Partangiangan Passion kedua II

PARTANGIANGAN PASSION II
Selasa, 16 April 2019
HKBP KRAMATJATI

Buku Ende Huria No. 83
NA LAO DO BIRUBIRU I
BL.214.

1. Na lao do Birubiru i
Mamorsan angka dosa
Ni nasa hajolmaon i
Di benget ni rohana

Diporsan do sahitta i
Di lehon do DiriNa i
Tu tangan ni pamunu
Ditaoni do na bernit i
Ro di na tos hosaNa i
Didok : Naeng porsanonku.

2. Ianggo Birubiru i ,
Ima alealengku
Na paluahon tondingki
Disuru Debatangku

Didok mandok AnakNa i
Sai topot ma pardosa i

Naung sun tinoruanku
Balga tutu do rimashi

Alai tarbaen do mombun i
Horhonon ni mudarMu

Buku Ende Huria No. 718
Hubege Jesus manjou

1. Hubege Jesus manjou hubege Jesus manjou
Sipalua au manjou porsan silang ihuthon ma Au.

Sai ihuthononku Jesus
sai ihuthononku Jesus,
Sai ihuthononku Jesus.
Huihuthon Jesus Tuhanki.

2. Tu Getsemane au dohot, tu Getsemane au dohot,
Rap marungkil dohot Jesus, mangihuthon Jesus Tuhanki.
Sai ihuthononku……

Sai ihuthononku Jesus
sai ihuthononku Jesus,
Sai ihuthononku Jesus.
Huihuthon Jesus Tuhanki.

Buku Ende Huria No.171
TANDAI MA AU
BL.49

1. Tandai ma au,
sungkapi ma dohot rohangku.
Uji ma au,
pamanat huhut ma dalanku.
Olo ditanda Ho au Debata.

2. Asi ma rohaM,
taringot tu pangalahongku.
Olo tutu,
jotjot do na lilu dalanku.
Sesa dosangku,
sude Debata.

Buku Ende Huria No. 622
Mansai nalnal diangka partingkian

2. SilangMu Kristus tanda ni holongMu
pahisar tondi na magopu I
mangalononghon sasude dosangku
mabaor tu laut asi ni rohaMi.

Naung tubu hami gabe na imbaru,
Na ni urasan sian dosa I

Ala mudarMu na ni usehonMu
Di Golgota di hamamateMi.

Buku Ende Huria No. 180
RO TU JESUS HO NA LOJA
BL. 228

1. Ro tu Jesus ho na loja
Na maheu i
Lam lumbang do di lambungNa
Rohami

3. Timbang holong ni rohana
Na sai godang i
Ai dilehon do hosaNa
Tobusmi

Buku Ende Huria No.407.
PANOTNOTI MA SILANG
BL. 271.

1. Panotnoti ma silang ni Tuhanta I
nama morsan sude dosami,
tinggangkon sude arsak ni rohami.
Pasesahon sude dosami.

So, jo,bereng I !
Panotnoti ma silang ni
Tuhanta I,
Ngolumi, ngolungki sian i.

2. Tung beasa di taon Ho, Tuhan, songon I
Dibagasan sude burjuMi ?

Tung beasa sap mudar sude dagingMi ai tigor do sude dalanMi ?

Nda I holongMi ?
Mudarmi na use pasonangkon muse sasude na porsea disi.

Jamita :
I Petrus 3 : 13 – 17

3:13 Jala ise do na manjahati hamu, molo diringkoti hamu na denggan!

3:14 Alai molo tung tumaon na porsuk hamu, ala ni hatigoran, na martua do hamu disi. Unang ma gaor rohamuna, bahenon ni biar ni roha mida nasida!

3:15 Alai parbadiai hamu ma Kristus, Tuhan i, di bagasan rohamuna; tongtong ma hobas, mangalusi ganup na manungkun hamu taringot tu na hinirim ni rohamuna; alai mardongan lambok ni roha ma dohot biar!

3:16 Unang ma pola marlobok taroktokmuna, asa tarila nasida na manuhasnuhasi hamu, angka na manginsahi parangemuna na denggan, na di bagasan Kristus i.

3:17 Ai tagonan do, hamu manaon haporsuhon ala ni ulaon na denggan, molo tung i lomo ni roha ni Debata; unang ma ala ni ulaon na roa!

Buku Ende Huria No.88
DI SURGO DO ALE-ALENTA
BL.106

1. Jesusku naung manobus ahu
sai naeng haholonganku Ho
Tu dolok Golgata Ho laho,
Nionjar ni holongMu do

Hupuji nasa asiMi,
Alai gumodang holongMi

instrument/musikal..

2. Tarsolsolbagi do rohangku
Paidaida dangolMi
Marningot sasude dosangku
Ai i do na tinaonMi

Hupuji nasa asiMi
Alai gumodang holongMi

instrument/musikal..

3 Jotjotna i husoadahon
Ho Sipangolu tondingkon
Mabiar lao mangkatindangkon
Ho na mangkophop au tongon

Hupuji nasa asiMi
Alai gumodang holongMi.

instrument/musikal..

4. Bagas uhirhon tu rohangku
PangkophopMi humophop au
Tusi ma togu pingkiranku
Guru di Ho sambing ma ahu

Hupuji nasa asiMi
Alai gumodang holongMi

instrument/musikal..

About the Author

MMedia
pendukung informasi seputar Ghkbpkrjati

Be the first to comment on "Partangiangan Passion kedua II"

Tinggalkan komentar

%d blogger menyukai ini: