Minggu VI trinitatis 28 Juli 2019

Topik Minggu :
“Marhamonangan Raphon Tuhan /
Kemenangan Bersama Tuhan”

Minggu Ke VI Dung Trinitatis, 28-Juli 2019


Buku Ende Huria No.112
O TONDI PARBADIA I, BONGOTI
BL. 206

1. Haleluya Tapuji ma
Amanta Tuhan Debata
Dibaen denggan basaNa

Sai tong girgir ma hita be
Pasangap Debatanta I
Dibaen asi rohaNa

Sangap, sangap,
Hagogoon, Hatoguon,
hapistaran,
Di Amanta na di ginjang

2. Haleluya Di Jesus I
Talehon Hasangapon I,
Nang pe pujipujian.

Dilehon do mudarNa i
Mamuri hita sasude
Parade hatigoran.

Denggan, denggan
Parsaoranta tu Tuhanta,
badiaNa,
Songgop do tu huriaNa

instrument/musik..

3. Haleluya di Tondi i
Na sangap, Na badia i,
Tadok mauliate,

Aut unang saor Ibana tu
Rohanta na so dung togu
Luhutna do mandate.

Tua, tua ma jambarta
bahenonna salelengna,
Di adopan ni Debata.


Buku Ende Huria No.24
TUHAN DEBATA
BL59

1. Tatap hami on
Na pungu dison,
Ai na naeng pujionnami
Denggan ni basaM di hami

Tatap hami on
Na pungu dison

5. Sai ajari be, hami on sude,
Asa lam huboto hami
dalan sidalanannami,

Sai ajari be
hami on sude


Buku Ende Huria No. 686
Ramun do au

1. Ramun do au di joloMi,
gok dosangki urasi au
O, Jesus, birubiru i,
dison do au patau ma au.

2. Na ro do au tu joloMi,
Gale do au urupi au

O, Jesus, ala mudarMi
Dison do au patau ma au.


Buku Ende Huria No. 681
Ale amang asi rohaM

1. Ale Amang asi rohaM
di au pardosa on,
Unduk do rohangkon nuaeng
marsomba di joloM.

Unang jujur unang jujur
angka dosangki.
Sai salpuhon
sai salpuhon
sian rohaMi.

2. Amang sai pargogoi ma au
di hasiangan on,
TondiM pasaor tu tondingkon
pamalum rohangkon.

Sai usehon, sai usehon
TondiMi tu au,
Asa monang maralohon
parungkilon au.


Epistel
Efesus 6 : 10 -20

6:10 Dungkon ni i, gabe togu ma rohamuna di bagasan Tuhan i
dohot di bagasan hagogoonna na togu i!

6:11 Solukkon hamu ma pangkean sinjata na sian Debata, asa
taralo hamu utiutian ni sibolis i.

6:12 Ai ndada marungkil hita mangalo mudar dohot sibuk, angka
harajaon do, angka parhuaso, angka sigomgomi hasiangan
haholomon on, angka tondi hajahaton na di ginjang i.

6:13 Dibahen i, jalo hamu ma pangkean sinjata na sian Debata,
asa tarbahen hamu mangalo di ari na jahat i, jala hot
jongjong, dung dipatunduk hamu sasude.

6:14 Antong, jongjong ma hamu, marhohoshon hasintongan di
gontingmuna, angka naung manolukkon bajubaju partahanan, i ma
hatigoran i.

6:15 Marsipatu ma patmuna, laho mangkaringgashon barita na
uli, pardamean i.

6:16 Angkup ni sudena i, jalo hamu ma lombulombu haporseaon i;
haintopan hamu do marhite sian i sude sumbia api ni parjahat
i.

6:17 Jangkon hamu ma nang tahuluk haluaon dohot podang ni
tondi, i ma hata ni Debata.

6:18 Martangiang ma hamu, mardongan sandok pangidoan dohot
elehelek di bagasan Tondi, manang sadihari pe, huhut dungo
jala jugul tongtong, tumangiangkon saluhut angka na badia,

6:19 nang ahu pe, asa dibungka pamanganku, mandok sidohononku,
laho pabotohon hahomion ni barita na uli, mardongan hiras ni
roha.

6:20 Ai tusi do disuru ahu na tarrante on, asa marhiras ni
roha ahu disi, mangkatahonsa songon na tama.


Buku Ende Huria No. 789
Lului hamu harajaon ni Debata

1. Lului hamu harajaon ni Debata,
Rap dohot hatigoranNa,
Tambahononna ma ondeng tu hamu,

Haleluya, Haleluya, Haleluya,
haleluya, haleluya, haleluya,
haleluya, haleluya.

3. Ndada holan sipanganon na ringkot,
Baen hangoluan ni jolma,
Tung nasa hata ni Debatanta do,

Haleluya, Haleluya, Haleluya,
haleluya, haleluya, haleluya,
haleluya, haleluya.


 

Buku Ende Huria No. 787
Ingkon monang hita

1. Ingkon monang hita,
ingkon monang di ujungna.
Ingkon monang hita,
ingkon monang di ujungna.

Naporsea do au di Debata,
ingkon monang hita.

instrument/musik..

2. Ala hatigoran,
ala hatigoran,
Hita monang diujung na

Naporsea do au di Debata,
ingkon monang hita.

Naporsea do au di Debata,
ingkon monang hita.

instrument/musik..

3. Kristus do donganta,
Kristus do donganta
Kristus do pamonang hita.

Naporsea do au di Debata,
ingkon monang hita.

Naporsea do au di Debata,
ingkon monang hita.

instrument/musik..

4. Rap masihaposan,
rap masihaposan
Rap masihaposan hita.

Naporsea do au di Debata,
ingkon monang hita.

Naporsea do au di Debata,
ingkon monang hita.

instrument/musik..

5. Masitangiangan,
masitangiangan
Masitangiangan hita.

Naporsea do au di Debata,
ingkon monang hita.

Naporsea do au di Debata,
ingkon monang hita.

instrument/musik..

6. Rap masiurupan,
rap masiurupan
Rap masiurupan hita.

Naporsea do au di Debata,
ingkon monang hita.

Naporsea do au di Debata,
ingkon monang hita.

instrument/musik..

7. Dame ma di hita,
dame ma di hita
Dame ma tongtong di hita.

Naporsea do au di Debata,
ingkon dame hita.

instrument/musik..


Evangelium
Panguhum 7 : 2 – 9

Pengkotbah :
Pdt. SAOR HUTAGAOL, S.Th

7:2 Dung i ro ma hata ni Jahowa tu si Gidion: Matorophu halak
donganmu, nda tung tarlehon Ahu halak Midian tu tangannasida,
atik beha mamuji dirina halak Israel maon moradophon Ahu
mandok: Tanganku sandiri do paluahon ahu.

7:3 On pe tingtingkon ma tu pinggol ni bangso i songon on:
Manang ise na mabiar, jala na tahuton, mulak ma ibana sian
dolok Gilead! Jadi mulak ma duapulu dua ribu halak, gabe
tading nama sampuluribu.

7:4 Dung i ninna Jahowa muse tu si Gidion: Matorophu dope
jolma i; togihon ma nasida tuat tu batang aek i, asa Ahu
manguji nasida di ho disi, jadi manang ise na hudok tu ho,
ingkon i ma donganmu laho, jala ganup na hudok tu ho, ndang
jadi donganmu ibana laho, i ma na so jadi laho.

7:5 Dung i ditogihon ibana ma bangso i tuat tu batang aek i,
gabe didok Jahowa tu si Gidion: Manang ise na manirup aek i
sian tanganna, songon pandilati ni biang, pulik ibana
pajongjong; suang le songon i sude na minum manunggam.

7:6 Jadi bilangan ni angka na manirup sian tanganna, tolu
ratus halak do, jala sandok bangso na teba i manunggam do laho
minum aek.

7:7 Dung i ninna Jahowa ma tu si Gidion: Marhitehite na
toluratus halak angka naung manirup sian tanganna Ahu paluahon
hamu, jala lehononku Midian tu tanganmu; alai sandok bangso i
dungkon i, muli be ma tu ingananna.

7:8 Dung i dibuat nasida ma bohal i sian na torop i dohot
angka sarunenasida di bagasan tangannasida, dipamuli ma luhut
halak Israel na asing ganup tu undungundungna be; alai ditiopi
do anggo na tolu ratus halak i ianggo parangan ni halak
Midian, marsaro do di jolona, tungkan toruan di rura i.

7:9 Laos bornginna i didok Jahowa tu ibana: Hehe ma ho! Tuat
ma ho tu parsaroan ni parangan i, ai nunga hupasahat nasida tu
tanganmu.


Buku Ende No. 247 Buku Logu No.159
Sai Hehe Ma Hamuna, Hamu Parangan
1. Sai hehe ma hamuna Hamu parangan ni
Tuhanta Jesus Kristus Tu paraloan i
Ai ndang tarbaen ho monang Nda na mangalo ho
Ai musu ni Tuhanta Tung ingkon talu do
2.
Tangihon panjouonNa Tu hamusuon i
Ihuthon ma hataNa Mangalo dosa i
Ibana do donganmu Mandopang musu i
I pe tongtong haposi Tuhanta Jesus i
3.
Ndang jadi haposanmu Gogom sandiri, da
Ai tung na so hasea Do i di Debata
Sai naeng basahononNa Di ho sinjatami
Ai ndang tarbaen so talu MusuNa baenon ni
4.
Manaon ma ho satongkin Di paraloan i
Tibu do i marujung Dibaen Tuhanta i
Dung i partumpalanNa Ma ho di surgo i
DonganNa ho manggomgom HarajaonNa i