula ganup ari
Hutundalhon do disi

Asa tarpasarisari
Au ngolu ni tondingki

Arta na ummarga i
Jumpang au di Minggu i

BE. 19
O JESUS TATAP MA TUSON
BL. 32

1. O Jesus tatap ma tuson Pasaor TondiM tu hami on,
Sai rohanami dirajai Dalanannami dipasae.

2. Pamujinami baen ture Buhai ma rohanami be
Patinggil pinggolnami i Lao tumangihon hataMi

B.E. No.172
O JESUS PANONDANG BL.143

2. Sesa ma dosangku Ale Tuhanki
Ala ni mudarMu Na nilehonMi
Asal ma rohangku Salelengna i
Ingot di hansitMu Dohot mudarMi

3. Tondi,daging,roha Nang gogona i
Unang tu na roa Sai di Ho ma i

Ingkon gok di Ho ma Au hinophopMon
Asa saut martua Au siseanMon.

BE. 396.
NUNGA TALU MUSUMUNA BL. 101.

2. Unang dok : Sai sorimago do manggohi rohangki !
Holan Jesus do pamalum bugang na di rohami.

Saima porusma tu Jesus, Sipasonang rohami sonang rohami.

8. Talu musu dohot arsak, nang dosam sibolis pe,
Ndang adong be ambatambat, boi malua sasude.

Saima porusma tu Jesus, Sipasonang rohami sonang rohami.

BE. 239
BINSAN RO ASI NI ROHA
BL. 22

1. Binsan ro asi ni roha Ni Tuhanta i di ho
Alo ma dirim paboa Jora situtu do ho.

2. Sai tundali nasa jea Sai tahopi Debata
Tanda na tutu porsea Ho di Tuhan Debata

BE.640
Haholongan sian ginjang

1. Haholongan sian ginjang las ni roha na hot i
Tumpal ni asi ni roha sai bongoti rohangki,

Jesus na gok asi roha dohot haholongon i
Baen malua baen martua hami natahutan i.

instrument…

2. Lehon tondi haholongon tu parroha na bojok
Baga-baga hadameon sahat baen tu hami on
Jesus Alpha nang Omega bona ni haporseaon
Sai padao ma angka dosa, sai palua hami on.

instrument…

3. Sipalua na sun gogo lehon tu au ngoluMi
Ro ma Ho sai marsihohot mangingani joroMi
Asa Ho husomba hami raphon pardisurgo i
Rap mamuji mangoloi, Ho di hasangaponMi.

instrument…

4. Sai pasingkop tinompaMu, lam pita baen hami on
Haluaon na sumurung lehon ma tu hami on

Boan hami tu na uli di banua ginjang i
Paima Ho pujiannami salelenglelengna i.

instrument…

B.E No. 29
NASA JOLMA INGKON MATE
BL. 186

1. I ma tingki hasonangan Molo Ho o Jesuski
Pinahusor di pingkiran Ro di asiasiMi

Molo Jesus ni luluan Holan Jesus sinangkapan
Tingki na lehet ma i Na pasonang roha i.

instrument…

2. Sai buas naeng lehononMu Jesus asi ni rohaM
Sai girgir do topotonMu Na uasan di hataM

Gok do mual hangoluan Di bagasan Ho, o Tuhan
Jala sai dapotan do Sasude na ro tu Ho.

instrument…

3. Ala nii o Tuhannami Topot ma huriaMon
Pasupasu dohot hami Gohi rohanami on

Mauas songon si Maria Di hataM na sun badia
Baen ma hami sasude Asa tung maruli be

instrument…

8:9 Disungkun angka siseanna ma Ibana taringot tu umpama i.

8:10 Gabe didok ma: Dilehon do tu hamu pamotoan di hahomion ni harajaon ni Debata; alai marhitehite umpama do tu angka na asing, asa unang diida, nang pe dibereng, jala unang diantusi, nang pe dibege.

8:11 Alai on ma umpama i: Ia boni i, hata ni Debata do.

8:12 Anggo na di dalan i, i ma angka na umbegesa, dung i ro ma sibolis i, dibuat ma hata i sian rohanasida, asa unang porsea nasida, unang dapotan haluaon.

8:13 Anggo na di batu i, i ma angka na las roha manjangkon hata i, dung dibege; alai ndang marurat nasida, sangombas do nasida porsea, jala di masa ni pangunjunan marbalik nasida.

8:14 Anggo na madabu tu parsihupian i, i ma angka na umbegesa, gabe laho ma nasida, hapusohan binahen ni pangkolsohon, hamoraon dohot hahisapon ni ngolu on, jala ndang matoras parbuena.

8:15 Alai anggo na tu tano na denggan, i ma angka na mameop hata binegena i di bagasan roha na bonar jala na denggan, gabe saut marparbue di bagasan habengeton.

8:16 Alai ndang adong na pagalakkon palito, gabe dihungkuphon ampang tusi, manang dibahen tu toru ni parate; tu parpalitoan do dibahen, asa diida angka na ro i palito i.

Jesaya 55 : 6-9
55:6 Sai lulu i hamu ma Jahowa, binsan tarbahen dope jumpang ibana; jou hamu ma ibana, binsan jonok dope ibana.

55:7 Sai ditadingkon halak parjahat i ma dalanna, jala jolma pargeduk i, angka sangkapna, sai mulak ma ibana tu Jahowa, asa marpangulahi rohana mida ibana; dohot tu Debatanta, ai buas do rohana manalesei.

55:8 Ai ndada pingkiranku pingkiranmuna i, jala ndada dalanmuna angka dalanku, ninna Jahowa.

55:9 Ai songon timbo ni angka langit sian tano on, songon i do tumimbo angka dalanku sian dalanmuna i, jala angka pingkiranku sian pingkiranmuna i.


  • ACARA MINGGU SKM
  • JAM 10.00.00 wib : ACARA PELEPASAN PENDETA DAN PENTAHBISAN BIBLEVROUW 
  • IBADAH REMAJA PUKUL 10.00.00 WIB
  • IBADAH SORE 17.00.00 WIB
Posted in Kebaktian MingguTagged , ,