Minggu Letare hkbp krjati

ibadah Minggu – 20 Hari Jelang Jumat Agung (*Minggu Paskah) Minggu, HKBP Kramat Jati



Minggu Letare
Topik Minggu :
“Marlas ni roha ala asi niroha ni Debata /
Bersukacita karena Kasih Karunia daripada Allah”

Minggu 31 Maret 2019
minggu Manogot dohot Arian


BE Ende Huria No. 565
Las rohangku lao mamuji

1. Las rohangku lao mamuji Debata Parholong i,
Songon bunga na mangerbang di na binsar ari i.

Arsak, dosa, haporsuhon mago dibaen asiMi.
Las ni roha na manongtong lehon di au Tuhanki.

2. Sude jadijadianMu, laut, tano, langit i,
Angka bintang dohot bulan nang mata ni ari i.

Hauma, ladang, nang harangan, rura dohot dolok I,
Saluhut na mangendehon sangap di Tuhanta I.

instrument/musik..

3. Debata Parholong roha, na manesa dosangki,
Ndang tarbaen so las rohangku lao mamuji asiMi

Sai ajari sude hami mangulahon holong i,
Asa gok las rohanami dibagasan Tuhan I.


BE Ende Huria No. 125
MARLASNIROHA HITA ON
BL. 82

1. Marlasniroha hita on
Mamuji Debata
Ai asi ni rohaNa i
Do bongot tu rohanta i
Umbaen nuaeng mardomu i
Dison sadari on
Dison sadari on

2. Dibaheni manggogo be
Ma hita on sude
Mamuji Tuhan Jesus i
Parasiroha godang i
Sibaen las ni rohanta i
Nuaeng nang sogot pe
Nuaeng nang sogot pe


Patik : I Tessalonika 5 : 16 – 18

I Tessalonika 5 : 16
Tongtong ma hamu marlas ni roha !

I Tessalonika 5 : 17
Unang mansadi hamu martangiang !

I Tessalonika 5 : 18
Mandok mauliate ma hamu siala saluhutna !
Ai i do dipangido Debata
sian hamu marhitehite Kristus Jesus.


BE Ende Huria No. 466.
Nunga ro au.
Logu.314.

1. Nunga ro au.
O Tuhanku tu hau pinorsilangMi
Hu pelehon ma diringku upa halojaonMi.

Hatuaon i, las ni rohangki
Ai hibul do hupelehon nasa diringki.

2.Ndang adong naeng tioponku,
saluhut tu tanganMi.
Maradian do tondingku dibagasan lomoMi.
Hatuaon i……

Hatuaon i, las ni rohangki
Ai hibul do hupelehon nasa diringki.


BE Ende Huria No. 457.
Bagas ni haholongan.
Logu. 308. :

1. Bagas ni haholongan naung sun hinaholongkon ni Debatanta I
tu hita jolma i.
Na tuat do Anakna tumopot hita jolma.

Hupuji holongMi, na so mansohot i.
Hupuji holongMi, na so mansohot i.

2. Diporsan do dosanta, targantung do singkatta
Di hau parsilang I, songon parjahat i.
Na mate do Ibana, hita pinaluaNa.

Hupuji holongMi, na so mansohot i.
Hupuji holongMi, na so mansohot i.


Epistel : Jesaya 65 : 17 – 25

65:17 Ai ida ma, ahu ma manompa langit na imbaru dohot tano na imbaru,
jala ndang be ingoton angka na parjolo i manang tarsunggul tu roha.

65:18 Ingkon marlas ni roha ma hamu jala marolopolop ro di
salelenglelengna ala ahu manompa angka i! Ai ida ma, ahu manompa
Jerusalem bahen parolopolopon, jala bangso isina i bahen las ni roha.

65:19 Ahu sandiri pe marolopolop do mida Jerusalem, jala marlas ni
roha ahu mida bangsongku, jala * ndang be tarbege disi soara
partangison manang soara angguhangguk.

65:20 Ndang adong be disi posoposo siotik ari, manang na ubanon na so
gok ariarina; ai dolidoli dope na marumur saratus taon laho mate, jala
pardosa sisaratus taon hona bura.

65:21 Jala paulionnasida ma angka bagas, laos inganannasida,
suanonnasida ma hau anggur jala panganonnasida parbuena.

65:22 Ndang tagamon nasida * paulihon bagas, gabe halak na asing
mangingani, ndang tagamon nasida manuan, gabe halak na asing
manganhon; ai songon ariari ni hau, songon i do ariari ni bangsongku,
jala jadijadian ni tangannasida ingkon halak na hupillit
marsaulihonsa.

65:23 Ndang tagamon loja so marniula nasida, manang manubuhon anak,
asa tilahahononna tibu, ai pinompar ni na pinasupasu ni Jahowa do
nasida ro di tubunasida i.

65:24 Jala masa huhut: Tagan so manjou dope nasida, nunga mangalusi
ahu, mangkatai dope nasida, nunga manangihon ahu.

65:25 * Gompul dohot anak ni birubiru marsaroha manjampal, jala singa
manggagat panabian songon lombu, jala ulok na mangkangoluhon orbuk,
ndang be manjahati manang mangago di sandok dolokku na badia i ninna
Jahowa.


BE Ende Huria No. 693
Jesus do Tuhan

1. Jesus do Tuhanku Sihophop au on.
Ibana do haposanki tanganNa na gogo manogu au on,
Patogu au di langkangki

Tuhanku tongtong sumarihon au on
martua sonang tondingkon
holong ni rohaNa pahisar au on
mardame tongtong rohangkon mardame tongtong rohangkon.

2. Jesus do Tuhan Siramoti au on
Na margogoihon diringkon,

Nang gok parungkilon, godang na tinaon,
Sabam do dibaen rohangkon.
Tuhanku tongtong……

Tuhanku tongtong sumarihon au on
martua sonang tondingkon
holong ni rohaNa pahisar au on
mardame tongtong rohangkon mardame tongtong rohangkon.


BE Ende Huria No. 758
Jahowa pangurupi

1. Jahowa pangurupi disi ulaonmi.
Dilehon pos ni roha di ganup tingki i,
Nan gpe sipata ganggu haporseaonmi
Jamot tongtong Tuhanmu manjaga ngolumi.

instrument/musik..

2. Jahowa las ni roha saleleng ngolumi,
Ibana haroroan ni nasa na uli
Ai disarihon Jesus sude naringkot i,
Halashon panoguon ni Jesus Tuhanmi.

instrument/musik..

3. Jahowa pandongani di na porsea i
Ibana patuduhon nang sidalananmi
Asa marolop-olop ho di ujungna i,
Ibana do donganmu nuaeng nang sogot i.

instrument/musik..


Evangelium
Titus 2 : 11 – 14

2:11 Ai nunga tarida asi ni roha ni Debata, sibahen haluaon ni saluhut
jolma.

2:12 Diajari do hita, asa tasoadahon roha na so daulat ro di angka
hisaphisap tano on, asa taparangehon hatomanon, hatigoran dohot
hadaulaton, tagan di hasiangan on.

2:13 Laos diajari do hita, paipaimahon hatuaon na tahirim i dohot
hapapatar ni hasangapon ni Debata na balga i dohot Kristus Jesus,
Sipalua i.

2:14 Ai dilehon do dirina humongkop hita, asa ditobus hita sian nasa
hajahaton, asa urasonna di dirina bangso, naung Ibana nampunasa, na
olo mangkapadothon angka ulaon na denggan.

2:15 I ma hatahon, paingothon jala ajarhon sian nasa gomos ni roham!
Unang ma adong na marhu ni roha mida ho!


BE No. 183
NA JUMPANG AU
BL. 105
1. Na jumpang au na asi roha di au naung mago i hian.
Tuhan Jesus parasi roha di au na lilu na hinan.

Nuaeng hutanda Tuhanki
Parasi roha bolon i .
Parasi roha bolon i

instrument/musik..

2. Dibahen godang ni dosangku
Tung hona uhum au tama.
Hape ro Jesus dipadomu au muse dohot Debata.

MudarNa na badia i
pajongjong pardomuan i
pajongjong pardomuan i.

instrument/musik..

3. On pe holan asi ni roha sipangasahononhon i.
Sipujionku do Jahowa dung ro na pamanathon i.

Unduk huhut las rohangki
mamuji asi roha i.
Mamuji asi roha i.

instrument/musik..

4. Ianggo i ndang taragohon
Baenon ni manang aha pe
Sai asiMi hupangasahon
Ditangiangku sasude

Mate pe au, pos rohangki
Marningot asiasiMi.
Marningot asiasiMi

instrument/musik..

5. I pe, ale Tuhan Jahowa
Unang unsati asiMi
Boan ma au ale Debata dung mate au tu lambungMi

Tongtong las rohangki disi
Mamuji asiasiMi.
Mamuji asiasiMi

instrument/musik..


 

About the Author

MMedia
pendukung informasi seputar Ghkbpkrjati

Be the first to comment on "Minggu Letare hkbp krjati"

Tinggalkan komentar

%d blogger menyukai ini: