Minggu Trinitatis parjolo tahun 2019

MINGGU TRINITATIS 

Topim Minggu :
” Haporseon Na Manghorhon Haluaon ( Iman Yang Menyelamatkan)

Parmingguon Bahasa Batak Toba
Pukul 06.00 wib & Pukul 10.15 wib

⇒ Parjamita :
Pukul 06.00 wib  : Pdt. Dr. Martongo Sitinjak
Pukul 10.15 wib : Pdt. Dr. Martongo Sitinjak


Buku Ende Huria No.112
O TONDI PARBADIA I, BONGOTI
BL. 206

1. Haleluya Tapuji ma Amanta Tuhan Debata
Dibaen denggan basaNa
Sai tong girgir ma hita be
Pasangap Debatanta I
Dibaen asi rohaNa

Sangap, sangap,
Hagogoon, Hatoguon, hapistaran,
Di Amanta na di ginjang

2. Haleluya Di Jesus I
Talehon Hasangapon I,
Nang pe pujipujian.
Dilehon do mudarNa i
Mamuri hita sasude
Parade hatigoran.

Denggan, denggan
Parsaoranta tu Tuhanta, badiaNa
Songgop do tu huriaNa

musik/instrument..

3. Haleluya. Di Tondi i
Na sangap, na badia i,
Tadok mauliate
Aut unang saor Ibana tu
Rohanta na so dung togu
Luhutna do mandate.

Tua, tua ma jambarta bahenonna salelengna
Di adopan ni Debata.


Buku Ende Huria No.116
DITOMPA HO DO AU
BL. 243

1. Di tompa Ho do au, sondangi rohangkon;
Tung basa-basaMi sude na di au on.
Gomgomi pamatangku, naeng Ho do oloanku,

Sai lehon ma gogongku, lomoM naeng ulaonku.
Urupi tatap au tutu, Panompa na burju.

4. Ale Debatangki, Sitolusada i
Bongoti rohangki parbadiai ma i
Sai Ho ma lam hutanda gogongku lam paganda
Manangkup haluaon, maniop hatuaon
Ni Ama, Anak Tondi, na tong pujion i.


Buku Ende Huria No. 114
PAROHON HARAJAONMI
BL. 212

1. Ale Jahowa Debata,
Sai tatap hami on
Ai masiboan dosana be,
Do hami tu joloM
Asi rohaM di hami be,
Sai sesa dosa i sude

Marhite Jesus AnakMi,
Na mate di hau silang I
Di Golgata, Di dolok Golgata

3. Ho Tondi Parbadia i,
Sai tatap hami on
Lopokkon haholongonMi
tu rohanami on

Pasada rohanami be,
Patiur tondinami pe
Lao mangihuthon dasdasMi
Mangkasiholi sondang ni
Parholong i
Pardenggan basa i


Buku Ende Huria No.437. BL. 390. :
Tung na Muba do Rohangku.

1. Tung na muba rohangku dibaen Tuhanki,
ndung Jesus ma ringan di au.
Nungnga sonang au on,
tung dame rohangki,,
ndung Jesus maringan di au.

Ndung Jesus maringan di au,
ndung Jesus maringan di au,

Tung na sonang do au,
ndung tu Jesus au lao,
ndung Jesus maringan di au.

2. Au na lilu hian dapot sambulongki.
ndung Jesus maringan di au.
Nungnga sae dosangki dibaen mudarNa i,
Dung Jesus maringan di au.
ndung Jesus……

Ndung Jesus maringan di au,
ndung Jesus maringan di au,

Tung na sonang do au,
ndung tu Jesus au lao,
ndung Jesus maringan di au.


Epistel, Heber 11 : 7 – 12

11:7 Hinorhon ni haporseaon do dijalo si Noak poda taringot tu na so dapot idaon dope, gabe mabiar ibana, jala dipauli parau i, bahen haluaan ni nasida na sajabu; marhitehite i diuhumi ibana portibi on, jala gabe sitean hatigoran, na marguru tu haporseaon.

11:8 Hinorhon ni haporseaon do mangoloi si Abraham, dung dijou bungkas tu tano sijaloonna bahen teanteanan; saut do ibana bungkas, so adong diboto sitopotonna.

11:9 Hinorhon ni haporseaon do ibana hinomit di tano, naung diparbagabaga tu ibana, songon di tano ni na leban; undungundung do diingani raphon si Isak dohot si Jakkob, donganna panean di bagabaga na sasada i.

11:10 Ai dipaimaima do huta na marojahan na hot, na pinandean jala na pinauli ni Debata.

11:11 Laos hinorhon ni haporseaon do dijangkon si Sara gogo manubuhon pomparan maralohon timbo ni umurna, ala haposan di rohana na marbagabagahonsa.

11:12 Dibahen i tubu do sian na sasada i, naung mate dohonon, na satorop ni bintang di langit, na sagodang ni rihit di topilaut, na so dapot bilangan.


Buku Ende Huria No.461.
B.Logu 407. :
Songgop Tu Hami

1. Songgop tu hami na di joloMon,
o tondi ni, Debatangki.
Uhir patikMu tu rohangkinon,
O Tondi ni Debatangki.

Bereng siholhu di haroroMi,
Molo Ho ro,
nda hisar tondingki.

Didihon ma tu au on, apiMi.
O Tondi ni
Debatangki.

2. Suru TondiM paluahon au on.
Palua ma, o Debata.
Bereng dagingku,
tondingku dison,
palua ma, o Debata.

Dao ma pangambat di soaraMi,
hisap ni daging,
sandok diringki,

Na mangarsahi
tongtong TondiMi.
Palua ma,
o Debata.

 


Buku Ende Huria No. 753
Dipardalanan Jesus di jolongku

1. Dipardalanan Jesus dijolongku
Holong ni tanganMi manogu au
Nang di ngoluku Ho do sombaonku
Tung sonang mardalan raphon au.

Huboto do tangkas panoguonMu
Diiringiring Ho do langkangki
Sahat ro di ujung ni pardalanku
Togu ma au jonok tu lambungMi

musik/instrument..

2. Sipata lilu haporseaonhu
Ni lilianan ni portibi on
Alai dung Ho hutatap o Tuhanku
Margogo do au dingolungkon

Huboto do tangkas panoguonMu
Diiringiring Ho do langkangki
Sahat ro di ujung ni pardalanku
Togu ma au jonok tu lambungMi

musik/instrument..

3. Patogu ma Tuhan haporseaonku,
Asa polin tu Ho manghirim au,
Tu surgo I patulus pardalananku,
TondiMi maringan ma di au.
Huboto do ………

Huboto do tangkas panoguonMu
Diiringiring Ho do langkangki
Sahat ro di ujung ni pardalanku
Togu ma au jonok tu lambungMi

musik/instrument..


Evangelium, I Musa 22 : 1 – 12

22:1 Jadi dung salpu angka jamita ondeng, diunjuni Debata ma si Abraham, ninna ma mandok ibana: Jo Abraham! Dison do ahu, ninna.

22:2 Dung i ninna ma: Buat ma anakmu na sasada i, haholongan ni roham, si Isak i, jala togihon ibana tu tano Moria, jala pelehon ibana disi bahen pelean situtungon tu sada dolok, sipaboaonku tu ho.

22:3 Jadi dipasogot si Abraham ma hehe manogotna i, dipalanoi halodena, jala diarahon dua halak naposona rap dohot si Isak, anakna i, jala ditahai soban manutungi pelean i, dung i borhat ma ibana laho tu dolok, na nidok ni Debata tu ibana.

22:4 Patoluarihon manaili ma si Abraham, jadi ditatap ma dolok i.

22:5 Dung i ninna si Abraham ma tu angka naposona i: Dison ma hamu mangulon rap dohot halode i, alai anggo ahu dohot dakdanak i, laho ma hami tu sadu i, jala ia dung martangiang hami, mulak hami tu hamu on.

22:6 Jadi dibuat si Abraham ma soban tu pelean situtungon i diampehon ma tu si Isak, anakna i. Alai ibana do maniop api dohot raut sada, jadi rap mardalan ma nasida na dua i.

22:7 Dung i ninna si Isak ma tu si Abraham amana i: Atehe, ale amang, ninna! Dison do ahu ale anaha, ninna. Dung i ninna si Isak ma: Nunga dison api dohot soban, alai didia do birubiru bahen pelean situtungon i?

22:8 Jadi ninna si Abraham ma: Sai pilliton ni Debata di Ibana
sada birubiru bahen pelean situtungon, ale anaha. Jadi rap mardalan ma nasida na dua i.

22:9 Jadi dung sahat nasida tu dolok, na nidok ni Debata tu ibana, dipauli si Abraham ma disi sada langgatan, jala disusun soban i, ditali dohot si Isak anakna i, jala diampehon ibana tu ginjang ni langgatan i, tu atas soban i.

22:10 Dung i dipatoltol si Abraham ma tanganna mambuat raut i laho maneat anakna i.

22:11 Dung i dijou suruan ni Jahowa ma ibana sian banua ginjang, ninna ma: Jo Abraham, Abraham! Dison do ahu, ninna.

22:12 Jadi ninna suruan i ma: Unang laho tanganmu tu dakdanak i, jala unang bahen manang aha tu ibana, ai nunga huboto dihabiari ho do Debata, jala ndang diolani ho anakmu na sasada i maradophon Ahu.

⇒ Parjamita :
Pukul 06.00 wib Pdt. Dr. Martongo Sitinjak
Pukul 10.15 wib Pdt. Dr. Martongo Sitinjak


Buku Ende Huria No. 792
Pasu-pasu hami O Tuhan

reff:
Pasu-pasu hami o Tuhan
sai usehon dameMi,
Sai ampehon tanganMi Tuhan,
Lehon tu au gogoMi

1. di portibion
Baen ma au Tuhan
habaoran ni las ni roha
Tu na marsak i,
tu na dangol i,
gabe pangapuli i.

reff:
Pasu-pasu hami o Tuhan
sai usehon dameMi,
Sai ampehon tanganMi Tuhan,
Lehon tu au gogoMi

musik/instrument.. (ayat )

2. Diportibion,
baen ma au Tuhan,
Monang maralohon dosa dibahen gogoMi,
Talu musu I,
sibolis pangago i.
Pasu-pasu hami O Tuhan ………

reff:
Pasu-pasu hami o Tuhan
sai usehon dameMi,
Sai ampehon tanganMi Tuhan,
Lehon tu au gogoMi

musik/instrument..

3. Diportibion,
baen ma au Tuhan,
Sipatupa hadameon baen ma hataMi,
Saor tu roha ni na masihosoman i.
Pasu-pasu hami O Tuhan ………

reff:
Pasu-pasu hami o Tuhan
sai usehon dameMi,
Sai ampehon tanganMi Tuhan,
Lehon tu au gogoMi

musik/instrument..

4. Diportibion, baen ma au Tuhan,
Siradoti haholongon,
Togu-togu ma, hami on Tuhan,
Marparange na denggan.
Pasupasu hami O Tuhan ………

reff:
Pasu-pasu hami o Tuhan
sai usehon dameMi,
Sai ampehon tanganMi Tuhan,
Lehon tu au gogoMi

musik/instrument..

5. Diportibion baen ma au Tuhan,
Sipajongjong hatigoran,
Pargogoi ma au,
raphon HuriaM,
Patupahon na denggan.
Pasu-pasu hami O Tuhan ………

reff:
Pasu-pasu hami o Tuhan
sai usehon dameMi,
Sai ampehon tanganMi Tuhan,
Lehon tu au gogoMi

musik/instrument..


Tangiang Panutup