Perayaan Paskah II HKBP Kramat jati

Perayaan Paskah II HKBP Kramat jati  ***

Thema :
“Mamaritahon Haluaon nasian Tuhan i”

Lagu Pujian dan Nats kitab

Buku Ende Huria No.92
PUJI MA NA MANALUHON
BL. 178

1. Puji ma na manaluhon,
Dosa hamatean i
Puji ma na pangoluhon
Saluhut pardosa i

Jesus na dung mate i
Las roham o huriaNa
Ala na mamillit ho,
Jesus i mangolu do

2. Tole hita mangendehon
Halalas ni roha i
Dohot marolopolophon
Sangap ni na monang i

Na tongtong mangolu i
Tole hita mangendehon
Halalas ni roha i
Di parngolu Jesus i.

instrument..

3. I do las ni rohanami
Lao mamujimuji Ho
Ndang be sitoruan hami
Ala na dung mate Ho

Dungkon ni mangolu Ho
Nunga ringan tondinami

Sian hangoluanmi
Ala hamonanganmi

Buku Ende Huria No.96
NUNGA TALU HAMATEAN
BL. 101

1. Nunga talu hamatean
Dibaen Tuhan Jesus i
Ai na hehe do Ibana
Songon na nidokNa i

Haleluya, haleluya
Nunga hehe
Jesus i
Haleluya, haleluya
Nunga hehe Jesus i

3. Marlasroha be ma hita
Ala hehe Jesus i
Ai malua sude hita
Sian hamagoan i.

Haleluya, haleluya
Nunga hehe Jesus i
Haleluya, haleluya
Nunga hehe Jesus i

Ulaon ni Apostel, 1 : 8

1:8 Alai jaloonmuna do hagogoon ni Tondi Parbadia na songgop tu hamu,
gabe sitindangingku ma hamu di Jerusalem dohot di sandok Judea dohot di Samaria,
sahat ro di ujung ni tano on

Buku Ende Huria No. 189
O JESUS NA PANGOLU AU
BL. 19

1. O Jesus na pangolu au
Anak ni Debata
Asi rohaM sai togu au
Sahat tu Debata.

3. Ia tarsolsol bagi au
Dibahen dosangki
Diapul mudarMi do au
Di na huingot i.

Buku Ende Huria No. 485
Logu.243 :
Dongani ma au Tuhan.

1. Dongani au Tuhan sondangi rohangki,
Pangiring ni mataM patongon langkangki.

Sandok sude gogongku padohot pingkiranku,
Huboan peleanku mangula ulaonMu.
Ai hinalomohonMi,
urupi rohangki.

3. Ho siapuli au, sai pargogoi ma au.
Tarunjun au tongtong dibaen partibi on.

Ajari au maniru Tuhanku Sipangolu,
Ringkot naeng botoonku pasauthon pingkiranMu,
Ho do na mangapuli au,
sai pargogoi ma au

Ulaon ni Apostel, 4 : 5 – 12

4:5 Alai di torang ni arina i marpungu ma di Jerusalem angka pangituai nang angka sintua ro di angka sibotosurat,

4:6 rap dohot si Hannas, sintua ni malim i, dohot si Kayapas, si Johannes dohot si Aleksander ro di sude sisolhot ni sintua ni malim i.

4:7 Jadi dipajongjong ma nasida tu tongatonga, dipamanat ma: Gogo ni ise manang goar ni ise dipangasahon hamu patupahon i?

4:8 Dung i gok Tondi Parbadia ma si Petrus, didok ma tu nasida: Hamu angka na sangap ni bangso on jala pangituai!

4:9 Molo pola tangkasan hami sadari on ala ni denggan basa i na tu sada halak na hansitan, manang marhite sian ise ibana malum,

4:10 boto hamu ma saluhutna ro di sude bangso Israel: Jongjong pe halak on hisar di jolomuna, sandok marhitehite Goar ni Jesus Kristus na sian Nasaret i do, na pinarsilangkonmuna, na pinangolu ni Debata sian na mate!

4:11 Ibana do “batu na binolongkon ni hamu angka pande bagas i, naung gabe batu parsuhisuhi.”

4:12 Asa ndang adong haluaon di bagasan manang ise na asing; ai ndang adong goar na asing ditoru ni langit dilehon tu jolma, parhiteanta tu haluaon.

Buku Ende Huria No. 519
Logu.356 :
Tarbege do panjou.

3. Antong,
ringgas ma lao mamboan barita ni Tuhanta I.

Tu angka marga di na holom, asa dapotan dohot i.
Hita……

Hita sude, naeng marade
Nang dilele da,
Haposan ma di Debata

4. Ulaon ma mangkatindangkon Kristus nampuna hita on,

Asa torop dope barani marsomba tu Rajanta on.
Hita…….

Hita sude, naeng marade
Nang dilele da,
Haposan ma di Debata

Buku Ende Huria No. 93
PESTA PASKA HATUAON
BL. 94

1. Pesta Paska hatuaon
Pesta Paska haluaon
Sian hamatean i.
Sian hamatean i

Tuhan Jesus do pasuang hangoluan,
hasonangan
Tu saluhut jolma i.

instrument…

2. Talu ho banuatoru
Ndang tarbahen tiopanmu
Raja Siparngolu i Raja
Siparngolu i

Hamatean, hamagoan
Na so pola habiaran
Nunga talu i sude.

instrument…

3. Tuhan Jesus do na monang
Tuhan Jesus do pasuang
Las ni roha dame pe
Las ni roha dame pe

Dongan golom ma hataNa
Na porsea di Ibana
Ndang tarbahen mago be.

instrument…

4. Sai tapuji ma Tuhanta
Na pabongot tu rohanta
Roha pangkirimon i
Roha pangkirimon i

Ia mate pe donganta
Sogot ingkon idaonta
Saluhut di surgo i

instrument…

EVANGELIUM :  Jesaya 63 : 7 – 9

63:7 : Sai baritahononku do angka denggan basa ni Jahowa, angka pujipujian ni Jahowa, ai ido na tama marningot sude na binahen ni Jahowa tu hita, dohot ala ni godang ni denggan basana tu pinompar ni Israel, na binahenna tu nasida hombar tu angka asi ni rohana dohot tu godang ni denggan ni basana.

63:8 : Ai ninna do: Tongon do, bangsongku do nasida, * anak angka na so olo paotootohon. Jadi dung songon i ibana ma sipalua nasida.

63:9 : Di nasa hagogotannasida, dohot ibana targogot, jala * suruan ni bohina i paluahon nasida; sian holong ni rohana dohot sian pangolanina ibana paluahon nasida, jala dihindat nasida, jala * diompa ganup ari, sian na robi dope.

Buku Ende Huria No. 633
Nunga hehe Kristus I

1. Nunga hehe Kristus I
“Haleluya”
sian hamatean i
“Haleluya”

Parlangitan jouhon ma.
Haleluya
Tano on alusi ma
“Haleluya”.

instrument…

2. Singkop panghophopNa i
“Haleluya”
Gok hamonanganNa i,
“Haleluya”

Sondang haluaon i,
“Haleluya”
Patiur dalanta i,
“Haleluya”

instrument…

3. Tartaban naroko i,
“Haleluya”
Di baen Tuhan Jesus i,
“Haleluya”

Nunga mungkap surgo i,
“Haleluya”
Di na tinobusNa i,
“Haleluya”

instrument…

4. Monang do Tuhanta I,
“Haleluya”
Talu hamatean i,
“Haleluya”

Mago do sorop na i,
“Haleluya”
Ala monang Tuhan I,
“Haleluya”

instrument…

5. Sangap ma di Tuhan I, Haleluya
Puji ma goarNa i,
Haleluya.

Baen hamonanganNa i,
Haleluya
Manondangi ngolumi,
Haleluya.

instrument…

6. Raja hangoluan i,
Haleluya
Na sun hinagogo i,
Haleluya

Jalo ma pujianki,
Haleluya
Nang holong ni rohangki,
Haleluya.

instrument…


Kembali : www.hkbpkramatjati.com