Partangiangan Di bagas ta be

Partangiangan, pasca penyebaran virus covid-19  


PARTANGIANGAN WIJK DIBAGAS TA BE


BACA RENUNGAN PANDETA RESSORT : 20-21 Maret 2020
>> Renungan Harian ,

>> Renungan Harian


Partangiangan Di Bagas ta be, Jumaat 20 Maret 2020

Marende BE No. 187 : 1 “Denggan Do PanoguM”
Jamita : 1 Petrus 4 : 12 – 19
LAS NI ROHA DIBAGASAN TUHAN I

Huria HKBP Kramatjati nahinaholongan dibagasan goar ni Tuhan Jesus Kristus, Adong do dua sumber na mambahen jolma i ingkon mangadopi sitaonon,

Parjolo i ma na ro sian hadirionna sandiri (na binahenna sandiri),

Paduahon na ro sian ruar ni hadirionna. Di parngoluonta pe godang do masa sitaonon dohot parungkilon. Jala godang do jolma holsoan sahat ro di na tumatangis alani sitaonon dohot parungkilon i. Halak Kristen pe mangadapi sitaonon dohot parungkilon do. Isarana Bencana, parsahiton, pangaleleon, dohot angka na asing, dang hal na imbaru be i di hita.

Molo mardosa hita, diuhum Debata do hita marhite lomo ni rohaNa. Molo taadopi sitaonon dohot parungkilon i, olo ma tubu tu pingkiranta, boasa ma paloasan ni Debata jita angka siihuthon Jesus ingkon marsitaonon dohot marungkil?

Ai dang ingkon padaoon ni Debata tahe angka sitaonon dohot parungkilon i sian angka na hinaholonganNa?


Huria na hinholongan dibagasan Tuhan Jesus, Diturpukta on, dipaandar apostel Petrus do dua ragam ni sitaonon : songon uhuman alani dosa (ay.17 ptds 4:15 : 4:1-3 ptds 1:17) dohot sitaonon alani mangihuthon Jesus (ay. 14, 16, 19), jala ragam na paduahon on do na naeng taringotan ni turpuk on tu hita. Marhite turpuk on dipatorang do tu hita, boha do cara pandang dohot sikapta taringot tu sitaonon nang parungkilon ini molo masa dingolunta on. Jala on do na gabe parasinganta sian portibi on (na so porsea tu Jesus), molo mangadopi sitaonon dohot parungkilon i. Boi do sarupa sitaonon ni angka na porsea tu Jesus dohot angka na so porsea, alai cara pandang dohot sikapta ma na marasing.

Parjolo, Panatapan (cara pandang) taringot tu sitaonon
Manang pigapiga hali nunga dipaandar jala dipatorang apostel Petrus taringot tu sitaonon. Nunga tung jotjot angka na paisolat na di Pontus, Galatia, Kappadosia, Bitinia, mangadopi angka pangunjunan (1:6), dipahatahata (2:12; 3:16; 4:4). Angka anak somang pe jotjot marsak dibahen angka induk somangna (2:18-25), jala dang hal naimbaru be di nasida molo manaon na porsuk alani hatigoran (3:14).
Songon angka siihuthon Jesus jala paisolat mambahen nasida ingkon manaon godang haporsuhon, hasusaan nang sitaonon(4:16).

Dang diparsoada apostel Petrus na ingkon mangadopi hamaolon, haporsuhon, hasusaan, sitaonon angka siihuthon Jesus, jala dang didiok apostel Petrus molo mangihuthon Jesus gabe sonang ngolu soada haporsuhon. Alai na naeng dohonon ni apostel Petrus i ma, ia angka na masa di pardalanan ni ngolu on dang laho parsoadaon alai ingkon adopan do. Asa boi ulahononta i dohot denggan, ingkon torang ma pangantusionta di hita taringot tu sitaonon na masa di ngolu on.

Isarani sampah, molo godang sampah menumpuk, secara umum di hajolmaon gabe sumber masalah do i. Alai tu angka dongan petugas kebersihan dohot angka pemulung, sampah i gabe sumber penghasilan do i. Aha na dietong ni sasahalak gabe sampah, alai gabe arta do i di halak naasing. Songoni do nang sitaonon i.

Parjolo, ia sitaonon i adong do lapatanna (ayat 12). Sesuatu yang terjadi secara kebetulan seringkali tidak memiliki tujuan. Sitaonon na masa tu angka siihithon Jesus, dang na kebetulan i. Alai apostel Petrus mandok ia sitaonon i “mangihuthon roha ni Debata” (4:19). Marsitaonon alani mangulahon angka na denggan ima “lomo ni roha ni Debata” (3:17).

Molo sitaonon i mangihuthon lomo ni roha ni Debata, manghorhon do i tu angka na denggan di hita, ima manguji haporseaonta (4:12). Di jolo ni turpuk on pe didok apostel Petrus do : “ai naeng jumpang do hatauon ni haporseaonmuna, na andul umarga sian sere na so manahan nang pe diuji api i, bahen pujipujian dohot hamuliaon dohot hasangapon, di hapapatar ni Jesus Kristus i” (1:7). Api dang gabe alo ni sere. Alai api i do na papitahon na gabe hasurungan ni sere.

Siatonon, haporsuhonta i pe songon i do molo tasikapi dohot denggan, dang holan laho papitahon haporseaonta, alai laos gabe pasangaphon Debata do i (4:16). Martua do hamu molo hona insak hamu ala ni goar ni Kristus, ala songgop tu hamu Tondi hasangapon na sian Debata (4:14). Dumao sian i dope, ima molo manaon hita dihaporsuhon alani goar ni Kristus, jala tongtong taulahon angka na denggan, boi do i gabe mamboan halak na pahatahata hita i dohot nang nasida pasangaphon Debata (bdk. 2:12; 3:1-2).


Paduahon, sitaonon dohot haporsuhontai ima hasasaorta tu Kristus (ayat 13).
Parsaoranta dohot Kristus dang holan dihaporsuhon alai dohot do di hasangaponNa i. Molo dung patar hasangapon ni Kristus i diharoroNa paduahalihon, sude angka na manaon haporsuhon ala goar ni Kristus dohot do nasida mandai hasangapon dohot hamuliaon na salelenglelengna i. Apostel Paulus mandok : “ai haporsuhon nami na martingki jala na neang porsanon, i do patupahon di hami hasangapon na sumurung, na lumobi hamuliaonna na salelenglelengna” (2 Kor 4:17).


Patoluhon, marhite haporsuhonta dapotan ngolu na martua do hita di si (ayat 14). Di bindu 2 : 19-20 pe didok apostel Petrus do manaon hita ala ingot hita tu Debata, asi ni roha ni Debata do i di hita, ala songgopan ni Tondi hasangapon na sian Debata ma hita (4:14b). Dipahatahata portibi on pe hita molo manaon ala ni Kristsus, laos ditingki i do songgop Tondi hasangapon ni Debata di hita, ala jolma na sangap do hita.


Paopathon, marasing do haporsuhonta dohot portibi on (ayat 17-18). Sarupa alai dang dos, on do pandohan na ampit taringot tu haporsuhon ni siihuthon Jesus dohot haporsuhon naasing. Haporsuhon manang sitaonon ni halak Kristen laho papitahon do alai anggo haporsuhon na asing panguhuman do. Ia haporsuhon ni halak Kristen holan dipartingkian saonari on do masa i, alai haporsuhon na asing masa do i sahat ro di salelenglelengna. Haporsuhon ni halak Kristen, dang sadia i martimbanghon uhuman na ingkon sijaloon ni angka siula hajahaton.


Sikap Mangadopi Haporsuhon. 
Marasing do alus ni hajolmaon taringot tu hamaolon. Adong do halak na littun huhut mangalului tempat aman. Adong do deba na gabe mansoadahon haporseaon nang hasintongan asal ma unang gabe manaon haporsuhon. Naasing muse tetap bertahan, alai sai holsoan, bahkan sahat tu na manalahon halak na asing. Jala adong do deba na sahat tu na maningkot ala ni sitaonon i. Na asing muse adong do halak dang holan na bertahan di haporsuhon i alai gabe lam dumenggan ngoluna sian angka haporsuhon na tinaonna i.

Boha do sikapta na dihalomohon apostel Petrus molo ingkon adopanta haporsuhon i ?
Narumingkot ima, unang jaluk (heran/terkejut) di rohamuna (ayat 12).
Di penganut teologi kemakmuran, maol do tarjalo roha nasida sipaingot ni apostel Petrus on. Dietong nasida do molo dung gabe Kristen, dao ma angka haporsuhon dohot sitaonon. Molo masa hasusaan, dang boi nasida bertahan, ala dang siap nasida di si. Holan diangka na denggan do nasida bersiap, molo diangka hasusaan dohot haporsuhon dang siap nasida.

Alani i, molo adong halak na holan bersiap di angka na denggan jala dang bersiap mangadopi haporsuhon, sai talu do dibahen hasusaan i ibana.


Paduahon ima marlas ni roha (ayat 13).
Molo didok apostel Petrus pe dison marlas ni roha, dang na gabe parsoadaon haporsuhon i. Adong do haporsuhon i. Alai ingkon taingot tongtong, dipangke Debata dp haporsuhon dohot hasusaan i manghorhon hadengganon tu hita. Jala pangantusion na songon on ma na mangarajai roha nang pingkiranta.


Patoluhon ima unang hansit rohana (ayat 16).
Di zaman nuaeng on, pandohan “halak Kristen” godang halak na menganggap songon hailaon. Tutu do molo dang diantusi jolma lapatan ni panobusion ni Kristus di hau pinarsilang i, gabe tubu di pingkiranna ima menganggap rendah hadirion ni Kristus. Molo dang diantusi portibi on lapatanni panobusion ni Kristus di hau pinarsilang i jala dianggap rendah hadirion ni Kristus, dipaingot apostel Petrus do hita angka siihuthon Kristus asa unang maila hita disi. Umamilaan dope haporsuhon alani mangulahon hajahaton.

Naparpudi na dipangido sian hita siihuthon Kristus ima pasahat tondina tu Debata (ayat 19).
Hata pasahat, biasana terkesan pasif, alai turpuk on padomuhon hata pasahat dohot keaktifan : pasahathon ngolu dohot mangulahon na denggan. Taulahon ma bagianta (mangulahon na denggan), jala tapaloas ma Debata mangulahon bagianNa (patontuhon langkanta).

Pasahathon dang ulaon na mura i. Jotjot do hamaolon dohot hasusaan nang haporsuhon na diadopi jolma i, mambahen jolma i dang mangolu dibagasan hasintongan. Tingki dang dialusi Debata pangidoanta, jotjot do hita marusaha mangalului jalan keluar sian haporsuhonta i marhite gogo nang pingkiranta. Alai naeng ma tongtong ingotonta Jahowa Debata do panompa hita, Ibana do panompa haposan (ayat 19).

Songon panompa Debata, marhuaso do Debata padimundimun pardalanan ni ngolunta. Songon panompa haposan Ibana, sai donganNa do hita jala hot do Debata di angka padanNa i. Alani i papos ma roham, pasahat ma dirim tu Debata panompa haposan i.Soli Deo Gloria.


Panimpuli
Saluhut siihuthon Jesus, ingkon siap mangadopi haporsuhon. Mulai sian nahinan sahat ro di saonari mardongan do halak Kristen dohot haporsuhon. Lapatanna dang tarsirang ngolu ni halak Kristen sian haporsuhon. Dilelei, disiksa, dipersulit laho pajongjonghon gareja, dohot naasing dope. Boasa ingkon manaon haporsuhon halak Kristen i? Apostel Petrus mandok ujian do i di hita (ay.12), asa tarboto songon dia do parsihohotonta ni haporseaonta tu Debata : manopa hita do haporsuhon i asa boi hita lam tu dengganna. Alani i, molo ma pe haporsuhon alani mangihuthon Jesus, benget ma hita, tabah, tekun, martoruk ni roha ma jala tongtong ma mian holong dibagasan hita.
Jesus pe nunga ditaon haporsuhon i laho mangalehon haluaon di hita jolma. Manongtong ma hita mangulahon na denggan tu saluhut halak nang pe mangadopi haporsuhon, tongtong ma patuduhon holong tu halak na pahatahata jala na manghasogohon ho, molo adong hansit ni roham dibaen donganmu, dok ma mauliate, unang baloshon. Saluhutna i taulahon pataridahon na mian do Tondi ni Debata di ngolunta. Marlas ni roha huhut patupahon ulaon na denggan nang pe mangadopi haporsuhon, sian i ma boi hita patandahon Jesus tu angka na manghasogohon hita. Amen.


Diskusi :
a) Sian dia do haporsuhon i ro, sian Debata do manang sian sibolis?
b) Molo masa haporsuhon di ngolunta on, songon dia do bahenonta asa taboto haporsuhon i ala ni dosanta do manang na dipaloas Debata.


Marende BE No. 207 : 3, 5 “Sai Tiop Ma Tanganhu”

TETAP TENANG, TETAP BERDOA KEPADA TUHAN.
BADAI CORONAVIRUS PASTI BERLALU. TUHAN YESUS MEMBERKATI.
#PangulaGokTingkidohotParhaladoHKBPKramatjati


Pdt. A S Panjaitan S.Th

 


# Himbauan

     Dalam beberapa minggu terakhir ini, kita semua mendengar berita penyebaran virus Covid-19 secara cepat dan meluas di dunia, termasuk di Indonesia dan khususnya di Jakarta.
WHO (world health organization) sebagai organisasi kesehatan dunia telah menyatakan Covid-19 sebagai Pandemi. Pemerintah Indonesia juga sudah mengeluarkan himbauan agar seluruh rakyat Indonesia memberi perhatian yang serius pada persoalan ini.
Ditengah situasi ini, saya Pdt. Aris Suhendro Panjaitan, selaku Pendeta HKBP yang melayani di HKBP Kramatjati menghimbau:

1. Agar tetap tenang dan waspada serta tidak terjebak dalam kepanikan ditengah pandemi ini.

2. Pro-aktif dalam menjaga kesehatan masing-masing dan kebersihan lingkungan, seperti mencuci tangan dengan bersih atau menggunakan hand-sanitizer.

3. Membatasi aktifitas pribadi maupun kolektif yang melibatkan banyak orang seperti berada di tempat keramaian.

4. Untuk aktifitas ibadah yg melibatkan banyak orang, sedapat mungkin mengikuti himbauan pemerintah dalam kurun waktu 14 hari kedepan.

5. Akhirnya, mari kita semua bertekun dalam doa dan percaya akan perlindungan Tuhan. Badai pasti berlalu, sebagaimana firman Tuhan berkata:

Sesungguhnya, Aku akan mendatangkan kepada mereka kesehatan dan kesembuhan dan Aku akan menyingkapkan kepada mereka kesejahteraan dan keamanan yang berlimpah-limpah”  (Yeremia 33:6).

Tinggalkan Balasan

Alamat email Anda tidak akan dipublikasikan.