Acara Pelepasan dan Pentahbisan

Acara Pelepasan dan Pentahbisan


ACARA PABORHATHON PENDETA FUNGSIONAL
DOHOT PAOJAKHON BIBELVROW – HKBP KRAMAT JATI

HKBP KRAMAT JATI RESSORT KRAMAT JATI

Pdt. Deli Martha Marpaung, STh
Tu /
Bib. Silvana T. Hutauruk

Niuluhon ni:
Pdt. Midian K.H. Sirait, MTh
Praeses HKBP Distrik VIII DKI Jakarta

HKBP DISTRIK VIII DKI JAKARTA
MINGGU 4 FEBRUARI 2018
ACARA PABORHATHON PENDETA FUNGSIONAL
DOHOT PAOJAKHON BIBELVROW
HKBP KRAMAT JATI RESSORT KRAMAT JATI
MINGGU, 4 FEBRUARI 2018

1. Marende No. 467, 1 “Asi ni Roham hu Puji” BL. 315
Asi ni roham hupuji ala Ho manobus au. Dipaias Ho rohangku, gabe soranganMu au. IngananMu rohanami, TondiMi manggohi i. Pangke dohot ngolunami gabe ulaulaMi.
“”
2. Paborhathon:
a. Praeses: Hamu Amanami/Inanami dongan sahuria; Sadari on ma paborhatonta Inanta Pdt. Deli Martha Marpaung, STh tu panghobasionna na imbaru, tahamauliatehon ma tuTuhanta sude panghobasion nasida nasailaon di HKBP Kramat jati Ressort Kramat Jati. Hombar tusi tabegema Surat Keputusan/ Ketetapan ni Pimpinan HKBP taringot tu parpindaonnasida,
b. Manjaha SK ni Ephorus
c. Praeses: (huhut masijalangan dohot napinaborhat)

Marhitehite Goar ni Debata Ama, dohot Goar ni Anak-NaTuhan Jesus Kristus dohot Goar ni Tondi Parbadia hupaborhat mahamu Pdt. Deli Marta Marpaung, STh sian HKBP Kramat Jati Ressort Kramat Jati tu panghobasion muna na imbaru di HKBP Ressort Cengkareng Distrik VIII DKI Jakarta. Sai dipasupasu Tuhanta ma angka panghobasionmuna nasailaon di Huria on, jala dipargogoi huhut dipatau mahamu di inganan panghobasionmuna na imbaru. Amen.
3. Marende no. 156, 4 “JahowaTuhanki” BL. 149

Antong asirohaM, sai pargogoi nasida, huhut pasaut hataM, dongani ma nasida mangaradoti be, hapanditaon i; Tu hamion sude, pasonggop dameMi (Tingki marende mulak ma na pinaborhat tu hundulanna, jala tu joloma na naeng dipaojak):
4. Paojakhon:
a. Praeses:Hamu Amanami/Inanami dongan sahuria; Sadari on ma ojakhonon Inanta Bib. Silvana T. Hutauruk, gabe Bibelvrow di HKBP Kramat Jati Ressort Kramat Jati Distrik VIII DKI Jakarta. Hombar tusi tabegema Surat Keputusan/Ketetapan ni Pimpinan HKBP taringot tu parpindaon nasida
b. Manjaha SK ni Ephorus
c. Ulaon ni Bibelvrow

Angkup ni Tohonan Bibelvrow na Tarsurat di Agenda HKBP
1. Mangurupi Pandita Ressort laho manguluhon Huria on
2. Manjalo parsagi ni ulaon sian Uluan Huria
3. Mangurupi Uluan Huria laho manguluhon angka Dewan-dewan di Huria
4. Mangurupi Pandita Ressort manguluhon rapot-rapot di Huria
5. Pasahathon laporan pangulaon tu Pandita Ressort dohot Praeses
d. Praeses: Nunga dibege hamu SK ni Pimpinan HKBP mangihuthon Aturan-Peraturan HKBP dohot Ulaon ni Bibelvrow. Nuaeng namanungkun ma ahu di hamu Bib. Silvana T. Hutauruk, : Na olo do hamu ojakhonon gabe Bibelvrow di HKBP Kramat Jati Ressort Kramat Jati Distrik VIII DKI Jakarta?
e. Na pinaojak (mangalusi) NA OLO DO AHU, SAI DIDONGANI JALA DIPARGOGOI TUHAN I MA AHU MANGULAHON SALUHUTNA I.
f. Praeses: (huhut manjalang na pinaojak) :Marhitehite Goar ni Debata Ama, dohot Goar ni Anak-NaTuhan Jesus Kristus dohot Goar ni Tondi Parbadia huojakhon ma hamu gabe Bibelvrow di HKBP Kramat Jati Ressort Kramat Jati Distrik VIII DKI Jakarta. Sai didongani jala dipargogoi Tuhan Debata ma hamu mangulahon saluhut ulaoni, asa marsangap Goar-Na marhitehite panghobasionmuna di huriai.
g. Amen
h. Humusor ma napinaojak mandompakhon huria
i. Praeses: Hamu Amanami/Inanami dongan sahuria, jangkon hamu ma Inanta Bib. Silvana T. Hutauruk gabe Bibelvrow di Huria on; masitangiangan jala masiurupan ma hamu di bagasan hasadaon ni Tondi patulushon ulaon ni Tuhantai.
j. Ruas: Hujangkon hami ma Bibelvrow nami na imbaru di Huria on, jala hupaborhat hami ma sian Huria on pandita na pinda, Debata ma mamasumasu (mulakma tu hundulanna)
k. Martangiang mahita !

Ale Debata, Amanami Raja ni Huria i.
Mauliatema di Ho naung diloas Ho Inanami Pdt. Deli Martha Marpaung,
STh manghobasi huria on nasailaon pasupasu ma panghobasion nasida bahen sangap di goar-Mu,
jala pargogoi ma nasida dipanghobasionna na imbaru.
Mauliate manang rohanami di Ho ala naung ditongos Ho naposoM, Bib. Silvana T. Hutauruk laho marhobas di Huria on. Sai urupi, pargogoi jala patau ma angka naposo-Mi manghobasi huriaM, asa marsangap Ho di saluhut panggulmit ni huriaM diluat on. Laos pasupasu ma nang huriaM sa resort on, tongtong marhasadaon laho manindangi di tongatonga ni luat on. Mauliate ma di Ho, di bagasan goar ni Tuhan Jesus Kristus Tuhannami. Amen.
6. Mandok Hata (jempek-jempek ma)
a. Hata Partadingan sian na pinaborhat
b. Hata pamuhai sian na pinaojak
c. Hata borhatborhat/panjangkonon sian sahalak mewakili ruas/parhalado
d. Pengarahan sian Praeses

7. Panutup:

Marende no. 227: 2,4
“Jesus Ngolu ni Tondingku” BL. 26
(Jongjong ma huria)

Lam tangkas ma patuduhon, tu au on panghophopMi
Asa i huhalungunhon, hot ma au di lambungMi
Tangkup au Jesus Tuhanku tiop au mansai gomos
Asa unang runsur pathu sian dalan na tingkos

b. Tangiang pelean – Ale amanami – Pasupasu – Amen

Posted in Pentahbisan PelepasanTagged , , , ,