Minggu Manogot dohot Arian 10 Nov 2019

hkbp krjati

v:

Rangkaian Acara Ibadah

Buku Ende Huria No.22
NUNGA RO DI PARGURUAN
BL.80
ayat 1, 2, 3

1. Nungnga ro di parguruan,
Hami on,na dison,
Masihangoluan

Jesus, sai huingot hami HataMi,
nidokMi Ho naeng dongannami.

2. Baen ture pingkirannami,
Unang lao tu na dao,
Mampar rohanami

Sai patinggil pinggolnami,
Tu hataM asa lam,
Huantusi hami

instrument/musik..

3. Suru Tondi Parbadia
Baen ture hami be
Ringgas jala ria

Asa bali haliluan
Jea pe sasude
Timbul hangoluan.


Buku Ende Huria No.116
DITOMPA HO DO AU
BL. 243
ayat 1, 4

1. Di tompa Ho do au, sondangi rohangkon;
Tung basa-basaMi sude na di au on.

Gomgomi pamatangku,
naeng Ho do oloanku,
Sai lehon ma gogongku,
lomoM naeng ulaonku.

Urupi tatap au tutu,
Panompa na burju.

4. Ale Debatangki Sitolusada i
Bongoti rohangki parbadiai ma i

Sai Ho ma lam hutanda gogongku lam paganda
Manangkup haluaon, maniop hatuaon

Ni Ama,Anak,Tondi, na tong pujion i.


Patik / Hukum Taurat V – X


BE No. 177
NDADA TARHATAON
BL. 147
ayat 1, 4

1. Ndada tarhatahon hahoholong ni
Roha ni Tuhanta di pardosa i.

Marsak do rohaNa Mida jolma i,
Na so olo unduk di hataNa i.

4. O hamu pardosa sai tandai ma i
Lehon di Ibana rohamuna be

I do pangidoan ni Tuhanta I
Asa sai tong sonang bahenonNa i.

 


Buku Ende Huria No.453.
Sada goar na umuli.
Logu. 304.
ayat 1, 3

1. Sada goar na ummuli
sian nasa goar I,
goar ni Tuhanta Jesus,
I do na ummuli I

GoarMi, Tuhanki,
Holan i do endengki,
GoarMi, Jesuski
do pamalum rohangki.

3. Sipalua do goarMu,
saut malua tondingki.

Nasa rante ni sibolis
ingkon sega baenon nii.
GoarMi……

GoarMi, Tuhanki,
Holan i do endengki,
GoarMi, Jesuski
do pamalum rohangki.


Efesus 6 : 1- 9

6:1 Hamu angka anak, oloi hamu ma angka natuatuamuna di bagasan Tuhan i; ai i do na tigor.

6:2 “Parsangapi amangmu dohot inangmu!” I do patik na parjolo mardongan bagabaga:

6:3 “Asa martua ho jala leleng mangolu di tano on!”

6:4 Hamu angka ama, unang gintali hamu angka anakkonmuna; pagodanggodang hamu ma nasida di bagasan ajar dohot poda
ni Tuhan i!

6:5 Hamu angka anak somang, oloi hamu ma angka indukmuna di hasiangan on mardongan biar dohot lomos ni roha; marroha
na bulus songon na maradophon Kristus!

6:6 Unang hamu pangoloi di mata, songon na mambuat roha ni jolma; songon naposo ni Kristus ma ulahon hamu roha ni
Debata, sian nasa rohamuna.

6:7 Sian burjumuna ma hamu mangoloi: Songon di Tuhan i, unang di jolma i!

6:8 Ai diboto hamu do: Sumuang jaloon ni ganup sian Tuhan i na denggan na niulana, manang hatoban ibana manang anak
mata.

6:9 Hamu angka induk pe, laos songon i ma bahen hamu tu nasida; antahi hamu ma na mangasupi i, ai diboto hamu do, di
banua ginjang do nang Tuhanmuna, jala ndada siida bohi Ibana.


Buku Ende Huria No. 800
Paboa tu dakdanak I
ayat 1, 4

1. Paboa tu dakdanak I, binaen ni Tuhan I,
UlaonNa gok huaso I, pinatupaNa i.

4. Sai tapodahon ma, burju hataNa na tutu,
Sai pos rohana situtu, biar huhut burju.

 


Buku Ende Huria No. 750
Tu tondingkon O Jesus

1. Tu tondingkon O Jesus, patolhas HataMi
Asa sonang rohangku unang sai ganggu i.

Rohangkinon dohot tondingkon naeng tumangihon Ho,
Dison do au
NaposoMon rade tumangihon Ho.

instrument/musik..

2. Parbadiai ma ahu jolma na ramun I,
Pangke ma au Tuhanku manjou na lilu i.
Rohangkinon …

Rohangkinon dohot tondingkon naeng tumangihon Ho,
Dison do au
NaposoMon rade tumangihon Ho.

instrument/musik..

3. Rohangkinon O Jesus ndang au nampuna I,
Sandok ngolungku Jesus sahat tu Ho ma i.
Rohangkinon …

Rohangkinon dohot tondingkon naeng tumangihon Ho,
Dison do au
NaposoMon rade tumangihon Ho.

instrument/musik..


Poda 19 : 20 – 29

19:20 Sai tangihon ma hata sipaingot jala jangkon pangajaran, asa gabe pistar ho di hasusuda ni bohalmu.

19:21 Pasimpar do sangkapsangkap di bagasan roha ni baoa, alai sangkap ni Jahowa do na marsihohot.

19:22 Pinangido ni roha ni jolma do habasaronna, jala tagonan do halak na pogos sian baoa pargapgap.

19:23 Biar mida Jahowa parohon hangoluan, jala halak na sabam roha marsonangsonang do, ndang manginona jea tu ibana.

19:24 Dipohul halak sigurbak ulu do nian indahanna, gari mambahen tu pamanganna ro losokna.

19:25 Mangonai tangan ma ho tu halak pangelesi, asa anggiat marbisuk halak na oto, sai ajar ma halak na pantas
marroha, asa tamba parbinotoannai.

19:26 Manang ise na mangarupa amana, tung pola dipalaholaho inana, i ma halak sibahen haleaon dohot haurahon.

19:27 Ale anaha, molo dipasadi ho tumangihon pangajaran, jadi lilu ma ho sian angka hata parbinotoan.

19:28 Halak sitindangi parroha na jat palea uhum, jala pamangan ni halak parjahat mamolgak hageduhon.

19:29 Naung pinadiri hian torutoru di halak pangarehe, jala lipatlipat tu tanggurung ni halak na oto


Buku Ende Huria No. 723
Tu joloM O Tuhan

1. Tu joloM O Tuhan sahat ma diringkon
Pangke ma au hombar tu lomoM,
Molo ndang Ho Tuhan, maringanan di au,
diringkon ndang mararga be i.

Tung pogos pe dison manang
Sonang tahe marsigantung tu Ho
Sasude

Holan Ho
Huihuthon
dang be diringkon
togutogu ma tu na ture.

instrument/musik..

2. Tu joloM O Tuhan sai gara rohangkon,
Tung unduk do mangoloi Ho
TondiMi ma tongtong margogoihon au on,
Mangulahon lomo ni rohaM.
Tung pogos ……

Tung pogos pe dison manang
Sonang tahe marsigantung tu Ho
Sasude

Holan Ho
Huihuthon
dang be diringkon
togutogu ma tu na ture.

instrument/musik..

3. Tu joloM O Tuhan tung marpadan do au
Ingkon Ho huihuthon tongtong
Ai huboto tangkas na martua do au,
Nang muse dohot dingolungkon.
Tung pogos ……

Tung pogos pe dison manang
Sonang tahe marsigantung tu Ho
Sasude

Holan Ho
Huihuthon
dang be diringkon
togutogu ma tu na ture.

instrument/musik..



MASUK IBADAH

BAHASA BATAK TOBA : 06.00 AM, 10.00 AM

SKM: 07.45 AM

BAHASA INDONESIA : 17.00 PM