Acara Ibadah Ari Kenaikan Tuhan Kristus Yesus

HARI KENAIKAN TUHAN YESUS / ARI HANANAEK NI TUHAN JESUS

IBADAH HARI RAYA HARI KENAIKAN TUHAN YESUS

PARTURE NI ACARA PARNINGOTAN ARI HANANAEK NI TUHAN JESUS
SE HKBP DISTRIK VIII DKI JAKARTA Topik : DI PATIMBO DEBATA TUHAN JESUS ( Pilipi 2 : 5 – 11 )


Masuk :

  • Pukul 06.00 wib – Manogot
  • Pukul 07.45 wib – SKM
  • Pukul 10.00 wib – Remaja
  • Pukul 10.15wib – Arian
  • Pukul 17.00 wib – Botari (Klik Acara Sore / Botari)
  • ACARA MINGGU DEPAN : 02-JUNI 2019 Minggu Exaudi (Psalmen 27 : 7)

Kamis, 30 Mei 2019, Parhalado na Martugas Kamis, 30 Mei 2019 :

MANOGOT
Pdt. Samuel. Ch. Sitompul, S.Th
St. S. Situngkir
St. D.J br. Berutu
St. R. br. Togatorop
St. M. Pasaribu
St. A. Pasaribu
St. L. Simangunsong
St. R. br Simanjuntak
St. N. br. Samosir
St. A. Siahaan
Parjamita
Paragenda
P.Pelean


ARIAN
Pdt. Juaksa Simangunsong, M.Th
St. A.J. Sianaga
St. H. Marbun
St. Y. Siregar
St. M. Pasaribu
St. JM. br. Manalu
St. J. Situmorang
St. L.N br. Sirait
St. JFR Sitorus
St. S.E.H. Situmorang


BOTARI
Pdt. Aris S. Panjaitan, S.Th
St. R. br. Silitonga
St. E. Sianturi
St. W. Panjaitan
St. M. br. Tampubolon
St. M. br. Tambunan
St. S. Sijabat
St. H.D. Sirait
St. R.M.A Simanjuntak
St. S.M.T Sianturi


Oranis, 
Pianis,
M.P Siahaan – Tomu Sinaga – Pinta br. Sinaga
Marcel Pardede  – St. E. Sipahutar – Bram Siregar


KEBAKTIAN REMAJA
Pdt. Ertinius Napitupulu, S.Th
St. J. Siringoringo
L.A.P Hutapea

SIKOLA MINGGU
BIV. SILPANA BR. HUTAURUK, M.PDK
ST. CH. M. SIAHAAN
ST. N. SIRAIT
ST. P. SILALAHI
ST. R.R BR SIREGAR


tata ibadah

01. JOUJOU TU PARSAORAN
(L: Liturgis; R: Ruas)

L : Huria ni Kristus! Ari on ma Pesta las ni roha di sandok halak Kristen manghalashon hananaek ni Tuhan Jesus tu banuaginjang, tu atas ni nasa habangsa, harajaon dohot huaso nang hagogoon na adong di hasiangan on.

R : ASA SALUHUT NASA NA MARSOARA MARHATOPOTHON JESUS KRISTUS DO TUHAN

L : Antong dibagasan sada ni roha dohot olopolop ma hita manomba Tuhan i naung mulak tu habangsaNa i, taendehon ma “O Ulubalang na gogo”

R : (mangendehon) BE. No. 99:1-3 “O Ulubalang na gogo” BL. 206

1. O ulubalang na gogo, songon sadarion do Ho manaek tu hasangapon. Naung sidung do ulaonMi na ringkot patupaonMi humophop hajolmaon. Sabam tongam do Ho muli tu na uli marhabangsa di siamun ni Jahowa.

2. Marloksaloksa serapim, marriburibu kerubiM mamuji Ho na monang. Dibaen naung pinadomuMi saluhut manisia i tu Debata di ginjang. Puji, puji Jesus Kristus naung patulus saluhutna tinonahon ni AmaNa.
—instrument/musik—

3. O Jesus Ho do ulu ni saluhut na porsea i, ruasMu anggo hami. Ho hangoluannami on, Ho hasonangannami on, Ho hagogoonnami. Suru, togu rohanami asa hami mangalehon tu Ho nasa hasangapon.

02. VOTUM INTROITUS TANGIANG
L : Marhitehite goar ni Debata Ama, dohot goar ni anakNa Tuhan Jesus Kristus, dohot goar ni Tondi Parbadia, na tumompa langit dohot tano on, Amen. Songon on didok Tuhan i: BahenongKu do sogot na monang i rap dohot Ahu hundul di habangsaKi, songon Ahu na monang i, jala hundul rap dohot Damang di habangsaNa i… haleluya.
R : (mangendehon) Haleluya, Haleluya, Halelu~ya.

L : Martangiang ma hita ! Ale Tuhan Debata pargogo na so hatudosan. Sai pargogoi ma hami manghaporseai AnakMu na sasada i, Sipangolu hami, na manaek tu surgo, asa huparrohahon hami roha banuaginjang, marhitehite Anak haholongan ni rohaM, Tuhan Jesus Kristus Tuhannami, Amen.
—-hundul—

03. Marende BE.No.251 : 1, 2 “Na Monang i do” BL. 138
1. Na monang i do na muse manganhon parbue ni hau hangoluan i. Ndang jadi idaonna hamagoan nang hamatean paduahon i. Ai DebataNa papos rohaNa mambaen langkana tongtong tiur, mambaen langkana tongtong tiur.

2. Na monang i ndang tupa hahuaon ni hamatean paduahon i. Sai jongjong do ibana maradophon bohingKu di banuaginjang i. Sai idaonna muse Tuhanna, rodi donganna na monang i, rodi donganna na monang i.

04. PATIK NI DEBATA:
L : Tangihon hamu ma patik ni Debata di Parningotan Hananaek ni Tuhan Jesus sadari on, ima na tarsurat di Rom 12 : 12 “Marlas ni roha ma hamu manghirim, marbenget ni roha ma di haporsuhon, jugulhon hamu ma tangiang”. Antong rap mangido gogo ma hita tu Debata mangulahon patikNa
L+R : Ale Tuhan Debata, sai pargogoi ma hami mangulahon na hombar tu patikMi, Amen

05. Marende BE.No.417 : 2 – 3 “Rade Situtu Haluaon” BL. 278
2. Patedek sude hahurangan topoti sandok dosami. Pangido sai sesa, O Tuhan sude pangalaosionki. Datdati sai saut botoonmu naung sesa dosam sasude. Mardame dagingmu nang tondi maniop tongtong Tuhan I.                               * ( ruas jongjong )

3. PanghophopNa i parangehon pasangap Tuhanmu antong. Ibana buas mangalehon tu ho hasonangan tongtong. Sandok sian holso malua nang sian biarmu sude. Sonang nama ho na martua manghirim tongtong surgo i.

06. MANOPOTI DOSA

L : Tatopoti ma dosanta, martangiang ma hita. Ale Debata Amanami Parasiroha na sumurung! Na pungu do hami di joloM martangiang tu Ho, ndada mangasahon hatigorannami, mangasahon asi ni rohaM na godang i do.
R : Sai asi ma rohaM mida sandok bangsonami, ai jotjot do hami manimbil sian dalanMu na sintong i.
L : Nunga dihatindanghon HataM, naung sahat Jesus tu hasangapon jala Ibana gabe Raja ni angka raja, asa tu Ibana panghirimonnami. Alai sipata do hubahen hami angka na di portibi on gabe panghirimonnami, gabe ndang marsihohot be hami mangoloi Ho di sude tingki dohot na masa.
R : Asi ma rohaM ale Tuhan, sai urupi ma hami asa umbiar jala humolong jala umpos rohanami tu Ho asa mida nasa na adong.
L : Sai pasunggulhon ma tongtong tu rohanami panghophopMi di hami, asa tarapul situtu rohanami manjou Ho, asa pantun, tigor, jala daulat hami marpangalaho, bahen hasangapon di goarMu na badia i, Amen
–Hening—Instrument/Elekton– : BE.No.180 BL.228.
Bagabaga ni Debata taringot tu hasesaan ni dosanta:
Songon on do Hata ni Tuhan Jahowa: unang ho mabiar, ai Ahu do siluluhon ho, nunga pola hujou goarmu Ahu nampuna ho. Hasangapon ma di Debata na di ginjang!
L+R : Amen.

07. Marende BE.No. 691 : 6 “Hupasahat ma tu Jesus”

6. Mauliate ma rohangku, ala au hinophopMi.
Pujionhu ma goarMu, salelenglelengna i.
Hupasahat ma tu Jesus saluhutna diringki.
Hupasahatma tu Jesus saluhutna ngolungki.

08. EPISTEL :

L : Hata ni Debata, turpuk di Parningotan ari Hananaek ni Tuhan Jesus sadari on, ima na tarsurat di 1 Musa 5 : 21-24 :

Dung onompulu lima taon leleng ni si Henok mangolu, ditubuhon ma si Metusalah.
R : Jadi dung ditubuhon si Metusalah i, sai marparange, mardonganhon Debata ma si Henok tolu ratus taon lelengna, jala ditubuhon anak dohot boru.
L : Jadi tolu ratus onompulu lima taon sandok umur ni si Henok.
R : Jala sai marparange, mardonganhon Debata ma si Henok, dung i ndang disi be ibana, ai dialap Debata do ibana.
L : Ima sahatna. Martua do angka na tumangihon Hata ni Debata, jala na umpeopsa, Amen

09. Marende BE. No. 100:1,3 BL. 155
“Mardongan Olopolop Manaek Tuhanta”

1. Mardongan olopolop manaek Tuhanta i. Jinangkon ni na torop surusuruan i. Antong na hita pe tapuji ma Tuhanta, marendeende hita marolopolop be.
* ( ruas jongjong )
3. Tatimbang ma lapangNa umbaen na songon i. Ai naeng ma dohot hita tumopot surgo i. Antong taingot ma ianggo Tuhan Jesus Ibana do patulus nidok ni Debata.

10. MANGHATINDANGHON HAPORSEAON

L : Tahatindanghon ma haporseaonta i, songon na hinatindanghon ni donganta sahaporseaon di sandok portibi on, rap ma hita mandok

L & R : Ahu porsea di Debata Jahowa,…..d.u…….., Amen.  ( hundul ma ruas ) 

11. KOOR :

12. SUNGGULSUNGGUL

13. KOOR :

14. Marende BE. No.98:1… “Naung manaek do Ho” BL. 59
(Pelean Ia, dan Ib) 
1. Naung manaek do Ho lao tu surgo do. Ale Jesus Rajanami, Ho do ihuthononnami. Ho partogi i lao tu surgo i.
—-musik/instrument—
2. Maol do dalan i togu hami on. Asa tung malua hami, sian angka musunami, na di tano on togu hami on.
—-musik/instrument—
3. Suru ma tondiM singkat ni bohiM, tu bagasan rohanami manogihon tondinami lao tu surgo i tu adopanMi.
—-musik/instrument—


15. JAMITA: Pilippi 2 : 5 – 11

16. Marende BE. No. 837 : 1…“ Sada Huta Na Mansai Uli” BL. 27 (Pelean tu Pengmas HKBP)

1. Sada huta na mansai uli, Sambulo ni tondinta do i,
Bagas ni Debata Ama i, Diparade di na monang i
Sogot di surgo i, sai pajumpang do hita disi
Sogot di surgo i, sai pajumpang do hita disi,
               —-musik/instrument—
2. Hita dohot donganta di san,
Rap marende mamuji Tuhan, Ndang adong hasusaan disan, Salelengna di surgo sonang, Sogot di surgo i, sai pajumpang do hita disi, Sogot di surgo i, sai pajumpang do hita disi
               —-musik/instrument—
3. Debata Ama parholong i, Sai pujion salelengna i
Na marmuduhon ngolunta i, Denggan basaNa sai hot do i
Sogot di surgo i, sai pajumpang do hita disi
Sogot di surgo i, sai pajumpang do hita disi,
               —-musik/instrument—

17. PARSURUON (P: Parjamita)
P : Nunga manaek Jesus Kristus tu habangsaNa, sumurung do goar na tineanNa, na mangatasi angka surusuruan, sumurung do nang hasangaponNa martimbangkon nasida. Antong tu Ibana ma panghirimonta jala Ibana ma haposanta manang aha pe na masa.

R : Ai molo holan di tano on do hita manghirim di Kristus i, hita ma jolma na dumangol sian saluhutna.

P : Tagan di portibi on dope hita, tahangoluhon ma Hata ni Tuhan i na mandok: “Songon parrohaon ni Kristus Jesus ma parrohaonmuna” Dibagasan sondang ni Hata i ma hita mangula ulaonta, mangaradoti parsaoranta di tonga ni bagas, di huria dohot di masyarakat, asa marsangap Tuhan i marhitehite hata, parange dohot ulaonta.

R : (mangendehon) BE. No. 121:2”Jesus Raja ni Huria”

2. Lehon Tondi Parbadia, Saor tu roha ni huria, Di sandok portibi on. Asa tong sada rohana, Nang marserak pe ruasna, Pasangaphon Ho tongtong, Pasangaphon Ho tongtong.

18. TANGIANG : ( Pelean, Hananaek ni Jesus, Ale Amanami, Pasupasu)

***

 

 

 


“Acara Parningotan di Ari Hananaek ni Tuhan Yesus Kristus”
Kamis, 30 Mei 2019

Tim Ibadah HKBP Distrik VIII DKI Jakarta