IBADAH MINGGU 12 Januari 2020

HKBP Kramat Jati Jakarta, Minggu 12 Januari 2020

Minggu : I
Dung EPHIPANIAS

Topik Minggu :
“Naposo ni Debata Gabe Panondang tu angka Bangso”
(Hamba Tuhan menajdi Terang Bagi Bangsa Bangsa)


Buku Ende Huria No. 71
BEHA MA PANJALONGKU
BL. 156

1. O Raja na sumrung, O Jesus Tuhanki
Na so hea marujung, Do harajaonMi

Pasangap ma goarMu, Di hasiangan on
Paro ha rajaonMu, Di atas tano on.

2. Parroha sian purba, Na ro sumomba Ho
Diboan siluana, Lao pasangaphon Ho

Diida do bintangmu,
Na marsinondang i
Paboa nungnga tubu, Ho Sipalua i

instrument/musik

3. Ho do marhasangapon,
Hian o Tuhanki
Alai di hamoraon,
Ndang ringkot rohaMi

Ndang ro Ho manjalahi,
Ugasan tano on
Na porsuk do ditaoni,
Ho di portibi on


Buku Ende Huria No. 716
Di na mamolus sandok ngoluon

2. Sai baritahon Jesus na burju,
tuk manesa dosa i,

Asa porsea di Jesus tutu,
denggan pambaenmu disi.
Bahen ma ahu ………

Bahen ma ahu parhiteanMu
pasupasuM ma baor ma i

Ale Tuhanhu patupa ma au
baen pasupasu tu dongan sude.

3. Ula na denggan tu halak sude,
songon binaenNa tu ho,

Ingot urupi luhut na gale,
gabe parholong ma ho
Bahen ma ahu ………

Bahen ma ahu parhiteanMu
pasupasuM ma baor ma i

Ale Tuhanhu patupa ma au
baen pasupasu tu dongan sude.

Patik :
Mateus 5 : 16

5:16 Naeng songon i ma marsinondang palitomuna di jolo ni halak, asa diida angka pambahenanmuna na denggan i, asa dipuji nasida Amamuna na di banua ginjang i.


Buku Ende Huria No. 74
SAI MARLASNIROHA HITA
BL. 175

3. O Hamu ale pardosa, Molo naeng sonang hamu
Sai tangihon ma soara, Ni Tuhanta I burju

Sai pauba rohamu, Jangkon Jesus i tutu
Asa saut paluaonNa, Tondimuna sian dosa

4. Nunga ro na mangapuli, Roha ni parbegu i
Sahat do nuaeng na uli, Tu na olo unduk di

Tuhan Jesus Raja i, Naung ro sian surgo i
Sai tapuji ma Ibana, Jala taoloi hataNa.


Buku Ende Huria No. 190
LAS ROHANGKU SITUTU
BL. 69

1. Las rohangku situtu, mida Jesus na lulu.
Manjalahi hajolmaon, ai Ibana paluahon.
Jolma manisia i, sian hamagoan i.

2. Las rohangku situtu, mida Jesus na burju.
Patupahon hangoluan, Di au na dihamagoan.
Tung saluhut dosangki, do disesa Jesus i.

 


Epistel
Ulaon Ni Apostel 10 : 34 – 43

10:34 Dung i mangkuling ma si Petrus, ninna ma: Nunga tangkas dapot rohangku, na so siida bohi Debata!

10:35 Sian ganup bangso do tahe jangkononna angka na mangkabiari Ibana jala mangulahon hatigoran.

10:36 Ditongos Ibana do hatana tu angka anak Israel, laho mamaritahon dame marhite sian Jesus Kristus; Ibana do Tuhan ni saluhutna.

10:37 Diboto hamu do hata na masa di liat tano Judea na mamungka sian luat Galilea, dung salpu pandidion na binaritahon ni si Johannes i.

10:38 I ma taringot tu Jesus na sian Nasaret, na miniahan ni Debata marhitehite Tondi Parbadia dohot hagogoon; na mardalani do Ibana mambahen na denggan jala pahisarhon sude angka na pinatunduk ni sibolis, ai didongani Debata do Ibana.

10:39 Hami do mangkatindangkon saluhut pambahenanna i di tano Jahudi dohot di Jerusalem; dipusa nasida Ibana, digantungkon do tu hau.

10:40 Dipahehe Debata do Ibana di ari patoluhon, dilehon do Ibana tu hapataron,

10:41 ndang apala tu saluhut halak, tu angka sitindangi do na pinillit ni Debata sian nahinan; i ma hami, angka na mangan jala minum rap dohot Ibana, dung hehe Ibana sian na mate.

10:42 Jala didokkon do hami manjamitahon dohot mangkatindangkon tu natorop, paboa Ibana do i, na tinodo ni Debata hian gabe panguhum di angka na mangolu ro di angka na mate.

10:43 Saluhut panurirang i mangkatindangkon taringot tu Ibana: Jaloon ni ganup na porsea di Ibana hasesaan ni dosa marhite sian Goarna.

Buku Ende Huria No.172
O JESUS PANONDANG
BL.143

1. O Jesus panondang, Di portibi on
Mula ni na torang, Tangi hatangkon
Sai asi rohaMu, Di pardosa on
Ho ma mangapuli au na marsak on

3. Tondi,daging,roha
Nang gogona i
Unang tu na roa
Sai di Ho ma i

Ingkon gok di Ho ma Au hinophopMon
Asa saut martua, Au siseanMon.


Buku Ende Huria No. 28
HATA NI JAHOWA
BL. 203

1. Hata ni Jahowa Sipadame jolma
Hangoluan i
Halalas ni roha, Siapuli roha
Ni na marsak i

Gogo ni Debatangki
Paluahon na porsea, Sian nasa jea.

instrument-musik..

2. Nasa tinahina Tagan so ditompa Tano on dope
Nang na tinuduan Ni sude pelean Jumpang do muse

Sangkap ni Amana i Dipatulus Jesus kristus Jolma i ditobus.

instrument-musik..

3. Na rade di hita asi ni rohaNa Nang basaNa pe
Nunga mate Kristus Nunga sun ditobus Hita on sude
Sangap ma di Debata Na porsea di hataNa Do pangoluonNa

instrument-musik..

4. Hata hangoluan Do nuaeng diboan Parjamita i
Na lambok begeon i nuaeng dilehon Tu rohanta i

Hita on dijamita i Ai didokkon be do hita Paubahon roha

instrument-musik..

5. Ro ma halak na marsak molo naung marsak rohami, ale !
Ro ma tu Jahowa pasesahon dosa, ala mudar ni Jesus i

AnakNa i, I do gabe haluaon sian na sa utang

instrument-musik..

6. I do haojahan, Na tongtong manahan, salelengna i
I hajongjonganku i do haposanku Hangoluanki

Gogongki tongtong ma i,
Mangihuthon tu hataNa
Lao mambaen lomoNa.

instrument-musik..

7. Jesus sai tangihon Na hupangidohon, Sai asi rohaM
Lehon sipargogo Asa lao tu surgo, Au tu banuaM

Unang so tu Ho au ro i pe molo tos hosangku, Tiur baen dalanku.


Evangelium
Jesaya, 42 : 1 – 9 :

42:1 Ida ma * naposongki na hutogu; na hupilliti * hasudungan ni rohangku! Nunga huampehon Tondingku tu ibana: Tariashononna ma uhum tu angka bangso parbegu.

42:2 Ndang joujou ibana manang pangiaronna soarana, jala ndang patubegehononna soarana di alaman.

42:3 Arung naung marosahi, ndang laos ponggolhononna, jala sumbu na marnehetnehet i, ndang laos intopanna, hombar tu hasintongan tariashononna uhum.

42:4 Ndang olo loja ibana manang mandate, paima dipahot uhum di tano on, jala angka pulopulo mangkalungunhon patikna.

42:5 Songon on do hata ni Debata Jahowa, sitompa langit, dohot na paherbangkonsa, na pajarar tano on ro di angka suansuananna, na mangalehon hosa tu bangso na maringan di atasna dohot tondi tu angka na mardalani disi.

42:6 Ahu, Jahowa na manjou ho marhitehite hatigoran, jala ahu manogu tanganku; sai ramotanku do ho jala lehononku do ho bahen bangso parjanjian, bahen panondang di angka parbegu.

42:7 Mambungka angka mata ni halak na mapitung, paruarhon sian hurungan halak na tarhurung, sian bagas hurungan halak na maringan di haholomon.

42:8 * Ahu do Jahowa, i ma goarhu! Jala * ndang lehononku hasangaponku tu na asing manang hamuliaonku tu angka ganaganaan.

42:9 Panurirangon angka sian na robi, ida ma, nunga ro, jala angka nambura ahu do paboahon; tagan so martumbur dope nunga hupatubegehon tu hamu.


Buku Ende Huria No. 720
Naeng marsinondang ngolungku.

1. Naeng marsinondang ngolungku di igil Jesus I,
Manang didia pe ahu tongtong huingot i.

Tiur marsinondang ido ni igil ni Jesus
Tongtong Marsinondang
Panondang do au tutu.

instrument-musik..

2. Ingkon hobas mangurupi, angka na gale I,
Jala burju manghobasi songon Tuhanta I.
Tiur marsinondang ………

Tiur marsinondang ido ni igil ni Jesus
Tongtong Marsinondang
Panondang do au tutu.

instrument-musik..

3. Tuhan urupi ma ahu, sai jaga rohangki,
asa marsinondang ahu, Ho naeng tiruonki.
Tiur marsinondang ………

Tiur marsinondang ido ni igil ni Jesus
Tongtong Marsinondang
Panondang do au tutu.

instrument-musik..

4. Naeng oloanku Tuhanku, saleleng ngolungki,
Sogot di surgo, endengku pasangap Tuhan I.
Tiur marsinondang ………

Tiur marsinondang ido ni igil ni Jesus
Tongtong Marsinondang
Panondang do au tutu.

instrument-musik..

Posted in Kebaktian MingguTagged

Tinggalkan Balasan

Alamat email Anda tidak akan dipublikasikan.