ARI HAMAMATE NI TUHAN JESUS

  • Acara Ibadah
  • Koor / Persembahan Pujian

Acara Ibadah “JUMAT AGUNG”

Bentuk Acara ibadah 30 Maret 2018

PARTORDING NI ACARA
PESTA PARNINGOTAN ARI HAMAMATE
NI TUHAN JESUS

PANOTNOTI JALA HAPOSI MA JESUS NA TARSILANG I
(Johannes 19:28-37)

HKBP DISTRIK VIII DKI JAKARTA
30 Maret 2018

01. JOUJOU TU PARSAORAN (L: Liturgis; R: Ruas)
L : Huria ni Kristus! Di Ari Parningotan Hamamate ni Tuhan Jesus sadari on, itahalashon do balga ni holong ni roha na binasabasahon ni Tuhanta tu hita, ai rade Ibana mate di hau pinarsilang laho mamorsan dosanta.
R : Ingkon pujionta do Tuhan i ala ni asi ni rohaNa dohot halongangan angka na binahenNa tu hita.
L : Ibana do mual ni ngolunta, Sipanglu tondinta. Alani i, bongot ma hita tu bahalNa marhitehite hamauliateon, taendehon ma “Jesus Mual ni Ngolungku”
R : (mangendehon) BE. No. 81:1-3 “JESUS MUAL NI NGOLUNGKU” BL. 185
Jesus mual ni ngolungku Sipangolu tondingki. Ai dibunu Ho musungku ima hamatean i.
Ho manaoni hamagoan patupahon hangoluan. Alani hupuji Ho tung marribu hali do

Haleaon insahinsak, reherehe tijur pe. Tali dohot pastappastap, tung ditaonhon Ho sude.
Paluahon au na pogos sian tangan ni sibolis. Alani hupuji Ho tung marribu hali do.
——————-elekton/musik——-
Bugang sada tanggurungMu di na hona linsing i. Hamamalum ni buganghu na di rohangki do i.
Ho do gabe binuraan au dapotan hangoluan. Alani hupuji Ho tung marribu hali do.

02. VOTUM INTROITUS TANGIANG
L : Marhitehite goar ni Debata Ama, dohot goar ni anakNa Tuhan Jesus Kristus,
dohot goar ni Tondi Parbadia, na tumompa langit dohot tano on, Amen. Na gabe pangoloi do Kristus paima mate, pola tung mate tarsilang. Didia angka soropmi ale hamatean? Didia pangagoonmu ale banuatoru? haleluya
R : (mangendehon) HALELUYA, HALELUYA, HALELUYA
L : Martangiang ma hita! O Tuhan Jesus birubiru ni Debata, na mamorsan dosanami.
Na jongjong do hami di joloM marningot Ho, na gantung i. Tangkas do huantusi hami habebernit ni na tinaonMu di dolok Golgata. Tungki do hami marningot dosanami na manghorhon hamamateMi. Asi ma rohaM, urupi ma hami, asa gabe upa ni halojaonMu hami. Amen. ———-hundul——-

03. Marende BE.No.76:2 “Sada nama sangkap ni rohangku” BL. 199
Ingkon sai Ibana ingotonhu, uju na tapajal i. Tu hau pinarsilang ginantunghon, sai mabaor mudarNa i.
Ai humophop au ditaon uasNa, asa dohot au muse upaNa. Ai ditatap do au on dipandokNa nunga sun.

04. PATIK:
L : Tangihon hamu ma patik ni Debata, ima na tarsurat di Heber 12:2 :
“Tabereng ma induk ni haporseaon i jala na paujunghonsa, ima Jesus na manaonhon parsilangon i,
singkat ni las ni roha tohapNa i hian, so dietong i hailaon, gabe hundul di siamun ni habangsa ni Debata.”.
Antong rap mangido gogo ma hita tu Debata mangulahon patikNa

L+R : Ale Tuhan Debata, sai pargogoi ma hami mangulahon na hombar tu patikMi, Amen

05. Marende BE.No.82:1-2 “O Jesusku tu BugangMu” BL. 21
O Jesusku tu bugangMu ro marsomba rohangkon. Sai tarpuji sai tarpuji na pamalum tondingkon
———–jongjong—————-
Tung di patMu O Jesusku solsolanhu rohangki. Tangisanhu na tinaonMu ala jat ni rohangki.

06. MANOPOTI DOSA
L : Tatopoti ma dosanta, martangiang ma hita! Ale Debata Amanami Parasiroha na sumurung! Na pungu do hami di joloM martangiang tu Ho, ndada mangasahon hatigorannami, na mangasahon asi ni rohaM na godang i do.
R : Sai asi ma rohaM mida sandok bangsonami, ai jotjot do hami manimbil sian dalanMu na sintong i.
L : Sipata do ganggu hami di hagogoonMu paluahon hami sian sandok na manosak ngolunami.
R : Asi ma rohaM ale Tuhan, sai urupi ma hami asa marsihohot tongtong di haporseaon tu Ho.
L : Sai pasunggulhon ma tongtong tu rohanami panghophopMi di hami, asa tarapul situtu rohanami manjou Ho, asa pantun, tigor, jala daulat hami marpangalaho, bahen hasangapon di goarMu na badia i, Amen
———hening—–elekton….BE. No.81/ BL. 185——
Bagabaga ni Debata taringot tu hasesaan ni dosanta:
Humophop hita gabe dosa do Ibana na so tumanda dosa dibahen Debata, asa gabe hatigoran ni Debata hita marhitehite Ibana. Hasangapon ma di Debata na di ginjang.
L+R : Amen.-

07. Marende BE.No. 84: 2 “Aut na ginorga tu rohangku” (BL. 195)
Sai jalo mau ale Tuhanhu, baen upa ni na tinaonMi. Sai naeng ingoton ni rohangku tung sasude na binaenMi. Humophop au pardosa godang dibahen holong ni rohaM, hinorhon ni tarbaen au sonang lao mandapothon banuaM.

08. EPISTEL:
L : Hata ni Debata, turpuk di Pesta Parningotan Hamamate ni Tuhan Jesus sadari on, ima na tarsurat di Psalmen 22:1-9 : Ende sian si Daud. Ale Debatangku, Debatangku! Boasa tung tadingkononmu ahu? Sai mandaodao do angka hata ni anggukkon sian hatuaonku.
R : Ale Debatangku, sai joujou do ahu arian, alai ndang mangalusi Ho, jala borngin pe ndang jumpang ahu hasonangan.

L : Alai nabadia do anggo Ho, marhabangsahon angka pujipujian ni Israel.

R : Marhaposan tu Ho do angka ompunami, pos do rohanasida, jadi dipalua Ho do nasida.

L : Tu Ho do nasida mangangguhi, jadi malua ma nasida, marhaposan tu Ho do nasida, jadi ndang tarurak.

R : Alai gea nama ianggo ahu, ndada jolma, haeleson ni halak jala parbilean ni natorop.

L : Sude angka na marnida ahu marengkelengkelihon ahu, dipangangang do babana huhut mangupirupir.

R : “Tu Jahowa ma nian dipasahat, asa dipalua ibana, dipangolu ma nian ibana, ai lomo do rohana mida ibana.”
L : Ima sahatna. Martua do angka na tumangihon Hata ni Debata jala na umpeopsa, Amen

09. Marende BE. No. 86:3,5 “Silang na badia i” BL. 67
Ro do au nuaeng tu Ho sai palambas ma rohaM. Nunga pola mate Ho ala asi ni rohaM.
Jangkon au na dangol on sai ulosi tondingkon.
——————-jongong——————
Silang na badia i Ho do lombulombungki. Molo puas hodokhi di na suda bohalhi.
Di sude sitaonon i, Ho ma lombulombungki.

10. MANGHATINDANGHON HAPORSEAON
L : Tahatindanghon ma haporseaonta i, songon na hinatindanghon ni donganta sahaporseaon di sandok portibi on, rap ma hita mandok
L &R : Ahu porsea di Debata Jahowa………d.u……..Amen
————hundul———–
11. KOOR :

12. SUNGGULSUNGGUL

13. KOOR :

14. MARNINGOT SITAONON NI JESUS NA TARSILANG I
L : Huria ni Tuhanta. Uhuman silang ima uhuman ni na hona bura jala na hona toru. Ingkon taonon ni Jesus ma sisongon i, so ala ni dosaNa, alai ala ni holong ni rohaNa na so hadodoan jala na so hasuhatan tu hita jolma, i do na patar disi.
R : Ima tutu, ai ndada ala ni dosaNa Ibana tarsilang, ai ndang adong dosa diula Ibana, ndang jumpang angkal dibagasan pamanganNa.
L : Naeng gomal ma uhir di rohanta angka Hata na ruar sian sian simanghudap ni Jesus i. Hata na parjolo ima hata na mangondihon angka na mamparsilangkon Ibana, ai didok do: “Ale Amang, marpamuati ma roham mida nasida, ai ndang diboto nasida na binahennasida i.
R : Anggiat ma lam tangkas huauhon panghophoponNa i, jala boi hutiru pambahenanNa i, na sai tongtong marroha pangoluhon tu na pasiaksiak diriNa.
L : Hata na paduahon, ima tu sahalak parjahat na targantung di silang i, na mananda dosana jala mangido asi ni roha sian Jesus, on do Hata ni Jesus: “Sadarion do ho rap dohot Ahu di Paradeiso”. Ungkap do dalan tu hangoluan di angka pardosa na mananda dosana jala na malungun di asi ni roha ni Tuhan i
R : (mangendehon) BE. No. 176:3 “Na Mungkap do Surgo ” BL. 3
Antong O tondingku tu Jesus ma ro. Ai las do rohaNa manjanghon nang ho, ai las do rohaNa manjanghon nang ho.

L : Hata na patoluhon ima na manoarahon hinaringkot ni parsaoran na denggan, di nanidokNa tu inana: ndi ma inang anakmi, jala tu siseanna didok: ndi ma inangmi!
R : Tutu do Silang ni Jesus i gabe pardengganan, pardengganan ni hita jolma tu Debata, nang pardengganan ni jolma maradophon dongan jolma.
L : Dihatahon Jesus do nang pandohan na patuduhon parungkilonNa, manaon panginona ni dosa ni jolma na jorbut i, dijouhon ma: “Ale Debatangku,Debatangku boasa tung tadinghononMu ahu?” Ingkon ganup hita hian do nian manganggukhon i, ingkon ganup hita hian do nian manaon hapunjungan i, alai Jesus na tarsilang i ma manganggukhonsa, asa ndang pola be anggukhononmu i. Dung diboto Jesus naung marujung saluhutna, asa jumpa na tarsurat i, ninna ma: Mauas Ahu.
R : Dibagasan Jesus i do taruli hita aek hangoluan, jala ganup na manjalo i na so tupa mauas be ibana rodi salelenglelengna.
L : Atik pe mangingking na bernit ditaon Jesus di Silang i, ndada soara panolsolion manang hoihoi manulak sitaononNa na tarbege sian simanghudap ni Jesus i, alai soara hamonangan do. On do didok Ibana: “nunga marujung”, nunga singkop pangoloionNa di ulaon Panghophopon i, jala nunga dihamonangkon Ibana parungkilon i.Dungi mangulahi marsoara na gogo ma Jesus, ninna ma: Amang tubagasan tanganMu ma hupasahat tondingku! Jadi dung didok i, dipaunduk ma uluna, dung i tos ma hosaNa.
(Manghuling ma giringgiring 7 hali marholangholang)—laos martangiang na hohom ma dibagasan rohana be………diiringi elekton mangendehon BE. 449:1. Sidung giringgiring diuduti marende)

R : (mangendehon)

BE.No. 449:3-4 “Sai solhot tu silangMi” BL. 449

3. Domu ma tu silangMi, i ma tioponhu.
Asa unang lilu au, Ho ihuthononhu.
Ref:
SilangMi Tuhanhi ima pujionhu,
paima sogot sahat au i endehononhu

4. Laos maniop silangMi sai paimaonhu.
GonkhonMi tu surgo i tu siteanonhu.
Ref: SilangMi Tuhanhi..d.u

14. KOOR:

15. Marende BE. No.83:1—

“Na lao do birubiru i” BL. 214 (p.pelean Ia,Ib)
Na lao do birubiru i mamorsan angka dosa
ni nasa hajolmaon i di benget ni rohaNa.
Diporsan do sahitta i, dilehon do diriNa i
tu tangan ni pamunu. Didaoni do na bernit i
rodi na tos hosanna i, didok: naeng porsanonHu
instrument…….
Ianggo Birubiru i, ima alealenta.
Na paluahon tondingki disuru Debatangku.
Didok mandok AnakNa i:”Sai topot ma pardosa i,
naung sun tinoruanHu. Balga tutu do rimasHi,
alai tarbaen do mombun i horhonon ni mudarMu”
instrument…….
“Na olo au ale Amang sian sandok rohangKu,
pasauthon lomo ni rohaM, rohaM sambing do guru”.
O holong ni rohaNa i, tung aha do tudosanMi,
na songon Ho margogo. Dilehon Debata hape
anakNa lao manaon sude, sitaonon ni na mago.
instrument…….
Saleleng na mangolu au, naeng ingotonhu Jesus.
Sude na binaenMi di au, hataM naeng hupatulus.
Ho naeng haholonganhu do, huhut ihuthononhu do
di dalan hangoluan. Tung ingkon Ho nampuna au
mangolu manang mate au, sai Ho do tioponhu.

instrument…….

O Tuhan hinauliMi sai naeng endehononhu.
Diringku ma peleanMi na naeng seahononhu.
O Jesus jalo ma au on, pasiat ma pamujingkon,
baen sangap di goarMu. Pasahat au tu surgo i
marhitehite mudarMi, baen intan di tumpalMu

16. JAMITA: Johannes 19:28-37

17. Marende BE.No. 413:1—“Hutanda Haporusanhi” BL. 275 (p.pelean II)
Hutanda haporusanhi na sonang i ma Silang i. Marendeende au disi, ai au na niasian i. Ref: ParsilangMi O Tuhanhi do haporusanhi. ParsilangMi O Tuhanhi tung sonang au disi..
instrument…….
Marlas ni roha ma disi do ganup na porsea i. Di pardengganan naung sun i di hau na pinarsilang i. Ref: ParsilangMi O Tuhanhi..d.u..

instrument…….
Mardame na marmusu i di hau na pinarsilang i. Na talu do sibolis i uju na mate Kristus i. Ref: ParsilangMi O Tuhanhi…d.u..

instrument…….

Nang parungkilon bolon ro manggaori au naung sonang do.

Boi monang jala sonang au marningot na manghophop au.

Ref: ParsilangMi O Tuhanhi…d.u.

18. TANGIANG: Pelean, Hamamate ni Jesus, Ale Amanami, Pasupasu
Di angka Huria na manorushon tu ulaon na badia dung sidung pelean II, diuduti ma langsung tu acara na di toru on andorang so tangiang Panutup.-

MANGARADE TU ULAON NA BADIA
Pdt : Huria ni Tuhanta, di Ari parningotan hamamate ni Tuhan Jesus sadarion,
udutanta dohot ulaon na badia, hombar tu na tinonahon ni Tuhan Jesus tu angka siseanNa andorang so di tangkup ibana. Ulaon na badia ima: Parningotan tu Tuhan Jesus Kristus, tanda hasesaan ni Dosa, dohot padan na imbaru taringot tu hangoluan na so ra suda.

1. Marende BE No. 152:1 “Jesus Na Mamorsan”
Jesus na mamorsan dosa ni portibi on, pangolu hami /
Jesus na marmosan dosa ni portibi on, pangolu hami /
Jesus na mamorsan dosa ni portibi on, sai pasonang hami /
Amen, Amen, Amen.

2. Agenda: Pangaradeon diri

3. Marende BE No 153:1 ”O JESUS NAUNG SINEAT”
O Jesus naung sineat, di hau na pinarsilang
rohaM tongtong daulat, nang uju Ho tarsilang
Marutang hosa hami, ditaon Ho dosanami, asi rohaM o Jesus

4. Agenda: Manjalo ulaon na Badia

5. Manganhon parpadanan nabadia huhut marende
(ende di tingki manjalo ulaon na badia)

BE No. 702:1-2 “Pangan ma Roti on”
1. Pangan ma roti on i ma daging ni Tuhan Jesus/
Inum ma sian i mudar ni Tuhanta do i.

Jalo ma pangan ma, asa sai tongtong Ho margogo/
Inum ma sian i ngolu na manongtong di ho.

BE. No. 155:1—“Naung moru do muse sataon” BL. 192
Tuson ma ho ale tondingku, dina mauas male ho.
Manjalo basa ni Tuhanmu pinaradeNa I di ho.
Dilehon Jesus do dagingNa marhitehite roti on.
Dilehon dohot do mudarNa marhitehite anggur on.

Ai nang tongtong pe ganup ari, mudarNa mangurasi au.
Huhut Ibana so mansadi,
manogu tu lambungNa au.
Sai naeng au mangan parpadanan ni Jesus Kristus Tuhanki.
Na padamehon parbadaan na pasonangkon rohangki

Asi rohaM di au O Jesus tumpahi au sadari on.
Ai hataMi do hupatulus manganhon parpadanan on.
Antong patiur ma rohangku marningot denggan ni basaM.
Ima na tinaonMi dosangku binaen ni holong ni rohaM

Patogu haporseaonku di hasasae ni dosangki.
Marsitiopan baen rohangku di mudarMi na durus i.
Sai ro ma Ho ale Tuhanku marhite parpadanan on.
JoroM ma baen nuaeng rohangku, Ho ma nampuna au tongtong

BE. No. 174:1—“Torop dope na siat I”
Torop do pe na siat i Di hasampuran rea
I pe hamu pardosa i Sai olo ma porsea
Ai Debata manjou hamu Tu hasonangan situtu
Hamu, hamu Dijou Debatamu.

Tama longang roham, ale Umbege pangontangna
Antong sai unang jua pe Tangihon pamiona
Ai Debata mamio ho Dibahen i sai ro ma ho
Sai ro, sai ro Tu surgo ma ho ro.

Pardosa ho didok roham, na so tama be dohot?
Ndang pola ala ni dosam, umbaen na sundat bongot.
Ai nunga sae do dosam i, digarar Tuhan Jesus i
Naung sae, naung sae, naung sae do dosami.

Haporseai ma hata i Ai i do hatuaon
Haposi Tuhan Jesus i MudarNa i ma golom
Ai nang gok dosa rohami Malua ho bahenon ni
Tutu, tutu Malua baenon ni.

Antong, beha roham disi ? Sai rap ma hita bongot
Tu hasampuran rea i Tu hasonangan sogot
Tapuji ma Tuhanta i Dibaen asi rohaNa i
Tongtong, tongtong asi rohaNa i.

6. Ende Pujipujian: BE. No. 9:1 “Hupuji holong ni” BL. 110 (jongjong)
Hupuji holong ni rohaMu O Tuhan Jesus Rajangki.
Tu Ho hulehon ma tondingku ai ido pinangidoMi. Huhalupahon ma diringku, mamingkir holong ni rohaMu

7. Tangiang Panutup


  • Koor / Persembahan Pujian :
  1. Borngin Parjolo       : Punguan Ina, Immanuel
  2. Borngin Paduahon  : Ina Hanna, Elfecho
  3. Borngin Patoluhon  : Lansia, AMA, N-HKBP
  4. Borngin Paopathon : ARBAB, Remaja, Pra-Remaja, PraNaposo

Notes: Acara bisa saja ada perubahan / atau disesuaikan setelah di kaji ulang.

Posted in Jumat AgungTagged , ,