Minggu 11 Aug 2019 Pagi Siang HKr Jati

MINGGU VIII
DUNG MINGGU TRINITATIS
Topik Minggu : Jesus Pangurupi di Ngolunta / Yesus Penolong kita


Buku Ende Huria No.17
RAJA NA TUMIMBUL
BL.210

1. Raja na tumimbul
Sigomgomi hami
Jalo ma pujiannami

Denggan ni basaM do
Pangoluhon hami
Atik pe mardosa hami

Sai apoi pargogoi
hami mangendehon
SangapMi o Tuhan

2. Sai dipuji langit
JadijadianMu
Saluhut pambahenanMu

Parsinondang bolon
Na marpamongguri Ho
o Tuhan do dipuji

Bulan i Bintang pe
Ho do pinujina
Dohot sinondangna

instrument..

3. Dohot do tondingku
Tungkap di adopan
Ni habangsaMi o Tuhan

Nang sude donganku
Nasa na marhosa
Pujionna do Jahowa

Sai tongtong
Na sintong Holan Debatanta
Do sipujionta.

Buku Ende Huria No.25
HATAMI ALE TUHANKU
BL. 181

1. HataMi ale Tuhanku
Arta na ummarga i
Sai paian di rohangku
Unang so hutiop i

Molo so be sitiopan
Hata na badia i
Aha nama haojahan
Ni haporseaon i ?

2. Ale Jesus sai matahon
Sai ramoti ma au on
Asa hot haporseaon
Di bagasan rohangkon

Sai paringas ma rohangku
Mangoloi di hataMi
Asa mauas di podaMu
Songon si Maria i.


Patik :
Psalmn 50 : 15
Jala jou ma Ahu jumpa di ari hagogotan, asa hupalua ho, asa dipuji ho Ahu.

Buku Ende Huria No.417. BL. 278. :
Rade situtu haluaon.

1. Rade situtuhaluaon,
na naeng tangkuponmu antong.
Rade nang di ho ha tuaon,
si halashononmu tongtong.

Bernit do di taon Tuhanmu pasaehon dosam
sasude.

Tung unang paujat Ibana,
Sai jangkon pangkophopNa i.

2. Patedek sude hahurangan,
topoti sandok dosami,
Pangido : Sai sesa o Tuhan,
sude pangalaosionki.

Daidati, sai saut botoonmu
naung sesa dosam sasude ;
Mardame dagingmu nang tondi,
maniop tongtong Tuhan I.

ATAU BE 421

Buku Ende Huria No.421. BL. 281. :
Marsomba au di joloMon

1. Marsomba au di joloMon,
ponjot, targogot rohangkon,
dibaen godang ni dosangkon,
sai jangkon dohot au,

Sai jangkon ma au on,
na ramun diringkon,
tung pos do rohangki di Ho.
Dijangkon Ho au on.

2. Ndang haurupan au au on, na busuk nama rohangkon,

Alai hutangkup hatamon : Sai ro ma ho tu Au.
Sai……

Sai jangkon ma au on,
na ramun diringkon,
tung pos do rohangki di Ho.
Dijangkon Ho au on.

Buku Ende Huria No.467.
Logu. 315. :
Asi ni rohaM hupuji.

1. Asi ni rohaM hupuji ala Ho manobus au.

Dipaias Ho rohangku,
gabe soranganMu au.

IngananMu rohanami
TondiMi manggohi i.
Pangke dohot ngolunami
gabe ulaulaMi.

4. Sai papulik rohanami
gabe pangoloi di Ho.

Asa marsahala hami
lao mangkatindangkon Ho.
IngananMu……

IngananMu rohanami
TondiMi manggohi i.
Pangke dohot ngolunami
gabe ulaulaMi.

Epistel
II Rajaraja 5 : 8 – 14

5:8 Alai dung dibege si Elisa, halak ni Debata, naung diribahi raja sian Israel pangkeanna, disuru ma suruanna tu rajai mandok tu ibana: Boasa tung pola ribahanmu pangkeanmu? Ua ro nian ibana tu ahu, asa tung diboto, na adong do sada panurirang di Israel.

5:9 Jadi ro ma si Naaman mardongan hodana dohot huretana, laos mangulon di jolo pintu ni jabu ni si Elisa.

5:10 Dung i disuru si Elisa ma suruanna mandok tu ibana: Laho ma ho maridi pitu hali di bagasan Jordan, gabe sumuang ma sibukmu hian tu ho, jala ias.

5:11 Jadi tarrimas situtu ma si Naaman mangaruntus mardalan huhut didok: Ida ma, na hurimpu do ruar ibana mandapothon ahu jala jongjong huhut manjoujou Goar ni Jahowa, Debatana, huhut jamahononna tanganna tu sahit i laho paluahon ahu sian puru i.

5:12 Nda dumenggan do sunge Abana dohot Parpar, angka na di Damaskus sian saluhut aek di Israel? Ndang tarbahen ahu huroha maridi disi asa malum hilalaonku? Jadi marsiulak ma ibana mangaruntus mardalan piripirion situtu.

5:13 Dung i ro ma jumonok angka naposona, didok ma mandok ibana: Ale amang, tung sura hata na dokdok didokkon panurirang i patupaonmu, nda patupaonmu do i? Lam nuaeng ma dung didok tu ho: Maridi ma ho, asa ias!

5:14 Jadi tuat ma ibana jala mangungkor di bagasan Jordan pitu hali, hombar tu hata ni halak ni Debata, jadi sumuang ma sibukna, songon sibuk ni sada dakdanak, gabe ias ma.

Buku Ende Huria No.452. Logu. 303. :
Na ro pandaoni bolon.

1. Na ro pandaoni bolon i,
i ma Tuhanta Jesus

Didaoni na marsahit i,
hisar dibahen Jesus.

Uli ni barita i,
las ni roha bolon-I
sai di puji rohangki
Jesus, Jesus, Jesus.

2. Tung sae do dosa i sude,
ai nungnga mate Jesus.
Ndang jujuronNa I muse,
parholong roha Jesus.
Uli…

Uli ni barita i,
las ni roha bolon-I
sai di puji rohangki
Jesus, Jesus, Jesus.

Buku Ende Huria No. 490 Logu.332 :
Nang gunsang pe.

1. Nang gunsang pe galumbang mannggaori so lumi,
Diida sian ginjang Tuhanmu Jesus i,
Na masa siho i.

musik/instrument..

2. Mandate ho sipata dibaen na porsuk i,
Jamot tongtong Tuhanta di hot ni rohami.
Haporsea ma i.

musik/instrument..

3. Haposi ma Ibana, sun hinagogo i,
Na tuk palashon roha ni anakkonNa i.
HaholonganNa i.

musik/instrument..

4. Ditolong do na pogos i, na marsak roha i.
Tung unang be ho bobos di pambahenNa i,
Denggan ujungna i.

musik/instrument..

Evangelium

Mateus 8 : 23 – 27

8:23 Dung i bongot ma Ibana tu parau, jadi diihuthon angka siseanna ma Ibana.

8:24 Dung i ro ma habahaba siampalautus di tao i, pola dilungkupi angka galumbang i parau i; alai na tarpodom do anggo Ibana.

8:25 Jadi didapothon angka sisean i ma Ibana, disungguli ma, didok ma: Ale Tuhan, urupi ma; na mago ma hami!

8:26 Dung i ninna ma mandok nasida: Na mabiar do hamu hape, hamu parhaporseaon na metmet? Laos hehe ma Ibana, hona hata ma alogo dohot tao i dibahen, gabe menak situtu ma.

8:27 Alai tarhalomong ma roha ni jolma i, angka ninna ma: Halak dia do On? Guru dokna do hape alogo nang tao i!

Buku Ende Huria No. 740
Nang pur pe habahaba I

1. Nang pur pe habahaba I, Tuhan ma parlingomanmi,
Humuntal pe portibion, Tuhan ma parlinggomanmi.

Ai Jesus do partanobatoan I,
di tano on, di ngolumon,
Ai Jesus do Partanobatoan I,
hot ro di salelengna i.

musik/instrument..

2. Arian nang bornginnai, Tuhan ma Parlinggomanmi,

Maporus nasa biarmi, Tuhan ma Parlinggomanmi,
Ai Jesus do………

Ai Jesus do partanobatoan I,
di tano on, di ngolumon,
Ai Jesus do Partanobatoan I,
hot ro di salelengna i.

musik/instrument..

3. Tahop pe halisungsung I, Tuhan ma Parlinggomanmi,

Tuhan pasonang ngolumi, Tuhan ma Parlinggomanmi,
Ai Jesus do………

Ai Jesus do partanobatoan I,
di tano on, di ngolumon,
Ai Jesus do Partanobatoan I,
hot ro di salelengna i.

musik/instrument..

4. O Jesus Partahananki, sai Ho ma Parlinggomanki,

Paima so tos hosangki, sai Ho ma Parlinggomanki,
Ai Jesus do………

Ai Jesus do partanobatoan I,
di tano on, di ngolumon,
Ai Jesus do Partanobatoan I,
hot ro di salelengna i.

musik/instrument..