Minggu OKULI 23 Maret 2019

Minggu : OKULI
(Sai Tong do Mangaranapi Matangku dompak Jahowa)

Topik Minggu :
“Jesus do Batu Parsuhi
/ Yesus Batu Penjuru “
Minggu, 24 Maret 2019
Pukul 06.00 wib & Pukul 10.15 wib
HKBP KRAMAT JATI

Lonceng

Tangiang Pamuhai

BE Ende Huria No. 29
NASA JOLMA INGKON MATE
BL. 186

1. I ma tingki hasonangan
Molo Ho o Jesuski
Pinahusor di pingkiran
Ro di asiasiMi

Molo Jesus ni luluan
Holan Jesus sinangkapan
Tingki na lehet ma i
Na pasonang roha i.

2. Sai buas naeng lehononMu
Jesus asi ni rohaM
Sai girgir do topotonMu
Na uasan di hataM

Gok do mual hangoluan
Di bagasan Ho, o Tuhan
Jala sai dapotan do
Sasude na ro tu Ho.

instrument/musik..

3. Ala nii o Tuhannami
Topot ma huriaMon
Pasupasu dohot hami
Gohi rohanami on

Mauas songon si Maria
Di hataM na sun badia
Baen ma hami sasude
Asa tung maruli be

Votum : A.VI.B3 – D.V.21

BE Ende Huria No. 508
B.Logu.348 :
Sai patogu.

1. Sai patogu rohangki,
ale Jesus Tuhanki
Golom dohot tanganMi
au dipardalananki

Molo loja au dison
pargogo i au tongtong.
Dok tu au : Hutogu pe
ho tu surgo i muse.

2. Mian ma dilambungki,
molo ro ujian i.
Unang loas ganggu au
sian sinondangmu dao.

Molo maol dalan i
jala ponjot rohangki,
Dok tu au : Hutogu
ho tu surgo i muse.

Patik / Hukum Taurat : V – X

BE Ende Huria No. 388.
SO MA JOLO JALA PINGKIR
BL. 257.

1. So ma jolo jala pingkir,
lao tu dia langka mi ?
Otik nai maho tar-lombang,
di-baen hatangkangonmi.

Mulak ma tu Tuhan Jesus.
Siapalua tondimi.

Ndang ditulak, Ho, na dangol,
boan nasa dosami !

2. Nunga leleng ho so sonang,
guga nasa rohami.
Sai tarponjot dihilala
ho di angka dalanmi.
Mulak………

Mulak ma tu Tuhan Jesus.
Siapalua tondimi.

Ndang ditulak, Ho, na dangol,
boan nasa dosami !

Manopoti Dosa : B.13-C.6 (instrument B.L No.133)

BE Ende Huria No. 437.
Tung na muba do rohangku.
BL. 390. :

2. Au na lilu hian dapot sambulongki.
Dung Jesus maringan di au.
Nunga sae dosangki dibaen mudarNa i,
Dung Jesus maringan di au.
Dung Jesus……

3. HaroroNa hutagam,
ndang uhum tahe,
Dung Jesus maringan di au.

Dohot au ma partohap di sangap muse.
Dung Jesus maringan di au.
Dung Jesus…

Epistel
Markus 12 : 1 – 12

Markus 12:1 Dung i dijamitai Jesus ma nasida marhite sian
umpama, ninna ma:
Adong ma sada halak na pauli porlak anggurna, dihandangi ma
humaliang, dihali ma pangilangan, dipauli ma gudangna,
dipasahat ma tu angka pangula, dung i marhutasada ma ibana.

Markus 12:2 Jadi di tingkina i disuru ma naposona manopot angka
pangula i, asa dijalo sian nasida parbuena i deba.

Markus 12:3 Hape ditangkup nasida do ibana, dipukpuhi, laos
muli boti do ibana dipaulak.

Markus 12:4 Dung i diulakkon ma marsuru naposona na asing tu
nasida, alai dilombut do nang i jala dileai.

Markus 12:5 Jadi disuru muse sahalak na asing, alai dipusa do
anggo i; dung i lan dope angka na asing disuru, na deba
dilasahi, na deba dipusa nasida.

Markus 12:6 Adong dope anakna sada, hinaholongan ni rohana, i
ma disuru parpudi tu nasida, ai ninna rohana do:
Ra biar ma rohanasida mida anakki!

Markus 12:7 Alai masipandohan do angka pangula i:
On do panean! Beta ma, tapusa ma ibana, asa di hita siteanonna
i!

Markus 12:8 Gabe ditangkup nasida ma ibana, dipusa ma, jala tu
balian ni porlak anggur i nama didanggurhon.

Markus 12:9 Dia ma tagamon bahenon ni tuan parporlak anggur i?
Ro ma ibana mangalengsehon angka pangula i, dung i pasahatonna
ma porlak i tu halak na asing.

Markus 12:10 Ndang dung dope dijaha hamu hata ni surat on:
“Ia batu na binolongkon ni angka pande bagas i, nunga i gabe
batu parsuhisuhi.

Markus 12:11 Pinamasa ni Tuhan do i; halongangan do i diida
matanta”?

Markus 12:12 Gabe dilului nasida ma dalan manangkup Ibana; alai
mabiar do nasida mida natorop i.
Ai diboto, nasida do tinuju ni umpama ondeng, laos laho do
nasida manadingkon Ibana.

Koor

BE Ende Huria No. 391
SO TUNG DITULAK.
BL. 260.

1. So tung di tulak rohami
panjouon ni Tuhanta I.
Disi do hangoluanmi,
sadarion ma tangkup i,

Sadari on, sadarion
Paujung i, sadarion.
Sadarion, sadarion,
Paujung i,
sadarion.

3. Ndang sonang ho di tano on,
nang gok di ho portibi on.
Rade di ho adian i,
sadari on ma tangkup i.
Sadari on ……

Sadari on, sadarion
Paujung i, sadarion.
Sadarion, sadarion,
Paujung i,
sadarion.

Koor

Tingting/Warta

BE Ende Huria No. 453.
Sada goar na umuli.
B.Logu. 304.

1. Sada goar na umuli
sian nasa goar I,
goar ni Tuhanta Jesus, I do na umuli i,

GoarMi Tuhanki,
holan i do endengki,
GoarMi, Jesuski..
do pamalum rohangki.

instrument/musik..

2. Tung na malum do rohangku,
nunga sonang tondingki,
GoarMi do sinjatangku
dompak angka musu i.
GoarMi Tuhanki…

GoarMi Tuhanki,
holan i do endengki,
GoarMi, Jesuski..
do pamalum rohangki.

instrument/musik..

3. Sipalua do goarMu,
saut malua tondingki.
Nasa rante ni sibolis
ingkon sega baenon nii.
GoarMi Tuhanki…

GoarMi Tuhanki,
holan i do endengki,
GoarMi, Jesuski..
do pamalum rohangki.

instrument/musik..

4. Sai endehon ma goarNa,
burju hatindangkon I,
Paima sahat hita sogot
lao sumomba Tuhan I.
GoarMi Tuhanki…

GoarMi Tuhanki,
holan i do endengki,
GoarMi, Jesuski..
do pamalum rohangki.

instrument/musik..

Evangelium
Psalmen 118 : 22 – 29

Psalmen 118:22
Batu naung binolongkon ni angka pande bagas, i ma jadi batu
parsuhi.

Psalmen 118:23
Sian Jahowa do i masa, halongangan do i anggo di matanta.

Psalmen 118:24
Ari on do na jinadihon ni Jahowa,
* marolopolop jala marlas ni roha ma hita disi.

Psalmen 118:25
I ale Jahowa, sai manumpak ma Ho!
I ale Jahowa sai Ho ma mambahen manjadi!

Psalmen 118:26
Pinasupasu ma na ro marhitehite goar ni Jahowa, hupasupasu hami
ma hamu, angka na sian bagas ni Jahowa.

Psalmen 118:27
Jahowa do Debata, jala Ibana manondangi hita.
Tambathon hamu ma angka pelean pesta i sahat ro di angka tanduk
ni langgatan.

Psalmen 118:28
Ho do Debatangku, jadi Ho do pujionku; ale Debatangku, sai Ho
do patimbulonku.

Psalmen 118:29
Mandok mauliate ma hamu di Jahowa, ai pardengganbasa do Ibana,
ai ro di salelenglelengna do asi ni rohana i

BE Ende Huria No. 460.
Ala ni Tuhan Jesus.
B.Logu. 319.

1. Ala_ni Tuhan Jesus
marendeende au.
Asi tongtong rohaNa nangpe
pardosa au.

Ibana na padomu au dohot Debata.
MudarNa di usehon
di dolok Golgata.

instrument/musik..

2. Ala ni Tuhan Jesus
mamujimuji au.
Holong tongtong rohaNa,
holong marnida au.

Godang do hasusaan dihasiangan on,
Asal ma di tanganNa na
sonang au tongtong.

instrument/musik..

3. Ala ni Tuhan Jesus,
maropolop au,
Ibana huihuthon manang tudia lao.

Ibana do patogu, pasada rohangki.
Ro di banua ginjang
sai Jesus donganki.

instrument/musik..

Panimpuli : Tangiang Ale Amanami (doxologi), Tangiang
Pasupasu