Minggu Pagi & Siang 8 Sept 2019

Rangkaian ibadah Minggu Pagi & Siang 8-Sept-2019

Minggu : XII DUNG TRINITATIS
Topik Minggu :
“Naposo ni Debata do Panggomgomi na Marsahala” /
“Pemerintah Adalah Hamba Allah ”


Buku Ende Huria No. 6
PUJI JAHOWA NA SANGAP
BL. 56

1. Puji Jahowa na sangap huhut marmulia
Hamu sude na parroha na ringgas na ria

Marpungu be, marolopolop sude, Hamu sude manisia

2. Puji Jahowa Sigomgom sude parluhutan
Na manogihon ho songon niiring ni tangan

Dohot hosam Songon hombar tu roham
Sai diramoti Ibana

instrument..

3. Puji Jahowa naung tipak manompa dagingmu
Jala na tongtong manumpak hisar pamatangmu Jotjot do ro

Pangurupina tu ho Uju na ro hagogotan


Buku Ende Huria No.128
DITANDA DEBATANTA
BL. 162

1. Ditanda Debatanta
Na di Ibana i
Na metmet nang na balga
Di nasa bangso i

Ndang mago loasonNa
Nang sada sian i

Ditogu do sudena
Tu hasonangan i.
Ditogu do sudena
Tu hasonangan i

5. Sai songon i ditanda
Tuhanta jolma i
Na mangoloi hataNa
Di nasa bangso i
Haporseaon i do
Partinandaan i

Padohot pangkirimon
Nang haholongon i.
Padohot pangkirimon
Nang haholongon i.

Buku Ende Huria No. 686
Ramun do au

1. Ramun do au di joloMi,
gok dosangki urasi au
O, Jesus, birubiru i,
dison do au patau ma au.

2. Na ro do au tu joloMi,
Gale do au urupi au
O, Jesus, ala mudarMi
Dison do au patau ma au.

Buku Ende Huria No.455.
Logu. 306. :
Tung na ringkot.

2. Mago songon birubiru,
na tardempar tu na dao.
Diusehon do damena
di na marsiulak au.

3. Tung marsahit do rohangku
di na leleng lilu au.
Nunga malum huhilala
dung didaoni Jesus au.

Epistel Roma 13 : 1 7

13:1 Unduk ma ganup di panggomgomi na marsahala; ai ndang adong sahalana, ia so
sian Debata, Debata do mangaturhon nasida.

13:2 Asa na mangalo aturan ni Debata do na mangalo panggomgomi i. Alai na
mangaithon uhum tu dirina do na mangalo i.

13:3 Ai angka siula hajahaton do patut mangkabiari panggomgomi, ndada angka
siulahon na denggan. Na denggan ma ulahon, asa unang pola habiaranmu
panggomgomi i, asa dapot pujipujian ho tahe sian nasida.

13:4 Suruan ni Debata do nasida, laho manumpak ho. Alai molo diula ho na jat,
patut ho tahutan, ai ndada gaitgait podang na niusungna i. Suruan ni Debata do
nasida, mangkonahon uhum tu siulahon hajahaton.

13:5 Dibahen i patut marunduk ni roha hita; ndada nionjar ni biar mida rimasna,
tung sinuru ni roha i do.

13:6 Ala ni i garar hamu ma nang beo i, ai parhobas ni Debata do nasida; tusi
do nasida disuru.

13:7 Tu ganup ma lehon hamu na tama tungguonna: Beo tu na patut manjalosa, sohe
tu na ture hasahatanna, biar tu na tama habiaran, hormat tu na talup hormatan.


Buku Ende Huria No. 248
SALELENG HO DI TANO ON
BL. 18

1. Saleleng ho di tano on,
Patigor ma roham
Paingotingot ma tongtong,
Nidok ni Debatam

4. Bolongkon sian rohami,
Luhut na so ture
Alai na sian Tuhan I,
Ramoti ma sude.


Buku Ende Huria No. 256
JESUS KRISTUS I DO RAJA
BL.95

1. Jesus Kristus i do
Raja Pinabangkit ni AmaNa
Manggomgomi sasude
Manggomgomi sasude

Jala nasa hajolmaon
Tu Ibana do mar-Tuhan
Parhatopotonna be
Parhatopotonna be.

instrument/musik..

2. Angka surusuruanNa
Humaliang habangsaNa
Pasangaphon Raja i,
Pasangaphon Raja i

Na di ginjang marhuaso
Harajaon na di tano
Mangoloi patikNa i
Mangoloi patikNa i.

instrument/musik..

3. Debata do sasadasa
Holan Jesus do tudosna
Anak tu Amana i,
Anak tu Amana i

Na so meret habangsana
So marujung do ngoluna
Tongtong gomgomanNa i
Tongtong gomgomanNa i.

4. Holan Jesus patupahon
Na malua hajolmaon
Ala ni mudarNa i,
Ala ni mudarNa i

Nunga sahat hangoluan
Sai tongtong do partuaon
Dibagasan Jesus i,
Dibagasan Jesus i

instrument/musik..

5. Hamu angka na mardosa
Nang hamu na ponjot hosa
Ala ni na porsuk i,
Ala ni na porsuk i

Sai pasahat rohamuna
Nang na hinolsohonmuna
Tu Tuhanta Jesus i,
Tu Tuhanta Jesus i.

instrument/musik..

6. O hamuna na badia
Nang na tigor i, na ria
Nang sude naung monang i,
Nang sude naung monang i

Tole ma hamu natorop
Tole ma marolopolop
Puji ma Tuhanta I,
Puji ma Tuhanta I.

instrument/musik..


Evangelium
PODA 8 12 -21

8:12 Ahu, Hapistaran i maringan tampak dohot habisuhon, jala jumpang Ahu do
parbinotoan ni panuturion.

8:13 Biar mida Jahowa do mangkagigihon na jat, roha haginjangon dohot
hajungkaton; pangalaho na jahat pe dohot pamangan getegete pe na huhagigihon
do.

8:14 Ahu do nampuna panuturion dohot hatongtongon, Ahu do nampuna pangantusion
dohot hagogoon.

8:15 Marhitehite Ahu mangarajai angka raja, jala mangkajongjongkon hasintongan
angka induk.

8:16 Marhitehite Ahu mangarajai angka induk, nang angka na sangap ro di saluhut
panguhum na di tano on tahe.

8:17 Ahu mangkaholongi angka na mangkaholongi Ahu, jala angka na burju
mangalului Ahu sai jumpangsa do Ahu.

8:18 Guru di Ahu do hamoraon dohot hamuliaon, arta angka na arga dohot
hatigoran.

8:19 Dumenggan do parbuengku sian sere palangki dohot sian sere naung niuji,
jala dumenggan do na huomo sian perak na pinillit.

8:20 Ahu mangiringiring halak di dalan hatigoran di tongatonga ni angka lapang
habonaron.

8:21 Marbasabasahon siteanon tu angka na mangkaholongi Ahu, jala parartaon
nasida hugoki do.


Buku Ende Huria No. 211
TUHAN JESUS SIPARMAHAN
BL. 92

1. Tuhan Jesus, Siparmahan
Au birubiruNa do.
Jesus gok di Ho rohangku
sai ihuthononku Ho.

Sai ihuthononku
Ho, Sai ihuthononku Ho.
Jesus gok di Ho rohangku
sai ihuthononku Ho.

instrument/musik..

2. Jumpa masa sori mago
tung pangapul Ho gogo.
Ia bogasMi huida
sai ihuthononku Ho

Sai ihuthononku Ho,
Sai ihuthononku Ho.
Ia bogasMi huida
sai ihuthononku Ho

instrument/musik..

3. Dokkon ahu suruanmu
ai hatam so magopo.
Dung i Ho huhut manogu
donganki manopot Ho.

Taiti ma sude tu
Ho taiti ma sude tu Ho.
Sai asi rohaM sai togu
Sahat ma sude tu Ho

instrument/musik..