Minggu 21 Juli 2019

Minggu ini : Pagi Masuk Pukul 06.00 wib & Siang Masuk Pukul 09.00 wib, Sore Pukul 17.000

HKBP KRAMAT JATI RESSORT KRAMAT JATI
ACARA MINGGU V DUNG TRINITATIS
DOHOT MANGHATINDANGHON HATA HAPORSEAN TU PARGURU MALUA T.A 2018/2019

Ep: 1 Rajaraja 3: 5 – 15
Ev: Jakobus 1: 2 – 12

TOPIK MINGGU:
MARHAPORSEAON HUHUT MARBISUK.
Minggu, 21 Juli 2019

Buku Ende Huria No. 585
Somba ma Jahowa

1. Somba ma Jahowa Debatanta
Amen Haleluya
Sigomgom langit tano on ro di isi na
Amen Haleluya

Beta hita lao, marsinggang tu joloNa
Amen Haleluya
na songkal jala na badia do Jahowa
Amen Haleluya

Endehon
Amen haleluya
Endehon
Amen haleluya
Endehon Amen haleluya
Endehon
Amen haleluya

Endehon
“Amen Haleluya”
Endehon
Amen haleluya
Endehon
“Amen haleluya”
Endehon
“Amen haleluya”.

2. Puji ma Jahowa Debatanta,
Amen Haleluya
Parasi roha na sumurung do Ibana,
Amen Haleluya

Taendehon ma goar ni Debatanta,
Amen Haleluya
Alani denggan ni basaNa na tu hita,
Amen Haleluya.

Endehon
Amen haleluya
Endehon
Amen haleluya
Endehon Amen haleluya
Endehon
Amen haleluya

Endehon
“Amen Haleluya”
Endehon
Amen haleluya
Endehon
“Amen haleluya”
Endehon
“Amen haleluya”.

instrumental – musikal

3. Sangap di Jahowa Debatanta,
Amen Haleluya
Na bonar jala marmulia do Jahowa,
Amen Haleluya
Tapatimbul ma goar ni Debatanta,
Amen Haleluya

Na tigor jala na sun gogo salelengna,
Amen Haleluya

Endehon
Amen haleluya
Endehon
Amen haleluya
Endehon Amen haleluya
Endehon
Amen haleluya

Endehon
“Amen Haleluya”
Endehon
Amen haleluya
Endehon
“Amen haleluya”
Endehon
“Amen haleluya”.


Buku Ende Huria No.435.
BL. 294. :
Marolopolop tondingki.

1. Marolopolop tondingki
ai naung ditobus Jesus i.
Hamu sude, bege ma i,
sai las rohangku mandok i

Sonang ni tingki i,
Dung jumpang Jesus Tuhanki.

Tondi na mangajari au,
tarbaen marlas ni roha au.

Sonang ni tingki i, dung jumpang Jesus Tuhanki.

4. O rohangki, sai tahan ma, sitobus ho ihuthon ma.
I ma tutu, nang mate ho, tu surgo do ditogu ho.
Sonang ni………

Sonang ni tingki i,
Dung jumpang Jesus Tuhanki.

Tondi na mangajari au,
tarbaen marlas ni roha au.
Sonang ni tingki i,
dung jumpang Jesus Tuhanki.


Patik,
Heber 11 : 1
Ibrani 11 : 1

11:1 Alai anggo haporseaon i, pos ni roha do i di angka sihirimon,
jala pamotoan na tontu taringot tu na so niida.


Buku Ende Huria No. 770
Tu Debatami

1. Tu Debatami na sun gogo i
Sai maporus ma ho ganup ari
Di tanganNa doho molo musu ro
Tung na sonang di ampuanNa ho,
Di tanganNa doho molo musu ro
Tung na sonang di ampuanNa ho ho.

2. Tung sun hinagogo ni Tuhan I,
Ingot ma Debatam do manghophop.
Nang ponjot rohami, ndang na leleng I,
Tongkin na I pujionmu Tuhan I.
Nang ponjot rohami, ndang na leleng I,
Tongkin na I pujionmu Tuhan I.

 


Buku Ende Huria No. 754
Gok las ni roha do au

1. Gok las ni roha do au
di ngolungkon, di ngolungkon
di ngolungkon

Gok las ni roha do au
di ngolungkon
tongtong di rohangkon

Mauliate
gok las ni roha
aringan holongMi
Tuhan di au

mauliate
gok las ni roha
Maringan holongMi
Tuhan
di au.

3. Gok do holong ni Jesus
di ngolungkon, di ngolungkon,
di ngolungkon.

Gok do holong ni Jesus di ngolungkon,
Tongtong di rohangkon.
Mauliate ………

Mauliate
gok las ni roha
aringan holongMi
Tuhan di au

mauliate
gok las ni roha
Maringan holongMi
Tuhan
di au.


Epistel,
1 Rajaraja 3 : 5 – 15

3:5 Apala di Gibeon ma patar Jahowa tu si Salomo di bagasan nipina
bornginna i, didok Debata ma: Pangido ma manang aha silehononku tu ho.

3:6 Dung i ninna si Salomo ma: Nunga dibahen Ho asi ni roha godang tu
naposom, damang si Daud, hombar tu parangena di jolomi di bagasan
hasintongan, hatigoran dohot habonaron ni roha maradophon ho, jala
nunga dipahot Ho di ibana asi ni roha na godangon, dilehon Ho di ibana
sada anak na juguk di atas habangsana, songon na masa nuaeng.

3:7 On pe, ale Jahowa, Debatangku, nunga dipabangkit Ho naposom gabe
raja singkat ni damang raja Daud; alai bajar dope ahu, ndang huboto
ruhut tu balian manang di bagasan huta.

3:8 Ia naposomon di tongatonga ni bangsom do, naung pinillitmi, bangso
na bolon, na so taretong jala na so habilangan dibahen deakna.

3:9 Dibahen i, lehon ma tu naposomon roha na pantas laho manguhum
bangsomi, asa huboto manirang na denggan sian na roa; ai tung ise ma
na tuk manguhum bangsom na marmulia on?

3:10 Dung i lomo ma roha ni Jahowa, ala songon i pangidoan ni si
Salomo.

3:11 Jadi ninna Debata ma tu ibana: Ala na songon i pangidoanmi, jala
ndang dipangido ho ginjang ni umur, jala ndang dipangido ho hamoraon,
jala ndang dipangido ho hosa ni angka musum, roha tahe pinangidom asa
tumimbang uhum.

3:12 Ida ma, bahenonku ma hombar tu hatam. Ida ma! Lehononku ma tu ho
roha na bisuk jala na pantas, asa unang adong tudoshon ho sian na robi
angka naung salpu i, nang na tubu muse.

3:13 Angkup ni na so pinangidom pe, lehononku do tu ho, nang hamoraon,
nang hamuliaon, asa unang adong tudoshon ho nanggo sahalak di
tongatonga ni angka raja saleleng ho mangolu.

3:14 Dung i molo sai tong marparange ho di angka dalanku laho
mangaradoti angka patikku dohot tonangku, songon parange ni amangmu si
Daud, tumpahonku ho huhut sarimatua.

3:15 Jadi dung ngot si Salomo, ida ma, nipina do hapengani. Jadi dung
sahat ibana tu Jerusalem, jongjong ma ibana di jolo ni poti parpadanan
ni Jahowa, jala dipelehon angka pelean situtungon, dibahen huhut angka
pelean hamauliateon, jala dilehon mangan saluhut naposona.


Buku Ende Huria No. 792
Pasu-pasu hami O Tuhan

reff:
Pasu-pasu hami o Tuhan
sai usehon dameMi,
Sai ampehon tanganMi Tuhan,
Lehon tu au gogoMi

1. di portibion Baen ma au Tuhan
habaoran ni las ni roha
Tu na marsak i, tu na dangol i,
gabe pangapuli i.

reff:
Pasu-pasu hami o Tuhan
sai usehon dameMi,
Sai ampehon tanganMi Tuhan,
Lehon tu au gogoMi

4. Diportibion baen ma au Tuhan,
Sipajongjong hatigoran,
Pargogoi ma au, raphon HuriaM,
Patupahon na denggan.
Pasu-pasu hami O Tuhan ………

reff:
Pasu-pasu hami o Tuhan
sai usehon dameMi,
Sai ampehon tanganMi Tuhan,
Lehon tu au gogoMi

Buku Ende Huria No. 826
Gohi au Tuhan

1. Gohi au Tuhan marhite HataMi
Gohi au Tuhan marhite HataMi,
Songon hudon na rumar do au Tuhan di sumurMi,
Gohi au Tuhan marhite HataMi.

2. Gohi au Tuhan marhite HataMi
Gohi au Tuhan marhite HataMi
Na mauas do tondingku O Tuhan di HataMi
Gohi au Tuhan marhite HataMi.

3. Gohi au Tuhan marhite HataMi
Gohi au Tuhan marhite HataMi
Asa tang jala matoras au marhite HataMi
Gohi au Tuhan marhite HataMi.


Evangelium,
Jakobus 1 : 2 – 12
Yakobus 1 : 2 – 12

1:2 Ale angka donganku, las ni roha sambing ma rajumi hamu i, anggo
madabu hamu tu bagasan ragam ni pangunjunan.

1:3 Boto hamu ma: Na mangkorhon habengeton do pangunjunan na tu
haporseaonmuna.

1:4 Alai ingkon dihorhon habengeton i do ulaon na sun denggan, asa
gabe rimpas hamu, angka na so marlindang, na so marnahurang.

1:5 Ai molo adong di tongatongamuna na hurangan bisuk, dipangido ma tu
Debata, na bulus mangalehon di saluhut jala ndang marpangea, dung i
lehononna ma tu ibana.

1:6 Alai di bagasan haporseaon ma ibana mangido, unang marganggu ni
roha; ai na ganggu roha i, tudos do tu galumbang ni laut, na
pinahuturhutur jala na pinalindaklindak ni alogo.

1:7 Unang ma diparbaga roha ni halak i, jaloonna agia aha sian Tuhan
i!

1:8 Ai halak na mardua roha, na gaor do i di saluhut angka dalanna.

1:9 Alai dipuji dongan na toruk i ma dirina siala timbona i!

1:10 Songon i na mora i, siala hatoruhonna; ai na laho salpu ma ibana
songon bungabunga na di ladang i.

1:11 Ai binsar ma mata ni ari dohot mohopna, jadi rahar ma duhut i,
marurus ma bungana, mago ma rupana na jengkar i. Songon i ma laho
malos na mora i di bagasan angka dalanna.

1:12 Martua do halak na manaon di pangunjunan i: Ai dung tau ibana,
jaloonna ma tumpal hangoluan, naung diparbagabaga tu angka na holong
roha di Ibana.


Buku Ende Huria No. 512 Logu.352 :
Didalani Jesus Tano dohot Laut.

1. Didalani Jesus tano dohot laut
Tahi holong ni rohana di pasaut,

Na mura luhut dibaen tondina I,
Dung disesa utang ni dosanta i.

Hahaanggi, ro hamu sude,
ta arahon ma donganta be,

Hahaanggi, dao nang jonok be!
Hara tu joloNa donganmu sude.

2. Nunga monang di jabum hataNa i?
Hata I dipangke Ho sinjatami?

I do hapistaran na sumurung i,
Jumpang do mura sudena baenon nii.

3. Dongan, pinalua ni Tuhanta I,
Taondingi, taapoi na lilu i.

Asa lam dame luatta , lam ture,
Itahaholongi ma donganta be.

4. Ganggu roha mida pangunjunan i,
Moru pe gogonta lao marungkil i.

Sai tabereng dompak Jesus Tuhan I,
Ganda hiras ni rohanta baenon nii.

5. Tung na sae do halalas ni rohangki,
Anggo mulak tu Tuhanku dongan i.

Rap tapuji ma Tuhanta Jesus i,
Ala tamba muse na tu surgo i.