Minggu Epiphanias V

Minggu Epiphanias V (Epiphanias = Hapapatar)

V Setelah Minggu Ephipanias
Topik Minggu :
“Oloi ma Debata Jala Pauba Roham /
Taatilah Tuhan dan Bertobatlah”

IBADAH HKBP KRAMATJATI
17 Feb 2019 – 06.00 wib & 10.00 wib


PENGKOTBAH :

  • MANOGOT     :  Pdt. L. Lbn.Tobing, S.Th. , M.pdk.
    • SKM        : Biv. S. br.Hutauruk, M.Pdk.
    • Remaja  : Pdt. E.Napitupulu S.Th.
    • ARIAN    :  Pdt. Samuel C. Sitompul; S.Th.
    • BOTARI  :  Pdt. Hendrik Manalu S.Th.

**(Rangkuman Acara ibadah..)

Buku Ende Huria No. 75
O TONDI PARBADIA I, BONGOTI
BL. 206

1. Naung binsar do panondangi
Na mangatasi sasude
Na olo marsinondang

Sondangan ni do sasude
Na di na holom i dope
Malungun di na torang

Jesus tulus
Ma sangkapMu
Sondanganmu nasa jolma
Asa unduk di Debata.

2. Ho do mangapul rohangkon,
O Raja ni portibi on
Saleleng au mangolu

Sai Ho ma parjambaranki
Ndang olo au lohotan ni
Sude na olo salpu

Tu Ho ro do
Au na lea na porsea di hataMu
Mangidohon panumpakMu

‘musik – instrument..

3. Tung ise pasonangkon au?
Manang tu dia pe au lao
Sasada Ho huboto

Pangkilalahon holong ni
RohaM di au na bojok i
Na pogos jala oto

Unang loas
Au be lilu hiniphopMu do tondingku
Ingkon Ho do tioponku.


Buku Ende Huria No. 585
Somba ma Jahowa

1. Somba ma Jahowa Debatanta
Amen Haleluya
Sigomgom langit tano on ro diisi na
Amen Haleluya

Beta hita lao, marsinggang tu joloNa
Amen Haleluya
na songkal jala na badia do Jahowa
Amen Haleluya

*Endehon : Amen Haleluya
Endehon Amen haleluya
Endehon Amen haleluya
Endehon
Amen Haleluya

Endehon; “Amen Haleluya,
Endehon
Amen Haleluya
Endehon Amen Haleluya,
Endehon Amen Haleluya”.

2. Puji ma Jahowa Debatanta,
Amen Haleluya
Parasi roha na sumurung do Ibana,
Amen Haleluya

Taendehon ma goar ni Debatanta,
Amen Haleluya
Alani denggan ni basaNa na tu hita,
Amen Haleluya.

Endehon; “Amen Haleluya, endehon
Amen Haleluya
Endehon Amen Haleluya, endehon
Amen Haleluya”.

Endehon; “Amen Haleluya, endehon
Amen Haleluya
Endehon Amen Haleluya, endehon
Amen Haleluya”.


Buku Ende Huria No. 681
Ale amang asi rohaM

1. Ale Amang asi rohaM
di au pardosa on,
Unduk do rohangkon nuaeng
marsomba di joloM.

Unang jujur, unang jujur
angka dosangki.
Sai salpuhon, sai salpuhon
sian rohaMi.

2. Amang sai pargogoi ma au
di hasiangan on,
TondiM pasaor tu tondingkon
pamalum rohangkon.

Sai usehon, sai usehon
TondiMi tu au,
Asa monang maralohon
parungkilon au.


Buku Ende Huria No.424. BL. 284. :
Soara ni Tondi.

1. Soara ni Tondi ni Tuhanta I jot-jot dilaosi,
ditulak ho i.

Sai Tanda jeamu, pauba roham, dapothon Tuhanmu,
sisesa dosam.

5. Sai tiop tanganNa, pangido ma on
Ramoti padungo, au siseanMon,

Pasada rohangku manggolom tongtong
HataMu na sintong, patogu au on.


Pangungkapon 3 : 1 – 6

3:1 Surathon ma tu suruan ni huria Sardes: On do hata ni Partondi na pitu na
sian Debata jala Parbintang na pitu: Huboto do angka ulaonmu; na targoar do ho
mangolu, hape na mate do!

3:2 Tarsunggul ma ho jala patogu ma donganmu na tading i, angka na naeng mate.
Ai ndang jumpang Ahu di angka ulaonmu, naung gok di jolo ni Debatangku.

3:3 Antong, ingot ma, manang songon dia na jinalom dohot na binegem; i ma radoti
jala pauba roham! Dibahen i, molo so tarsunggul ho, ro ma Ahu songon panangko;
na so jadi botoonmu sadiharina Ahu ro manopot ho.

3:4 Alai adong do di Sardes otik goar ni halak, angka na so mangaramuni abitna;
nasida ma mardalan sogot rap dohot Ahu marabit na saksak, ai na tau do nasida.

3:5 Songon i ma uloshononhon abit na saksak tu na monang i; na so tupa be
sesaonku goarna sian buku hangoluan i, hatindangkononku ma goarna di jolo ni
Damang nang angka surusuruanna.

3:6 Ditangihon na marpinggol ma na nidok ni Tondi i tu angka huria!


Buku Ende Huria No. 826
Gohi au Tuhan

1. Gohi au Tuhan marhite HataMi
Gohi au Tuhan marhite HataMi,
Songon hudon na rumar do au Tuhan di sumurMi,
Gohi au Tuhan marhite HataMi.

2. Gohi au Tuhan marhite HataMi
Gohi au Tuhan marhite HataMi

Na mauas do tondingku O Tuhan di HataMi
Gohi au Tuhan marhite HataMi.


Buku Ende Huria No. 755
Haposan do Tuhan

1. Haposan Ho Tuhan, hot do holongMu
Di las ni roha ‘tingki arsak pe
Asi ni rohaMi nang pambaenanMu
Ho Sipalua ‘pangondingan pe.

Haposan Ho Tuhan, Haposan Ho Tuhan
Ndang na mansohot asi ni rohaM,

Nasa na ringkot di au ‘di parade
Tung ala ni asiM do i sude.

‘musik – instrument..

2. Logo ni ari nang rondo ni ari
Nang tano laut bulan bintang i

Sude tinompaMi manghatindangkon
Denggan ni basaMi di hami on.
Haposan Ho Tuhan…

Haposan Ho Tuhan haposan Ho Tuhan
Ndang na mansohot asi ni rohaM
Nasa na ringkot di au di parade
Tung ala ni asiM do i sude.

‘musik – instrument..

3. Di rade Ho do dame na manongtong
Di togu Ho do au di dalanki

Marlas ni roha au marpanghirimon
Jala margogo ala basaMi
Haposan Ho Tuhan……

Haposan Ho Tuhan haposan Ho Tuhan
Ndang na mansohot asi ni rohaM

Nasa na ringkot di au di parade
Tung ala ni asiM do i sude.

‘musik – instrument..


II Musa 33 : 1 – 6

33:1 Dung i ro muse hata ni Jahowa tu Musa: Laho ma ho, borhat sian on, ho dohot
bangso naung tinogihonmu ruar sian tano Misir laho tu tano naung pola huuarihon
tu Abraham, Isak dohot Jakkob, uju hudok: Tu pinomparmu tano i lehononku.

33:2 Husuru pe Suruanku manguluhon ho, hupabali pe anggo halak Kanaan, Amori,
Het i, Perisi, Hevi dohot Jebusi:

33:3 Ibana pe manogihon hamu tu tano habaoran ni susu dohot situak ni loba;
ndang tarbahen anggo Ahu nangkok di tongatongamuna, ai bangso na tangkang
marroha do ho, atik tung siap ho maon bahenonku di tongan dalan.

33:4 Jadi dung dibege bangso i hata na horas i, gondok ma rohanasida, jala ndang
adong nanggo sahalak na mamangke pangkeanna hian.

33:5 Alai nunga didok Jahowa hian hatana anggo tu Musa, patolhasonna tu halak
Israel: Bangso na tangkang marroha do hamu, nanggo satongkin Ahu nangkok di
tongatongamuna, ingkon siaphononku do hamu. On pe ditanggali be ma pangkeanna
sian ibana, asa huboto manang aha sibahenonku tu ho.

33:6 Jadi ditanggali halak Israel ma pangkeannasida be mandaodao sian dolok
Horeb.


Buku Ende Huria No. 770
Tu Debatami

1. Tu Debatami na sun gogo i
Sai maporus ma ho ganup ari
Di tanganNa do ho, molo musu ro
Tung na sonang di ampuanNa ho,

Di tanganNa do ho, molo musu ro
Tung na sonang di ampuanNa ho.

‘musik – instrument..

2. Tung sun hinagogo ni Tuhan I,
Ingot ma Debatam do mang-hophop.
Nang ponjot rohami, ndang na leleng i,
Tongkin nai, pujionmu Tuhan I.

Nang ponjot rohami, ndang na leleng I,
Tongkin nai, pujionmu Tuhan I.

‘musik – instrument..

3. Soara ni olop-olop nai,
Marsaringar di angka partigor.
Lan do gogo disi, mambaen monang i
Paima sahat sude tu surgo i.

Lan do gogo disi, mambaen monang I
Paima sahat sude tu surgo i.

‘musik – instrument..


LIRIK LAGU – INCLUDE = ENDE WORSHIP

About the Author

MMedia
pendukung informasi seputar Ghkbpkrjati
%d blogger menyukai ini: