PESTA PARJOLO, PARNINGOTAN HAHEHEON NI TUHAN JESUS


PESTA PARHAHEHEON (klik..)


PARTURE NI PESTA PARJOLO, PARNINGOTAN HAHEHEON NI TUHAN JESUS

SE HKBP DISTRIK VIII DKI JAKARTA RAYA

Tema : “HAPORSEAI MA KRISTUS NAUNG HEHE I”

(Johannes 20:24-31)

Minggu, 21 April 2019



Pangaradeon

–     Parhalado Prosesi mamasuhi gareja  manuju langgatan

      (diiringi electon / musik– mangendehon No. 633)

–     Ruas jongjong

  1. TABE DOHOT JOUJOU TU PARSAORAN (L:Liturgis R:Ruas)

Pdt    : Huria ni Tuhanta ! Nunga monang Kristus manaluhon hamatean, ai nunga hehe Ibana sian hamatean i, nunga singkop panghophopNa i di hita. On do na tapestahon sadari on.  Ala ni i pinasahat ma tabe : Selamat Paskah ma di hamu saluhutna.

Ruas : Selamat Paskah ma nang di hamu!

Pdt    : On pe hamu angka donganhu na hinaholongan, marsihohot jala so mubauba ma hamu jala lam sumurung ma tongtong di bagasan Tuhan i. Taendehon ma, “Nunga hehe Kristus I”.

—– hundul ma parhalado tu ingananna —–

  1. Marende BE. No. 633 : 1-2+ 4 “Nunga hehe Kristus i”  BL. 633
  2. Nunga hehe Kristus i haleluya sian hamatean i, haleluya

Parlangitan jouhon ma: haleluya. Tano on alusi ma, haleluya

  1. Singkop panghophopNa i, haleluya Gok hamonanganNa i,

Haleluya Sondang haluaon I, Haleluya, patiur dalanta I, haleluya.

—– electon/musik —–       (– ruas jongjong –)

  1. Monang do Tuhanta i, haleluya Talu hamatean i, haleluya

Mago do soropna i, haleluya Ala monang Tuhan i, haleluya

  1. 03. VOTUM-INTROITUS-TANGIANG

L       : Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi porbadia na tumompa langit dohot tano on, Amen. Haleluya! Di Tuhan Debatanta i do hatuan dohot hasangapon dohot hamuliaon dohot hagogoon. Na paheheon Tuhan Jesus, i do na paheheon dohot hita sogot ala ni Tuhan Jesus, Haleluya!

R       : (Mangendehon) Haleluya, haleluya, haleluya.

L       : Martangiang ma hita:

Ale Tuhan Jesus, Tuhannami! Na mandok mauliate do hami tu Ho, ala di taluhon Ho do dosa dohot hamatean marhitehite hamamateM i, ala disondangi Ho tanomannami, asa marpangkirimon na mangolu hami ala ni haheheonMi. Ndang pola be mabiar hami mida hamatean, ai Ho do ulunami, ruasMu do hami. Dipaunsat Ho do hami sian haholomon tu hatiuron, sian hamatean tu hangoluan. Antong pargogoi ma hami mamuji dohot mangoloi Ho ariari, pasangaphon Ho di bagasan haporseaon na mangolu, paima sahat hami tu lambungMu. Amen.

  1. Marende BE. No. 93:1-2 “Pesta Paskah Hatuaon” BL. 91
  2. Pesta Paskah hatuaon, Pesta Paskah haluaon

Sian hamatean i, Sian hamatean i

Tuhan Jesus do pasuang

Hangoluan, hasonangan, Tu saluhut jolma i.

  1. Talu ho banuatoru, ndang tarbahen tiopanmu

Raja Siparngolu i. Raja Siparngolu i.

Hamatean, hamagoan Na so pola habiaran,

 nunga talu i sude

  1. Patik ni Debata

L       : Tangihon hamu ma patik ni Debata ima na tarsurat di Jesaya 41:13 : Ai ahu do Jahowa Debatam, na maniop tanganmu siamun, jala na mandok tu ho: Unang ho mabiar, ahu do mangurupi ho.  Antong rap mangido gogo ma hita tu Debata laho mangulahon na hombar tu patikNa i

L+R  : Ale Tuhan Debata, sai pargogoi ma hami mangulahon na hombar tu PatikMi. Amen.

  1. Marende BE. No. 89 : 1 + 5 “Ate didia soropmi” BL.130
  • Ate di dia soropMi Nuaeng, o hamatean ?

Di dia hamonanganmi Nuaeng banuatoru ?

Na talu do hamu sude Na talu do sibolis pe Ai ditaluhon Jesus

                          —– jongjong —–

  • Ai manang ise na burju Paubahon rohana

Na mangalehon situtu Di Jesus i rohana

I do dongan ni Jesus i, tumean hangoluan i. Saleleng ni lelengna.

  1. MANOPOTI DOSA

L        :      Tatopoti ma dosanta, martangiang ma hita! Ale Tuhan Debata pargogo na so hatudosan! Dibagasan unduk dohot serep ni roha, ro do hami tu adopanMu, manopoti dosanami na godang i.

R       :      Sai asi ma roham di hami angka na mangarsakhon dosanami.

L       :      Huparhatutu hami do, olo do hami songon si Tomas i, na maol manghaporseai huaso dohot hagogoonMu di ngolunami, ala mangasahon pingkiran dohot parnidaan ni simaololong sambing.

R      :    Asi rohaM di hami Tuhan, sai lam pahot ma haporseaonnami   tu   Ho.

L       :      Lehon ma tu hami tondiM na badia i, asa unang ganggu hamu di asi ni rohaM, alai asa hot rohanami marhaporseaon laho manggotaphon nasa dosa dohot roha portibi on, asa hupasahat hami dirinami tu Ho, gabe pelean na mangolu jala na badia marhitehite Tuhan Jesus Kristus Tuhannami, Amen.

   ——hening—organ/atau instrument pianis—BE 171 “Tandai ma au”           BL. 143

L       :      Bagabaga ni Debata taringot tu hasesaan ni dosa. “Alani pangalaosionta do umbahen na tartullang Kristus, jala binahen ni hajahatonta do Ibana mabugang. Ampe tu Ibana pinsangpinsang parhitean ni hasonanganta, jala binahen ni bugangNa, malum itahilala”.Hasangapon ma di Debata na di ginjang.

U+R :      Amen.                                     — Ruas Hundul

  1. Marende No. 435 : 1 2 ”Marolopolop Tondingki” BL. 294

Marolopolop tondingki ai naung ditobus Jesus i.

Hamu sude bege ma i sai las rohangku mandok i.

Reff.:   Sonang ni tingki i dung jumpang Jesus Tuhanhi.

            TondiNa mangajari au, tarbaen marlas ni roha au.

            Sonang ni tingki i dung jumpang Jesus Tuhanhi.

Dihaol holongNa rohangki tung na so boi be mago i.

MataNa do manatap au pingkolNa tumangihon au.

Reff.:   Sonang ni tingki i dung jumpang Jesus Tuhanhi.

TondiNa mangajari au, tarbaen marlas ni roha au.

Sonang ni tingki i dung jumpang Jesus Tuhanhi.

  1. Epistel : Psalmen 21:1-7

L  : Hata ni Debata turpuk di Pesta Paskah Parjolo on i ma na tarsurat di Psalmen 21 : 1 7 : Ende sian si David. Ale Jahowa,   marlas ni roha  do raja i mida gogoM, jala marolopolop situtu do   ibana mida panumpahiM

R  : Dilehon Ho do tu ibana pinangido ni rohana, jala ndang dijua Ho pinangido ni hatana

L   : Ai ditomutomuhon Ho do tu ibana angka pasupasu ni hadoharon, ditalitalihon Ho do tu uluna tumpal sere palangki

R   : Hangoluan do dipangido sian Ho, dilehon Ho do tu ibana, diudut Ho do ariarina rodi salelenglelengna.

L   : Timbul do hamuliaonna dibahen panumpahiM, hatongamon dohot hatimbulon diampehon Ho tu ibana.

R    : Ai parhitean ni angka pasupasu do ibana dibahen Ho salelenglelengna, dipasabam Ho do rohana marhitehite las ni   roha mida bohiM.

L   : Ima sahatna. Martua do angka na tumangihon Hata ni Debata jala na umpeopsa, Amen.

  1. Marende No. 91 : 1 2 Hatuaon do”  BL. 55

Hatuaon do, las ni roha do hangongot ni Tuhanta i

Mago do hita, ngot ma Tuhanta, las be, las be ma rohanta i 2x

(—–Ruas jongjong —–)

Hatuaon do las ni roha do hangongot ni Tuhanta i

Monang do Jesus, talu sibolis, las be, las be ma rohanta i 2x

  1. Pajumpang dohot Jesus naung Hehe-Manghatindanghon Haporseaon

L       : Huria ni Tuhanta. Haporseaon do na tuk mangantusi haheheon ni Jesus sian na mate. Ala mangasahon pingkiran dohot simalolongna sambing do si Tomas umbaen ndang tarjalosa panindangion taringot tu Jesus naung hehe i.

R       : Sai paingot ma hami Tuhan asa unang losok manghaporseai na hinatahonMi tu hami.

L       : Marhite parjumpangan ni Jesus dohot siseanNa, dibuhai Tuhan Jesus do mata ni siseanNa jala ditanda ma Ibana naung hehe sian na mate. Dibaritahon nasida ma “naung tutu do dipahehe Tuhan i, jala diida si Simon do Ibana (Luk 12:33-34). Nang hita pe, dohot ma hita tongtong manghaporseai Ibana naung hehe sian na mate. Tahatindanghon ma haporseaonta i, songon na hinatindanghon ni donganta sahaporseaon di portibi on, rap ma hita mandok :

L+R  : Ahu porsea …………                    (– Ruas Hundul –)

12. Koor:

13. Tingting :

14. Marende No. 94 : 13Ale Tondingku Naung Hehe 44

Ale tondingku naung hehe Tuhanmu Nunga ditaban do banuatoru

Las ma roham ai martua ma ho Rap dohot Jesus mangolu ma ho

Rap dohot Jesus mangolu ma ho

——— organ ———–

Talu sibolis dibahen Tuhanta Nang hamatean nang dosa sudena

Sai dihalashon rohanta ma i PangoluonNa do hita sude

PangoluonNa do hita sude

——— organ ———–

Tahaburjuhon mangalo dosanta Jala tabaen Tuhan Jesus donganta

Pos ma rohanta di Tuhanta i PamonangonNa do hita sude

PamonangonNa do hita sude

15. Jamita : Johannes 20:24-31

16. Marende No. 96 : 1 ….“Nunga talu hamatean 101 ( P. Pelean )

Nunga talu hamatean dibaen Tuhan Jesus i,

Ai naung hehe do Ibana songon na nidokNa i

Haleluya, haleluya, nunga hehe Jesus i

Haleluya, haleluya, nunga hehe Jesus i

……………Organ…………..

Ia angka boruboru lao do tu tanoman i,

ndang disi be Tuhan Jesus, nunga hehe sian i….

Haleluya, haleluya, nunga hehe Jesus i

Haleluya, haleluya, nunga hehe Jesus

………… Organ…………

Marlas roha be ma hita ala hehe Jesus i,

Ai malua sude hita sian hamagoan i

Haleluya, haleluya, nunga hehe Jesus i,

Haleluya, haleluya, nunga hehe Jesus i

………… Organ…………

Sai tapuji ma Tuhanta na marholongroha i.

Tapasangap ma Ibana na marasiroha i.

Haleluya, haleluya, nunga hehe Jesus i,

Haleluya, haleluya, nunga hehe Jesus i

        

17. Tangiang Pelean-Tangiang Paskah- Tangiang Ale Amanami – Pasu-pasu.



Praeses dan Seluruh Parhalado

HKBP Distrik VIII DKI

Mengucapkan Selamat Paskah

Tuhan Yesus Memberkati

 

kembali ke Laman Utama ;