minggu hkbp kramat jati 872018

Minggu VI DUNG TRINITATIS

Topik Minggu : ” PASANGAPHON DEBATA MARHITE SINADONGAN
/ MEMULIAKAN ALLAH DENGAN HARTA MILIK ”

Minggu, 08/ 07 / 2018 “BAHASA BATAK TOBA”

EP : MATEUS 6 : 19-24
EV : PARJAMITA 5 : 90-16

MASUK PARMINGGUON ;
Manogot : 06.00 wib
SKM : 07.35 wib
Arian : 10.15 wib
Remaja : 10:15 wib
Botari : 17:00 wib

BE.648
Sangap di Debata Ama

1. Sangap di Debata Ama, sangap di AnakNa I,
Nang di Tondi Porbadia Debata na songkal I,
Haleluya puji Tuhan salelenglelengna i.

2. Puji Raja siparholong Sipalua jolma I
Na patauhon hita bongot tu harajaonNa I
Haleluya puji Tuhan Raja na tarsilang i.

instrument – musik…

3. Puji Raja sian surgo Raja ni huria I
Raja ni saluhut bangso Tuhan na sun sangap I
Langit tano sai endehon sangap di goarNa i.

BE. 233
TURENA I MANODO
BL.241

3. Ramoti au Tuhanku sai longkangi Ma sian au tung hatangkangon i

Asi rohaM, datdati, sai torangi Rohangku lao mananda dalanMi

Pangkilalahon ma tu au GogoM, dameM, ngoluM tu dia pe au lao.

5. Tahop pe dosa ro, nang halumlamon Manogu au tu haholomon i

Hutangkup Tuhanki ai ndang tagamon Saut lonong au pasombuonNa i

Jonok Ibana do tongtong Asal di au diida roha na sintong.

BE. 178
RO MA TU JESUS
BL. 196

2. Ro ma tu Jesus undukkon ma
PambahenanMu na so tama
Naeng sesaonNa do dosaMi
Dibaen mudarNa i

Mansai las rohanta i muse
Molo ias sian dosa pe
Sai ro ma hita tu surgo i
Laos sonang ma disi

3. Ro ma tu Jesus hatop ho ro
Ai so ditulak Jesus be ho
Na asi roha do Jesus i
Sai pos ma rohami

Mansai las rohanta i muse
Molo ias sian dosa pe
Sai ro ma hita tu surgo i
Laos sonang ma disi

BE. 467. Logu. 315. :
Asi ni rohaM hupuji.

1. Asi ni rohaM hupuji ala Ho manobus au.
Dipaias Ho rohangku, gabe soranganMu
au.

IngananMu rohanami. TondiMi manggohi i.
Pangke dohot ngolunami gabe ulaulaMi.

3. Naeng huhatindangkon hami hagogoonMi tongtong,
Paluahon na mardosa, nang parjahat na bolong.
IngananMu……..

IngananMu rohanami. TondiMi manggohi i.
Pangke dohot ngolunami gabe ulaulaMi.

BE.786
DigomgomanMi O Tuhan

2. Ndang tu batu partahanan manang podang na tajom,
Tu huaso ni tondiM do marhaposan hami on,

Sai suanhon ma tu hami roha mauliate I,
Ala haluaon nami ni asi-asihonMi.

3. Sai ajari hami Tuhan, manghalashon basaMi,
Ima jabu nang Huria dohot parguruan I,

Tondi na ungkap tu dongan di bagasan holong I,
Bangso nang negara nami, na denggan maruhum i.

BE.723
Tu joloM O Tuhan

1. Tu joloM O Tuhan sahat ma diringkon
Pangke ma au hombar tu lomoM,
Molo ndang Ho Tuhan, maringanan di au,
diringkon ndang mararga be i.

Tung pogos pe dison manang
Sonang tahe marsigantung tu Ho
Sasude

Holan Ho Huihuthon
Ndang be diringkon togutogu ma tu na ture.

instrument – musik..

2. Tu joloM O Tuhan sai gara rohangkon,
Tung unduk do mangoloi Ho
TondiMi ma tongtong margogoihon au on,
Mangulahon lomo ni rohaM.
Tung pogos ……

Tung pogos pe dison manang
Sonang tahe marsigantung tu Ho
Sasude

Holan Ho Huihuthon
Ndang be diringkon togutogu ma tu na ture.

instrument – musik..

3. Tu joloM O Tuhan tung marpadan do au
Ingkon Ho huihuthon tongtong

Ai huboto tangkas na martua do au,
Nang muse dohot dingolungkon.
Tung pogos ……

Tung pogos pe dison manang
Sonang tahe marsigantung tu Ho
Sasude

Holan Ho Huihuthon
Ndang be diringkon togutogu ma tu na ture.

instrument – musik..

BE.724
Tuhan baen ma ngolungkon

1. Tuhan baen ma ngolungkon, parbadiai ma di Ho,
Pangke ma nang tingkingkon mamuji pasangap Ho,
Mamuji pasangap Ho.

instrument – musik..

2. Tanganki di Ho ma I mangulahon holongMi,
Dohot pangalahoki sai hombar tu lomoMi,
Sai hombar tu lomoMi.

instrument – musik..

3. Hata nang soarangki pasangaphon Ho ma I,
Dohot pambahenanki pararat baritaMi,
Pararat baritaMi.

instrument – musik..

4. Arta hamoraonki, tau pasangap Ho ma I,
Roha nang ulaonki marbarita na uli,
Marbarita na uli.

instrument – musik..

5. Saut ma lomo ni rohaM, lam nata di ngolungkon,
Tompa roha na ias, asa tau ma au joroM,
Asa tau ma au joroM.

instrument – musik..

Mateus 6 : 19-24

6:19 Unang papungupungu hamu arta di hamu di tano on, di na targagat tasik dohot ngitngit, di na tarhali jala tartangko panangko i!

6:20 Alai papungupungu hamu ma arta di hamu di banua ginjang, di na so targagat tasik manang ngitngit; di na so tarhali jala so tartangko panangko i!

6:21 Ai ia disi artam, disi do roham!

6:22 Palito ni daging do mata. Molo hisar matami, tiur ma sude dagingmu!

6:23 Alai molo roa matami, holom ma sude dagingmu. Holomna i antong, anggo mangkolom panondang na di bagasan ho!

6:24 Ndang haoloan sada halak dua induk! Sai hosomanna do na sada, haholonganna do na sada nari; hombaranna do na sada, toisanna do na sada nari. Ndang haoloan hamu Debata rap dohot Mammon!

Parjamita 5 ;

5:9 Manang ise na holong roha di perak, ndang olo marnamahap di perak,
jala manang ise na holong roha di hamoraon ndang tagamon gabe parsaulianna.
Nang i hata oto do i.

5:10 Molo ganda sinamot, ganda dohot halak na manganhon;
tung aha ma parsaulian ni tuan nampunasa i disi, nda holan asal paidaidaon
ni matana?

5:11 Renge do modom halak na loja mangula, nang otik, nang godang dipangan;
hape balisaon do anggo mata ni halak na mora dibahen pargadombusonna.

5:12 Adong dope huida sadanari jea bolon di hasiangan on:
I ma hamoraon na hinomolhomol ni tuan nampunasa bahen hamagoanna sandiri!

5:13 Ai mago do hamoraon sisongon i binahen ni soro ni ari;
tung sura adong sada anak tinubuhonna, ndang adong tinggal nanggo apus
di bagasan tanganna.

5:14 Ia marsaemara ibana ruar sian butuha ni inana,
laos suang songon harorona i muse ibana mulak, ndang adong boanonna agia aha upa ni hangalutonna, anggo tung pola golomgolomon ni tanganna.

5:15 Jea bolon do nang on: Sandok ia songon i ro jolma i,
laos songon i ibana laho; tung aha ma parsaulianna sian
hasusaanna pagulutgulut alogo?

5:16 Angkup ni luhut ariarina dipasudasuda di bagasan haholomon,
godang huhut hasusaanna, sahitsahitna dohot murukmurukna.


**minggu hkbp kramat jati 08/07/2018

Posted in Kebaktian Minggu, trinitatisTagged , , , ,

Tinggalkan Balasan