Minggu 3 Des 2017

@2017

 

H.K.B.P Kramat Jati

MINGGU, 03 DESEMBER 2017
TOPIK : NA RO DO JAHOWA SONGON AMA

BE.590
Advent

1. Advent I do di tingki on
Marsaringar di tano on.
Ingkon rade oroan I
Managam Sipalua i

Advent, Advent,
na ro ma Tuhan I,
antong tagam ma.

2. Advent, gok olop-olop do
di langit ni parlangitan ni.
Mandok na ro ma Tuhan I
manopot huriaNa i.

Advent, Advent,
na ro ma Tuhan I,
antong tagam ma.

—instrument—

4. Advent, advent, advent,
advent martua do oroanNa i.
Na bisuk na marroha I,
marulos hatigoran I

Advent, Advent,
na ro ma Tuhan I,
antong tagam ma.

B.E No. 39
BEHA MA PAJALONGKU
BL. 156

1. Beha ma panjalongku
Di Ho O Tuhanki ?
Beha ma panomungku
Di Ho o Rajangki ?

Sondangi ma rohangku
na holom na bodo
Ai naeng patupaonku
Las ni rohaM di Ho

B.E No. 43
PADIRI ROHAMUNA
BL. 154

1. Padiri rohamuna
Hamu parroha i
Naung ro do tuamu na
Pasaehon dosa i

Ro sian ginjang do
Maningkir sidangolon
Ni nasa hajolmaon
Naeng buatonNa do

4. Asi rohaM Tuhanku
Parade ma au on
Manjangkon tu rohangku
Ho hatuaonkon

Bongoti rohangkon
Disi ma Ho maringan
Sai Ho ma ale Tuhan
Nampuna au tongtong

Markus 13 : 24 – 37

13:24 Alai di angka ari i, dung salpu haporsuhon ondeng, mangkolom ma mata ni ari jala ndang marsinondang be bulan i.
13:25 Mardabuan ma angka bintang sian langit i jala humuntal ma angka hagogoon ni parlangitan.

13:26 Jadi idaonnasida ma Anak ni jolma i ro marhitehon ombun, mantat hagogoon dohot hasangapon godang.
13:27 Laos disi ma suruonna angka pardisurgo papunguhon angka na pinillitna i sian desa na ualu i, sian suhi ni tano sahat ro di suhi ni langit.

13:28 Alai sian hau ara i ma guruhon hamu tudosanna. Ia dung martunasi punsuna jala rungkar bulungna, botoonmuna ma, naung jonok partaonan las.
13:29 Suang le songon i, jumpa diida hamu masa angka ondeng, botoonmuna ma, naung jonok hasosonggopna.

13:30 Situtu do hatangkon tu hamu: Na so tupa salpu bangso on, so jolo songgop sasudena i.
13:31 Salpu pe sogot langit dohot tano on; anggo angka hatangki, ndang na olo salpu!

13:32 Alai anggo arina dohot sadiharina, ndang adong na umbotosa, nang surusuruan na di banua ginjang, nang Anak i pe; nda holan Ama i!
13:33 Tagam ma hamu; dungo ma hamu, ai ndang diboto hamu, manang sadihari tingkina i!

13:34 Umpamana: Songon halak na marhutasada na manadingkon jabuna, disagihon do huaso tu angka naposona, tu ganup siulaonna be, jala sijaga pintu i didokkon marjaga.
13:35 Antong, dungo ma hamu, ai ndang diboto hamu, manang sadihari ro tuan nampuna bagas i, manang di bot ni ari, manang di na tonga borngin, manang di na martahuak manuk, manang di torang ni ari i.

13:36 So tung jumpangsa hamu modom, di na ro Ibana tompu !
13:37 Ai tu saluhutna hamu do hatangkon: Dungo ma hamu !

BE. 45
HOSIANNA ANAK NI
BL. 73.

2. Hosianna ro ma Ho,
tu bagasan rohanami,

Na manomunomu Ho,
ale Jesus Tuhannami.

Las do rohanami i,
molo bongot Ho tusi.

BE.593
Na hinirim na sai laon

1. Na hinirim na sai laon
Jesus Kristus ro ma Ho,
Sian dosa hatahuton
sai palua hami on.

Ho do gogo si haposan,
panghirimon nami I
Angka bangso saluhutna
paima bagabagaMi.

2. Ro ma Ho palua hami,
bangso na pinillitMi
Ro ma Ho Rajai ma hami,
saleleng-lelengnai.

Sai tumpahi hami monang,
marhitehite tondiM
Boan hami tu na sonang,
ala ni panghophopMi.

BE.544
Molo ro panjou ni Tuhan.
Logu.419

1. Molo ro panjou ni Tuhan,
molo salpu tingki on,

Molo binsar bintang sipaias i,
Jala sahat ma tu ginjang
angka na tinobus i,

Dohot au dibaen
Tuhanta lao tusi.
Molo jouon ni Tuhanta
angka goar di pustaha,

dibaen asi ni rohana,
alusanku
O Tuhanku, au dison.

—instrument—

2. Molo dapot tingki,
hehe angka na tinobus i,

Idaon nasida
Tuhan Jesus I.
Di pangkuling ni sarune
lao manomu Tuhan i.

Dohot au dibaen
Tuhanta lao tusi.
Molo jouon ni Tuhanta
angka goar di pustaha,

dibaen asi ni rohana,
alusanku
O Tuhanku, au dison.

—instrument—

3. Dibaen i, o, ale dongan,
ringgas be ma hita on,

Pararathon harajaonNa
i tongtong.
Ai dung salpu tingki on,
na masuk be tu surgo i.

Dohot au dibaen
Tuhanta lao tusi.
Molo jouon ni Tuhanta
angka goar di pustaha,

dibaen asi ni rohana,
alusanku
O Tuhanku, au dison.

—instrument—

KOTBAH
Jesaya 64 : 1 – 8

64:1 Aut ni haru diribahi ho angka langit i jala tuat ho, asa malala angka dolok maradophon ho! Songon pangalammauashon ni api di arsam, jala panggurguri ni api di aek laho pabotohon goarmu tu angka alom, asa angka hitir angka bangso parbegu maradophon ho.
64:2 Mida halongangan angka na binahenmi, angka na so hinirimhirim ni rohanami tuat ho gabe malala angka dolok maradophon ho.

64:3 Na so dung binege ni halak sian na robi, manang tarbortik, manang diida mata adong Debata, dungkon ni ho, na mambahen halongangan tu angka na marhaposan di ibana.
64:4 Ditomutomu ho do halak na hilas roha mambahen hatigoran, angka na paingotingot ho di angka dalanmu. Ida ma, nunga tutu tarrimas ho ala na mardosa hami, jala mansai leleng hami di bagasan angka dosa i; alai aut ni dipalua hami nian anggo nuaeng!

64:5 Jala doshon halak na ramun do hami sude, jala songon ulos na marsapu darodaro sude hatigorannami. Dibahen i malos do hami sude songon bulung, jala diluahon hajahatonnami do hami songon na niluahon ni alogo.
64:6 Jala ndang adong nanggo sahalak na pajoujou goarmu, manang hehe marsitiopan tu ho, ala ni nunga ditabunihon ho bohim maradophon hami, jala malampot ateatenami ala ni hajahatonnami.

64:7 Alai nuaeng ale Jahowa. Ho do amanami! Tano do ianggo hami, jala ho do sitompa hami, jala jadijadian ni tanganmu do hami sudena.
64:8 Sai unang ma marimashu ho, ale Jahowa, jala unang tongtong paingotingot hajahatonnami ! Ua ida jala tatap hami, ai bangsom do hami sude !

BE.536
Ditangihon Tuhan i.
Logu.412

1. Ditangihon Tuhan I
Hatani tangiang i,
Tung na pos do rohangki.
Puji Tuhan I

—instrument—

2. Dipasut hataNa i,
nasa bagabaga i,
Ndang boi ganggu rohangki.
Puji Tuhan I

—instrument—

3. Tung na hot do hata i
doshon batu mamak i,
I do pos ni rohangki.
Puji Tuhan I

—instrument—

4. Tiba mulak Tuhan I,
ndang binoto tingki i,
Sai rade ma rohangki.
Puji Tuhan I

—instrument—

Posted in Advent, Baptis, Buku Acara, Kebaktian MingguTagged , , , , , ,