Minggu Pagi dan Siang 07 Juli 2019

IBADAH MINGGU PUKUL 06.00 & 10.15 WIB ( BAHASA BATAK TOBA)

Topik Minggu :
“Mangoloi Debata Sitompa Na Sa Na Adong /
Taat Kepada Allah Pencipta Pemilik dan Penguasa Segala Sesuatu”

teks/lirik : ibadah minggu


Buku Ende Huria No.110
HALELUYA ! PINUJI MA
BL. 98

1. Haleluya Pinuji ma
Na sasadasa Debata,
Sitompa saluhutna.
Ai asi ni rohaNa i
GogoNa pe tongamNa i,
Ingkon endehononta.

2. Haleluya Pinuji ma
Na tuat sian Debata.
AnakNa sasadasa.
Na mate ala dosa i
Patupa hangoluan i,
Ingkon endehononta.

*instrument..

3. Haleluya Pinuji ma
Panondang sian Debata
Sinuru tu rohanta
Pangapul na sumurng i
Partogi, Pangajari i,
Ingkon endehononta.


Buku Ende Huria No.238
IHUTHON AU SUDE HAMU
BL. 93

1. Ihuthon au sude hamu
Didok Tuhanta Jesus
Sai soadahon dirimu
Hatangku ma patulus
Alai bolongkon ma sude
Parulanmu na so ture

7. Antong girgir ma hita be
Lao mangihuthon Jesus
Dagingta nang tondinta pe
Talehon ma tu Jesus
Ai na manjua Tuhan I
Ndang dapot hasonangan i.


Patik, Poda 3 : 5-6

3:5 Marhaposan tu Jahowa ma ho sian nasa roham, jala unang marpangunsandean ho tu pingkiranmu sandiri.
3:6 Sai Ibana ma tanda di nasa dalanmu, asa Ibana patigor angka dalanmu.


Buku Ende Huria No.464.
Logu. 313.
Huboan ma diringku.

1. Huboan ma diringku, Tuhan,
hibul tu Ho.
Ai au do tinobusMu,
Umbaen tarbaen au ro.

Pagalak ma rohangku,
dison managam, au
Tondi Mi ma suru,
na boi manggomgom au.

3. Ias do au diburi Ho, ale Tuhanki,
Naeng dohot parulanku hombar tu hataMi,

Pagalak ma rohangku,
dison managam, au
Tondi Mi ma suru,
na boi manggomgom au.


Buku Ende Huria No. 213
DUNG SONANG ROHANGKU
BL. 115

1. Dung sonang rohangku dibaen Jesus i
Porsuk pe hutaon dison

Na pos do rohangku di Tuhanta I
Dipasonang tongtong rohangkon

Sonang do, sonang do
Dipasonang tongtong rohangkon

3. Diporsan Tuhanku sandok dosangki
Bolong tu na dao do dibaen

Nang sada na so jujuronna be i
Na martua tondingku nuaeng

Sonang do, sonang do
Dipasonang tongtong
rohangkon


Epistel
Jesaya 50 : 7 – 10

50:7 Alai Tuhan Jahowa do mangurupi ahu, dibahen i ndang tarurak ahu; ala ni hubahen do bohingku songon batu ping; ai huboto hian na so tagamon tarurak ahu.

50:8 Jonok do ibana * na mamintori Ahu; ise naeng maruhum dohot ahu? Antong marluhut ma hita, ise suhut alongku maruhum? Dipajonok ma tu ahu.

50:9 Ida ma, sai urupan ni Tuhan Jahowa do ahu, tung ise ma na tuk manorui ahu? Ida ma, sude do nasida matua songon ulos, ngitngit manganhon nasida.

50:10 Ise ma sian hamu na mabiar mida Jahowa, na tumangihon soara ni naposona, na mardalani di angka haholomon, jala ndang adong hatiuron di ibana? Dihaposi ma goar ni Jahowa jala marparsigantungan ibana tu Debatana.


Buku Ende Huria No. 149
HO TONGTONG IHUTHONONKU
BL. 182

2. Tung di dia jumpang ahu
Tuhan sada songon Ho
Na manogunogu ahu
Tu na sonang songon Ho

Naung ditaon Ho hamatean
Lao humophop tondingki
Asa masuk au manean
Tohap na sumurng i.

4. Sai ingani ma rohangku
Jesus dohot TondiMi
Ro di ujung ni langkangku
Togu au o Tuhanki

Di na tos muse hosangku
Di na homur matangki
Sai tiopi ma tanganku
Togu au tu lambungMi.


Buku Ende Huria No.238
IHUTHON AU SUDE HAMU
BL. 93

1. Ihuthon au sude hamu
Didok Tuhanta Jesus
Sai soadahon dirimu
Hatangku ma patulus
Alai bolongkon ma sude
Parulanmu na so ture

musik/intrument..

2. Sai Au panondang di hamu
Di dalan hangoluan
Naeng unang lilu be hamu
Dao dohot hamagoan
Au parhitean di hamu
Tu hasonangan situtu

3. Hupatuduhon di hamu
Sipasidingonmuna
Sude geduk ni rohamu
Sipaubaonmuna
Ai naeng ias ma tondimu
Di na lao suda bohalmu.

musik/intrument..

4. Na serep roha do
Au on Huhut holong rohangKu
Lambok rohangKu ai tongtong
Na lambok do hatangKu
Tongtong hutatap Debata
I pe Au on ihuthon ma.

musik/intrument..

5. Ndang tarpatupa hami i
Dipingkir rohamuna
Unang mabiar ala ni
Ai Au do donganmuna
TaluhononKu musu i
Sai pos ma rohamu disi.

6. Siparhamaol hosana i,
I ma agoan hosa
Alai na sumeahon i,
I do pangoluhonsa
Na so mamorsan silang i
Na so tama di Au ma i.

musik/intrument..

7. Antong girgir ma hita be
Lao mangihuthon Jesus
Dagingta nang tondinta pe
Talehon ma tu Jesus
Ai na manjua Tuhan I
Ndang dapot hasonangan i.

musik/intrument..

 


Evangelium :
Ul.Apostel 17 : 22 – 30

17:22 Asa jongjong ma si Paulus di parsitongaan ni Areopagus i, ninna ma: Hamu angka halak Aten, sandok huida, mabiar situtu hamu mida angka na pinardebatamuna i.

17:23 Ai di na mardalani ahu, mamerengi angka sisombaonmuna, gabe jumpang ahu ma langgatan sada na sinuratan: Tu Debata na so tinanda! Antong, na sinombamuna na so tinandamuna, i do na hubaritahon tu hamu.

17:24 Ia Debata na tumompa hasiangan on ro di saluhut isina, i ma Tuhan ni langit dohot tano, ndang maringanan Ibana di angka joro na pinauli ni tangan.

17:25 Ndang hurangan Ibana, umbahen pola sihobasan ni tangan ni jolma di Ibana, ai tung Ibana do mangalehon di sudena hangoluan dohot hosa ro di saluhutna i.

17:26 Sian sada jolma do dipatupa Ibana saluhut bangso ni manisia, asa diingani liat sisik ni tano on, dibuhul hian do tingki ni angka bangso i ro di parbalohan ni siinganannasida,

17:27 asa luluannasida Debata, anggiat tung hadadapan nasida Ibana jala jumpang, ai ndang na dao Ibana sian ganup hita on.

17:28 Ai di bagasan Ibana do hita mangolu, manggulmit jala humosa, songon na nidok ni deba parendemuna: “Sabangso do hita dohot Ibana!”

17:29 Antong, anggo sabangso hita dohot Debata, unang ma dirimpu rohanta, suman tu sere Debata, manang tu perak, manang tu batu na pinandean jala piningkiran ni roha ni jolma.

17:30 Naung dibolushon pamereng ni Debata do angka taon haotoon; alai anggo nuaeng dibaritahon do tu hajolmaon: Ingkon sandok sude paubahon rohana.


ENDE SUPLEMEN
Buku Ende Huria No. 697
Molo Ho do huihothon

1. Molo Ho do huihuthon
dame sonang rohangki
Sai horas jala martua
nasa na hinophopMi.

Ho tongtong ihuthonongku,
Jesus na palua au.
Ho sambing do oloanhu
ala nii martua au.

musik/intrument..

2. Na rade do au manaon,
mangasahon padanMi,
Molo ho na manggogoihon
talu haholomon i.
Ho tongtong………

Ho tongtong ihuthonongku,
Jesus na palua au.
Ho sambing do oloanhu ala
nii martua au.

musik/intrument..

3. Hupelehon ma diringku
mangihuthon lomoMi,
Ndada be na olo salpu na
manggohi rohangki.
Ho tongtong………

Ho tongtong ihuthonongku,
Jesus na palua au.
Ho sambing do oloanhu
ala nii martua au.

musik/intrument..

4. Marparange na badia ma
au diadopanMi,
Sai patau ma au tiruan,
songon pinangidoMi.
Ho tongtong………

Ho tongtong ihuthonongku,
Jesus na palua au.
Ho sambing do oloanhu
ala nii martua au.

musik/intrument..


Pandidion Na Badia (Baptis)


Tangiang Panutup :