Minggu 28 April 2019 QUASIMODOGENITI

Minggu QUASIMODOGENITI ♦♦♦
( I Petrus 2 : 2 )

Topik Minggu:
” Manontong Mangihuthon Jesus /
Setia Mengikut Yesus “

HKBP Kramat Jati Ressort Kramat Jati
Minggu ke-17

Patik : Matius 16 : 24 – 25
Epistel : Psalmen 23 : 1 – 6
Evangelium : Johannes 21 : 15 – 19

Ende Huria Minggu Manogot dohot Arian



Buku Ende Huria No. 569
O Debata tung longang do rohangku

1. O Debata tung longang do rohangku,
Molo hubereng na tinompaMi,
Saluhut bintang, hilap dohot ronggur,
manghatindanghon hasangaponMi,

Marende au Tuhan mamuji Ho,
O, Debata, sangap do Ho.
Marende au Tuhan mamuji Ho
O, Debata, sangap do Ho.

2. Di ladang di adaran dohot tombak,
Marende pidong tung mansai sonang
Punsu ni dolok, sunge dohot rura,
Mamaritahon sangapMi Tuhan.
Marende au ………

Marende au Tuhan mamuji Ho,
O, Debata, sangap do Ho.
Marende au Tuhan mamuji Ho
O, Debata,
Sangap do Ho.

Marende au Tuhan mamuji Ho,
O, Debata, sangap do Ho.
Marende au Tuhan mamuji Ho
O, Debata,
Sangap do Ho.

musik/instrument…

3. Molo huingot balga ni holongMu,
Marhite Jesus na tarsilang i.
Anak sasadaMi O Debatangku,
dilehon Ho manobus jolma i.
Marende au ………

Marende au Tuhan mamuji Ho,
O, Debata, sangap do Ho.
Marende au Tuhan mamuji Ho
O, Debata,
Sangap do Ho.

Votum – Introitus :

Buku Ende Huria No.461.
B.Logu 407. :
Songgop Tu Hami

1. Songgop tu hami na di joloMon,
o tondi ni Debatangki.
Uhir patikMu tu rohangkinon,
O Tondi ni Debatangki.

Bereng siholhu di haroroMi,
Molo Ho ro, nda hisar tondingki.

Didihon ma tu au on apiMi.
O Tondi ni Debatangki.

3. Lehon hataM,
I ma tau podangki,
Debatangki na gogo I,

Asa sai talu sude musuMi.
Debatangki na Gogo i.

Mangkatindangkon tongtong goarMi,
asa malua pardosa disi,

Asa dijangkon Tuhanta ma i.
Debatangki na gogo i.


Patik :
Matius 16 : 24 – 25

16:24 Dung i didok Jesus ma tu angka siseanna:
Nasa na giot mangihuthon Ahu,
disoadahon ma dirina, diporsan ma silang na tu ibana;
diihuthon ma Ahu!

16:25 Ai na naeng paluahon hosana, mangagohonsa do;
alai na agoan hosa ala ni
Ahu, i do na jumpangan.

Buku Ende Huria No. 770
Tu Debatami

1. Tu Debatami na sun Gogo i
Sai maporus ma ho, ganup ari
Di tanganNa do ho
molo musu ro,
Tung na sonang
di ampuanNa ho..

Di tanganNa do ho
molo musu ro,
Tung na sonang
di ampuanNa ho ho.

2. Tung sun hinagogo ni Tuhan I,
Ingot ma Debatam do
manghophop.
Nang ponjot rohami….

Nang ponjot rohami,
ndang na leleng I,
Tongkin na I
pujionmu Tuhan I.

Nang ponjot rohami,
ndang na leleng I,
Tongkin na I
pujionmu Tuhan I.

Buku Ende Huria No.188
JAHOWA SIPARMAHAN AU
BL. 131

1. Jahowa Siparmahan au
Ndang hurang manang aha
Ai nasa jea dipadao
Do sian dorbiana
Tongon dibaen na lomak i
Lao pangoluhon tondingki
Dibaen asi rohaNa

3. Di rura hamatean pe
Ndang pola au tahutan
Ai disondangi do sude
Sonang do au mardalan
Batahi dohot tungkotMi
Do mangapuli rohangki
Ho do sitiopanku

Epistel ;
Psalmen 23 : 1 – 6

Psalmen 23 : 1 – 6
23:1 Jahowa do * Siparmahan ahu, ndang tagamon hurangan ahu.

23:2 Dipatongon do ahu tu jampalan angka na lomak, ditogutogu do ahu di lambung
aek hasonangan.

23:3 * Dipasabam do rohangku, ditogu do ahu di dalan hatigoran, * ala ni goarna
i.

23:4 Ai nang pe mardalan ahu di * rura linggoman ni hamatean, ndang huhabiari
parmaraan, ai Ho do mandongani ahu * tungkotmu dohot batahim mangapuli ahu.

23:5 Ho do manutup * meja di jolongku maradophon angka musungku, * dimiahi Ho do
ulungku, suksuk do panginumanki.

23:6 Tongon tahe denggan basa dohot asi ni roha mangihutihut ahu saleleng ahu
mangolu, jala dung mulak ahu masuhanku ma bagas ni Jahowa salelenglelengna.

Buku Ende Huria No. 690
“Hibul Rohangku”

1. Hibul rohangku tu Tuhan Jesus
sude ngolungku di Tuhan Jesus,
ihuthononku do Tuhan Jesus
ndang olo au sumurut be.

2. Sai hutundalhon haportibion,
Silang ni Kristus ma hudapothon,
Sai hutundalhon haportibion,
Ndang olo au sumurut be.

Buku Ende Huria No. 714
Tuhan na marmahan hami

1. Tuhan na marmahan hami
togu hami ruasMon,

Lehon dameMi di hami
angka na hinophopMon.

Tuhan Jesus Sipalua,
parmahani ruasMon,

Tuhan Jesus,
Siparmahan,
parmahani ruasMon.

musik/instrument…

2. Tuhan Parmahan haposan
dongan na sumurung i,
Sai padao pangunjunan
togu ma na lilu i,

Tuhan Jesus Sipalua
pasupasu ruasMi,
Tuhan Jesus
Siparmahan pasupasu ruasMi.

musik/instrument…

3. PadanMi huingot hami
na mardosa godang on,
Ias burionMu hami
sian haramunon on.

Tuhan Jesus Sipalua,
Ho nampuna hami on,
Tuhan Jesus Sipalua,
Ho nampuna hami on.

musik/instrument…

4. Pabotohon ma tu hami
siradotannami i,
Tuhan gohi rohanami
dohot haholongonMi,

Tuhan Jesus Sipalua,
ndang tarasam holongMi,
Tuhan Jesus Sipalua,
ndang tarasam holongMi.

musik/instrument…

Evangelium :
Johannes 21 : 15 – 19

21:15 Asa dung mangan nasida, didok Jesus ma tu si Simon Petrus: Ale Simon, anak
ni si Jonas, humolong do roham di Ahu sian angka on? Jadi didok ma tu Ibana: Olo,
Tuhan; diboto Ho do holong ni rohangku di Ho! Jadi didok Jesus ma tu ibana:
Parmahan i ma anak ni birubirungku!

21:16 Dung i ninna muse ma paduahalihon: Simon, anak ni si Jonas, holong do roham
di Ahu? Jadi didok ma tu Ibana: Olo, Tuhan; diboto Ho do holong ni rohangku di
Ho! Dung i didok ma tu ibana: Parmahan i ma angka birubirungku!

21:17 Dung i didok ma patoluhalihon tu ibana: Simon, anak ni si Jonas, holong do
roham di Ahu? Jadi marsak ma roha ni si Petrus, ala patoluhalihon didok tu ibana:
Holong do roham di Ahu? Jadi didok ma tu Ibana: Saluhutna, ale Tuhan, diboto Ho;
Ditanda Ho do holong ni rohangku di Ho! Dung i didok Jesus ma tu ibana: Parmahan
i ma angka birubirungku!

21:18 Na tutu situtu do na hudok on tu ho: Andorang umposo dope ho, ho do
mangkohosi dirim, laho manopot lomo ni roham; alai dung matua ho, surdukkononmu
ma tanganmu, jadi hohosan ni na leban ma ho jala togihononna ma ho tu na so
hinalomohon ni roham.

21:19 Alai marhite sian hatana ondeng dipalumba do ibana, manang songon dia
parmatena laho pasangaphon Debata. Jadi dung didok songon i, ninna ma mandok
ibana: Ihuthon ma Ahu!

Buku Ende Huria No. 740
Nang pur pe habahaba I

1. Nang pur pe habahaba I,
Tuhan ma parlingomanmi,

Humuntal pe portibion,
Tuhan ma parlinggomanmi.

Ai Jesus do partanobatoan I,
di tano on, di ngolumon,

Ai Jesus do
Partanobatoan I,
hot ro di salelengna i.

musik/instrument…

2. Arian nang borngin nai,
Tuhan ma Parlinggomanmi,
Maporus nasa biarmi,
Tuhan ma Parlinggomanmi,
Ai Jesus do……

Ai Jesus do partanobatoan I,
di tano on, di ngolumon,

Ai Jesus do
Partanobatoan I,
hot ro di salelengna i.

musik/instrument…

3. Tahop pe halisungsung I,
Tuhan ma Parlinggomanmi,
Tuhan pasonang ngolumi,
Tuhan ma Parlinggomanmi,
Ai Jesus do……

Ai Jesus do partanobatoan I,
di tano on, di ngolumon,

Ai Jesus do
Partanobatoan I,
hot ro di salelengna i.

musik/instrument…

4. O Jesus Partahananki,
sai Ho ma Parlinggomanki,
Paima so tos hosangki,
sai Ho ma Parlinggomanki,
Ai Jesus do……

Ai Jesus do partanobatoan I,
di tano on, di ngolumon,

Ai Jesus do
Partanobatoan I,
hot ro di salelengna i.

musik/instrument…



Rangkaian Acara Ibadah Kren 28 April 2019 :: Klik Tinjau Acara

Lirik Nyanyian Pujian : >>>>