Acara SIDI di Minggu 21 Juli 2019

HKBP KRAMAT JATI RESSORT KRAMAT JATI

ACARA MINGGU Ke-V DUNG TRINITATIS
dohot MANGHATINDANGHON HATA HAPORSEAN TU PARGURU MALUA TA. 2018/2019

Ep: 1 Rajaraja 3: 5 – 15,  Ev: Jakobus 1: 2 – 12

TOPIK MINGGU:
MARHAPORSEAON HUHUT MARBISUK.
Minggu, 21 Juli 2019


I. PANGARADEON DIRI
Sude Parhobas Minggu mangarade diri di Konsistori ni Huria.

II. PROSESI
Parhobas Minggu rap dohot Parguru Malua mamasuhi Bagas Joro (diiringi Musik Trompet), luhut ma saluhut ruas jongjong diinganan be. Dung hundul saluhut barisan Prosesi, hundul
ma nang ruas diinganan be.

III. PARMINGGUON
(Pdt: Pandita, P: Paragenda, PM: Parguru Malua, R: Ruas, S: Sude)
1. JOUJOU TU PARSOMBAON
Pdt: Selamat Ari Minggu ma di hamu saluhutna!
R: Selamat Ari Minggu!
Pdt: Huria ni Tuhanta, nuaeng tahalashon do parsaoranta dibagasan sadarion, ima Minggu pa- V Dung Trinitatis, dohot topik ni Minggunta: Marhaporseaon huhut Marbisuk.
Dibagasan Minggunta sadarion, patupaonta do ulaon Pandidion na badia dohot Manghatindanghon Hata Haporseaon di angka inakhonta naung Marguru Malua dibagasan na sataon on. Alani
taparade ma rohanta laho marsaor dohot Tuhanta, tapaloas ma TondiNa laho mangarajai roha nang pingkiranta, paihutihut Parmingguonta dibagasan sadarion. Horas ma di hita
saluhutna!
R: Horas!
(Pandita, Parhobas Minggu, ruas hundul ma dingananna be)
P: Huria ni Tuhanta, taparade ma rohanta laho marsaor dibagasan Parmingguonta sadarion, tapahohom ma rohanta, martangiang ma hita sagombas dibagasan rohanta be).
(Martangiang na hohom huhut manghuling ma orgen angonangon)


2. MARENDE SIAN BE. No. 585: 1 – 3 ”Somba Ma Jahowa”
Somba ma Jahowa Debatanta, Amen Haleluya.
Sigomgom langit tano on ro diisi na, Amen Haleluya
Beta hita lao marsinggang tu joloNa, Amen Haleluya
Na songkal jala na badia do Jahowa, Amen Haleluya
Reff: Endehon Amen haleluya, Endehon Amen haleluya
Endehon Amen haleluya, Endehon Amen haleluya…… 2x
Puji ma Jahowa Debatanta, Amen Haleluya
Parasi roha na sumurung do Ibana, Amen Haleluya
Taendehon ma goar ni Debatanta, Amen Haleluya
Alani denggan ni basaNa tu hita, Amen Haleluya ……Reff… (Musik)
Sangap di Jahowa Debatanta, Amen Haleluya (Jongjong)
Na bonar jala marmulia do Jahowa, Amen Haleluya
Tapatimbul ma goar ni Debatanta, Amen Haleluya
Na tigor jala na sun gogo salelengna, Amen Haleluya …Reff…..


3. VOTUM – INTROITUS – TANGIANG
P: Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Porbadia, na tumompa langit dohot tano on. Amen. Mangasahon Debata sai
hamonangan do ulahononta. Ngot ma ho, ale parhinbaloan. Pujionku ma Ho di tongatonga ni angka bangso, ale Tuhan, endehononku ma Ho di tonmgatonga ni angka marga. Haleluya.
R: (Mangendehon) Haleluya, haleluya, haleluya.
P: Martangiang ma hita: Ale Tuhan Debata, Parasiroha na sumurung! Mauliate ma rohanami tu Ho, ala dijou Ho hami tu panghirimon di hangoluan saleleng ni lelengna. Sai
lehonma TondiM tu rohanami, asa margogo hami mangalo hisaphisap ni rohanami jala asa hulului hami, angka na di banua ginjang i. Pargogoi ma hami manaluhon saluhut na naeng
mangambat hami tu hasongangan. Sai paganda haporseaon, pangkirimon dohot pamompomon ni rohanami, asa monang hami ro di ujungna, laho manjalo tumpal i hami di joloM alani
AnakMu, Tuhan Jesus Sipangolu i. Amen. (Hundul)

4. MARENDE SIAN BE. No. 435: 1 + 4 ”Marolopolop Tondingki”
Marolopolop tondingki, ai naung di tobus Jesus i.
Hamu sude, bege ma i, sai las rohangku mandok i.
Sonang ni tingki i, dung jumpang Jesus Tuhanki!
TondiNa mangajari au, tarbaen marlas ni roha au!
Sonang ni tingki i, dung jumpang Jesus Tuhanki.

O rohangki, sai tahan ma, sitobus ho, ihuthon ma
I ma tutu, nang mate ho, tu surgo do ditogu ho.
Sonang ni…d.u……………


5. PATIK NI DEBATA: HEBER 11: 1
P: Tatangihon ma Patik ni Debata, i ma na tarsurat di Heber 11: 1, songonon ma didok: Alai anggo haporseaon i, pos ni roha do i di angka sihirimon, jala pamotoan na tontu
taringot tu na so niida. Ima sahatna! Antong rap mangido gogo ma hita tu adopan ni Debata laho mangulahon na hombar tu patikNa!
S: Ale Tuhan Debata! Sai pargogoi ma hami mangulahon na hombar tu PatikMi! Amen!


6. MARENDE SIAN BE. No. 770: 1 + 2 ”Tu Debatami”
Tu Debatami na sun gogo i, sai maporus ma ho ganup ari.
Di tanganNa do ho molo musu ro, tung na sonang di ampuanNa ho,
Di tanganNa do ho molo musu ro, tung na sonang di ampuanNa ho.
~ ~ ~ M u s i k ~ ~ ~
Tung sun hinagogo ni Tuhan i, ingot ma Debatam do manghophop.
Nang ponjot rohami, ndang na leleng i, tongkin na i pujionmu Tuhan i.
Nang ponjot rohami, ndang na leleng i, tongkin na i pujionmu Tuhan i.

7. MANOPOTI DOSA – BAGABAGA HASESAAN NI DOSA
P: Tatopoti ma dosanta tu adopan ni Debata, martangiang ma hita: Ale Tuhan Debata, Ama ni Tuhannami Jesus Kristus, Ho do Debata pargogo na so hatudosan, sitompa nasa na
adong, paruhum na tigor, na manguhumi jolma manisia!
R: Na ro do hami tu joloM manopoti dosanami, angka na huula hami marhite sian pangalaosionnami di PatikMu, i ma marhite sian tubutubu ni rohanami na roa i, nang sian
pangkataionnami na so ture, ro di pangoloionnami di hisaphisap ni rohanami.
PM: Na tama situtu do hona uhum hami ala ni dosanami i, alai na tarsolsol bagi do hami nuaeng ala ni i.
P: Asi ma rohaM di hami, ale Debatanami. Pardengganbasa jala Parasi roha do Ho ala ni Anak haholongan ni rohaM, Tuhan Jesus Kristus Tuhannami. Sai sesa ma dosanami
saluhutna, jala suru ma Tondi Parbadia tu rohanami be, asa tarbahen hami mangoloi Ho di bagasan hatigoran dohot habadiaon, gabe sahat hami tu hangoluan na sura suda, na
pinarbagaM di angka na porsea di AnakMu, Tuhan Jesus Kristus, Tuhannami. Amen.
R: (Martangiang na hohom, orgen angonangon mangendehon BE. No. 449: 1)
P: Tabege ma hata bagabaga taringot tu hasesaan ni dosa! Parasi roha jala pardengganbasa do Jahowa, lambat tarrimas jala parasiroha godang. Ndang dibahen tu hita hombar tu
angka dosanta, jala ndang dibaloshon tu hita hombar tu angka hajahatonta. Songon asi ni roha ni amaama mida angka anakna, asi ni roha ni Jahowa di angka na manghabiari Ibana.
Hasangapon ma di Debata na di ginjang!
S: Amen! (Hundul)


8. MARENDE SIAN BE. No. 754: 1 + 3 ”Gok Las Ni Roha Do Au”
Gok las ni roha do au dingolungkon, dingolungkon, dingolungkon.
Gok las ni roha do au dingolungkon, tongtong di rohangkon.
Mauliate gok las ni roha maringan holongMi Tuhan di au
Mauliate gok las ni roha maringan holongMi Tuhan di au.
Gok do holong ni Jesus dingolungkon, dingolungkon, dingolungkon.
Gok do holong ni Jesus di ngolungkon, tongtong di rohangkon.
Mauliate …d.u……


9. MANJAHA EPISTEL: 1 RAJARAJA 3 : 5 – 15
P: Tabege jala rap majaha ma hita di hata ni Debata, turpuk Epistel di Minggunta sadarion, ima na tarsurat di 1 Rajaraja 3: 5 – 15. Songonon ma didok: Apala di Gibeon ma
patar Jahowa tu si Salomo di bagasan nipina bornginna i, didok Debata ma: Pangido ma manang aha silehononku tu ho.
PM:Dung i ninna si Salomo ma: Nunga dibahen Ho asi ni roha godang tu naposom, damang si Daud, hombar tu parangena di jolomi di bagasan hasintongan, hatigoran dohot habonaron ni
roha maradophon ho, jala nunga dipahot Ho di ibana asi ni roha na godang on, dilehon Ho di ibana sada anak na juguk di atas habangsana, songon na masa nuaeng.
R: On pe, ale Jahowa, Debatangku, nunga dipabangkit Ho naposom gabe raja singkat ni damang raja Daud; alai bajar dope ahu, ndang huboto ruhut tu balian manang di bagasan
huta.
P: Ia naposomon di tongatonga ni bangsom do, naung pinillitmi, bangso na bolon, na so taretong jala na so habilangan dibahen deakna.
PM: Dibahen i, lehon ma tu naposomon roha na pantas laho manguhum bangsomi, asa huboto manirang na denggan sian na roa; ai tung ise ma na tuk manguhum bangsom na marmulia on?
R: Dung i lomo ma roha ni Jahowa, ala songon i pangidoan ni si Salomo.
P: Jadi ninna Debata ma tu ibana: Ala na songon i pangidoanmi, jala ndang dipangido ho ginjang ni umur, jala ndang dipangido ho hamoraon, jala ndang dipangido ho hosa ni
angka musum, roha tahe pinangidom asa tumimbang uhum.
PM: Ida ma, bahenonku ma hombar tu hatam. Ida ma! Lehononku ma tu ho roha na bisuk jala na pantas, asa unang adong tudoshon ho sian na robi angka naung salpu i, nang na tubu
muse.
R: Angkup ni na so pinangidom pe, lehononku do tu ho, nang hamoraon, nang hamuliaon, asa unang adong tudoshon ho nanggo sahalak di tongatonga ni angka raja saleleng ho
mangolu.
P: Dung i molo sai tong marparange ho di angka dalanku laho mangaradoti angka patikku dohot tonangku, songon parange ni amangmu si Daud, tumpahonku ho huhut sarimatua.
S: Jadi dung ngot si Salomo, ida ma, nipina do hapengani. Jadi dung sahat ibana tu Jerusalem, jongjong ma ibana di jolo ni poti parpadanan ni Jahowa, jala dipelehon angka
pelean situtungon, dibahen huhut angka pelean hamauliateon, jala dilehon mangan saluhut naposona.
P: Ima ma sahatna! Martua ma na tumangihon hata ni Debata, jala naumpeopsa!
S: Amen!


10. MARENDE SIAN BE. No. 792: 1 + 5 ”Pasupasu Hami O Tuhan”
Pasupasu hami o Tuhan, sai usehon dameMi,
Sai ampehon tanganMi Tuhan, lehon tu au gogoMi
Di portibion baen ma au Tuhan, habaoran ni las ni roha,
Tu na marsak i, tu na dangol i, gabe pangapuli i.
Diportibion baen ma au Tuhan, sipajongjong hatigoran, (Jongjong)
Pargogoi ma au, raphon HuriaM, patupahon na denggan.
Pasu-pasu hami O Tuhan …d.u……


11. MANGHATINDANGHON HAPORSEAON
P: Tahatindanghon ma haporseaonta i, songon na hinatindanghon ni donganta sahaporseaon di sandok portibi 0n. Rap ma hita mandok:
S: (Rap mandok) Ahu Porsea,………. (Hundul)

12. KOOR: SIAN NATORAS NI PARGURU MALUA

13. TINGTING

14. KOOR: SIAN PARGURU MALUA

15. MARENDE SIAN BE. No. 826: 1 – – –
”Gohi Au Tuhan” (P.Pelean)

Gohi au Tuhan marhite HataMi,
Gohi au Tuhan marhite HataMi,
Songon hudon na rumar do au Tuhan di sumurMi,
Gohi au Tuhan marhite HataMi.

(Musik)

Gohi au Tuhan marhite HataMi,
Gohi au Tuhan marhite HataMi
Na mauas do tondingku O Tuhan di HataMi
Gohi au Tuhan marhite HataMi.

(Musik)

Gohi au Tuhan marhite HataMi,
Gohi au Tuhan marhite HataMi
Asa tang jala matoras au marhite HataMi
Gohi au Tuhan marhite HataMi.

(Musik)

16. JAMITA: JAKOBUS 1: 2 – 12

17. MARENDE SIAN
BE. No. 512: 1 – – –
”Didalani Jesus Tano dohot Laut”
(P. Pelean Tu Jolo)

Didalani Jesus tano dohot laut tahi holong ni rohaNa dipasaut,
Na mura luhut dibaen tondiNa i, dung disesa utang ni dosanta i.

Reff: Hahaanggi, rohamu sude, taarahon ma donganta be
Hahaanggi, dao nang jonok be! Hara tu jolo Na donganmu sude.
Nunga monang di jabum hataNa i? Hata i dipangke Ho sinjatami?
I do hapistaran na sumurung i,Jumpang do mura sudena baenon ni i.

Reff………………. (Musik)

Dongan, pinalua ni Tuhanta i, taondingi, taapoi na lilu i.
Asa lam dame luatta , lam ture, itahaholongi ma donganta be.

Reff…………… (Musik)

Ganggu roha mida panginjunan i,moru pe gogonta lao marungkil i.
Sai tabereng dompa Jesus Tuhan i,ganda hiras ni rohanta baenon nii.
Reff……….. (Musik)

Tung na sae do halalas ni rohangki, anggo mulak tu Tuhanku dongani.
Rap tapuji ma Tuhanta Jesus i,Ala tamba muse na tu surgo i.
Reff…………….. (Musik)

18. ULAON MANGHATINDANGHON HATA HAPORSEAON NI ANGKA
PARGURU MALUA TA. 2018/2019

A. KOOR: PARGURU MALUA

B. MARENDE SIAN
BE. No. 149: 1 + 2
”Ho Tongtong Ihuthononku”

Ho tongtong ihuthononku Jesus Sipangolu au
Tung na so tadingkononku Ho, na paluahon au
Sian sasude dosangku dohot sian uhum i
Na tongtong habiaranku ala pardosaonki.
Tung di dia jumpang ahu Tuhan sada songon Ho
Na manogunogu ahu tu na sonang songon Ho?
Naung ditaon Ho hamatean lao humophop tondingki
Asa masuk au manean Tohap na sumurng i.

C. AGENDA

D. MALUA/NAIK SIDI

E. PANDIDION NA BADIA

F. AGENDA

G. MANDOK HATA SIAN : SAHALAK PARGURU MALUA

H. PASAHATHON HADIAH TU ANGKA NA JUARA

I. MARENDE SIAN BE. No. 697: 3 ”Molo Ho Do Huihuthon”
Hupelehon ma diringku mangihuthon lomoMi,
Ndada be na olo salpu na manggohi rohangki
Ho tongtong ihuthonongku, Jesus na palua au.
Ho sambing do oloanhu ala nii martua au.

19. TANGIANG PANUTUP: PELEAN, ALE AMANAMI, PASUPASU + AMEN, AMEN, AMEN

IV. ULAON NA BADIA TU ANGKA NA MALUA RAP DOHOT NATORAS:

1. MARENDE SIAN
BE. No. 153: 1 + 2
”O Jesus Naung Sineat”

O Jesus naung sineat, di hau na pinarsilang.
RohaM tongtong daulat, nang uju Ho tarhilang.

Marutang hosa hami, ditaon Ho dosanami, Asi rohaM o Jesus.
Pelean na badia, na masuk tu Jahowa.

Singkat ni manisia, na so daulat roha.
Di taon Ho dosanami, so i lao hami, Asi rohaM o Jesus.

2. AGENDA

3. MARULAON NA BADIA
Huhut Mangendehon :

– BE. No. 152 ”Jesus Na Mamorsan”
Jesus na mamorsan dosa ni portibi on, pangolu hami.
Jesus na marmosan dosa ni portibi on, pangolu hami.
Jesus na mamorsan dosa ni portibi on,
sai pasonang hami, Amen,Amen,Amen.

BE. No. 173
”Sai Mulak”

Sai mulak, sai mulak Ho naung lao jalang i ?
Ai na dao ho nuaeng Holang sian tuam
O parjalang ho.
Mulak, mulak ma ho, mulak, mulak ma ho

Sai mulak, sai mulak Na sininta leleng
Sai magopu roham Ai godang do dosam
O parjalang ho.
Mulak, mulak ma ho. Mulak, mulak ma ho

Sai mulak, sai mulak Sian tano na dao
Sidangolon sambing Do turpukmu disi
O parjalang ho.
Mulak, mulak ma ho. Mulak, mulak ma ho

Sai mulak, sai mulak Ai na sonang ma ho
Molo sesa dosam Jala sabam roham
O parjalang ho.
Mulak, mulak ma ho. Mulak, mulak ma

BE. No. 182
”Haholongan Na Badia”

Tu joloM o Debatangku sai use do rohangkon
Sai pasiat tangiangku dohot iluilungkon

Husolsoli do rohangku na gok dosa i tongtong
Ai godang ariaringku na hubahen ambolong
Sai jotjot do hutadingkon dalanMi na tigor i

Kristen au, hape hutondong dalan hamagoan i.
Ala nii tungki rohangku jongjong di adopanMi
Sai asi rohaM Tuhanku Sesa nasa dosangki.

Haburjuon dimangmangkon rohangkon nuaeng di Ho
Naeng tu surgo hutujuhon jesus taiti au gogo.

BE. No. 449
”Sai Solhot Tu SilangMi”
Sai solhot tu silangMi, Jesus ingananku.
Mual na mabaor disi, i ma i nu mon ku
SilangMi, Tuhanki i ma pujionku,
Paima sogot sahat au, i endehononku,
Lao ma au tu silangMi, i haporusanku.
Sai asi ma rohaMi unang tulak ahu.
SilangMi…d.u………..

Domu ma tu silangMi, i ma tioponku.
Asa unang lilu au, Ho ihuthononku.
SilangMi…d.u………..

Laos maniop silangMi sai paimaonku
GokkonMi tu surgo i, tu siteanonku.
SilangMi…d.u………

– BE. No. 686 ”Ramun Do Au”
Ramun do au di joloMi, gok dosangki urasi au
O, Jesus, birubiru i, dison do au patau ma au.
Na ro do au tu joloMi, gale do au urupi au
O, Jesus, ala mudarMi dison do au patau ma au.
Ala denggan ni basaMi, ro au tu Ho, O Jesuski,
Parbadiai ma rohangki, Dison do au patau ma au.

4. MARENDE BE. No. 435: 1 + 2 ”Marolopolop Tondongki”
Marolopolop tondingki ai naung di tobus Jesus i.
Hamu sude, bege ma i, sai las rohangku mandok i
Sonang ni tingki i, dung jumpang Jesus Tuhanki !
Tondi na mangajari au, tarbaen marlas ni ro ha au !
Sonang ni tingki i, dung jumpang Jesus Tuhanki.
Dihaol holongNa rohangki, tung na so boi be mago i.
MataNa do manatap au, pinggolNa tumangihon au.
Sonang ni………d.u…….

5. TANGIANG PANUTUP.

V. GOAR NI ANGKA NA MANGHATINDANGHON HATA HAPORSEAONNA:

A. BORUA : 27 HALAK
1. Jessy br. Batubara
2. Jennifer Truntu GA br. Sitanggang
3. Febby Felisha Hosianna br. Sirait
4. Maria Atuti Dwi Putri br. Tinambunan
5. Ruth Angieta br. Pakpahan
6. Amelia Dheany Pakpahan
7. Anastasia Fabiola Evelin br. Panjaitan
8. Flora Ceronika br. Lubis
9. Berliana Natalia br. Nababan
10. Flora Anisia br. Nababan
11. Magdalena br. Pandiangan
12. Sherlly Saskia Putri Lumban Raja
13. Marcella Meidhiana br. Hariandja
14. Sherly Tiara Nainggolan
15. Tiur Lorensa br. Sitorus
16. Necia Nadine Natasya br. Purba
17. Bella Putri br. Tambunan
18. Sarah Anastasya br. Hutagalung
19. Debora Christ Shanty
20. Esther Christine M br. Sianturi
21. Alichia Zabeth Tiberia br. Siregar
22. Patricia Tiurlan br. Situmorang
23. Martha Elisha br. Sitanggang
24. Sherin Nadya Naomi br. Situmorang
25. Elfrida Christina br. Siregar
26. Tracy Margaretha br. Nababan
27. Lydia Citra br. Simbolon (Tardidi + Malua)

B. BAOA : 27 HALAK
1. Rivaldo Imanuel Tampubolon
2. Sahat Anugerah Immanuel Sitinjak
3. Septi Aldi Hutagalung
4. Randi Silitonga
5. Pieter
6. Yonathan Tambatua Tambunan
7. Thomas Barrister Sormin
8. Jeremy Ganda Pandapotan Pasaribu
9. Parel Adrian Sipahutar
10. Septian Joel Sitorus
11. Marshall M. Chrisnata Sitompul
12. Togu Karya Panjaitan
13. Carlos Silalahi
14. Joutoluraja Lumban Tobing
15. Olo Pande Tambunan
16. Daud Steven Ronaldo Panjaitan
17. Johannes Anugerah R Situmorang
18. Nicolas Hamonangan Siallagan
19. Samuel Ivander Sihar Sirait
20. Patrickson Christian Sianturi
21. Meazza Andreas Syalom Silalahi
22. Jacky Cipto Kusuma Manihuruk
23. Gilbert Perdana Hasiholan Tobing
24. Melvin Ezekiel Simanjuntak
25. Gabriel Dochrist TB Simangunsong
26. Okta Leonardus Simamora
27. Sando Hotmaruli Tua Sinaga