Minggu 04 Agust 2019 VII Dung Minggu Trinitatis

Minggu VII Dung Minggu Trinitatis
Tahun 54, Minggu 31/VIII/2019

Topik Minggu :
“Debata do Hagogoon di Ganup Parungkilon /
Tuhanlah Kekuatan di tengah Pergumulan”

Minggu, 04 Agust 2019
Di Minggu Pukul 06.00 dohot Arian 10.15 WIB


Buku Ende Huria No. 28
HATA NI JAHOWA
BL. 203

1. Hata ni Jahowa
Sipadame jolma Hangoluan i

Halalas ni roha
Siapuli roha
Ni na marsak i

Gogo ni Debatangki
Paluahon na porsea
Sian nasa jea.

2. Nasa tinahina
Tagan so ditompa
Tano on dope
Nang na tinuduan
Ni sude pelean Jumpang do muse

Sangkap ni Amana i
Dipatulus Jesus kristus
Jolma i ditobus.

instrument/musik..

3. Na rade di hita asi ni rohaNa
Nang basaNa pe

Nunga mate Kristus
Nunga sun ditobus
Hita on sude

Sangap ma di Debata
Na porsea di hataNa
Do pangoluonNa


Buku Ende Huria No. 215
NA MARTUA NINNA JESUS
BL. 88

4. Molo mauas tondimuna
Mida hatigoran i
Na martua do hamuna
Ai tutu ma jumpang i

Sai na sonang roha ni
Na marhatigoran i

6. Angka na lidang marroha
Na so saor tu dosa i
I do na tarbaen marnida
Ama na badia i

Sai na sonang roha ni
Na pasiding dosa i


Patik : I Petrus 5 : 7

5:7 Tinggangkon hamu ma nasa na hinolsohon ni rohamuna tu Ibana, ai disarihon do hamu!


Buku Ende Huria No.417.
BL. 278. :
Rade situtu haluaon.

1. Rade situtuhaluaon,
na naeng tangkuponmu antong.
Rade nang di ho ha tuaon,
si halashononmu tongtong.

Bernit do di taon Tuhanmu
pasaehon dosam
sasude.

Tung unang paujat Ibana,
Sai jangkon pangkophopNa i.

2. Patedek sude hahurangan,
topoti sandok dosami,
Pangido, Sai sesa o Tuhan,
sude pangalaosionki.

Datdati, sai saut botoonmu
naung sesa dosam sasude ;

Mardame dagingmu nang tondi,
maniop tongtong Tuhan I.


Buku Ende Huria No.460.
Ala ni Tuhan Jesus.
Logu. 319.

1. Ala ni Tuhan Jesus marendeende au.
Asi tongtong rohaNa nang
pe pardosa au.

Ibana na padomu au dohot Debata.

MudarNa diusehon di dolok Golgata.

2. Ala ni Tuhan Jesus mamujimuji au.
Holong tongtong rohaNa,
holong marnida au.

Godang do hasusaan dihasiangan on,

Asal ma di tanganNa na sonang au tongtong.


Epistel,
I Tessalonika 4 : 13 – 18

4:13 Alai naeng ma tangkas botoonmuna, ale angka dongan, taringot tu angka naung monding i, asa unang marsak hamu, songon angka na leban, na so marpangkirimon.

4:14 Ai molo porsea hita, naung mate Jesus dohot hehe, sandok togihonon ni Debata do rap dohot Jesus nang angka naung monding marhitehite Ibana.

4:15 Ai hata ni Tuhan i do na hupasahat hami nuaeng tu hamu: Ia mangolu pe hita, angka na mian ro di haroro ni Tuhan i, nda tung sumurung hita sian nasida naung monding i.

4:16 Ai na tuat ma Tuhan i sian banua ginjang mardongan suraksurak, marsoara ma raja ni surusuruan, tarbege ma sarune ni Debata. Dung i hehe ma jumolo angka na mate di bagasan Kristus.

4:17 Dung songon i, hita na mangolu dope, angka na mian i, taitonna ma hita raphon nasida di bagasan angka ombun, laho manomunomu Tuhan i tu langit an; jadi olat ni i sai tongtong ma hita rap dohot Tuhan i.

4:18 Antong, masiapulan ma hamu marhitehite angka hata i


Buku Ende Huria No.258
SAI HUTUJU
BL. 218

1. Sai hutuju, Hangongolu, Na pasabam au
Sai hugogo, Lao tu surgo paima sahat au

Sabat hupasiding do, Hata on huingot do
Sai datdati, Manjalahi Hasonangan i.

3. Ale Jesus, Sai pabulus
Langkangki tu Ho
Pargogoi ma, Au na loja, Na maheu do

Sai apoi ma rohangkon, Manundalhon tano on
Baen malua, Baen martua, Au pardagang on.


Buku Ende Huria No. 707
Hagogoon dohot apulapul

1. Hagogoon dohot apulapul
do dilehon Tuhan I tu au,
Ganup ari au ditogutogu
ganup tingki diondingi au.

Ai hombar tu lomo ni rohaNa
do dilehon Tuhan I tu au

Ro marsorin arsak las ni roha
haporseaonhu dipatau.

instrument/musik..

2. Ganup tingki Tuhan raphon ahu
Jala sai dipasupasu au.
Sai di togu au molo madabu,
Talu musu jala monang au.

Ai pargogo nasohatudosan,
Debatangku salelengna i

Mangalehon dame dohot tua,
Tu angka nabojok roha i.

instrument/musik..

3. Songon Ama do tu anakkonNa
Holong ni Tuhanta I tu au.
Ndang mansadi pangurupionNa
Hombar tu padanna na tu au.

Debata Amanta na di ginjang
I do haposanhu sai tongtong.

Dipangiringiring ni tanganNa,
Dame, sonang do rohangkinon.

instrument/musik..


Evangelium,
Habakuk 3 : 14 – 19

3:14 Ditullang ho do marhitehite guringanna sandiri ulu ni partogina, angka na dorongdorong, songon habahaba, paserak ahu; angka na marolopolop, songon na laho manganhon halak na dangol disihabunian.

3:15 Dibolus ho do laut i marhite sian angka hodam, ditondong ho do galumbang ni torop angka aek magodang na gunsang.

3:16 Nunga hubege baritana, jadi dibaling do butuhangku, angka hitir bibirhu dibahen suara i; ro do tahe habusukon tu bagasan holiholingku, jala mardugu ulu ni tothu; asa hupahohom ahu di ari hagogotan, molo martahop dompak bangso i na mangarupa nasida.

3:17 Ai ndang martumbur disi hau antajau, jala ndang marparbue angka hau anggur, lambang do bunga ni hau jetun, jala ndang dapot sipanganon sian angka hauma; rasip do angka birubiru sian balian, jala ndang adong be jonggi di bagasan bara.

3:18 Alai anggo ahu, * marolopolop ma ahu di bagasan Jahowa, jala mariaia ahu mida Debata ni hatuaonku.

3:19 Jahowa, Tuhan i do hagogoonku, jala * dibahen ibana do pathu tudoshon ursa tini, jala toguonna do ahu dumege angka dolokdolokku. I ma di pande ende mardongan parhinaloan


Buku Ende Huria No. 769
Tu Debata do panghirimon

1. Tu Debata do panghirimonki,
di laut nang awangawang i,
Ibana do haposanki,
tongtong do diramoti langkangki.

Torop pe mara manahopi au,
Debatangki do sumarihon au,
pos rohangki, sonang do au
bana do na mandongani au.

instrument/musik..

2. Amporiki nang bungabunga i,
Ro di sude na tinompaNa i,
Na metmet nang na balga i,
Ibana do na marmuduhon i,
Torop pe mara…

Torop pe mara manahopi au,
Debatangki do sumarihon au,
pos rohangki, sonang do au
bana do na mandongani au.

instrument/musik..


Ende Pandidion Na Badia

Buku Ende Huria No.146
PAIAN MA DI HAMI
BL.6

1. O Jesus naeng tardidi Do posoposo on
Sai ro ma mangaligi Huhut manjalo on.

2. Diboan natorasna Nasida be tuson
Ai naeng pasahatonna Tu Ho dakdanak on.

Buku Ende Huria No.147
JESUS HAMI RO DISON, ASA
BL. 78

6. Sahat ma tu rohaMi,
Jesus pangidoannami
Togu i tu surgo i,
Sai olio ma sangkapnami
Nang goarna i,
o Tuhan Baen tu buku hangoluan

 


info Retreat :
Wijk Kramat Jati I Puncak Bogor, Tgl 03 – 04 Agustus 2019 Bersama Bapak Pendeta E. Napitupulu S.Th