Minggu manogot dohot arian 19 mei 2019

Minggu KANTATE

Minggu Kantate “ENDEHON HAMU MA DI JAHOWA ENDE NA IMBARU” (Psalmen 98 : 1)

Tahun Ke-LIV Minggu Ke-XX – HKBP – HKBP Kramat Jati Ress Kramat Jati
Topik Minggu : ”Marsomba Tu Jahowa di Bagasan Hasatiaon”
”Beribadah Kepada Tuhan dengan Kesetiaan”

Kain Altar : Na bontar (Putih)
Partonding ni acara di Parmingguon di HKBP KramatJati, di Minggu Kantate


Buku Ende Huria No.453.
Sada goar na umuli.
Logu. 304. :

1. Sada goar na ummuli
sian nasa goar I,
goar ni Tuhanta Jesus,
I do na ummuli I

GoarMi, Tuhanki,
Holan i do endengki,
GoarMi, Jesuski
do pamalum rohangki.

2. Tung na malum do rohangku,
nunga sonang tondingki,

GoarMi do sinjatangku
dompak angka musu i.
GoarMi……

GoarMi, Tuhanki,
Holan i do endengki,
GoarMi, Jesuski
do pamalum rohangki.

instrument/musik…

4. Sai endehon ma goarNa,
burju hatindangkon I,

Paima sahat hita sogot
lao sumomba Tuhan I.
GoarMi…

GoarMi, Tuhanki,
Holan i do endengki,
GoarMi, Jesuski
do pamalum rohangki.


Buku Ende Huria No. 754
Gok las ni roha do au

1. Gok las ni roha do au
di ngolungkon, di ngolungkon
di ngolungkon

Gok las ni roha do au
di ngolungkon
tongtong di rohangkon

Mauliate
gok las ni roha
aringan holongMi
Tuhan di au

mauliate
gok las ni roha
Maringan holongMi
Tuhan
di au.

5. Marlas niroha do au
di ngolungkon, di ngolungkon,
di ngolungkon.

Marlas ni roha do au
di ngolungkon,
Tongtong di rohangkon.
Mauliate………

Mauliate
gok las ni roha
aringan holongMi
Tuhan di au

mauliate
gok las ni roha
Maringan holongMi
Tuhan
di au.


PATIK : Rom 12 : 1

12:1 Na huapoi ma hamu, ale angka dongan, marhitehite asi ni roha ni Debata: Pasahat hamu
ma dagingmuna bahen pelean na mangolu, na badia, na hinalomohon ni Debata; i ma hadaulaton
ni na marroha.


Buku Ende Huria No. 388.
SO MA JOLO JALA PINGKIR
BL. 257.

1. So ma jolo jala pingkir,
lao tu dia langka mi ?

Otik nai ma ho tarlombang,
dibaen hatangkangonmi.

Mulak ma tu Tuhan Jesus.
Siapalua tondimi.

Ndang di tulak
Ho na dangol,
boan nasa dosami !

3. Tung sibolis do manggohi
rohami na loja i.

Tung maheu do rohamu
di baen parungkilon i.
Mulak………

Mulak ma tu Tuhan Jesus.
Siapalua tondimi.

Ndang di tulak
Ho na dangol,
boan nasa dosami !


Buku Ende Huria No. 512 Logu.352 :
Didalani Jesus Tano dohot Laut.

1. Didalani Jesus tano dohot laut
Tahi holong ni rohana di pasaut,

Na mura luhut dibaen tondina I,
Dung disesa utang ni dosanta i.

Hahaanggi, ro hamu sude,
ta arahon ma donganta be,

Hahaanggi, dao nang jonok be!
Hara tu joloNa donganmu sude.

4. Ganggu roha mida pangunjunan i,
Moru pe gogonta lao marungkil i.

Sai tabereng dompak Jesus Tuhan I,
Ganda hiras ni rohanta baenon nii.


Epistel :
II Timotius 2 : 1 – 7

II Timotius 2 : 1 Onpe, ale anaha, margogo ma ho marhitehite asi ni roha ni Kristus Jesus!

II Timotius 2 : 2 Jadi ma binegem sian ahu di adopan ni torop sitindangi, i ma pasahat tu halak haposan,
angka na tau mangajari na asing.

II Timotius 2 : 3 Gabe dongan manaon haporsuhon ma ho, songon parangan na denggan di Kristus Jesus!

II Timotius 2 : 4 Ndang olo alit parporang tu angka ulaon pandaraman, asa halomoan ibana di na marsuru
ibana.

II Timotius 2 : 5 Nang na marsiadu pe, ndang dipartumpali, ia so tigor paraloonna i.

II Timotius 2 : 6 Ingkon siula hauma i jumolo taruli di parbuena!

II Timotius 2 : 7 Antusi na hudok i; ai lehonon ni Tuhan i do tu ho roha mangarti saluhutna i.


Buku Ende Huria No. 691
Hupasahat ma tu Jesus

1. Hupasahat ma tu Jesus
saluhutna ngolungki,
Roha nang pambaenanku
saluhutna tingkingki
Hupasahat ma……

Hupasahat ma tu Jesus
saluhutna diringki,

Hupasahat ma tu Jesus
saluhutna ngolungki.

5. Tarhalomong do rohangku
dipandok ni Tuhanku,
Ale-ale ni Tuhanku,
au di goar Jesus i.
Hupasahat ma……

Hupasahat ma tu Jesus
saluhutna diringki,

Hupasahat ma tu Jesus
saluhutna ngolungki.


Buku Ende Huria No. 645
Sai gohi roha tondingki (1)

1. Sai gohi roha tondingki marhite tondiMi
asa marhite diringki patar Ho Tuhanki.

musik/instrument..

2. Unang holan pamanganhi, dohot ma rohangki
Jala sude ma ngolungki, mamuji Ho ma i.

musik/instrument..

3. Sude ma pangalahongki, ro di ulaonki
Nang hata nang pingkiranki, pasangap Ho ma i.

musik/instrument..

4. Nang saluhutna ngolungki, tongtong mamuji Ho
Anggiat dohot diringkon, lao papatarhon Ho.

musik/instrument..

5. Nang pe gok dosa rohangkon, gale pamatangkon
Ala nuaeng hupuji Ho, sai jangkon ma au on.

musik/instrument..

6. Antong sude ma ngolungki, parbadiai ma I
Dongani au o Tuhanki, ro di ujungna i.

musik/instrument..

Evangelium : Esra, 6 : 13 – 18

  • Parjamita di Manogot / Pagi : Pdt. Samuel Ch. Sitompul S.Th – Bhs Batak Toba,
  • Parjamita di Arian / Siang : Biv. Silpana Hutauruk M.Pdk – Bhs Batak Toba,
  • Parjamita di Botari / Sore : Pdt. Jetty L. Samosir S.Th  – Bhs Indonesia.

Esra, 6 : 13 – 18
6:13 Jadi sigop ma dipasaut si Tatnai, pangarajai di bariba ni batang aek i dohot si Jetar
Bosenai ro di angka donganna satahi parenta i, hombar tu hata naung tinongoshon ni raja
Darius i.

6:14 Jadi tole ma angka sintua ni halak Juda mangaringkoti ulaon i, jala gira dipasidung,
hombar tu hata panurirang Haggai dohot Sakaria, anak ni si Ido; diringkoti nasida ma tutu
ulaon i jala dipasidung, hombar tu hata ni Debata ni Israel, hombar huhut tu parenta ni si
Sirus dohot si Darius dohot si Artasasta, raja sian Persia.

6:15 Jadi sidung ma joro i di ari tolu bulan Adar, paonomtaonhon hinarajaon ni raja
Darius.

6:16 Dung i marari raya ma halak Israel, angka malim dohot halak Lepi, ro di halak na
asing angka na mulak sian habuangan pasahathon joro i tu Debata marlas ni roha godang.

6:17 Laho pasahathon joro i nasida tu Debata, dipelehon ma saratus jonggi, dua ratus
birubiru tunggal, opat ratus anak ni birubiru, jala sampulu dua hambing tunggal bahen
pelean pardosaon manguras sandok Israel, mangihuthon bilangan ni angka marga ni Israel.

6:18 Jadi dipajongjong nasida ma angka malim mangihuthon pargansionna dohot halak Lepi
mangihuthon rongkananna marhalado di Debata na di Jerusalem, hombar tu na tarsurat di
bagasan buku ni si Musa.


Buku Ende Huria No. 585
Somba ma Jahowa

1. Somba ma Jahowa Debatanta
Amen Haleluya
Sigomgom langit tano on
ro di isi na
Amen Haleluya

Beta hita lao,
marsinggang tu joloNa
Amen Haleluya
na songkal jala na badia
do Jahowa
Amen Haleluya

Endehon
Amen haleluya
Endehon
Amen haleluya
Endehon Amen haleluya
Endehon
Amen haleluya

Endehon
“Amen Haleluya”
Endehon
Amen haleluya

Endehon
“Amen haleluya”
Endehon
“Amen haleluya”

musik/instrument…

2. Puji ma Jahowa Debatanta,
Amen Haleluya
Parasi roha na sumurung do Ibana,
Amen Haleluya

Taendehon ma goar ni Debatanta,
Amen Haleluya
Alani denggan ni basaNa na tu hita,
Amen Haleluya.

Endehon
Amen haleluya
Endehon
Amen haleluya
Endehon Amen haleluya
Endehon
Amen haleluya

Endehon
“Amen Haleluya”
Endehon
Amen haleluya
Endehon
“Amen haleluya”
Endehon
“Amen haleluya”.

musik/instrument…

3. Sangap di Jahowa Debatanta,
Amen Haleluya
Na bonar jala marmulia do Jahowa,
Amen Haleluya

Tapatimbul ma goar ni Debatanta,
Amen Haleluya
Na tigor jala na sun gogo salelengna,
Amen Haleluya

Endehon
Amen haleluya
Endehon
Amen haleluya
Endehon
Amen haleluya
Endehon
Amen haleluya

Endehon
“Amen Haleluya”
Endehon
Amen haleluya
Endehon
“Amen haleluya”
Endehon
“Amen haleluya”

musik/instrument…

 



  • IBADAH SKM Pukul 07.45 WIB
  • IBADAH REMAJA Pukul 10.00 WIB
  • IBADAH SORE Pukul 17.00 WIB (Bhs. Indonesia)
Posted in Kebaktian Minggu, Minggu Kantate