Minggu Exaudi 02 juni 2019 hkbp krjati

minggu exaudi

MINGGU EXAUDI
Topik Minggu Exaudi :
“Pandonganon ni Jahowa di angka Jolma na Satia /
Penyertaan Tuhan bagi Orang Percaya”

IBADAH : BAHASA BATAK TOBA

Buku Ende Huria No. 654
Marpungu sude

1. Marpungu sude mangido Tuhanta
asi ni rohaNa nang lomoNa I,

naeng pasohotanNa doparungkilonta
sai ramotanNa do HuriaNa i.

2. Diparmudumudu Tuhanta do hita,
Sai di iringiring HuriaNa I,

panumpahionNa do pamonang hita.
Jahowa Debata nasun gogo i.

musik/instrument..

3. Tapuji Tuhanta na pamonang hita,
Huhut tumangianghon Huria I,

Asa monang di sude parungkilonna,
Pasangap Tuhan I salelengna i.

Buku Ende Huria No. 747
Sai hunangkohi dolok I

1. Sai hunangkohi dalan I
dalan na marmulia I,
On do tongtong tangiangki,
Tuhan patongtong langkangki.

Sai togu-togu au Tuhan baen lam solhot tu lambungMi
Tu ingananMu na tongam sai lam patongtong langkangki.

2. Ndang olo au di na holom hot diganggu ni roha I,
Sai tong ma sihol rohangkon tu inganan na timbo I,
Sai togutogu……

Sai togu-togu au Tuhan baen lam solhot tu lambungMi
Tu ingananMu na tongam sai lam patongtong langkangki.

PSALMEN 50 : 15

Jala jou ma Ahu jumpa di ari hagogotan, asa hupalua ho,
asa dipuji ho Ahu

BE No. 177
NDADA TARHATAON
BL. 147

1. Ndada tarhatahon hahoholong ni
Roha ni Tuhanta di pardosa i.

Marsak do rohaNa Mida jolma i,
Na so olo unduk di hataNa i.

4. O hamu pardosa sai tandai ma i
Lehon di Ibana rohamuna be

I do pangidoan ni Tuhanta I
Asa sai tong sonang bahenonNa i.

Buku Ende Huria No.453.
Sada goar na umuli.
Logu. 304. :

1. Sada goar na ummuli
sian nasa goar I,
goar ni Tuhanta Jesus,
I do na ummuli I

GoarMi, Tuhanki,
Holan i do endengki,
GoarMi, Jesuski
do pamalum rohangki.

3. Sipalua do goarMu,
saut malua tondingki.

Nasa rante ni sibolis
ingkon sega baenon nii.
GoarMi……

GoarMi, Tuhanki,
Holan i do endengki,
GoarMi, Jesuski
do pamalum rohangki.

Epistel
Johannes 14 : 15 – 26

14:15 Molo na holong rohamuna di Ahu, radotanmuna do angka patikku.

14:16 Jala pangidoonku ma tu Ama i, asa dilehon tu hamu sada Pangondian na asing, asa I mandongani hamu salelengna i.

14:17 I ma Tondi hasintongan i, na so tarjalo portibi on, ai ndang diida jala ndang ditanda; alai ditanda hamu do Ibana, ai na rap ma Ibana dohot hamu jala di bagasan hamu ma Ibana.

14:18 Ndang tadingkononku hamu so marama; na ro ma Ahu mandapothon hamu.

14:19 Saotik nari nama, jadi ndang be idaon ni portibi on Ahu, alai idaonmuna do Ahu; ai na mangolu do Ahu, hamu pe mangolu do!

14:20 Di na sadari i ma botoonmuna, Ahu di bagasan Damang jala hamu di bagasan Ahu jala Ahu di bagasan hamu.

14:21 Manang ise na maniop angka patikki jala diradoti, i do na holong roha di Ahu. Alai dihaholongi Damang i do na holong roha di Ahu; Ahu pe, holong do rohangku di ibana jala papataronku ma Ahu tu ibana.

14:22 Jadi didok si Judas ma (ndada si Iskariot i): Dia do alana, Tuhan, umbahen na holan tu hami papataronmu dirim, ndada tu portibi on?

14:23 Dung i ninna Jesus ma mangalusi ibana: Ganup na holong roha di Ahu, radotan ni i do hatangki, jala haholongan ni Damang ma ibana, gabe ro ma Hami manopot ibana, maringanan tubagasan ibana.

14:24 Na so holong roha di Ahu, ndang radotan ni i hatangku. Ndang Ahu nampuna hata na binegemuna i, Ama i na marsuru Ahu do!

14:25 I ma huhatahon tu hamu, tagan rap dope Ahu dohot hamu.

14:26 Alai anggo Pangondian i, i ma Tondi Parbadia, sisuruon ni Ama i marhitehite Goarhu, ajarhonon jala paingothonon ni I do tu hamu nasa na huhatahon i tu hamu!

Buku Ende Huria No.462.
B.Logu. 311.
Ale Tondi Parbadia.

3. ApiMi sai lam pagalak,
sondang di na holom i.
Asa las, tiur ma halak.

Lam pita huriaMi.
Lam pita, lam pita.

4. Jesus Kristus, tangi, bege,
dok ma amenMi disi,
Suru ma tu rohanami hagogok ni
TondiMi. Hagogok, hagogok.

Buku Ende Huria No. 499 Logu.340 :
Ale dongan sai tangihon.

1. Ale dongan, sai tangihon Hata apulapul on.
Sian Debata Amanta na sun gogo i tongtong

Unang ma hamu mabiar , Hudongani pe hamu.
Alanii sai lam pahinsa roha dohot tondimu.

musik/instrument..

2. Lao taripar laut hamuna, nang aek na magodang i,
Na so tupa do auponna, nag aek magodang i,
Unang ma…

Unang ma hamu mabiar , Hudongani pe hamu.
Alanii sai lam pahinsa roha dohot tondimu.

musik/instrument..

3. Tung mardalan pe hamuna di bagasan api i,
Tung na so tarmosokkonsa, nanggo sada obukmi.
Unang ma…..

Unang ma hamu mabiar , Hudongani pe hamu.
Alanii sai lam pahinsa roha dohot tondimu.

musik/instrument..

4. Antong rap marende hita lao mamuji Tuhan I ;
Tapaserep ma rohanta, lao manggolom hata i.
Unang ma…

Unang ma hamu mabiar , Hudongani pe hamu.
Alanii sai lam pahinsa roha dohot tondimu.

musik/instrument..

Daniel 3 : 21 – 29

3:21 Dung i di tali ma na tolu halak i songon i marmandar, marsaraoal, martalitali ro di sandok pangkeanna, laos ditimpalhon tu bagasan liang pamurunan na marnalanala i.

3:22 Jadi ala horas ni patik ni rajai, jala ala naung mohop sahali liang pamurunan i, gabe dibunu nala ni pamurunan i ma baoa angka na mangampehon si Sadrak, si Mesak dohot si Abednego tu atasna.

3:23 Alai anggo na tolu halak i si Sadrak, si Mesak dohot si Abednego madabu do songon i tinali tu bagasan liang pamurunan na marnalanala i.

3:24 Jadi marseto ma roha ni raja Nebukadnesar, jala tompu ibana hehe, huhut didok tu angka panuturina: Atehe, nda tolu baoa na itatali laho manimpalhon tu bagasan api i? Jadi ninna nasida ma mangalusi rajai: I ma tutu, ale rajanami!

3:25 Dung i ninna ibana ma mangalusi: Ida ma, opat halak huida harhar talina mardalandalan * di bagasan api, ndang manang mahua nasida, jala rupa ni na paopathon i, tudos do tu * anak ni angka debata.

3:26 Dung i didapothon si Nebukadnesar ma pintu ni liang pamurunan na marnalanala i, huhut ma didok: Hamu ale Sadrak, Mesak dohot Abednego, angka naposo ni Debata na mamunjung, ruar ma hamu jala ro tuson! Jadi ruar ma si Sadrak, si Mesak dohot si Abednego sian api i.

3:27 Dung i marpungu ma angka pangarajai, partogi, induk dohot angka panuturi ni rajai, naeng marnida angka baoa i, angka na so tarhahua api dagingnasida i, gari obuk ni ulunasida ndang muap api, jala pangkeannasida ndang muba, nanggo uap ni api, ndang dais tu nasida.

3:28 Jadi ro ma hata ni si Nebukadnesar: Pinuji ma Debata ni si Sadrak, si Mesak dohot si Abednego, naung marsuru * suruanna, asa paluahon naposona, angka na marhaposan tu ibana,
gabe ndang di oloi….

gabe ndang dioloi patik ni harajaon, tung diseahon do dagingnasida, asal unang mangoloi manang marsomba tu debata sileban, dungkon ni tu Debatana.

3:29 Dibahen i mambahen patik ma ahu nuaeng:
Manang ise sian angka bangso, houm dohot parpangkuling marragamragam mandok hata insahinsak dompak Debata ni si Sadrak, si Mesak dohot si Abednego:
Ingkon * tanggoan ibana..

Ingkon * tanggoan ibana, jala bagasna gabe partangkalan bahenon, ai * ndang adong debata na asing na tuk paluahon, songon ibana.

Buku Ende Huria No. 490 Logu.332 :
Nang gunsang pe.

1. Nang gunsang pe galumbang mannggaori so lumi,
Diida sian ginjang Tuhanmu Jesus i,
Na masa siho i.

musik/instrument..

2. Mandate ho sipata dibaen na porsuk i,
Jamot tongtong Tuhanta di hot ni rohami.
Haporsea ma i.

musik/instrument..

3. Haposi ma Ibana, sun hinagogo i,
Na tuk palashon roha ni anakkonNa i.
HaholonganNa i.

musik/instrument..

4. Ditolong do na pogos i, na marsak roha i.
Tung unang be ho bobos di pambahenNa i,
Denggan ujungna i.

musik/instrument..


>> Minggu Depan 9 juni 2019 : Minggu Hasasaor ni Tondi Parbadia – Setelah Hari Kenaikan Yesus Kristus