MINGGUON UJUNG TAUN PARHURIAON TAUN 2018

MINGGUON UJUNG TAUN PARHURIAON TAUN 2018


HKBP DISTRIK DKI JAKARTA  – HKBP KRAMATJATI

HARAJAON NI DEBATA NA MANONGTONG
(Daniel 7:9-14)

PARTORDING NI PARMINGGUON UJUNG TAUN PARHURIAON TAUN 2018

PARNINGOTAN NI ANGKA NAUNG MONDING
DI HKBP DISTRIK VIII DKI JAKARTA

JAKARTA, MINGGU, 25 NOPEMBER 2018

tangiang na hohom–manghuling elekton angonangon
(BL.No.79)

01. JOUJOU MARSAOR DOHOT TUHAN I
(L:liturgis/paragenda; R: ruas)

L : Huria ni Kristus! Nunga sahat hita tu Minggu Ujung taon Parhuriaon dohot Parningotan ni na monding. Parhatopotonta do, na martingki do ngolunta di hasiangan on.

R : Songon duhutduhut do ariarinta, marbunga songon bunga di ladang, dung dibolus alogo ibana ndang disi be.

L : Beha ma hita ia dung marujung paraloanta di portibi on? Alani i, binsan sadihari dope, tatangkasi ma dirinta, aik sura ro tompu ajalta asa tu Jesus tongtong lohot rohanta. Taendehon ma “ Beha ma hita ia dung marujung”
R : (mangendehon) BE.No. 351:1-3 “Beha ma hita ia dung Marujung” BL. 201
1. Beha ma hita ia dung marujung paralaoanta di portibi on. Dung na malua hita na mangusung na dokdok i di atas tano on? Lao muli hita tu banuaginjang dung pinaspashon orbuk tano i. Di na jonok tinatap hasonangan na pinarsinta ni rohanta i.
2. Beha ma hita molo disondangi panondang na so olo sundut be. Dalanta jala dosa dilongkangi Tuhanta sian hita on sude. So dipabali tihas i be hita so manolsoli be rohanta i. DI na tatopot saluhut donganta naung sonang di banuaginjang i.
instrument – musik, (+ jongjong )

3. Beha ma hita molo taihuthon panogunogu ni Tuhanta i. Soada be na tau mangambat hita sian jambarta na di surgo i. Di na tiur pamereng ni matanta marnida Jesus Sipangolu i. Na sangap manghunduli habangsaNa manggomgom nasa parluhutan i.

03. VOTUM INTROITUS TANGIANG

L : Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia na tumompa langit dohot tano on, Amen. Songon duhutduhut do saluhut daging, jala songon bungabunga ni duhutduhut i do saluhut hasangapon ni jolma.
R : Nunga malos duhutduhut i jala nunga marurus bungabungana i, alai na hot do Hata ni Tuhan i ro di saleleng ni lelengna.
L : Sai burju ma ho rasi rasa mate, dung i lehonongKu ma tu ho tumpal hangoluan, Haleluya
R : (mangendehon) HALELUYA HALELUYA HALELUYA
L : Martangiang ma hita! Ale Tuhan Jesus, Tuhan ni angka na mate dohot angka na mangolu. Ho do nampuna hami manang mangolu manang mate pe hami. Nang pe mardalan hami di ruar nilinggoman ni hamatean, ndang huhabiari hami be hamatean, ai Ho do dongannami. Ndang tartiop hamatean manang tanoman be hami, ai Ho do Tuhannami naung humopohop hami, jala Ho nampuna hami. Ro hami nuaeng tu Ho mangido: sahat tu Ho ma tondinami dohot dagingnami, asa di Ho hami manang na mangolu manang na mate pe. Sai tiop ma tangannmi, urupi hami marhitehite panghophopMi, asa sahat hami tu hangoluan na so ra suda. Amen. ——–hundul—-

04. Ende BE. No. 535:1,3
“HAMATEAN PARHITEAN”
BL. 183

1. Hamatean parhitean lao manopot Jesuski. Dohot au ingkon mamolus asa sahat au tusi. Nang pe pinadaodao dompak hamatean i. Lam jonok do hapengani langkangki tu ajalhi.

3. Molo i hugolomgolom sabam sonang rohangki. Nang marningot angka dongan nuang jumolo lao tusi. Ai denggan tohapnasida di banuaginjang i. Na marende do nasida raphon pardosurgo i.

05. PATIK NI DEBATA:
L : Tangihon hamu ma Patik ni Debata di Minggu ujung taon Parhuriaon on, na tarsurat di Galatia 6:9-10 :”Alai unang marnaloja hita mambahen na denggan, ai na manggotil do hita muse di tingkina i, anggo so pargale hita nuaeng. Antong, binsan sadihari dope, taulahon ma na denggan di saluhut halak, alai gumodang ma tu donganta sahaporseaon” Antong rap mangido gogo ma hita tu Debata mangulahon patikNa i

R : Ale Tuhan Debata, sai pargogoi ma hami mangulahon na hombar tu PatikMi, Amen.

06. Ende BE. No. 677:3-4
“MANSAI LAMBOK ”

Ngolu ni jolma hatop do lao salpu, salpu do ho dohot au. Ai hamatean musu na jumorbut mangonggop ho dohot au. Ref: Antong sai ro ma ho angka na sorat sai ro ma ho. Mansai lambok Tuhan Jesus manjou, pardosa mulak ma ho
(jongjong)
Dijangkon Jesus do angka parjahat, mulak ma ho dohot au. Dosam sudena ias sesaonNa, muba ma ho dohot au. Ref: Antong sai ro ma ho…d.u…

07. MANOPOTI DOSA:
L : Di naung sahat hita tu Ujung taon Parhuriaon on, tama do unduk rohanta marrujiruji di adopan ni Debata: Tu Harajaon ni Debata na manongtong i do tartuju rohanta, manang tu angka na ringkot di ngolu parsatongkinan on do? Alani dibagasan serep ni roha tatopoti ma dosanta martangiang ma hita. Ale Tuhan Debata, Pargogo na so hatudosan,Parasiroha na sumurung, Ama ni Tuhan Jesus Kristus Sipangolu hami.

R : Hami halak pardosa na dangol on, ro tu jolo ni habangsa habadiaonMi manopoti jala manganggukhon dosanami.

L : Nunga ditobus Ho hami sian ngolu nirajaan ni huaso haholomon jala dipaunsat Ho hami tu HarajaonMu na manongtong i dibagasan Jesus Kristus (Joh 3:16), gabe na tinompa na imbaru ma hami dibagasan Kristus, asa tarulahon hami ulaon na denggan (Eps 2:10).

R : Alai di pardalanan ni ngolunami, sipata do ndang marsitutu do hami laho mampartahanhon angka ulaon na denggan, gabe olo do mimbar roha ala ni panosak ni haporluan ariari.

L : Tuhan, urupi ma hami paubahon rohanami, ala ni Tuhan Jesus Anak haholongan ni rohaM Sipangolu hami, dohot ala ni GoarMu na badia i. Ale Tuhan asi ma rohaM di hami halak na dangol on, Amen.

R : (mangendehon) BE. No. 686:3”Ramun do au”
Ala denggan ni basaMi ro au tu Ho O Jesuski. Parbadiai ma rohangki dison do au patau ma au.

L : Bagabaga ni Debata taringot tu hasesaan ni dosanta: Songon on do panghaholongi ni Debata di portibi on, pola do AnakNa na sasada i dilehon, asa unang mago ganup na porsea di Ibana, asa hangoluan na saleleng ni lelengna di ibana. Hasangapon ma di Debata na di ginjang

S : Amen (hundul)

08 KOOR:

09. Ende BE. No. 337:7-8
“MOLO GIOT HO TU GINJANG”
BL. 79

Jesus Ho do na mamorsan paminsangon na tama di dosangki.
Na so pola habiaran be tanoman hehe do au sian i.

Nang di tano nang di surgo Ho pargogo pujionhu do tongtong.
Jesus Ho hangoluanhu tu lambungMu alap au naposoMon.

10. EPISTEL:

L : Hata ni Debata turpuk di hita di ari Minggu on, ima na tarsurat di Pangungkapon 7:9-17, songon on ma hatana: Dung salpu i, adong ma hubereng mansai torop, na so dapot bilangan ni jolma, sian nasa bangso, marga dohot houm dohot hata, angka na jongjong diadopan ni habangsa i dohot di adopan ni Birubiru i, angka na maruloshon abit na saksak jala na maniop maremare di tangannasida.

R : Gogo ma soaranasida manjoujou, angka ninna ma: Tua ma di Debatanta, na mangkunduli habangsa i, dohot di Birubiru i!

L : Jadi jongjong ma saluhut surusuruan i humaliang habangsa i dohot humaliang angka sintua i dohot parngolu na opat i, dung i manungkap ma nasida di jolo ni habangsa i huhut marsomba tu Debata.

R : Ninna nasida ma: Amen! Pujipujian dohot hasangapon dohot hapistaran dohot hamauliateon dohot hagogoon dohot hatoguon ma di Debatanta ro di salelenglelengna! Amen.

L : Dung i mangalusi ma sada sian angka sintua, didok ma mandok ahu: Ise do angka i; jala sian dia do ro angka na maruloshon abit na saksak i?

R : Jadi hudok ma mandok ibana: Ale tuanku, ho do umbotosa. Gabe didok ma tu ahu: I ma angka naung ro sian haporsuhon godang; nunga diburi nasida abitnasida jala dipasaksak di bagasan mudar ni Birubiru i.

L : Ala ni i sai di jolo ni habangsa ni Debata do nasida, mangoloi Ibana arian dohot borngin di bagasan jorona i, jala Ibana, na mangkunduli habangsa i, ma paulihon inganan di atasnasida.

R : Ndang be male nasida, ndang be mauas, ndang be ditinggang las ni ari nasida, manang dia na mohop pe.

L : Ai parmahanon ni Birubiru na di parsitongaan ni habangsa i do nasida jadi togihononna ma nasida tu angka mual aek hangoluan, jadi apusan ni Debata nasa iluilu sian matanasida. Ima sahatna. Martua do angka na tumangihon Hata ni Debata jala na umpeopsa, Amen

11. KOOR:

12. Marende BE. No. 344:1,3
“ISE DO ANGKA NASIDA”
BL. 84

Ise do angka nasida di lambung ni Debata. Na martumpal be huida jala marsinondang do. Na marende do sude girgir pamujina be.
..jongjong sude

Haporsuhon do ditaon uju na di tano on, na marlea nasailaon gabe hasangapon on do turpukna i nuaeng las ni roha i dibaen.
13. MANGHATINDANGHON HAPORSEAON:
L : Tahatindanghon ma haporseaonta i, songon na hinatindanghon ni donganta sahaporseaon di sandok portibi on, rap ma hita mandok:

S : Ahu porsea di Debata Jahowa….d.u…..Amen…….
—hundul—-
14. TINGTING

15. KOOR:

16. PARNINGOTAN NI ANGKA NA MONDING: (P=Parjamita)

P : Nuaeng sahat ma hita tu acara parningotan ni angka na monding sian tongatonga ni Hurianta, sian tgl 26 Nopember 2017– 24 Nopember 2018. Marende ma hita:
R : (mangendehon) BE. No. 334:1,3 ”Nasa jolma ingkon mate”

1 Nasa jolma ingkon mate ingkon mago sibuk i. Na mangolu ingkon mate asa tung denggan muse. Daging on do gabe bangke jala ingkon do malangke. Asa sogot bangkit i tu hasangaponna i

3 Jesus Kristus nunga mate ala ni mangolu au. Singkop tua diparade ipe las rohangku lao. Manadingkon pardagangan, mandapothon hasonangan. Mandapothon Jesuski, ai malungun au tusi.

P : Di Konfessi HKBP didok taringot tu Parningotan di angka na monding: Tahaporseai jala tahatindanghon do: Hamatean i, i ma ujung ni ngolu ni jolma di portibi on, maradian ma ibana sian sandok ulaonna. Adong haluaon di angka na porsea paboa Jesus Kristus naung hehe i do pangoluhon jolma i sian na mate, Ibana do Tuhan ni na mangolu dohot na mate (Rom 14: 7 – 9). Martua do na mate di bagasan Tuhan i na satia ro di ujungna (Pangk. 14: 13) Dipatupa Huria i do parningotan di angka na monding laho padungohon haporseaonta marningot ajalta sandiri huhut padohothon panghirimon di hamonangan ni Kristus manaluhon hamatean, songon i nang panghirimon di banua ginjang sambulo ni tondinta dohot di hadodomu ni na porsea i dohot Tuhan Debata sahat tu na ro Jesus Kristus paduahalihon.

R : SAI PAINGOT MA HAMI TUHAN DI UJUNG NI LANGKANAMI, JALA PARROHAI MA HAMI MAMILANGI ARIARI NI NGOLUNAMI ASA DAPOTAN ROHA NA BISUK HAMI

P : Nuaeng begeonta ma goar-goar ni ruas ni Hurianta naung monding dibagasan sataon parhuriaon on, ima: 1…..dst (dijahahon goar ni angka na monding)

Sidung dijaha, jongjong ma ruas dibagasan hahohomon— elekton mangendehon BL.11 ( lambok/halus)———-

P : Naeng ma tangkas di rohanta taringot tu angka naung monding i, asa unang marsak hita songon sipelebegu na so marpanghirimon i. On do didok Hata ni Debata: Ai molo porsea hita, naung mate Jesus dohot hehe, sandok togihonon ni Debata do rap dohot Jesus nang angka naung monding marhitehite Ibana (1 Tess.4:14) Asa di ari sogot i, sai masipaidaan do angka na porsea dung sahat be langkana tu hasonangan i.

R : (mangendehon) BE. No 347:1,3
“Sai masipaidaan”
BL. 11

1. Sai masipaidaan do na porsea i.
Dung sahat be langkana tu hasonanganI tu hasonangan I, tu hasonangan i.

2. Sai masipaidaan ma hitaon muse.
Di lambung ni Tuhanta dung monang hita be dung monang hita be, dung monang hita be

17. TANGIANG PANGONDIANON (sijaha tingting)
(sidung tangiang pangondianon hundul ma hita)

18. KOOR:

19. Ende No. 266: 1..
“Tu Banuaginjang do”
BL. 151
(Pelean Ia, I b)

Tu Banuaginjang do pardalanta i.
Na di halunghon ho tulus ma disi.
Anggo dison mubauba do sude so sadia na ture di tano on.

instrument musik…..

Tu Banuaginjang i sai tabereng be.
Molo ngot manogot i nang bodari pe.
Olo tongtong martangiang ho gogo ia naeng taruli ho di Jesus i.

instrument musik…..

Tu Banuaginjang i bereng ma tongtong.
Molo na hurangan ho di portibi on.
Ndang jadi be ganggu rohami disi,
Debata patupa i singkop sude

instrument musik…..

Tu Banuaginjang i lao do sude.
Dongan na porsea i di Tuhanta i.
Dohot ma ho alo sipangago i taonnama hansitna i satongkin i.

instrument musik…..

Tu banuaginjang i lao Tuhanta i sian haleaon i na tinaonNa i.
Ihuthon ma sian hatoruon i dalan na tu surgo i tu Debata.

instrument musik…..

Tu banuaginjang i lao ma ho muse, gari hamatean i parhiteanmi.
Diida ho ujung ni dalanta i bagas ni amanta i di surgo do.

instrument musik…..

Tu banuaginjang i hasonangan i.
Rap marende ma disi na porsea i.
Haleluya i do diolophon be di parmonang Jesus i, Haleluya.

20. JAMITA: Daniel 7:9-14

21. Ende .No. 539:1..dst
“Sai hutagam do Tuhanhu” BL. 371
(Pelean II)
Sai hutagam do Tuhanku,
Sai masihol rohangki Diharoro ni Tuhangku songon na nidokNa i.
Reff:
Sai mardongan olopolop huriaM managam Ho.
Maranata, ro, o Tuhan,
Amen, sai tibu ma ro !

instrument – musik…

Las ni roha ndang hapalang do manggohi rohangki.
Dung binege soaraNa di na ro Tuhanta i.
Reff: Sai mardongan…

instrument – musik…

Sai rade, ale tondingku, tagam panjouonNa i,
Sai tu langit an manomu ho di Jesus Tuhanmi.
Reff: Sai mardongan…

instrument – musik…

Ai tagamon nunga borhat, Ho, Tuhanku, sian i?
So tung unang au tarlalap, tading di na rodop i.
Reff: Sai mardongan…

22. TANGIANG : PELEAN, PARNINGOTAN NI NA MONDING, ALE AMANAMI PASUPASU

HKBP Distrik VIII DKI JAKARTA


 

Posted in Kebaktian MingguTagged , ,

Tinggalkan Balasan