Ibadah Minggu Pagi 27 Jan 2019 Pagi

Minggu III Setelah Ephipanias

Topik Minggu :
“Unduk ma tu debata Sitompa Saluhut /
Tunduklah Kepada Allah Sang Pencipta”

Buku Ende Huria No.15
AUT NA Saribu hali ganda
BL. 103

  1. Aut na saribu hali ganda saringar ni soarangki

Naeng nasa gogo bahenonku mamuji Debatantai

Paboa las ni rohangki hinorhon ni pambaenna i

  1. Tung sura sahat soarangku tu ujung ni portibion

Naeng nasa jolma haraonku mamuji Debata tongtong

Tama do nasa hosangki hubaen pasangap Tuhan i

instrument…

  1. unang ma modom Ho tondingku
    sai ngot ma ho sai hehe ma

radot ma ho di ulaonmu sai puji Tuhan Debata

sai pangke nasa malomi mamujimuji Tuhan I

Buku Ende Huria No. 574
Puji ma Debata

  1. Puji ma puji ma Debata
    na ni ainNa do umpuji Debata

Nunga sesa dosami, malum do hot rohami.
Puji ma puji ma Debata
na ni ainNa do umpuji Debata

Buku Ende Huria No. 74
SAI MARLASNIROHA HITA
BL. 175

  1. O Hamu ale pardosa Molo naeng sonang hamu
    Sai tangihon ma soara Ni Tuhanta I burju

Sai pauba rohamu Jangkon Jesus i tutu
Asa saut paluaonNa Tondimuna sian dosa

  1. Nunga ro na mangapuli Roha ni parbegu i
    Sahat do nuaeng na uli Tu na olo unduk di

Tuhan Jesus Raja i Naung ro sian surgo i
Sai tapuji ma Ibana Jala taoloi hataNa.

Buku Ende Huria No. 71
BEHA MA PANJALONGKU
BL. 156

  1. Laos tong do Ho marsangap
    Huhut na songkal pe
    BasaM do na gumortap nang hatigoranMi

Sude na burju roha
Do diramoti Ho
Alai na jungkat roha
Sai aloonMu do

  1. Lopokkon tu rohangku
    HataM na sintong i
    Patiur ma rohangku
    Marhite bintangMi

Ho ingkon oloanku
Rap dohot dongan i

Tongtong do Ho Rajangku
Nuaeng nang sogot pe.

EPISTEL
Ulaon Ni Apostel 15 : 1 – 11

15:1 Jadi adong ma na tuat sian luat Judea; songon on do dipodahon tu angka dongan i: Molo so tarsunat hamu mangihuthon agama ni si Musa, ndang tarbahen hamu gabe malua.

15:2 Jadi guntur ma huria i, pola gogo do nasida dialo si Paulus dohot si Barnabas. Dung i disuru ma si Paulus dohot si Barnabas rap dohot dongan deba nari sian nasida nangkok tu Jerusalem manopot angka apostel dohot angka pangituai, patorangkon salisi i.

15:3 Dibolus nasida na pinaborhat ni huria i ma tano Penisia dohot Samaria, dipajojor ma disi hamumuba ni roha ni angka sipelebegu, gabe las situtu ma roha ni sude angka dongan i dibahen.

15:4 Jadi dung sahat nasida tu Jerusalem, dijangkon na sahuria i dohot angka apostel ro di angka pangituai ma nasida, jadi dibaritahon nasida na ro i ma godang ni na niula ni Debata marhite sian nasida.

15:5 Dung i hehe ma na deba sian rongkanan ni halak Parise, angka naung gabe porsea, mandok: Ingkon sunaton do nasida jala apoan, mangaradoti patik ni si Musa.

15:6 Dung i marpungu ma angka apostel i ro di angka pangituai, sumulu hata i.

15:7 Alai dung leleng marsual, hehe ma si Petrus, ninna ma mandok nasida: Hamu angka hahaanggi! Diboto hamu do, naung tibu dipillit Debata ahu di tongatongamuna, laho patubegehon tu halak sipelebegu barita na uli i, asa porsea nasida.

15:8 Debata sitanda roha i sandiri do sitindangi di nasida, marhite sian na nilehonna i Tondi Parbadia i tu nasida songon na tu hita.

15:9 Ndang dia imbarna hita dohot nasida dibahen Debata, dung dipaias rohanasida hinorhon ni haporseaon i.

15:10 Antong, boasa ma unjunanmuna Debata nuaeng, laho mangampehon auga tu rungkung ni angka sisean, na so tarusung angka amanta i nang hita pe.

15:11 Marhite sian asi ni roha ni Tuhan Jesus do tahe, umbahen na malua hita dihaporseai rohanta; nasida pe songon i do.

Buku Ende Huria No.174
TOROP DOPE
BL. 184

  1. Torop do pe na siat i
    Di hasampuran rea

I pe hamu pardosa i
Sai olo ma porsea

Ai Debata manjou hamu
Tu hasonangan situtu
Hamu, hamu..
Dijou Debata-mu.

  1. Haporseai ma hata i
    Ai i do haluaon
    Haposi Tuhan Jesus i
    MudarNa i ma golom

Ai nang gok dosa rohami
Malua ho bahenon ni
Tutu, tutu
Malua baenon ni.

Buku Ende Huria No.273
JESUS TUHANKU RAJAI MA AU
BL.240a

  1. Jesus Tuhanku rajai ma au on Asa mangihut tu Ho au tongtong

Topot rohangku ingani ma i Unang be masuk na asing tusi

Jesus pasonang rohangku tongtong Asa marguru tu Ho au tongtong

musik instrument…

  1. Tung na godang do pardangolanki Tagan so Jesus dope tohaphi

Lan hasusaan tongtong ro tu au Tong do sai asi rohana di au

Sai tong disesa dosangku sude Hangoluanku Ibana muse.

musik instrument…

  1. Nang pe mangonggop sibolis di au Jala magigi musungku di au

Ndada mabiar au pos rohangki Pangodinganku sai Jesus do i

Asal diida Immanuel i Ingkon sumurut sude musu i.

musik instrument…

  1. Na marhaposan tu Jesus tahe Sai na martua ibana muse

Na marsigantung tu Jesus tutu Jala marroha na bonar burju

Sonang ibana di portbi on Sonang nang sogot di surgo tongon.

musik instrument…

JESAYA 45 : 18 – 25

45:18 Ai songon on do hata ni Jahowa, sitompa angka langit, ibana do Debata, Sijadi tano on jala pasunhon; ibana do paojakkonsa ndada laos rumar umbahen ditompa, bahen inganan ni jolma i do umbahen dijadihon: Ahu do Jahowa jala dungkon ni ahu ndang adong be.

45:19 Ndang dung hudok hatangku di sihabunian, manang di inganan na holom di tano i; ndang dung hudok tu pinompar ni si Jakkob: Ndang marguna pangaluluimuna di ahu! Ahu do Jahowa na mandok hatigoran, na mamaritahon hasintongan.

45:20 Marluhut ma hamu jala rap ro ma hamu tu lambungkon, hamu ale angka naung malua sian bangso parbegu! Ndang adong diboto nasida angka na mangusung hau bahen ganaganaannasida, jala angka na marsomba tu Debata, na so tarbahen paluahon.

45:21 * Marboaboa ma hamu, jala ro jumonok martuptup sama hamu! Tung ise ma naung patubegehon i sian na robi manang mamaritahonsa? Nda ahu do Jahowa jala ndang adong Debata, dungkon ni ahu, Debata na bonar jala silehon tua, ndang adong Debata dungkon ni ahu.

45:22 Dompakkon hamu ma ahu, asa martua hamu nasa ujung ni tano on! Ai ahu do Debata, jala ndang adong dungkon ni ahu.

45:23 Nunga pola marmangmang ahu tu diringku, jala ruar sada hata hatigoran sian pamanganku na so tupa mulak: Ingkon * lompit sogot nasa ulu ni tot marsomba tu ahu, jala marmangmang tu ahu saluhut dila.

45:24 Mandok: Holan di bagasan Jahowa do angka * hatigoranku dohot hagogoonku. Ro be do tu ibana, alai maila sude angka na hehe mangalo ibana.

45:25 Di bagasan Jahowa dapotan hapintoran jala marolopolop sandok pinompar ni Israel.

Buku Ende Huria No.No 280
TONGTONG TUTU NA DENGGAN DO
BL. 173

  1. Tongtong tutu na denggan do, Pambaen ni Debatanta
    Matua so solsolan do, Sude do i marhata

Pos ma roham, Di Debatam Ihuthon ma, Ibana Na bonar do rohaNa.

musik instrument…

  1. Ndang dung mangansi hata ni, Mangaliluhon iba
    Ndang dung geduk pambaenna i, Lao maminsangi iba

Sai na ture Do i sude, Sude do i marala, Ndang dung Ibana sala.

musik instrument…

  1. Diboto Debatanta I, Na denggan i di hita
    Na so tagamon baenon ni, Na so ture dihita

Dibahen i Di rohangki, Denggan do unduk hita, Di hata ni Tuhanta.

musik instrument…

  1. Denggan pambaen ni Tuhanki Tiur dibaen langkangku
    Tongon do hangoluanki, Ditongos Debatangku

Patar ma i Di tingki ni, Hapapatarna sogot, Dung au tu surgo bongot

musik instrument…

  1. O Jesus tatap hami on, RohaM nama di hami
    Di Ho ma tondinami on, Dihokhop Ho do hami

Tongtong burju Huhut tutu Ho hangoluannami, Sai Ho do Rajanami.

musik instrument…

About the Author

MMedia
pendukung informasi seputar Ghkbpkrjati
%d blogger menyukai ini: