Kramat Jati

PESTA PARJOLO, PARNINGOTAN HAHEHEON NI TUHAN JESUS

PESTA PARHAHEHEON (klik..)


PARTURE NI PESTA PARJOLO, PARNINGOTAN HAHEHEON NI TUHAN JESUS

SE HKBP DISTRIK VIII DKI JAKARTA RAYA

Tema : “HAPORSEAI MA KRISTUS NAUNG HEHE I”

(Johannes 20:24-31)

Minggu, 21 April 2019



Pangaradeon

–     Parhalado Prosesi mamasuhi gareja  manuju langgatan

      (diiringi electon / musik– mangendehon No. 633) Continue reading “PESTA PARJOLO, PARNINGOTAN HAHEHEON NI TUHAN JESUS”

Posted in Jumat Agung, PassionTagged

ACARA PARNINGOTAN ARI HAMAMATE NI TUHAN JESUS

ACARA PARNINGOTAN ARI HAMAMATE NI TUHAN JESUS



AMPE TU JESUS DO BURA NI DOSANTA

(Markus 15:22-32)

HKBP  DISTRIK VIII DKI JAKARTA, 19 April 2019


  1. JOUJOU TU PARSAORAN (L: Liturgis; R: Ruas)

L         : Huria ni Kristus! Marpungu do hita di tingki on, marningot jala manghamauliatehon balga ni holong ni roha ni Tuhanta tu hita, na rade Ibana sumeahon hosaNa di hau pinarsilang  laho mamorsan dosanta. Continue reading “ACARA PARNINGOTAN ARI HAMAMATE NI TUHAN JESUS”

Posted in Jumat Agung, Passion

PARTANGIANGAN PASSION IV

ACARA PARTANGIANGAN PASSION IV

HKBP KRAMAT JATI  – Kamis, 18 April 2019

_____________________________________________________________________________________________________ 

Marende BE No 179 ayat 1,2, 3 Adong do sada mual BL 20   

Adong do sada mual i, di na mardosa i

Mansai denggan do mual i pasonang rohangki

Aek mual na badia i, ima di Jesus i.

Disesa do tihasta i, dibuat arsak i.

Ai mudar ni Tuhanta i Do mual i sintong

Durus di Golgata do i Mangkophop hita on.

  1. Votum – Tangiang

U  :  Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia. Amen

On do dipatupa Debata : Humophop hita, gabe dosa do Ibana na so tumanda dosa, asa gabe hatigoran ni Debata hita di bagasan Ibana

         Martangiang ma hita : Ale Amanami na di banua ginjang, parasiroha na sumurung di sude jolma! Ndang di olani Ho AnakMu na sasada i, dilehon Ho do Ibana humophop hami, mamorsan dosanami sahat tu hau pinarsilang i. Sai patogu ma rohanami manghaporsea i hasesaan ni dosanami, asa unang mandele hami ala ni dosanami, alai asa pos situtu rohanami di asi ni rohaM na godang i, marhitehite Tuhan Jesus Kristus Tuhannami, Anak haholongan ni rohaM. Amen.

  1. Marende BE No. 88 ; 2 – 3 Di surgo do alealenta  BL 106

Tarsolsolbagi do rohangku Paidaida dangolMi

Marningot sasude dosangku Ai i do na tinaonMi

Hupuji nasa asiMi Alai gumodang holongMi

Jotjotna i husoadahon Ho Sipangolu tondingkon

Mabiar lao mangkatindangkon Ho na mangkophop au tongon

Hupuji nasa asiMi Alai gumodang holongMi.

U  :  Asa ditogihon nasida ma Jesus sian jolo ni si Kayafas tu kantor. Alai sogot manogot i. Ndang na bongot nasida tu kantor asa unang tarsubang nasida laho manganhon Paska i. Gabe ruar ma si Latus mandapothon nasida, didok ma : Pangaluan dia do diboan hamu dompak Halak on? Dungi ninna nasida ma mangalusi; Aut unang sibahen na jahat Halak on, ndang tagamon pasahatonnami Ibana tu ho.

R  :  Gabe ninna si Latus ma mandok nasida: Boan hamu ma Ibana, uhum hamu ma Ibana marguru tu adatmuna

U  : Alai ninna angka Jahudi ma mandok ibana: Ndang jadi pusaonnami manang ise. Jadi dialuhon nasida ma Ibana ninna ma: Na dapot hami do On pabalikbalikhon bangsonami jala mangorai hami mangalehon guguan tu kesar i. Dipandok ; Raja, Kristus do Ibana. Jadi dibongoti si Latus ma muse kantorna, dijou ma Jesus, didok ma tu Ibana: Atehe, Ho do Raja  ni Jahudi? Ro ma alus ni Jesus :

R  : Na sian roham do na nidokmi, manang na didok halak do i tu ho taringot tu Ahu?

U  :  Gabe dialusi si Latus ma: Ai halak Jahudi do ahu, bangsomi dohot angka sintua ni malim do pasahathon Ho tu ahu, aha na binahenMu?

R  :  Gabe dialusi Jesus ma : Ndang sian portibi on harajaonKu

U   :  Dung i ninna si Latus ma: Asa Raja do Ho? Jadi ninna Jesus ma

R   :  Songon na nidokmi ma tutu, Raja do Ahu, umbahen na tubu Ahu jala umbahen na ro Ahu tu portibi on, asa Huhatindanghon hasintongan i. Ganup na sian hasintongan i, tangihonon ni i do soarangKu

U   :  Jadi ninna si Latus ma: Aha do hasintongan i? Jadi dung didok songon i, ruar ma muse ibana manopot angka Jahudi mandok tu nasida: Ndang jumpang ahu manang aha salaNa

  1. Koor :
  2. Marende BE No. 81 ; 1 Aha ma endehononhu      Bl  185

Jesus mual ni ngolungku, Sipangolu tondingki

Ai dibunu Ho musungku, i ma hamatean i

Ho manaoni hamagoan, patupahon hangoluan

Ala ni hupuji Ho tung marribu hali do

U  :  Alai lam digogohon nasida ma mandok: Digunturi Ibana do bangso i, ai mangajari do Ibana di sandok tano Judea mamungka sian Galilea sahat ro tuson. Alai umbege i si Latus, manungkun ma ibana manang na halak Galilea Jesus. Jala dung diboto na sian gomgoman ni si Herodes Ibana, disuru ma Ibana tu jolo ni si Herodes, ai tongon do ibana di huta Jerusalem uju i.

R   : Marnida Jesus si Herodes, las situtu ma rohana, ai nunga nania lelengna, sai naeng idaonna tanda sian Ibana sipatupaonNa

U  :  Jadi godanggodang ma disungkunhon tu Ibana, alai ndang dialusi Jesus ibana. Ia si Herodes rap dohot donganna direherehe i jala dilea i do Ibana. Disolukhon ma pahean na arga tu Ibana, laos songon i ma disuru Ibana mulak tu si Latus

R   :  Jadi di na sadari i ma maraleale si Herodes dohot si Latus, ai na masihosoman do nasida anggo na sailaon

  1. Koor :
  1. Marende BE No. 76 ; 4 Sada nama sangkap     Bl  199

Gok di Ho ma au ale Tuhanku, jala Ho ma jambarhi

Dok ma amen rongkom ma goarMu, tu bagasan rohangki

Lomo ni rohaM ma sungkunonhu, di sude na naeng ulahononhu

Olo i ma padanhi, tu Ho Jesus Tuhanki

U   : Alai peam do dipalua panguhum i di pesta i sada halak na tarhurung, marguru tu na tinodo ni natorop. Alai adong ma na tarhurung uju i sada parjahat na sumalin na margoar si Barabbas. Jadi di na pungu i nasida, didok si Latus ma tu nasida: Ise dipangido hamu paluaonku, si Barabbas manang Jesus na targoar Kristus do?

R  : Alai sai disosoi angka sintua ni malim dohot natorop i ma mandok palua on na si Barabbas

U   :  Dung i didok si Latus ma tu nasida: antong aha bahenonhu tu Jesus na targoar Kristus? Gabe saluhut nasida mandok : Parsilangkon ma Ibana. Alai ninna panguhum i ma: Ai aha na jahat dibahen?

R   :  Jadi lam gogo ma nasida mandok : Parsilangkon ma!

  1. Koor :
  2. Marende BE No 77 ; 3 Hamu saluhut halak    Bl  65

Aha do manginona tu Ho silehon tua di hajolmaon i?

So dung hea marsala, Ho doshon hami jolma, Ndang dung dibaen Ho dosa i

U   : Dung i ditogihon si Latus ma Jesus didok ma linsingan. Jadi didandani soldadu ma sungsang duri bahen tumpal, diampehon ma i tu uluNa, baju dapdap ma dialithon tu dagingNa. Dung i ro ma nasida tu joloNa mandok : Tabi di Ho ale Raja ni Jahudi, laos dipastap. Dung i ruar ma muse si Latus, didok ma tu angka Jahudi

R  :  Ida hamu ma, hutogihon do Ibana tu jolomuna asa diboto hamu na so adong jumpang ahu salaNa

U   :  Laos ruar ma Jesus manjujung sungsang duri jala marbaju dapdap. Jadi didok si Latus ma tu nasida: Ida hamu ma Jolma i! Asa dung diida sintua ni malim dohot naposo Ibana, dijouhon ma : Parsilanghon, parsilanghon ma Ibana. Dung i didok si Latus ma tu nasida : Boan hamu ma Ibana, parsilanghon hamu, ai dang jumpang ahu salaNa. Gabe dialusi angka Jahudi ma ibana, ninna ma : Marguru tu patiknami, ingkon marutang hosa Ibana, ai dibahen do diriNa Anak ni Debata. Umbege i si Latus lam ganda ma biarna. Dung i diulahi muse tu kantorna, didok ma tu Jesus : Sian dia do Ho? Alai ndang dialusi Jesus ibana. Dung i didok si Latus ma tu Ibana: ndang angkupanMu ahu manghatai ? Ndang diboto Ho, marhuaso ahu paluahon Ho ? jala marhuaso parsilanghon Ho ?  Jadi dialusi Jesus ma: Ndang adong huasom mangago ahu, aut unang nilehon i tu ho sian ginjang. Dibahen i gumodang do dosa ni na pasahathon Ahu tu ho. Jadi olat ni i ma dilului si Latus dalan paluahon Ibana.

R  : Alai manjou-jou ma angka Jahudi,  ninna do : Molo dipalua ho on, ndang aleale ni Kesar ho ! Ai na mangalo Kesar i do na ganup na umbahen dirina gabe raja.

U  : Asa dung dibege si Latus hata i, ditogihon ma Jesus haruar, laos hundul ibana di habangsa paruhuman i na di inganan na margoar : Pantar Batu alai anggo di hata Heber: Gabbata. Ima na masa di ari parhobasan Paskah, mareak hos ni ari. Dung i didok ma tu angka Jahudi: Ida hamu ma Rajamuna !

R  : Alai digogo nasida ma manjouhon: padao, padao ma i ; parsilanghon ma Ibana !

U  :  Dung i didok si Latus ma tu nasida, parsilanghononhu ma Rajamuna ? jadi dialusi angka sintua ni malim ma:

R  : Ndang adong Rajanami dunghon ni Kesar i.

U  : Asa dung diida si Latus, na so marguna hatana, lam ganda tahe gaorna, dibuat ma aek mamuri tanganna di jolo ni natorop i huhut mandok : Lias do ahu sian mudar ni On! Hamu do na sari disi ! Dung i ninna sude natorop i ma !

R  :    Marsapata tu hami dohot tu ianakhonnami ma mudarNa i !

:   Dung i saut ma dipalua si Barrabas. Alai anggo Jesus dilinsingi, dung i dipasahat ma asa diparsilanghon.

 

  1. Marende BE No. 86 ; 1-2 Silang na badia i Bl   67

Silang na badia i Ho do lombulombungki

Maralohon dosa i Dohot pandelean i

Di sude sitaonon i Ho ma lombulombungki

Nasa na huula i Ndang tau hasonanganki

Nang ringkot pe rohangki Pola ro nang ilungki

Holan asi ni rohaM Pangurupi o, Tuhan

 

  1. Jamita :

 

  1. Marende BE No. 622 ; 1 -2

Mansai nalnal di angka partingkian, sinondang ni silangMu Tuhanki

Sian hatiuron na marsinondang, holongNa na so halompoan i

Sude na bangso do marpanghirimon, tu sondang ni asi ni roha i

Songon parluga na manghalungunhon, parbinsar ni mataniari i

SilangMu Kristus tanda ni holongMu, pahisar tondi na magopu i

Mangalononghon sasude dosangku, mabaor tu laut asi ni rohaMi

Naung tubu hami gabe na imbaru, na niurasan sian dosa i

Ala mudarMu na niusehonMu, di Golgata di hamamateMi

  1. Tangiang Panutup : Ale Amananami-Pasupasu-Amen.
Posted in parta, Passion

PARTANGIANGAN PASSION III

ACARA PARTANGIANGAN PASSION III

HKBP KRAMAT JATI, Rabu, 17 April 2019

_____________________________________________________________________________________________________ 

  1. Marende BE No 84 ; 1 + 3 Aut na ginorga tu rohangku    Bl  195

Aut na ginorga tu rohangku, bohiM di na lao mate Ho, Aut na huingot, O Tuhanku tongtong panghophopMi di au

Ai Ho do paluahon ahu, dosangku do pinorsanMi, Didaoni Ho parsahitonku, Martua au binahen nii

Mauliate ma rohangku, di Ho O Jesus Tuhanki, Ho naeng tongtong haholonganhu, marningot denggan basaMi

Antong sai tiop ma tanganhu, manogu au tu lambungMi, Dijalo Ho do tangianghu, sai pos do rohangki disi

  1. Votum – Tangiang

U   :  Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia. Amen

Kristus manaon na porsuk humophop hamu, tumadinghon tiruan di hamu, asa diihuthon hamu bogas ni patNa. Ndang adong dosa diula Ibana, ndang jumpang angkal di bagasan pamanganNa. Ndang mangisahi Ibana di na hona insak, ndang mangasupi di na manaon na porsuk, alai dipasahat do tu Panguhum Sitigor roha i.

Martangiang ma hita : Ale Tuhan Debata Amanami na di banua ginjang, parasiroha na sumurung! Na mandok mauliate ma hami tu Ho sian nasa rohanami, ala dilehon Ho AnakMu na sasada i tu hamatean humophop hami, asa unang mago na porsea di Ibana, alai hangoluan na saleleng ni lelengna di nasida. Tatap ma hami ale Amanami di bagasan AnakMu Jesus Kristus, na gabe habadiaon dohot hatigoran di hami. Sai sesa ma dosanami saluhut, ala ni pelean na sun denggan na pinelehonNa i humophop hami. Sai paeleng ma pinggolMu tu tangiangnami jala asi ma rohaM di hami, marhitehite AnakMu Tuhan Jesus Kristus Tuhannami. Amen.

  1. Marende BE No. 409 : 1 + 3 Angka birubiru Bl 273

Angka birubiru na pungu i, sia pulusia do, Holan sada na dao, ai na Lilu i, mansai dao sian Tuhan na do.

Tung di gambo ni dosa, diportibion. Ndang sonang rohana sai sau sainon, Ndang sonang rohana, sai sau sainon.

Tung hansit dalanna, sai ingot I, mangeahi na lilu i. Pola tiris mudarNa, mabugang do angka pat, angka tanganNa i.

Sian ulu manetek mudarNa i. O, Jesus Tuhanku, balga holongMi !  O, Jesus Tuhanku, balga holongMi !

U   : Dungi ditangkup angka soldadu dohot induk nasida ro di angka naposo ni Jahudi ma Jesus jala diihoti, jadi ditogihon ma Ibana jumolo tu si Hannas, ima simatua ni si Kayapas sintua ni malim di na sataon i. I ma si Kayapas naung mandok tu angka Jahudi:

R   :  Dengganan do mate sahalak humophop bangso

U   : Alai diihuthon si Simon Petrus dohot sisean na sadanari ma Jesus. Na mansitandaan do sisean na sada i dohot sintua ni malim i, jadi bongot ma ibana rap dohot Jesus tu alaman ni malim i, dung i disungkun ma Jesus taringot tu podaNa dohot taringot tu angka siseanNa. Jadi dialusi Jesus ma :

R   : Patar do hatangKi di sihatoropan. Na tongtong do Ahu mangajari na sailaon di bagasan angka parguruan nang bagas joro parpunguan ni halak Jahudi.

Ndang adong manang aha huhatahon marsibuni. Boasa Ahu disungkun ho ?. Nasida naung umbege hatangKi, i ma sungkun! Ai diboto nasida do na Huhatahon i.

U   :  Dungi didok Jesus songon i, dipastap sada opas na jongjong disi ma Ibana huhut didok : Songon i pangalusiM tu sintua ni malim? Dung i ninna Jesus ma mangalusi opas i

R   :  Ia na hurang na hudok hajongjonghon na hurang, alai anggo na hona do boasa pastaponmu Ahu ?

  1. Koor :  Ama
  2. Marende BE No. 81 ; 2 Aha ma endehononhu      Bl  185

Haleaon, insahinsak, reherehe tijur pe, Tali dohot pastappastap tung ditaonhon Ho sude

Paluahon au na pogos sian tangan ni sibolis, Ala ni hupuji Ho tung marribu hali do

U  :  Asa disuru si Hannas ma Ibana naung tinali i tu sintua ni malim Kayapas. Alai sai mangihut do si Petrus mandaodao sahat ro di alaman ni sintua ni malim i laos bongot marnida boha do ro di ujungna. Dilului rapot godang i ma gapgap dompak Jesus, laos adong ro dua halak na mandok, didok Halak on :

R   : Tarbahen Ahu do mangalohai Joro ni Debata, jala pajongjongonNa i sumuang di bagasan tolu ari

U  :  Dung i hehe ma sintua ni malim i, mandok tu Ibana : Ndang alusanMu na hinatindanghon nasida dompak Ho ?. Alai sai hohom do anggo Jesus. Dungi dipangkulingi sintua ni malim i ma Ibana ninna : Hupatolon ma Ho tu Debata Siparngolui, asa dipaboa Ho tu hami manang na tutu Ho Kristus Anak ni Debata! Dung i didok Jesus ma :

R   :  Songon na nidokmi ma tutu! Alai hudokma tu hamu: Olat ni on ma idaonmuna Anak ni Jolma i, hundul di siamun ni hagogoon jala ro di atas ombun ni langit.

U   :  Gabe diribakhon sintua ni malim i ma paheanNa mandok : Na mangaleai Debata do Ibana. Pola luluan dope sitindangi? Nunga dibege hamu pangaleaiNa i, boha di rohamu?. Dungi ninna ma mangalusi : Marutang hosa Ibana! Jadi ditijuri nasida ma bohiNa, na deba manompuk, na deba mangalinsingi huhut mandok : surirangi hami Kristus, ise do na mamunu Ho?

  1. Marende BE No. 78 ; 3 O Ulu na sap mudar     Bl  158

Au on tama O Tuhan, manaon na tinaonMi, Dosangku do diporsan Ho na tarsilang i

Sai tatap ale Tuhan, au na di joloMon, Huhut sai patuduhon basam tu rohangkon

U   : Hundul do anggo si Petrus di alaman i, jala didapothon sada parompuan ma ibana mandok: dohot do ho dongan ni Jesus na sian Galilea i ? Alai diporso si Petrus do, didok ma :

R  : Ndang hutanda jolma na nidokmuna i. Dung i mamintor martahuak ma manuk paduahalihon

U   :  Jadi diingot si Petrus ma na nidok ni Tuhan Jesus i tu ibana: Tolu hali do soadahononmu Ahu andorang so martahuak manuk paduahalihon. Jadi marningot i tumatangis ma ibana

  1. Koor : Remaja
  2. Marende BE No 206 : 5 Na dison do au Tuhanku    Bl  90

Sai tangihon ditangishon rohangki dangolna i, Sai tangihon ditangishon tondingki siholna i

RohaMi ma tu rohangku sai di Ho ma tondingki

U   : Jadi dung diida si Judas Iskariot parjehe i, na naeng hona uhum nama Jesus, disolsoli ma rohana, dipaulak ma na tolupulu rupia i tu angka sintua ni malim dohot sintua ni bangso i, ninna ma:

R  :  Sala do ahu, hujehehon do hape na so marpipot!

U   :  Alai didok nasida ma : Ndang ro di hami i, ho do na sari disi. Jadi ditimpalhon ma perak i tu bagas joro i, laos sumurut sian i laho maningkot. Dung i ninna sintua ni malim :

R   : Ndang jadi padomuon i tu arta ni joro i, ai tuhor ni mudar do i

U   : Jadi mardos ni roha ma nasida manuhorhonsa tu ladang ni pande hudon, bahen parbandaan ni halak dagang. Ala ni i do umbahen margoar i : ladang mudar ro di sadari on

  1. Koor : Immanuel
  2. Marende BE No. 169 ; 1 + 3 Ho Sipangolu au Bl  224

Ho Sipangolu au, sai topot ma au on, Sai unang mandaodao, Ho sian rohangkon

Ro Sipangolu ro tibu, baen ma au anakMu tutu, Dohot mudarMi buri au, ias songon hapas ma au

Ias tutu, ias tutu, dohot mudarMi buri au, ias songon hapas ma au, Togu ma rohangkon sai taiti au tu Ho.

Ai langkaMi tongtong naeng tiruonku do, Ro Sipangolu ro tibu baen ma au anakMu tutu.

Dohot mudarMi buri au ias songon hapas ma au, Ias tutu ias tutu dohot mudarMi buri au ias songon hapas ma au

  1. Jamita :
  1. Marende BE No. 162 ; 1 – 4 O Debata mansai balga     Bl   27 ( P. Pelean )

O Debata, mansai balga, huhut dokdok dosangku, Na so adong di tano on, na tau haporusanku.

Tung sura lao au tu na dao,  mangalap hatuaon, Ndang dapot i di tano i, di nasa hajolmaon

I pe tu Ho nama au ro, sai unang tulak ahu, Paombun ma O Debata, rimasMu mida ahu

Ai mudar ni AnakMu i, do gabe pardengganan, Sae utangki binaenNa i, di hau na pinarsilang

13.`Tangiang Panutup  : Ale Amananami-Pasupasu-Amen.

 


Passion :Sengsara Kristus

Posted in parta, Passion

partangiangan 2 passion 2019

ACARA PARTANGIANGAN PASSION II

HKBP KRAMAT JATI

Selasa, 16 April 2019

_____________________________________________________________________________________________________ 

  1. Marende BE No 83 : 1-2 Na lao do birubiru i BL.214

Na lao do birubiru i, mamorsan angka dosa

Ni nasa hajolmaon i, di benget ni rohaNa

Diporsan do sahitta i, dilehon do diriNa i

Tu tangan ni pamunu, ditaoni do na bernit i

Ro di na tos hosaNa i, didok : Naeng porsanonHu

 

Ianggo birubiru i, ima alealengku

Na paluahon tondingki, disuru Debatangku

Didok mandok AnakNa i, sai topot ma pardosa i

Naung sun tinoruanKu, balga tutu do rimasHi

Alai tarbaen do mombun i, horhonon ni mudarMu

 

  1. Votum – Tangiang

U   :  Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia. Amen

Tagan jolma Kristus, dipelehon do angka pangidoanNa dohot elekelekNa, mardongan angguk bolon dohot iluilu tu na tuk paluahon Ibana sian hamatean. Jadi ditangihon do Ibana, gabe malua sian hatahuton i. Ai atik pe Anak Ibana, diguruhon do pangoloion marhite sian na tinaonNa i. Jadi dung rimpas, gabe sihorhon haluaon salelenglelengna do Ibana di sude na mangoloi Ibana.

         Martangiang ma hita : Ale Amanami parasihoha na sumurung, Debata  ni hatuaonnami!. Huingot hami do di angka ari on panaonon dohot hamamate ni Tuhan Jesus Kristus, Tuhannami. Pahibul ma rohanami jala parbadia i mamingkiri sude na tinaonNa i. Patandahon ma tu hami dosanami, asa diarsakhon rohanami, asa hupompomi hami hisaphisap dohot sangkapsangkap ni rohanami na roa i, jala asa hupasaut hami lomo ni roha ni na manobus hami, asa martua hami marhite sian i ro di saleleng ni lelengna. Sai patupa ma i di hami marhitehite Tuhan Jesus Kristus Anak haholongan ni rohaM. Amen.

  1. Marende BE No. 718 : 1 – 2 Hubege Jesus manjou  

Hubege Jesus manjou hubege Jesus manjou

Sipalua au manjou porsan silang ihuthon ma Au.

Sai ihuthononku Jesus sai ihuthononku Jesus,

Sai ihuthononku Jesus. Huihuthon Jesus Tuhanki.

Tu Getsemane au dohot, tu Getsemane au dohot,

Rap marungkil dohot Jesus, mangihuthon Jesus Tuhanki.

Sai ihuthononku Jesus sai ihuthononku Jesus,

Sai ihuthononku Jesus. Huihuthon Jesus Tuhanki.

 

U   : Dungi sahat ma Jesus rap dohot nasida tu sada porlak na margoar Getsemane. Jadi didok ma tu angka siseanNa i : Hundul ma hamu jolo dison saleleng disan Ahu martangiang. Dung i ditogihon ma si Petrus dohot anak ni si Sebedeus na dua i, dung i gabe marsak situtu ma Ibana jala bobonosan. Jadi didok ma tu nasida : Mansai marsak situtu do rohangKu, hira na mate do. Dison ma hamu dungo rap dohot Ahu. Dung i laho ma Ibana saotik tu jolo, dipatungkap ma bohiNa tu tano martangiang, ninna ma :

R   :  Ale Amang, namun na tabahen, salpuhon ma siinumon on sian ahu!. Alai tahe unang ma marguru tu rohangKu, rohaM do

U   : Dung i mulak ma Ibana tu angka siseanNa, jala tarpodom nasida didapot, jadi didok ma tu si Petrus : Ndang margogo hamu hape dungo rap dohot Ahu nanggo sangombas ?

R   :  Dungo ma hamu jala martangiang, asa unang hamu bongot tu pangunjunan, ai girgir do nian tondi i, alai gale do ia daging

 

  1. Koor : Parompuan
  2. Marende BE No.171 : 1, 2 Tanda i ma au BL.49

Tandai ma au, sungkapi ma dohot rohangku, uji ma au

Pamanat huhut ma dalanhu, olo ditanda Ho au Debata

Asi ma rohaM, taringot tu pangalahongku

Olo tutu, jotjot do na lilu dalanhu, sesa dosangku, sude Debata

U  :  Dung i laho ma Ibana paduahalihon martangiang, ninna ma : Ale Amang, molo so tarbahen salpu on, nda ingkon Huinum, sai saut ma lomo ni rohaM. Dung i di na ro i Ibana, tarpodom muse ma siseanNa i di dapot, ai mansai dokdok do salibon nasida. Jadi ditadinghon ma laho martangiang patoluhalihon mandok hata ondeng. Dung i didapothon ma muse angka siseanNa i, jadi didok ma tu nasida

R   : Datdatanmuna dope modom dohot maradian ?. Nunga dapot tingkina nuaeng, sahat ma Anak ni Debata tu tangan ni pardosa

U  :  Hehe ma hamu laho ma hita. Ndi, nunga ro na pasahathon Ahu

  1. Marende BE No.622 : 2 Mansai nalnal

SilangMu Kristus tanda ni holongMu pahisar tondi na magopu i

Mangalononghon sasude dosangku mabaor tu laut asi ni rohaMi.

Naung tubu hami gabe na imbaru, Na ni urasan sian dosa i

Ala mudarMu na ni usehonMu, di Golgota di hamamateMi.

 

U    :Alai diboto si Judas do inganan i, ai jotjot do marpungu Jesus tusi dohot angka siseanNa. Ia si Judas diarahon ma angka soldadu dohot angka naposo ni sintua ni malim, didapothon ma tusi mantat sulusulu, palito dohot sinjata. Diboto Jesus do saluhut na naeng songgop tu Ibana, jala ruar ma Ibana, didok ma tu nasida : Ise do jinalahanmu ?

R  : Gabe ninna nasida mangalusi : Jesus na sian Nazaret i do!.

U      :        Dung i ninna Jesus ma mandok nasida : Ahu do i !. Alai dohot do si Judas parjehe i jongjong di lambung nasida. Asa dung didok tu nasida : Ahu doi, sumurut ma nasida martinggangan tu tano. Dung i diulahi ma manungkun nasida : Ise do na ni luluanmuna ?. Jadi didok nasida ma :

R   : Jesus halak Nazaret i do!. Dung i ninna Jesus ma mangalusi nasida : Nunga hupaboa tu hamu : Ahu do i. Asa molo Ahu dilului hamu, loas ma laho angka on!

U  :  Ai naeng do jumpang na nidokNa i: Ndang adong na mago Hubahen agia sada sian angka na nilehonMi tu Ahu. Alai nunga dipabotohon parjehe i hian partinandaan tu nasida, ai didok do : Ia i na huumma, Ibana ma i, ima tangkup hamu. Asa pintor didapothon ma Jesus, didok ma : Tabi di Ho Guru!, laos diumma. Alai ninna Jesus ma mandok ibana : Marhua ho tuson anggia ?.

R  : O Judas, pangummaon do hape dibahen ho pasahathon Anak ni Jolma i. Dung i ro ma nasida, dilaluhon ma tangan nasida tu Jesus manangkup Ibana

 

  1. Koor : Ama Arbab

 

  1. Marende BE No 180 : 1, 3 Ro tu Jesus ho na loja BL. 228

 

Ro tu Jesus ho na loja, na maheu i. Lam lumbang do di lambungNa roham i.

 

Timbang holong ni rohaNa, na sai godang i. Ai dilehon do hosaNa, tobusmi

 

U   : Dung i adong ma sian angka sisean ni Jesus mangalaluhon tanganna, disintak ma podangna, ditampulhon ma tu naposo ni sintua ni malim sahalak, dipisikhon ma pinggolna. Jadi didok Jesus ma tu Ibana

R  :  Pasarung podangmi, ai na manintak podang, mago do bahenon ni podang!

U   :  Ai na so tarbahen Ahu do di roham mangido sian Damang, asa dipadiri di Ahu saonari lobi sian sampulu dua loksa surusuruan ?. Alai songon dia ma disi saut hata ni surat i na mandok : Ingkon masa do na songon i. Uju i ma didok Jesus tu angka natorop i

R :Hira na dompak panamun do hamu hehe, marpodang jala marlombutlombut manangkup Ahu

U   : Ariari do Ahu nian hundul mangajari di Bagas Joro, so adong ditangkup hamu Ahu. Alai na masa do sude on, asa jumpang hata ni angka panurirang i. Dung i ditadingkon saluhut sisean i ma Ibana laho maporus

 

  1. Koor : Lansia
  2. Marende BE No. 407 : 1- 2 Panotnoti ma silang BL.271

Panotnoti ma silang ni Tuhanta i namamorsan sude dosami,

Tinggangkon sude arsak ni rohami, Pasesahon sude dosami.

So, jo,bereng I ! Panot-noti ma silang ni Tuhanta I, ngolumi, ngolungki sian i.

 

Tung beasa ditaon Ho, Tuhan, songon i dibagasan sude burjuMi ?

Tung beasa sap mudar sude dagingMi ai tigor do sude dalanMi ?

Nda i holongMi ? MudarMi na use pasonangkon muse sasude na porsea disi.

 

  1. Jamita :
  2. Marende BE No. 88 : 1 – 4 Di surgo do alealenta BL.106 (P Pelean)

Jesusku naung manobus ahu sai naeng haholonganku Ho

Tu dolok Golgata Ho laho Nionjar ni holongMu do

Hupuji nasa asiMi Alai gumodang holongMi

 

Tarsolsolbagi do rohangku Paidaida dangolMi

Marningot sasude dosangku Ai i do na tinaonMi

Hupuji nasa asiMi Alai gumodang holongMi

 

Jotjotna i husoadahon Ho Sipangolu tondingkon

Mabiar lao mangkatindangkon Ho na mangkophop au tongon

Hupuji nasa asiMi Alai gumodang holongMi.

 

Bagas uhirhon tu rohangku PangkophopMi humophop au

Tusi ma togu pingkiranku Guru di Ho sambing ma ahu

Hupuji nasa asiMi Alai gumodang holongMi

 

  1. Tangiang Panutup : Ale Amananami-Pasupasu-Amen.
Posted in parta, Passion

Partangiangan Passion kedua II

PARTANGIANGAN PASSION II
Selasa, 16 April 2019
HKBP KRAMATJATI

Buku Ende Huria No. 83
NA LAO DO BIRUBIRU I
BL.214.

1. Na lao do Birubiru i
Mamorsan angka dosa
Ni nasa hajolmaon i
Di benget ni rohana

Diporsan do sahitta i
Di lehon do DiriNa i
Tu tangan ni pamunu
Ditaoni do na bernit i
Ro di na tos hosaNa i
Didok : Naeng porsanonku. Continue reading “Partangiangan Passion kedua II”

Posted in parta, PassionTagged

Partangiangan ari hamamate 2019

ACARA PARTANGIANGAN PASSION I

HKBP KRAMAT JATI, Senin, 15 April 2019

 

  1. Marende BE No.76 : 1, 2 “Sada nama sangkap ni rohangku” BL.199

Sada nama sangkap ni rohangku di sandok portibion

Ndang tagamon na so las rohangku molo jumpang au inon

Naeng ma sai ingoton ni rohangku, na binaen ni Jesus tu tondingku

Uju pinorsanNa i, saluhutna dosangki

Ingkon sai Ibana ingotonku uju na tarpajal i

Tu hau pinarsilang ginantunghon sai mabaor mudarNa i

Ai humophop au ditaon uasNa, asa dohot au muse upaNa

Ai ditatap do au on, dipandokNa : Nunga sun !

  1. Votum – Tangiang

U   :  Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia, Amen.

Tabereng ma Induk ni haporseaon i jala na paujunghonsa, ima Jesus na manaon parsilangon i singkat ni las ni roha tohapNa i hian, so dietong i hailaon, gabe hundul di siamun ni habangsa ni Debata. Paingotingot hamu ma Ibana, na pataontaon paraloan sisongon i dompak Ibana sian angka sipardosa, asa unang marnaloja, unang mandate tondimuna

Martangiang ma hita : Ale Tuhan Debata Amanami na di banua ginjang. Asi ma rohaM di hami halak na gale on, diida Ho do na gogo do musunami, sai talu do hami dibahen ala ni hagaleonnami. Dibahen i hupangido hami tu Ho : Sai pargogoi jala pamonang ma hami maralohon musu i marhitehite panaonon ni Anak haholongan ni rohaM, Tuhan Jesus Kristus. Amen

  1. Marende BE No.79 : 7 “Di na ponjot rohangku” 124

Sai naeng ma tiruonku, pambaenanMi di au,

Tu sasude donganku Jesus urupi au.

Manghaholongi donganki, unang tung marpambuat nang marpangansi pe

U   :  Jadi diarahon Jesus ma na sampuludua i, jala didok ma tu nasida : Na nangkok ma hita tu Jerusalem, jala tulus ma tu Anak ni Jolma i sasudena, na tarsurat di angka panurirang

R   :  Pasahaton ma Ibana tu angka parbegu gabe insahanna, leaanna, mate jala mulak mangolu

U   : Onom ari asa dapot Paska i, sahat ma Jesus tu huta Betania, ima huta ni si Lazarus na sinunggulan ni Jesus sian na mate. Dung i torang ni arina i, dibege halak na torop na ro tu pesta i, na naeng ro ma Jesus tu Jerusalem, jadi dibuat nasida ma maremare laho manomunomu Ibana huhut manjoujou:Hosianna ! Pinasupasu ma na ro marhite goar ni Tuhan i, Raja ni Israel. Dung i dapot Jesus ma halode sada, ima dihunduli hombar tu na tarsurat :

R   : Unang ho mabiar ale Boru Sion, ida ma : Rajam do na ro manopot ho, marsihundul di anak ni halode

U   :  Alai ro do halak Parise dohot deba natorop i mandok tu Jesus : Orai antong angka siseanMi, Guru !. Alai ninna ma mangalusi : Hudok ma di hamu, aut mauhom nasida manjoujou ma angka batu on.

  1. Koor : INA HANNA
  2. Marende BE No.83 : 4 “Na lao do birubiru I” BL.214

Saleleng na mangolu au, naeng ingotonku Jesus.

Sude na binaenMi di au, HataM naeng hupatulus.

Ho naeng haholonganku do, huhut ihuthononku Ho.

Di dalan hangoluan. Tung ingkon Ho, nampuna ahu,

Mangolu manang mate au, sai Ho do tioponku.

U  :  Alai di ari parjolo parhobasan parjolo ni Pesta Paska i, didapothon siseanNa ma Jesus ninna ma : Tu dia ma patureonna di Ho panganon Paska i ? Gabe dialusi ma : Laho ma hamu manopot si adui, dok hamu ma, “ Tona ni Guru i dapot ne ma tingkingku, di ho ma au sorang laho manganhon Paska i rap dohot siseanku”. Jadi borhat ma siseanNa, dibongoti ma huta i jadi jumpang ma songon na nidokNa i, gabe dipature ma panganon Paska i. Asa dung botari sahat ma Jesus, jala mangan ma nasida. Hehe ma Jesus sian na mangan i, ditanggal ma ulosNa, dibuat ma basahan ditapolhon tu Ibana. Diusehon ma aek tu sambong diburi ma pat ni angka siseanNa, diapusi ma dohot basahanNa natinapolhonNa i. Jadi dung sahat tu si Petrus ninna ma.

R   : Tung Ho ma ale Tuhan mamuri pathu ? Alai ninna Jesus ma : Ndang diantusi ho pambahenanKu na tu ho anggo nuaeng, muse pe botoonmu i

U  :  Dungi didok si Petrus ma tu Ibana : Matua tano on, ndang burionMu pathu. Dungi ninna Jesus ma : Molo so burionHu ho, ndang partohap ho di Ahu. Dung i ninna si Simon Petrus ma :

R   :  Ale Tuhan, unang ma holan pathu, dohot ma tangan nang ulungku

U      :        Halak naung maridi i, ndang ingkon be burion; ai nunga ibana ias. Naung ias do anggo hamu, alai ndang luhut hamu. Asa molo Ahu Tuhan jala Gurumuna mamuri patmuna, tama ma nang hamu masiburian pat. Ai sitiruon do Hulehon tu hamu, asa dibahen hamu songon naung hubahen i tu hamu !

R   : Na tutu do na hudok on tu hamu : Ndang umbalga anak somang sian indukna, ndang sumurung suruan sian na marsuru ibana. Molo diboto hamu i, martua ma hamu mangulahonsa.

  1. Koor : PS. ELFECHO
  2. Marende BE No.173 : 2, 4  “Sai mulak”  BL.63

Sai mulak, sai mulak, Na sininta leleng

Sai magopu roham, Ai godang do dosam
O parjalang ho, Mulak, mulak ma ho, Mulak, mulak ma ho

Sai mulak, sai mulak, Ai na sonang ma ho
Molo sesa dosam, Jala sabam roham
O parjalang ho, Mulak, mulak ma ho, Mulak, mulak ma ho

 

U   :  Jadi di na mangan i nasida, ninna Jesus ma : Situtu do na hudok on tu hamu : Sada sian hamu naeng pasahathon Ahu. Gabe marsak ma nasida jala dipandok be.

R   : Nda tung ahu i, Tuhan !

U      :        Alai ninna ma mangalusi nasida : Ia i na rap dohot ahu manurdukhon tanganna tu paringkauan, ima ibana. Tong do nian ujung ni Anak ni Jolma i songon na tarsurat i, alai marjea ma halak na pasahathonsa, tagonan unang tubu ibana tu hasiangan on. Gabe ninna si Petrus ma tu sisean haholonganna; sungkun ma ise do na nidokNa i, gabe dipajonok ma tu lambung ni Jesus; Tuhan ise i ?

R   : Ia tusi hulehon na santopik na husornophon on, ima ibana. Jadi disornophon ma santopik, dilehon ma tu si Judas Iskariot, anak ni si Simon

U  :  Jadi dung dibondut i, dibongoti sibolis ma ibana. Dung i didok Jesus ma tu ibana  Humatop ma ula siulaonmu. Jadi mamintor laho ma ibana tu balian, alai borngin ma uju i. Dung i dihindat Jesus ma roti, dipasupasu ma, diponggoli jala diparlehon tu angka siseanna, huhut ma didok :

R  :  Jalo hamu jala pangan hamu, dagingHu do on

U  : Dihindat ma panginuman i, didok ma mauliate, dilehon ma tu nasida huhut didok

R   :  Sude hamu manginum sian i, ai mudarHu do on, mudar parpadanan i, na ni usehon humophop torop bahen hasesaan ni dosa

U   :  Alai hudok ma tu hamu : na so tupa be inumonKu olat ni on sian parbue hau anggur i, sahat ro di ari sogot, disi ma inumonKu na imbaru rap dohot hamu di Harajaon ni Damang.

  1. Koor : NHKBP
  2. Marende BE No.153 : 4 “O Jesus naung sineat” BL.126

Pelean na badia, DagingMu sipanganon,

Di angka na porsea mudarMu siinumon.

Sai ro ma maringanan, marhite parpadanan, di hami on o Jesus

U   : Jadi dung diendehon nasida ende pujipujian, ruar ma nasida tu Dolok Jetun. Disi ma didok Jesus tu nasida, saluhut do hamu naeng targasip mida Ahu di na saborngin on. Ai na tarsurat do

R  :  LombutanKu ma parmahani, gabe marserak ma birubiru na sapunguan i

U   :  Alai ninna si Petrus ma mangalusi : Agia sude nasida targasip mida Ho, anggo ahu, na so tupa targasip. Alai ninna Jesus ma mandok ibana : O Simon, Simon, nunga dipangido sibolis naeng segeonna hamu songon dahanon. Alai Ahu do manangianghon ho, unang mintop haporseaonmi. Dung mulak sogot roham, pargogoi ma roha ni hahaanggim, gabe ninna si Petrus :

R   : Tuhan, na hobas do ahu mandongani Ho tu hurungan, nang tu hamatean pe

U   : Alai ninna Jesus ma : Hudok ma tu ho Petrus, ndang martahuak manuk saborngin on, so jolo tolu hali soadahononmu, na so tinandam Ahu

  1. Marende BE No.86 : 1, 3 “Silang Na Badia I” BL.67

Silang na badia i, Ho do lombulombungki

Maralohon dosa i, Dohot pandelean i

Di sude sitaonon i, Ho ma lombulombungki

Ro do au nuaeng tu ho, sai palambas ma rohaM.

Nunga pola mate Ho, ala asi ni rohaM

Jangkon au, na dangol on, sai ulosi tondingkon.

  1. Jamita :
  2. Marende BE No.180 : 1..Ro tu Jesus ho na loja BL.228 (papungu pelean)
  • Ro tu Jesus ho na loja, Na maheu I, lam lumbang do di lambungNa rohami
  • Bereng di hau pinarsilang, Daon ni sahitmi, Tuhanmi na hona uhum singkatmi
  • Timbang holong ni rohaNa, Na sai godang I, Ai dilehon do hosaNa tobusmi
  • Apulapul sae ni dosa, Hangoluanmi, Saluhut dilehon Jesus tuami
  • Diantusi do siholmu, Habebernitmi, Gogo tahanmi, diantan Tuhanmi.
  1. Tangiang Panutup : Ale Amananami-Pasupasu-Amen.
Posted in parta, Passion

Acara ibadah Partangiangan jelang Jumat Agung dan Paskah

iv


ACARA PARTANGIANGAN
Jelang Jumat Agung – Paskah
HKBP Kramat Jati

Masuk Pukul : 17.30 wib

Acara Lain : View download Jumat Agung – Paskah 2018


 

memasuki ibadah

1. Marende BE No 83 ; 1 – 2
Na lao do birubiru i Bl 214

1. Na lao do birubiru i,
mamorsan angka dosa,
ni nasa hajolmaon i,
di benget ni rohaNa

Diporsan do sahitta i,
dilehon do diriNa i,
tu tangan ni pamunu,
ditaoni do na bernit i

Ro di na tos hosaNa i,
didok Naeng porsanonHu

2. Ianggo birubiru i,
i ma alealengku,
na paluahon tondingki,
disuru Debatangku

Didok mandok AnakNa i,
sai topot ma pardosa i,

Naung sun tinoruanKu,
balga tutu do rimasHi
Alai tarbaen do mambun i,
horhonon ni mudarMu

3. Marende BE No. 152 ; 1
Jesus na mamorsan
Bl 120

1. Jesus na mamorsan dosa ni portibi on,
pangolu hami
Jesus na mamorsan dosa ni portibi on,
pangolu hami

Jesus na mamorsan dosa ni portibi on,
sai pasonang hami, Amen, Amen, Amen

4. Koor : Ama Arbab

5. Marende BE No. 81 ; 1
Aha ma endehononhu Bl 185

1. Jesus mual ni ngolungku,
Sipangolu tondingki
Ai dibunu Ho musungku,
i ma hamatean i

Ho manaoni hamagoan,
patupahon hangoluan
Ala ni hupuji Ho tung marribu hali do

6. Koor : Remaja

7. Marende BE No. 76 ; 4
Sada nama sangkap
Bl 199

1. Gok di Ho ma au ale Tuhanku, jala Ho ma jambarhi
Dok ma amen rongkom ma goarMu, tu bagasan rohangki
Lomo ni rohaM ma sungkunonhu, di sude na naeng ulahononhu
Olo i ma padanhi, tu Ho Jesus Tuhanki

8. Koor : Pra Naposo

9. Marende BE No 77 ; 3 Hamu saluhut halak Bl 65

3. Aha do manginona tu Ho silehon tua di hajolmaon i ?
So dung hea marsala, Ho doshon hami jolma
Ndang dung dibaen Ho dosa i

10. Marende BE No. 86 ; 1
Silang na badia i Bl 67
Silang na badia i,
Ho do lombulombungki,
Maralohon dosa i,
dohot pandelean i
Di sude sitaonon i,
Ho ma lombulombungki

11. Jamita :

12. Marende BE No. 81 ; 2
Aha ma endehononhu Bl 185

2. Haleaon, insak insak, rehe rehe, tijur pe,
tali dohot pastap pastap tung ditaonhon
Ho sude
Paluahon au na pogos,
sian tangan ni sibolis,
ala ni hupuji Ho tung marribu hali do

14. Marende BE No. 622 ;
ayat 1 -2

1. Mansai nalnal di angka partingkian,
sinondang ni silangMu Tuhanki
Sian hatiuron na marsinondang,
holongNa na so halompoan i

Sude na bangso do marpanghirimon,
tu sondang ni asi ni roha i
Songon parluga na manghalungunhon,
parbinsar ni mataniari i

2. SilangMu Kristus tanda ni holongMu,
pahisar tondi na magopu i
Mangalononghon sasude dosangku,
mabaor tu laut asi ni rohaMi

Naung tubu hami gabe na imbaru,
na niurasan sian dosa i
Ala mudarMu na niusehonMu,
di Golgata di hamamateMi

Posted in Jumat Agung, partangiangan wijk, Paskah, PassionTagged , ,

Partangiangan III jelang jumat agung dan passion

III


Partangiangan III jelang jumat agung dan passion 

Masuk 19.30 - Gereja HKBP Kramat Jati

Acara Memasuki ibadah :


1. Marende BE No 84 ; 1 + 3 Aut na ginorga tu rohangku Bl 195

1. Aut na ginorga tu rohangku, bohiM di na lao mate Ho
Aut na huingot, O Tuhanku tongtong panghophopMi di au
Ai Ho do paluahon ahu, dosangku do pinorsanMi
Didaoni Ho parsahitonku, Martua au binahen nii

3. Mauliate ma rohangku, di Ho O Jesus Tuhanki
Ho naeng tongtong haholonganhu, marningot denggan basaMi
Antong sai tiop ma tanganhu, manogu au tu lambungMi
Dijalo Ho do tangianghu, sai pos do rohangki disi

2. Agenda – Tangiang

U : Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia. Amen
Kristus manaon na porsuk humophop hamu, tumadinghon tiruan di hamu, asa diihuthon hamu bogas ni patNa. Ndang adong dosa diula Ibana, ndang jumpang angkal di bagasan pamanganNa. Ndang mangisahi Ibana di na hona insak, ndang mangasupi di na manaon na porsuk, alai dipasahat do tu Panguhum Sitigor roha i.

Martangiang ma hita :
Ale Tuhan Debata Amanami na di banua ginjang, parasiroha na sumurung! Na mandok mauliate ma hami tu Ho sian nasa rohanami, ala dilehon Ho AnakMu na sasada i tu hamatean humophop hami, asa unang mago na porsea di Ibana, alai hangoluan na saleleng ni lelengna di nasida. Tatap ma hami ale Amanami di bagasan AnakMu Jesus Kristus, na gabe habadiaon dohot hatigoran di hami. Sai sesa ma dosanami saluhut, ala ni pelean na sun denggan na pinelehonNa i humophop hami. Sai paeleng ma pinggolMu tu tangiangnami jala asi ma rohaM di hami, marhitehite AnakMu Tuhan Jesus Kristus Tuhannami. Amen.

3. Marende BE No. 152 ; 1 Jesus na mamorsan Bl 120

1. Jesus na mamorsan dosa ni portibi on, pangolu hami
Jesus na mamorsan dosa ni portibi on, pangolu hami
Jesus na mamorsan dosa ni portibi on, sai pasonang hami, Amen, Amen, Amen

U : Dungi ditangkup angka soldadu dohot induk nasida ro di angka naposo ni Jahudi ma Jesus jala diihoti, jadi ditogihon ma Ibana jumolo tu si Hannas, ima simatua ni si Kayapas sintua ni malim di na sataon i. I ma si Kayapas naung mandok tu angka Jahudi:
R : Dengganan do mate sahalak humophop bangso
U : Alai diihuthon si Simon Petrus dohot sisean na sadanari ma Jesus. Na mansitandaan do sisean na sada i dohot sintua ni malim i, jadi bongot ma ibana rap dohot Jesus tu alaman ni malim i, dung i disungkun ma Jesus taringot tu podaNa dohot taringot tu angka siseanNa. Jadi dialusi Jesus ma :
R : Patar do hatangKi di sihatoropan. Na tongtong do Ahu mangajari na sailaon di bagasan angka parguruan nang bagas joro parpunguan ni halak Jahudi.
Ndang adong manang aha huhatahon marsibuni. Boasa Ahu disungkun ho ?. Nasida naung umbege hatangKi, i ma sungkun! Ai diboto nasida do na Huhatahon i.

U : Dungi didok Jesus songon i, dipastap sada opas na jongjong disi ma Ibana huhut didok : Songon i pangalusiM tu sintua ni malim? Dung i ninna Jesus ma mangalusi opas i
R : Ia na hurang na hudok hajongjonghon na hurang, alai anggo na hona do boasa pastaponmu Ahu ?

4. Koor : Ama

5. Marende BE No. 81 ; 2 Aha ma endehononhu Bl 185

2. Haleaon, insahinsak, reherehe tijur pe
Tali dohot pastappastap tung ditaonhon Ho sude
Paluahon au na pogos sian tangan ni sibolis
Ala ni hupuji Ho tung marribu hali do

U : Asa disuru si Hannas ma Ibana naung tinali i tu sintua ni malim Kayapas. Alai sai mangihut do si Petrus mandaodao sahat ro di alaman ni sintua ni malim i laos bongot marnida boha do ro di ujungna. Dilului rapot godang i ma gapgap dompak Jesus, laos adong ro dua halak na mandok, didok Halak on :

R : Tarbahen Ahu do mangalohai Joro ni Debata, jala pajongjongonNa i sumuang di bagasan tolu ari

U : Dung i hehe ma sintua ni malim i, mandok tu Ibana : Ndang alusanMu na hinatindanghon nasida dompak Ho ?. Alai sai hohom do anggo Jesus. Dungi dipangkulingi sintua ni malim i ma Ibana ninna : Hupatolon ma Ho tu Debata Siparngolui, asa dipaboa Ho tu hami manang na tutu Ho Kristus Anak ni Debata! Dung i didok Jesus ma :

R : Songon na nidokmi ma tutu! Alai hudokma tu hamu: Olat ni on ma idaonmuna Anak ni Jolma i, hundul di siamun ni hagogoon jala ro di atas ombun ni langit.

U : Gabe diribakhon sintua ni malim i ma paheanNa mandok : Na mangaleai Debata do Ibana. Pola luluan dope sitindangi? Nunga dibege hamu pangaleaiNa i, boha di rohamu?. Dungi ninna ma mangalusi : Marutang hosa Ibana! Jadi ditijuri nasida ma bohiNa, na deba manompuk, na deba mangalinsingi huhut mandok : surirangi hami Kristus, ise do na mamunu Ho?

6. Marende BE No. 78 ; 3 O Ulu na sap mudar Bl 158

1. Au on tama O Tuhan, manaon na tinaonMi, Dosangku do diporsan Ho na tarsilang i
Sai tatap ale Tuhan, au na di joloMon, Huhut sai patuduhon basam tu rohangkon

U : Hundul do anggo si Petrus di alaman i, jala didapothon sada parompuan ma ibana mandok: dohot do ho dongan ni Jesus na sian Galilea i ? Alai diporso si Petrus do, didok ma :

R : Ndang hutanda jolma na nidokmuna i. Dung i mamintor martahuak ma manuk paduahalihon

U : Jadi diingot si Petrus ma na nidok ni Tuhan Jesus i tu ibana: Tolu hali do soadahononmu Ahu andorang so martahuak manuk paduahalihon. Jadi marningot i tumatangis ma ibana

7. Koor ; Lansia

8. Marende BE No 206 ; 5 Na dison do au Tuhanku Bl 90

5. Sai tangihon ditangishon rohangki dangolna i
Sai tangihon ditangishon tondingki siholna i
RohaMi ma tu rohangku sai di Ho ma tondingki

U : Jadi dung diida si Judas Iskariot parjehe i, na naeng hona uhum nama Jesus, disolsoli ma rohana, dipaulak ma na tolupulu rupia i tu angka sintua ni malim dohot sintua ni bangso i, ninna ma:

R : Sala do ahu, hujehehon do hape na so marpipot!

U : Alai didok nasida ma : Ndang ro di hami i, ho do na sari disi. Jadi ditimpalhon ma perak i tu bagas joro i, laos sumurut sian i laho maningkot. Dung i ninna sintua ni malim :

R : Ndang jadi padomuon i tu arta ni joro i, ai tuhor ni mudar do i

U : Jadi mardos ni roha ma nasida manuhorhonsa tu ladang ni pande hudon, bahen parbandaan ni halak dagang. Ala ni i do umbahen margoar i : ladang mudar ro di sadari on

9. Koor : NHKBP

10. Marende BE No. 169 ; 1 Ho Sipangolu au Bl 224

1. Ho Sipangolu au, sai topot ma au on
Sai unang mandaodao, Ho sian rohangkon
Ro Sipangolu ro tibu, baen ma au anakMu tutu

Dohot mudarMi buri au, ias songon hapas ma au
Ias tutu, ias tutu, dohot mudarMi buri au, ias songon hapas ma au

11. Jamita :

12. Marende BE No. 79 ; 7 Di na ponjot rohangku Bl 124

7. Sai naeng ma tiruonku, pambaenanMi di au
Tu sasude donganku, Jesus urupi au
Manghaholongi donganhi, unang tung marpambuat
nang marpangansi pe.

13. Tangiang Pangondianon sian na ro

14. Marende BE No. 162 ; 2 – 4 O Debata mansai balga Bl 27
( papungu pelean )
2. Tung sura lao au tu na dao, mangalap hatuaon
Ndang dapot i di tano i, di nasa hajolmaon

3. I pe tu Ho nama au ro, sai unang tulak ahu
Paombun ma O Debata, rimasMu mida ahu

4. Ai mudar ni AnakMu i, do gabe pardengganan
Sae utangki binaenNa i, di hau na pinarsilang

14.` Tangiang Panutup

Posted in partangiangan wijk, Paskah, PassionTagged , ,

Ende Pujian Partangiangan Paduahon 27 Maret 2018

ii 


HKBP KRAMAT JATI - Mantap !

Ende Pujian Partangiangan Paduahon 27 Maret 2018

B.E. No. 83
NA LAO DO BIRUBIRU I
BL.214.

1. Na lao do Birubiru i
Mamorsan angka dosa
Ni nasa hajolmaon i
Di benget ni rohana

Diporsan do sahitta i
Di lehon do DiriNa i
Tu tangan ni pamunu
Ditaoni do na bernit i

Ro di na tos hosaNa i
Didok : Naeng porsanonku.

2. Ianggo Birubiru i ,
Ima alealengku
Na paluahon tondingki,
Disuru Debatangku
Didok mandok AnakNa i
Sai topot ma pardosa i

Naung sun tinoruanku
Balga tutu do rimashi
Alai tarbaen do mombun i
Horhonon ni mudarMu

Agenda

B.E. No. 152
JESUS NA MAMORSAN
BL. 120

1. Jesus na mamorsan dosa ni portibi on, pangolu hami.
Jesus na marmosan dosa ni portibi on, pangolu hami.

Jesus na mamorsan dosa ni portibi on, sai pasonang hami,
Amen,Amen,Amen.

Persembahan Pujian : INA HANNA

BE. 171
TANDAI MA AU BL.49

1. Tandai ma au, sungkapi ma dohot rohangku.
Uji ma au, pamanat huhut ma dalanku.
Olo ditanda Ho au Debata.

2. Asi ma rohaM, taringot tu pangalahongku.
Olo tutu, jotjot do na lilu dalanku.
Sesa dosangku, sude Debata.

B.E. No. 79
DI NA PONJOT ROHANGKU
BL. 124

8. Sai sonang ma rohangku
Binaen ni bugangMi
Di na lao tos hosangku
Marningot mudarMi

Pos ma rohangku baenon ni
PamasuhonMu ahu
Marnida bohiMi.

B.E. No. 180
RO TU JESUS HO NA LOJA
BL. 228

1. Ro tu Jesus ho na loja
Na maheu i
Lam lumbang do di lambungNa
Rohami

3. Timbang holong ni rohana
Na sai godang i
Ai dilehon do hosaNa
Tobusmi

Persembahan Pujian : ELFECHO

BE. No 153
O JESUS NAUNG SINEAT
BL. 126

1. O Jesus naung sineat,
di hau na pinarsilang.
RohaM tongtong daulat,
nang uju Ho tarhilang.

Marutang hosa hami,
ditaon Ho dosanami,
Asi rohaM o Jesus.

JAMITA

B.E. No.182
HAHOLONGAN NA BADIA
BL.24

1. Tu joloM o Debatangku,
Sai use do rohangkon
Sai pasiat tangiangku
Dohot iluilungkon

2. Husolsoli do rohangku
Na gok dosa i tongtong
Ai godang ariaringku
Na hubahen ambolong

Tangiangan Pangondianon

BE. 88
DI SURGO DO ALE-ALENTA
BL.106

2. Tarsolsolbagi do rohangku Paidaida dangolMi
Marningot sasude dosangku Ai i do na tinaonMi
Hupuji nasa asiMi Alai gumodang holongMi

4. Bagas uhirhon tu rohangku PangkophopMi humophop au
Tusi ma togu pingkiranku Guru di Ho sambing ma ahu
Hupuji nasa asiMi
Alai gumodang holongMi

Tangiang Pasu Pasu (Panutup)

Posted in Jumat Agung, partangiangan wijk, PassionTagged ,

Acara Partangiangan Pertama 26 Maret 2018

i

 


Partangiangan Jelang Jumat Agung – Passion, 

Masuk Partangiangan - Pukul 19.30 wib Gereja HKBP Kramat Jati

Memasuki Ibadah

1. Marende BE No 76 ; 1 – 2 Sada nama sangkap ni rohangku Bl 199

1. Sada nama sangkap ni rohangku di sandok portibion
Ndang tagamon na so las rohangku molo jumpang au inon
Naeng ma sai ingoton ni rohangku, na binaen ni Jesus tu tondingku
Uju pinorsanNa i, saluhutna dosangki

2. Ingkon sai Ibana ingotonku uju na tarpajal i
Tu hau pinarsilang ginantunghon sai mabaor mudarNa i
Ai humophop au ditaon uasNa, asa dohot au muse upaNa
Ai ditatap do au on, dipandokNa : Nunga sun !

2. Agenda – Tangiang

U : Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia. Amen
Tabereng ma Induk ni haporseaon i jala na paujunghonsa, ima Jesus na manaon parsilangon i singkat ni las ni roha tohapNa i hian, so dietong i hailaon, gabe hundul di siamun ni habangsa ni Debata. Paingotingot hamu ma Ibana, na pataontaon paraloan sisongon i dompak Ibana sian angka sipardosa, asa unang marnaloja, unang mandate tondimuna
Martangiang ma hita : Ale Tuhan Debata Amanami na di banua ginjang. Asi ma rohaM di hami halak na gale on, diida Ho do na gogo do musunami, sai talu do hami dibahen ala ni hagaleonnami. Dibahen i hupangido hami tu Ho : Sai pargogoi jala pamonang ma hami maralohon musu i marhitehite panaonon ni Anak haholongan ni rohaM, Tuhan Jesus Kristus. Amen

3. Marende BE No. 79 ; 7 Di na ponjot rohangku Bl 124
Sai naeng ma tiruonku, pambaenanMi di au, Tu sasude donganku Jesus urupi au. Manghaholongi donganki, unang tung marpambuat nang marpangansi pe

U : Jadi diarahon Jesus ma na sampuludua i, jala didok ma tu nasida : Na nangkok ma hita tu Jerusalem, jala tulus ma tu Anak ni Jolma i sasudena, na tarsurat di angka panurirang
R : Pasahaton ma Ibana tu angka parbegu gabe insahanna, leaanna, mate jala mulak mangolu
U : Onom ari asa dapot Paska i, sahat ma Jesus tu huta Betania, ima huta ni si Lazarus na sinunggulan ni Jesus sian na mate. Dung i torang ni arina i, dibege halak na torop na ro tu pesta i, na naeng ro ma Jesus tu Jerusalem, jadi dibuat nasida ma maremare laho manomunomu Ibana huhut manjoujou:Hosianna ! Pinasupasu ma na ro marhite goar ni Tuhan i, Raja ni Israel. Dung i dapot Jesus ma halode sada, ima dihunduli hombar tu na tarsurat :
R : Unang ho mabiar ale Boru Sion, ida ma : Rajam do na ro manopot ho, marsihundul di anak ni halode
U : Alai ro do halak Parise dohot deba natorop i mandok tu Jesus : Orai antong angka siseanMi, Guru !. Alai ninna ma mangalusi : Hudok ma di hamu, aut mauhom nasida manjoujou ma angka batu on.

4. Koor : Parompuan (Persembahan Pujian)

5. Marende BE No. 83 ; 4 Na lao do birubiru i Bl 214
Saleleng na mangolu au, naeng ingotonku Jesus. Sude na binaenMi di au, HataM naeng hupatulus. Ho naeng haholonganku do, huhut ihuthononku Ho. Di dalan hangoluan.
Tung ingkon Ho, nampuna ahu, Mangolu manang mate au, sai Ho do tioponku

U : Alai di ari parjolo parhobasan parjolo ni Pesta Paska i, didapothon siseanNa ma Jesus ninna ma : Tu dia ma patureonna di Ho panganon Paska i ? Gabe dialusi ma : Laho ma hamu manopot si adui, dok hamu ma, “ Tona ni Guru i dapot ne ma tingkingku, di ho ma au sorang laho manganhon Paska i rap dohot siseanku”. Jadi borhat ma siseanNa, dibongoti ma huta i jadi jumpang ma songon na nidokNa i, gabe dipature ma panganon Paska i. Asa dung botari sahat ma Jesus, jala mangan ma nasida. Hehe ma Jesus sian na mangan i, ditanggal ma ulosNa, dibuat ma basahan ditapolhon tu Ibana.
Diusehon ma aek tu sambong diburi ma pat ni angka siseanNa, diapusi ma dohot basahanNa natinapolhonNa i. Jadi dung sahat tu si Petrus ninna ma.
R : Tung Ho ma ale Tuhan mamuri pathu ? Alai ninna Jesus ma : Ndang diantusi ho pambahenanKu na tu ho anggo nuaeng, muse pe botoonmu i
U : Dungi didok si Petrus ma tu Ibana : Matua tano on, ndang burionMu pathu. Dungi ninna Jesus ma : Molo so burionHu ho, ndang partohap ho di Ahu. Dung i ninna si Simon Petrus ma :
R : Ale Tuhan, unang ma holan pathu, dohot ma tangan nang ulungku
U : Halak naung maridi i, ndang ingkon be burion; ai nunga ibana ias. Naung ias do anggo hamu, alai ndang luhut hamu. Asa molo Ahu Tuhan jala Gurumuna mamuri patmuna, tama ma nang hamu masiburian pat. Ai sitiruon do Hulehon tu hamu, asa dibahen hamu songon naung hubahen i tu hamu !
R : Na tutu do na hudok on tu hamu : Ndang umbalga anak somang sian indukna, ndang sumurung suruan sian na marsuru ibana. Molo diboto hamu i, martua ma hamu mangulahonsa.

6. Marende BE No. 173 ; 4 Sai mulak Bl 63

Sai mulak sai mulak, ai na sonang ma ho. Molo sesa dosam, jala sabam roham.
O parjalang ho. Mulak, mulak ma ho, mulak, mulak ma ho.

U : Jadi di na mangan i nasida, ninna Jesus ma : Situtu do na hudok on tu hamu : Sada sian hamu naeng pasahathon Ahu. Gabe marsak ma nasida jala dipandok be.

R : Nda tung ahu i Tuhan !

U : Alai ninna ma mangalusi nasida : Ia i na rap dohot ahu manurdukhon tanganna tu paringkauan, ima ibana. Tong do nian ujung ni Anak ni Jolma i songon na tarsurat i, alai marjea ma halak na pasahathonsa, tagonan unang tubu ibana tu hasiangan on. Gabe ninna si Petrus ma tu sisean haholonganna; sungkun ma ise do na nidokNa i, gabe dipajonok ma tu lambung ni Jesus; Tuhan ise i ?

R : Ia tusi hulehon na santopik na husornophon on, ima ibana. Jadi disornophon ma santopik, dilehon ma tu si Judas Iskariot, anak ni si Simon

U : Jadi dung dibondut i, dibongoti sibolis ma ibana. Dung i didok Jesus ma tu ibana Humatop ma ula siulaonmu. Jadi mamintor laho ma ibana tu balian, alai borngin ma uju i. Dung i dihindat Jesus ma roti, dipasupasu ma, diponggoli jala diparlehon tu angka siseanna, huhut ma didok :
R : Jalo hamu jala pangan hamu, dagingHu do on

U : Dihindat ma panginuman i, didok ma mauliate, dilehon ma tu nasida huhut didok

R : Sude hamu manginum sian i, ai mudarHu do on, mudar parpadanan i, na ni usehon humophop torop bahen hasesaan ni dosa

U : Alai hudok ma tu hamu na so tupa be inumonku olat ni on sian parbue hau anggur i, sahat ro di ari sogot, disi ma inumonKu na imbaru rap dohot hamu di Harajaon ni Damang

7. Koor : PS Immanuel

8. Marende BE No 153 ; 4 O Jesus naung sineat Bl 126

Pelean na badia, DagingMu sipanganon, Di angka na porsea mudarMu siinumon. Sai ro ma maringanan, marhite parpadanan, di hami on o Jesus

U : Jadi dung diendehon nasida endeende pujipujian, ruar ma nasida tu dolok Jetun. Disi ma didok Jesus tu nasida, saluhut do hamu naeng targasip mida Ahu di na saborngin on. Ai na tarsurat do

R : Lombutanku ma parmahani, gabe marserak ma birubiru na sapunguan i

U : Alai ninna si Petrus ma mangalusi : Agia sude nasida targasip mida Ho, anggo ahu, na so tupa targasip. Alai ninna Jesus ma mandok ibana : O Simon, Simon, nunga dipangido sibolis naeng segeonna hamu songon dahanon. Alai Ahu do manangianghon ho, unang mintop haporseaonmi. Dung mulak sogot roham, pargogoi ma roha ni hahaanggim, gabe ninna si Petrus :

R : Tuhan, na hobas do ahu mandongani Ho tu hurungan, nang tu hamatean pe

U : Alai ninna Jesus ma : Hudok ma tu ho Petrus, ndang martahuak manuk saborngin on, so jolo tolu hali soadahononmu, na so tinandam Ahu

9. Marende BE No. 86 ; 1 Silang na badia i Bl 67
Silang na badia i, ho do lombulombungki, maralohon dosa i, dohot pandelean i.
Di sude sitaonon i, Ho ma lombulombuki

10. Jamita :

11. Marende BE No. 86 ; 3 Silang na badia i Bl 67

Ro do au nuaeng tu Ho, sai palambas ma rohaM. Nunga pola mate Ho ala asi ni rohaM. Jangkon au na dangol on, sai ulosi tondingkon.

12. Tangiang Pangondianon sian na ro

13. Buku Ende 180 BL .228

Ro Tu Jesus Ho Na Loja

  1. Ro tu Jesus ho na loja Na maheu i
    Lam lumbang do di lambungNa Rohami
  2. Bereng di hau pinarsilang Daon ni sahitmi
    Tuhanmi na hona uhum Singkatmi.
  3. Timbang holong ni rohana Na sai godang i
    Ai dilehon do hosaNa Tobusmi
  4. Apulapul sae ni dosa Hangoluanmi
    Saluhut dilehon Jesus Tuami
  5. Diantusi do siholmu Habebernitmi
    Gogo tahanmi, diantan Tuhanmi.

 

14. Tangiang Panutup

Posted in Jumat Agung, PassionTagged

Partangiangan, Jumat Agung, dan Paskah


 

  • Partangiangan jelang Jumat Agung – Paskah, Maret tanggal 26, 27, 28, 29 / 2018 Masuk pukul 19.30.
  • Jumat Agung 30 Maret 2018, Masuk 06.00 – SKM 07.30 – 11.30 dan Remaja,  Perjamuan Kudus  14.00, –  Sore Pukul 17.00 dilanjutkan perjamuan Kudus.
  • Paskah 01 April 2018 Masuk Pukul 06.00 – Pukul 10.15 – Pukul 17.00 (Parheheon Parompuan)   
  • 01 April 2018, Setelah Ibadah Siang dilanjutkan acara “DOA PEMBERANGKATAN UJIAN” Kelas III SLTA / Sederajat.
  • 01 April 2018 Evaluasi Pelajar SIDI 2018 setelah ibadah Siang “DOA PEMBERANGKATAN UJIAN”

Sekolah Minggu (S.K.M) 01 APRIL 2018

  • SKM Drama Siluet tgl 30 Maret 2018, Setelah ibadah SKM – Ruang Serbaguna Drama Siluet.
  • SKM 1 April 2018 Habis Ibadah SKM 08.30 : Cari Telur, Games – Ruang Serbaguna

IBADAH PASKAH SKM PUKUL 07.30

SETELAH IBADAH SKM ADIK-ADIK SKM DILANJUTKAN KE AREA SERBAGUNA GEREJA DALAM PERLOMBAAN SERENTAK  :

  1. MENCARI TELUR PASKAH (BATITA- BALITA)
  2. MOZAIK TELUR PASKAH ( KELAS 1-3)
  3. SUSUN & RANGKAI (KELAS 4-6)


***kutipan ayat Kebangkitan / Paskah

1 Korintus 15:14. Tetapi andai kata, Jesus Kristus tidak dibangkitkan, maka sia-sialah pemberitaan kami dan sia-sialah juga kepercayaan kamu. Dan, jika Kristus tidak dibangkitkan, sia-sialah pemberitaan kami dan sia-sialah juga imanmu.

 

***Kebangkitan – Parheheon Ina (Parompuan) Lukas 24 : 4-6

Sementara mereka berdiri termangu-mangu karena hal itu, tiba-tiba ada dua orang berdiri dekat mereka memakai pakaian yang berkilau-kilauan.   

Mereka sangat ketakutan dan menundukkan kepala, tetapi kedua orang itu berkata kepada mereka: “Mengapa kamu mencari Dia yang hidup, di antara orang mati? 

Ia tidak ada di sini, Ia telah bangkit1 . Ingatlah apa yang dikatakan-Nya kepada kamu, ketika Ia masih di Galilea, 

Posted in Acara dan Kegiatan, Jumat Agung, Kebaktian Minggu, Parheheon, Paskah, Passion, Sidi, SKM HKBP Kramat Jati

Passion

Partangiangan Passion ke Jumat Agung


Partangiangan Passion HKBP Kramat Jati

Tgl            : 26, 27, 28, 29 Maret 2018

Masuk      : Pukul 19.30.00 wib

Tempat    : Gereja HKBP Kramat Jati Ressort Kramat Jati

Pembagian Persembahan Pujian / KOOR ;

  • Borngin Parjolo        : Punguan Parompuan, PS Immanuel
  • Borngin Paduahon   : Ina Hanna, Elfecho
  • Borngin Patoluhon   : Lansia, AMA, N-HKBP & PraNaposo
  • Borngin Paopathon  : Arbab, Remaja

Posted in PassionTagged ,

Acara Partangiangan Passion III hkbp kramat jati

ACARA PARTANGIANGAN PASSION
(PATOLUHON / KE III )
12 APRIL 2017

 

 

 

 

 

 

 

 

BE. 84
AUT NA GINORGA TU ROHANGKU
BL.195

1. Aut na ginorga tu rohangku, bohiM di na lao mate Ho
Aut na huingot o Tuhanku, tongtong pangkophopMi di au

Ai Ho do paluahon ahu, dosangku do pinorsanMi
Didaoni Ho parsahitonku, martua au binahen ni i.

3. Mauliate ma rohangku, di Ho o Jesus Tuhanki
Ho naeng tongtong haholonganku Marningot denggan basaMi

Antong sai tiop ma tanganku, manogu au tu lambungMi
Dijalo Ho do tangiangku, sai pos do rohangki di si.

B.E. No. 152
JESUS NA MAMORSAN
BL. 120

1. Jesus na mamorsan dosa ni portibi on, pangolu hami.

Jesus na marmosan dosa ni portibi on, pangolu hami.

Jesus na mamorsan dosa ni portibi on, sai pasonang hami,
Amen,Amen,Amen.

KOOR :
PUNGUAN LANSIA

BE. 81
JESUS MUAL NI NGOLUNGKU
BL. 185

2. Haleaon, insakhinsak, reherehe,
tijur pe Tali dohot pastappastap,
tung ditaonhon Ho sude

Paluahon au na pogos,
sian tangan ni sibolis
Alani hupuji Ho,
tung marribu hali do.

B.E. No. 78
O’ ULU NA SAP MUDAR
BL. 158

3. Au on tama o Tuhan, manaon na tinaonMi.
Dosangku di diporsan Ho na tarsilang i

Sai tatap ale Tuhan, au na dijoloMon.
Huhut sai patuduhon, basaM tu rohangkon.

KOOR :
PUNGUAN AMA

B.E. No. 206
NA DISON DO AU TUHANKU
BL.90

5. Sai tangihon, ditangishon Rohangki dangolna i

Sai tangihon , ditangishon Tondingki siholna i
Rohami ma tu rohangku Sai di Ho ma tondingki.

B.E. 169
HO SIPANGOLU AU
BL.224

1. Ho sipangolu au, sai topot ma au on. Sai unang mandaodao.
Ho sian rohangkon. Ro Sipangolu ro tibu.

Baen ma au anakMu tutu.
Dohot mudarMi buri au ias songon hapas ma au.

Ias tutu, ias tutu,
dohot mudarMi buri au.
Ias songon hapas ma au.

B.E.No. 162 .
O DEBATA MANSAI
BL. 27

2. Tung sura lao au tu na dao, mangalap hatuaon.
Ndang dapot i di tano i, di nasa hajolmaon.

3. I pe tu Ho nama au ro, sai unang tulak ahu.
Paombun ma o Debata, rimasMu mida ahu.

4. Ai mudar ni AnakMu i, do gabe pardengganan.
Sae utangki binaenNa i, di hau na pinarsilang.

Tangiang Pasu pasu.

 

 

 

 

 

mahkota duri / blood img
Posted in Barita, Jumat Agung, Paskah, Passion