Ibadah Paskah Pertama 2018

“HAPPY EASTER DAY” 

 

 

 

 

 

 

 

 

 

 

 


Masuk Ibadah “Hari Minggu Paskah”

  • Manogot Pukul : 06.00 wib (Pagi – Bhs Batak Toba)
  • SKM Pukul : 07.30 wib (Anak Sekolah Minggu : Telur Paskah & Game SKM )
  • Arian Pukul : 10.15 wib (Siang – Bhs. Batak Toba)
  • Remaja Pukul 10.15 (Siang)
  • Botari 17.00 wib (SORE – Bhs Indonesia)

Parheheon Parompuan” Seksi Parompuan, bertugas penuh pada pelayanan Ibadah Minggu Paskah.


PASKAH PARJOLO 01 April 2018,

ACARA MINGGU I DI ARI PARNINGOTAN HAHEHEON NI JESUS KRISTUS

Gereja H.K.B.P Kramat Jati

– Manogot Masuk Ibadah Pukul 06.00.00 (Pagi), dan
– Arian Masuk Pukul 10.15.00 (Siang)

Rangkuman Acara Ibadah, Se-Distrik DKI Jakarta (bhs.batak toba)

TOPIK MINGGU :
“GABE SITINDANGI HAHEHEON NI KRISTUS”
Ulaon Apostel 10 : 39 – 43.

ACARA MINGGU PESTA PARJOLO PARNINGOTAN
HAHEHEON NI TUHAN JESUS

KAIN ALTAR : NA BONTAR / PUTIH

01. Joujou tu parsaoran dohot Debata (L : Liturgis ; R: Ruas)
02. Marende BE. No. 96 : 1+ 3 – 4 “Nunga Talu Hamatean” BL. 101

1. Nunga talu hamatean dibaen Tuhan Jesus I.
Ai na hehe do Ibana songon na nidokNa i.
Haleluya, Haleluya, nunga hehe Jesus I.
Haleluya, Haleluya, nunga hehe Jesus I.

3. Marlasroha be ma hita ala hehe Jesus I.
Ai malua sude hita sian hamagoan i.
Haleluya, haleluya, nunga hehe Jesus I.
Haleluya, haleluya, nunga hehe Jesus I.
Instrument………..

4. Sai tapuji ma Tuhanta na marholong roha i.
Tapasangap ma Ibana na marasiroha i.
Haleluya, haleluya, nunga hehe Jesus I.
Haleluya, haleluya, nunga hehe Jesus I.

03. Votum – Introitus – Tangiang

L : Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Porbadia na tumompa langit dohot tano on. Amen. Unang ho mabiar, Ahu do bonana dohot ujungna. Na mangolu do, jala naung mate do Ahu najolo, jala ida ma, Ahu do na mangolu ro di salelenglelengna, jala di Ahu do anak hinsu ni banua toru dohot hamatean. Haleluya.

L : ( Mangendehon) : Haleluya, Haleluya, Haleluya

L : Martangiang ma hita.
Ale Tuhan Jesus, Tuhannami! Na mandok mauliate do hami tu Ho, ala di taluhon Ho do dosa dohot hamatean marhitehite hamamateMi, ala disondangi Ho tanomannami, asa marpangkirimon namangolu hami ala ni haheheonMi. Ndang be mabiar hami mida hamatean, ai Ho do ulunami, ruasMu do hami. Dipaunsat Ho do hami sian haholomon tu hatiuron. Sian hamatean tu hangoluan. Antong pargogoi ma hami mamuji dohot mangoloi Ho ariari, pasangaphon Ho di bagasan haporseaon na mangolu, paima sahat hami tu lambungMu. Amen. (Hundul)

04. Marende BE. No.92 : 3,7 “Puji Ma Na Manaluhon” BL. 178

3. I do las ni rohanami lao mamujimuji Ho. Ndang be sitoruan hami ala na dung mate Ho. Dungkon i mangolu Ho Nunga ringan tondinami. Sian hangongoluMi ala hamonanganmi.
7. Ala nii sai las rohangku nang pardagang au dope. Ho tinatap ni matangku atik pe na dao dope. Mian do tondiM di au asa tong togu rohangku mangeahi surgoMi paima sahat au tusi.

05. P a t i k

1 Korin 15:57-58. Songon on ma didok disi :

Alai mauliate ma di Debata, na pamonang hita marhitehite Tuhanta Jesus Kristus. Onpe, hamu angka donganku na hinaholongan, marsihohot jala so mubauba ma hamu, jala lam sumurung ma tongtong di bagasan ulaon ni Tuhan I, ai diboto hamu do: Ndang magopo halojaonmuna di bagasan Tuhan i.

06. Marende BE. No. 633 : 1 – 2 “Nunga Hehe Kristus i” BL. 633

1. Nunga hehe Kristus i, Haleluya; sian hamatean i, Haleluya.
Parlangitan jouhon ma, Haleluya, tano on alusi ma, Haleluya.
Instrument………..

2. Singkop panghophopNa i, Haleluya; Gok hamonanganNa i, Haleluya. Sondang haluaon i, Haleluya. Patiur dalanta i, Haleluya.

07. Manopoti dosa

08. Marende BE. No. 93 : 2 “Pesta Paska Hatuaon” BL. 94

2. Talu ho banua toru, Ndang tarbahen tiopanmu
Raja siparngolu i, Raja siparngolu i Hamatean, hamagoan , na so pola habiaran; Nunga talu i sude.

11. Epistel : Jona 2 : 1 – 10

L : Hata ni Debata turpuk di Pesta Parjolo Haheheon ni Tuhan Jesus, ima na tarsurat di Jona 2:1-10: Dung i diparo Jahowa ma sada ihan raja, asa di bondut si Jona. Jadi dibagasan butuha ni ihan i ma si Jona tolu ari tolu borngin.

R : Dung i martangiang ma si Jona tu Jahowa Debatana, sian butuha ni ihan i.

L : Jala didok ma: Joujou do ahu sian hagogotanhi tu Jahowa gabe dialusi Ibana ahu. Sian butuha ni parbeguan ahu mangangguhi: Ditangihon ho do soarangki!

R : Nunga direonghon ho ahu tu bagasan lung tu bagasan pusupusu ni laut, gabe pusat manghaliangi ahu, sude * angka ombakMi dohot galumbangMi mangalingkupi.

L : Ianggo ahu, nunga hudok: Nunga bali ahu sian jolo ni mataM; alai tahe ulahanhu dope mamereng dompak joro habadiaonMi.

R : Nunga nian dihaliangi angka aek i ahu, pola tos hosangku, lung i pasampaksampak ahu sirambon do alit tu ulungku.

L : Nunga mangungkor ahu sahat tu bona ni angka dolok, ransangransang ni tano on pe nunga tarsordak humaliang ahu ro di salelenglelengna. Alai dipanangkok ho ngolungku sian godung ale Jahowa Debatangku.

R : Uju mandate hosangku di bagasan, Jahowa ma huingot, jadi sahat ma tangianghu tu Ho, tu joro ni habadiaonMi.

L : Alai halak na marsomba tu ganaganaan sipaotooto, i ma na manadinghon hasonangannasida i.

R : Alai anggo ahu mardongan soara pujipujian ahu mamele tu Ho, gararonhu do na huparbagabaga, Jahowa do nampuna hatuaon.

L : Ima sahatna, Martua do na tumangihon hata ni Debata jala na umpeopsa. Amen

12. Marende BE. No. 89 : 3,5 ”Ate Didia Soropmi” BL. 130

3. Mangolu do naung mate i, hurungan di lohahon.
Dirante do musuNa i, tabanNa diarahon.
Tung ise na mangate be, mangalo Ulubalang i,
Na so tarbaen so monang
———jongjong—–
5. Ai manang ise na burju paubahon rohana. Na mangalehon situtu di Jesus i rohana. Ido dongan ni Jesus i tumean hangoluan i saleleng ni lelengna.

13. Manghatindanghon Haporseaon

14. Tingting

15. Koor /Persembahan Pujian

16. Marende BE. No. 91 : 1 – 5 “Hatuaon Do” BL. 55
( P. Pelean 1a & 1b)
1. Hatuaon do las ni roha do hangongot ni Tuhanta i
Mago do hita, ngot ma Tuhanta, las be, las be ma rohanta i.
Mago do hita, ngot ma Tuhanta, las be, las be ma rohanta i.

2. Hatuaon do las ni roha do hangongot ni Tuhanta i
Monang do Jesus, talu si bolis, las be, las be ma rohanta i.
Monang do Jesus, talu si bolis, las be, las be ma rohanta i.
————————–MUSIK———————–

3. Hatuaon do las ni roha do hangongot ni Tuhanta i.
Mungkap do dalan tu hangoluan, las be, las be ma rohanta i.
Mungkap do dalan tu hangoluan, las be, las be ma rohanta i.

4. Hatuaon do las ni roha do hangongot ni Tuhanta i.
I ma gogonta dompak dosanta, las be, las be ma rohanta i.
I ma gogonta dompak dosanta, las be, las be ma rohanta i.
————————–MUSIK———————–
5. Hatuaon do las ni roha do hangongot ni Tuhanta i.
Monang ma hita jumpa ajalta, las be, las be ma rohanta i.
Monang ma hita jumpa ajalta, las be, las be ma rohanta i.

17. Jamita : Ulaon Apostel 10 : 39 – 43

18. Marende BE. No. 95 : 1 – 3 “Haleluya Taendehon” BL. 222
( P. Pelean II tu Kategorial Parompuan HKBP)

1. Haleluya ! taendehon nuaeng di ari haheheon ,
Tuhanta Siparmonang i. Ai malua do Ibana, haruar sian tanomanNa,
Na talu hamatean i. Sun ulaonNa i dibaen Tuhanta i, haleluya ,
Naung sahat di Tuhanta i;upaNa na sumurung i.

2. Tongam di parungkilonNa di pangke Jesus i gogoNa,
Mangalo si pangago i.Hita naung pinarhatoban ni setan dapot haluaan,
Dibaen hamonangonNa i. Naung sae utangta i digarar Jesus i, haleluya,
Di Tuhan i rohanta i;Salelengnilelengna i
Instrument……………
.
3. Naso pola habiaran ni hita on be hamatean, ai hita pe sai hehe do.
Molo burju taihuthon Tuhanta i di parungkilon,
sai ingkon tu lambungNa ro. Diboan Jesus i do hita on muse tu lambungNa, Parmonang i, sai saut ma i;binaen ni hagogoonMi.

19. Tangiang Panutup : Pelean – Ari Haheheon – Ale Amanami –
Pasu-pasu – Amen-Amen-Amen.

Pandita, Biblevrow dohot Sude Sintua
HKBP Ressort Kramat Jati
&
Praeses dohot sude Pangula Nagok Tingki
se HKBP Distrik VIII DKI Jakarta
pasahathon tu sude ruas ni Hurianta “SELAMAT HARI PASKAH 2018”

 


Yy Maps :

Posted in Kebaktian Minggu, Parheheon Parompuan, PaskahTagged , , ,