Minggu Reminiscere 8 Maret 2020

PARTONDING NI MINGGU  DI MINGGU REMINISCERE

Minggu Reminiscere
Topik Minggu :
“Manontong do Asi ni Roha Debata tu BangsoNa /
Kasih Setia Allah pada UmatNya”

Kain Altar : Warna Ungu / Violet


Rangkaian Ibadah Minggu Reminiscere – Minggu 08 Maret 2020 – Bahasa Batak 06.00 Pagi, 10.15 Arian


Buku Ende Huria No. 4
SAI PUJI DEBATA
BL. 148

1. Sai puji Debata dibaen asi rohaNa.
Huhut tongtong basa di nasa tinompaNa.

Ria ma hita be mamuji Debata.
Ai sesa do nuaeng Dosanta i dibaen.

2. Disuru Debata AnakNa Jesus Kristus.
Jadi mansai arga do hita on ditobus.

Diporsan Jesus I dosanta sasude.
Asa mudarNa i paias hita be.

instrument/musik..

3. Dibahen i tama pujion ni rohanta.
Tuhanta Debata nang Jesus pe AnakNa.

Nang pangondian i naung ro tu hita on.
Manggonti Jesus i pujion do tongtong


Buku Ende Huria No. 565
Las rohangku lao mamuji

1. Las rohangku lao mamuji
Debata Parholong i,
Songon bunga na mangerbang di na binsar ari i.

Arsak, dosa, haporsuhon mago dibaen asiMi.
Las ni roha na manongtong
lehon di au Tuhanki.

4. Rap ma hita mangendehon,
sangap di GoarNa i,
Tapangiar soaranta
lao mamuji Tuhan I.

Sun do holong ni rohaNa
na so marnamontok i,
I do pasadahon hita
salelenglelengna i.


PATIK UHUM : V – X


Buku Ende Huria No. 733
Dulo ma au on O Tuhan

1. Dulo ma au on o Tuhan bege anggukkon,
Ro do Ho tu angka dongan topot ma au on.

Jesus Tuhan bege anggukkon,
Ro do Ho tuangka dongan topot nang au on.

2. Tu adopanMi O Tuhan marsomba au on,
Sai asi rohaM O Tuhan, jangkon ma au on.
Jesus Tuhan ………

Jesus Tuhan bege anggukkon,
Ro do Ho tuangka dongan topot nang au on.


Buku Ende Huria No.443. BL. 393. :
Dung Tuhan Jesus.

1. Dung Tuhan Jesus nampu au,
songgop dame na,
biar hu lao,

Taripar gogo
ngoluna I,
nasa dosangku naung sae do i.

Tabaritahon holongna i.
Didia Tuhan, tudoshon I?
Tuk manumpahi, tarlobida?
Sasada Jesus pinujima!

2. Di Ho ngolungku!
Las rohangki jumolo Jesus siluami.
PangiringonMu, tolongMu I,
mangalo dosa nang rohangki.

Tabaritahon holongna i.
Didia Tuhan, tudoshon I?
Tuk manumpahi, tarlobida?
Sasada Jesus pinujima!


Epistel : ROMA 5 ayat 1 – 11

5:1 Asa dung dipintori hita dalan haporseaon, mardame ma hita dohot Debata marhitehite Tuhanta Jesus Kristus.

5:2 Laos marhitehite Ibana do saut masuk hita tu asi ni roha, hajongjonganta nuaeng dalan haporseaon, jala taparhatua do dirinta marningot hasangapon ni Debata na itahirim i i.

5:3 Alai lumobi sian i dope, ai itahalashon do nang angka haporsuhon, ala taboto, dihorhon haporsuhon i do habengeton ni roha.

5:4 Jala dihorhon habengeton ni roha i do hatauon, jala hatauon i do mangkorhon pangkirimon.

5:5 Alai ndang na murak hita bahenon ni pangkirimon i, ala nunga diusehon tubagasan rohanta holong ni roha ni Debata marhitehite Tondi Parbadia, naung nilehonna i tu hita.

5:6 Ai uju na parir dope hita, disi ma tongon mate Kristus humongkop angka parjahat.

5:7 Ai maol mate halak humongkop partigor; adong do deba na barani mate humongkop na ulibasa.

5:8 Alai ia Debata, dipapatar do holong ni rohana i di hita, uju pardosa dope hita, ai disi do mate Kristus humongkop hita.

5:9 Asa lam malua ma hita sian rimas i nuaeng marhite sian Ibana, dung jolo dipintori hita di bagasan mudarna i.

5:10 Ai molo dipadenggan Ibana hita tu Debata hinorhon ni parmate ni Anakna i, uju musuna dope hita, nda lam paluaonna ma hita, angka naung pinadengganna i, dung mangolu Ibana?

5:11 Lumobi dope, tung itahalashon do Debata mangasahon Tuhanta Jesus Kristus, ai di bagasan Ibana do tajalo pardengganan i.


Buku Ende Huria No. 256
JESUS KRISTUS I DO RAJA
BL.95

1. Jesus Kristus i do
Raja Pinabangkit ni AmaNa
Manggomgomi sasude
Manggomgomi sasude

Jala nasa hajolmaon
Tu Ibana do mar-Tuhan
Parhatopotonna be
Parhatopotonna be.

4. Holan Jesus patupahon
Na malua hajolmaon
Ala ni mudarNa i,
Ala ni mudarNa i

Nunga sahat hangoluan
Sai tongtong do partuaon
Dibagasan Jesus i,
Dibagasan Jesus i


Buku Ende Huria No.216
GARGAR DOLOK
BL.89

1. Gargar dolok tapor batu
Ndang na gargar asi ni
Roha sian Debatangku,
Sai na hot padanNa i,

Asi ni rohangKu do
Ndang na munsat sian ho

instrument/musik..

2. Na nidok ni Debatangku
Patut huundukkon i
Sai mangolu do tondingku
Molo huihuthon i

Asi ni rohangKu do
Ndang na munsat sian ho

instrument/musik..

3. Saluhutna na dung loja, Mangulahi do gogo
Sonang jala las rohana, Ia diasangkon do

Asi ni rohangKu do,
Ndang na munsat sian ho

4. Marsak ala ni dosamu, Bobos mida uhum ho
Sai haposi ma Tuhanmu, Na tongtong mandok tu ho
Asi ni rohangKu do, Ndang na munsat sian ho

instrument/musik..

5. Sai patogu ma rohangku, O Tuhan di hataMi
Unang pola au be ganggu, Paima bagabagaMi
Asi ni rohangKu do, Ndang na munsat sian ho

instrument/musik..

6. Ia ro pe hamatean, Di na suda bohalhi
Hangoluan ma hutean Sian na mandokkon i
Asi ni rohangKu do, Ndang na munsat sian ho

instrument/musik..


Evangelium :
II Musa 17 : 1 – 7

17:1 Dung i borhat ma sandok luhutan ni halak Israel sian halongonan Sin, marguru tu pandokkon ni Jahowa pardalanonnasida i, gabe marsaro nasida di Rapidim; alai ndang adong aek siinumon ni bangso i disi.

17:2 Jadi dibadai bangso i ma si Musa, angka didok ma: Lehon hamu aek siinumonnami! Jadi didok si Musa ma tu nasida: Boasa ahu badaanmuna? Boasa unjunanmuna Jahowa?

17:3 Alai uasan di aek bangso i disi, gabe marmungutmungut nasida dompak si Musa, didok ma: Boasa tung paruaronmu hami sian Misir laho mambunu hami dohot anakkonnami ro di pinahannami dibahen uas?

17:4 Jadi mangangguhi ma si Musa tu Jahowa, ninna ma: Aha ma bahenonku tu bangso on? Otik nari dangguronnasida ma ahu dohot batu.

17:5 Jadi didok Jahowa ma tu si Musa: Bolus ma sian jolo ni bangso i, jala arahon deba sian angka sintua ni Israel bahen donganmu, jala boan ma tungkotmu, na nilipathonmu tu batang aek i, dung i laho ma ho.

17:6 Ida ma, jongjong ma Ahu disi di jolom di atas ni sada dolok batu di Horeb, lipati ma dolok batu i, gabe ruar ma sian i aek siinumon ni bangso i. Jadi dibahen si Musa ma songon i di adopan ni angka sintua ni Israel.

17:7 Jadi dibahen ma goar ni hajongjongan i Massa (pangunjunan) dohot Meriba (parbadaan), ala ni bada ni halak Israel, jala ala ni niunjunannasida Jahowa, na nidokna i: Di tongatonganta ulaning do Jahowa manang ndang?


Buku Ende Huria No. 806
Aha pe masa dingolumon

1. Aha pe masa dingolumon Tuhan manjaga ho,
HolongNa do mangondihon ho Tuhan manjaga ho.

Tuhan manjaga ho las pe roham marsak pe ho,
Sai diramoti ho Tuhan manjaga ho.

instrument/musik..

2. Sai disarihon do ngolumi, Tuhan manjaga ho,
Sai ditangihon tangiangmi, Tuhan manjaga ho.
Tuhan manjaga ho ………

Tuhan manjaga ho las pe roham marsak pe ho,
Sai diramoti ho Tuhan manjaga ho.

instrument/musik..

3. Molo borat siporsanonmi, Tuhan manjaga ho,
Tung pe golap parnidaanmi, Tuhan manjaga ho.
Tuhan manjaga ho ………

Tuhan manjaga ho las pe roham marsak pe ho,
Sai diramoti ho Tuhan manjaga ho.

instrument/musik..