Minggu Exaudi 13 mei 2018

IBADAH MINGGU HKBP KRAMAT JATI – MINGGU EXAUDI

Topik Minggu : “DITANGIHON DEBATA DO TANGIANG NI NA PORSEA”

(ALLAH MENGABULKAN DO’A ORANG BERIMAN)

Epistel : Mateus 9 : 27 – 31
Evangelium : 2 Rajaraja 20 : 1 – 7

BE. 12
DIPUJI ROHANGKON DO HO
BL. 15

1. Dipuji rohangkon do Ho Jahowa, Tuhanki
Huhut hubaritahon do
Sude pambaenanMi

2. Huboto Ho do mual ni
Na denggan sasude
Dilehon Ho do sian i
Godang di hami be.

instrument….

3. Ai aha ma adong hian di hami na lea ?
Sude dilehon Ho nian
O Tuhan Debata

BE. 16
TAPUJI MA TUHANTA
BL. 12

1. Tapuji ma Tuhanta,
Sian sandok rohanta
Dibaen denggan basana
Di hita huriaNa

2. Dilehon do di hita
Pamatang nang tondinta
Diudut do hosanta
Dijaga nang ngolunta

B.E.No. 162 .
O DEBATA MANSAI
BL. 27

1. O Debata, mansai balga, huhut dokdok dosangku.
Na so adong di tano on, na tau haporusanku.

3. I pe tu Ho nama au ro, sai unang tulak ahu.
Paombun ma o Debata, rimasMu mida ahu.

B.E. No. 206
NA DISON DO AU TUHANKU
BL.90

1. Na dison do au Tuhanku,
Na marsomba au tu Ho

Iluilu ni matangku,
Husombahon do tu Ho
RohaMi ma tu rohangku,
Na masihol au di Ho.

4. Ho do mata ni aringku,
Halalas ni rohangki

Na masihol do tondingku,
Di Ho Jesus Tuhanki

RohaMi ma tu rohangku,
Asa sabam rohangki

BE. 458.
Barita na umuli
Logu. 309 :

• Barita na umuli, i na sian Tuhan Jesus,
sai i do margogoihon au,
nang arsak pe hubolus on mangapuli rohangki:
Sai Tuhanki, na basa i do donganki.

• Ai ndang adong di rohangki na so hinilalana.
Ditanda hagaleon i, nang pe so dung marsala.
Hujalo hamonangan i, ai Tuhanki,
na basa i do donganki.

B.E.No. 126
NA MARGURU DO LUHUTNA
BL. 96

1. O hamuna ale dongan, Ringgas be masijalangan
Lao marningot Tuhan I, Na mandok tu siseanNa
On do patik di hamuna, Masihaholongan i.

2. Tole ma itatadingkon, Roha na masihosoman
Na manirang dongan i, Kristus I do pardomuan
Na patongtong pardonganon, Salelenglelengna i.

3. Hasangapon, pamujion, Di Tuhanta pardomuan
Ni huria i sude Di utara, di dangsina,
Hasundutan ro di purba, Dipadomu Tondi i.

4. Ala ni sai taradoti, Roha na mangkaholongi
Debata nang dongan i, Hatigoran, hasintongan,
Hatiuron, hadameon I ma tong padanta i.

BE.738a
Lam jonok rohangki
(1)

1. Lam jonok rohangki tu Tuhanki,
Hutiop tanganMi Debatangki,

Naeng lonong solungki di laut na bagas i.
Togu au Tuhanki, tu lambungMi.

instrument…..

2. Lam jonok rohangki tu Tuhanki,
Pabulus langkangki tu lambungMi,

Patau au Tuhanki mamuji GoarMi,
Raphon suruanMi, disurgo i.

instrument…..

3. Lam Jonok, Rohangki
Tu Tuhanki
Pabulus Langkangki
Tu Lambung-Mi

Patau Au, Tuhanki,
Mamuji GoarMi
Raphon SuruanMi,
Di Surgo I

 


Epistel Minggu Mateus 9:27-31

9:27 Dung i laho ma Jesus sian i, jadi adong ma dua halak na mapitung mangihutihut Ibana, huhut gogo manjoujou: Ale Anak ni si Daud! Asi ma roham di hami !

9:28 Jadi laho bongot tu jabu i Jesus, didapothon angka na mapitung ondeng ma Ibana, gabe didok ma mandok nasida: Ai dihaporseai hamu do Ahu margogo patupahon i? Jadi didok nasida ma mandok Ibana: I do, Tuhan!

9:29 Gabe dijama ma matanasida huhut ma didok: Marguru tu haporseaonmuna ma jumpang hamu!

9:30 Jadi saut ma buha matanasida. Dung i gogo ma dipopai Jesus nasida, didok ma: Jaga ma hamu! So tung adong manang ise na umbotosa!

9:31 Alai laho do nasida, dipanghatahatahon ma Ibana tu sude nasida na saluat i.

II Raja raja 20 : 1-7

20:1 Di angka ari uju i marsahit ma si Hiskia, pola matemate ne. Jadi ro ma manopot ibana panurirang Jesaya, anak ni si Amos, jala didok mandok ibana: Songon on do hata ni Jahowa: Pature ma bagasmu, ai na mate ma ho, ndang
tagamon mangolu be.

20:2 Dung i dipahusor rajai ma bohina dompak dorpi, jala martangiang tu Jahowa songon on:

20:3 Oe ale Jahowa, sai marningot ma Ho na marpangalaho i ahu di adopanmu, di bagasan hasintongan dohot punia ni roha, jala na huulahon na denggan di adopan ni bohim, huhut tumatangis situtu si Hiskia.

20:4 Alai ndang dope ruar si Jesaya sian tongatonga ni huta i, nunga ro muse hata ni Jahowa tu ibana songon on:

20:5 Mulak ma ho, jala dok ma tu si Hiskia, partogi ni bangsongku: Songon on do hata ni Jahowa, Debata ni ompum si Daud: Nunga hutangihon tangiangmi, nunga huida partangisonmi; ida ma, pamalumonku ma ho, di ari patoluhon i
tarbahen ho ma nangkok tu joro ni Jahowa!

20:6 Jala Ahu manambai tu angka ariarim sampulu lima taon nari, jala Ahu paluahon ho dohot huta on sian tangan ni raja di Assur, jala ondinganku do huta on ala Ahu dohot ala ni si Daud naposongki.

20:7 Dung i ninna si Jesaya ma: Boan hamu tuson hare sian antajau. Jadi diboan nasida ma i, jala dilanggumhon tu atas baro ni rajai, gabe malum dihilala.

Exaudi

Exaudi

 

Posted in Kebaktian Minggu, minggu exaudiTagged , ,