Minggu 06 Okt 2019


Minggu Manogot – Arian

Topik Minggu :
“Marhobas di Adopan ni Debata /
Hidup Untuk Melayani Tuhan”
06 Okt 2019
Minggu XVI – Tahun 54/2019

Rangkaian Ibadah Minggu

Buku Ende Huria No.14
PUJI HAMU JAHOWA TUTU
BL. 57

1. Puji hamu Jahowa tutu,
Pardengganbasa,
parasiroha salelengna i.
Pardengganbasa i,
parasiroha i.

2. Ingot tongtong, ale tondingkon,
Sude na denggan
na dipasonggop Debata
tu ho.

Denggan basaNa do
na pangoluhon ho.

instrument/musik..

3. Nda tung adong, pargogo tongon,
Na martudosan, tu Tuhan Debata
di surgo i.

Sun hinagogo i,
sun hinagogo i.

Buku Ende Huria No. 248
SALELENG HO DI TANO ON
BL. 18

1. Saleleng ho di tano on Patigor ma roham
Paingotingot ma tongtong Nidok ni Debatam

4. Bolongkon sian rohami Luhut na so ture
Alai na sian Tuhan I Ramoti ma sude.

Buku Ende Huria No.169
HO SIPANGOLU AU
BL.224

1. Ho sipangolu au,
sai topot ma au on.
Sai unang mandaodao. Ho sian rohangkon.

Ro Sipangolu ro tibu.
Baen ma au anakMu tutu.

Dohot mudarMi buri au
ias songon hapas ma au.

Ias tutu, ias tutu,
dohot mudarMi buri au.
Ias songon hapas ma au.

2. Gogo ni mudarMi,
papatar ma di au.
Tondi Parngolu i.
Tongtong manogu au.

Ro Sipangolu ro tibu
Baen ma au anakMu tutu.

Dohot mudarMi buri au
Ias songon hapas ma au.

Ias tutu Ias tutu
Dohot mudarMi buri au
Ias songon hapas ma au.


Buku Ende Huria No. 802
Pangke tingkim saonari

1. Pangke tingkim saonari, dapothon ma Tuhan I,

Unang godang sidalian, ingot jempek ngolumi.

Nunga rade hasonangan, di surgo i, di surgo i,

Unang adong nanggo sada Naso parjambar disi.

2. Suan ma holong ni roha, tiru ma Tuhanta I,

Las ma roham digotilon, jalo ma balos ni i.
Nunga rade……

Nunga rade hasonangan, di surgo i, di surgo i,

Unang adong nanggo sada Naso parjambar disi.

Parjamita 3 : 1 – 14

3:1 Martingki be do luhutna na tinompa. Martiti be do huhut nasa sangkapsangkap di hasiangan on.

3:2 Martiti be do: Na tubu dohot na mate; na manuan dohot na mangurati na sinuan i;

3:3 Na mambugangi dohot na pamalumhon; na mangalohai dohot na paulihon;

3:4 Na tangis dohot na mengkel; na mangandungi dohot na manontor;

3:5 Na mambolongkon batu dohot ma papunguhon batu; na masiummaan dohot na mandao sian na masiummaan;

3:6 Na mangalului dohot na mangago; na mangaramoti dohot na mambolongkon;

3:7 Na mangaribahi dohot na manjarumi; na mauhom boti dohot na marhata i;

3:8 Na mangkaholongi dohot na mangkosom; na marmusu dohot na mardemak:

3:9 Tung aha ma parsaulian na hot tinggal di pangula marhite sian ulaonna sandiri?

3:10 Nunga tung tangkas huida hangaluton na tinurpukkon ni Debata tu jolma manisia, asa marngalutan marhite sian angka i.

3:11 Alai anggo Ibana denggan do saluhutna i dibahen di tingki halehetanna; ditompahon do huhut roha hangoluan salelenglelengna tu bagasan rohanasida, holan na so dapot jolma i sulingkitonna jadijadian na jinadihon ni Debata sian mulamula sahat ro di ujung.

3:12 Dibahen i nunga tung hutanda, * ndang adong na dumenggan di nasida, nda na marlas ni roha dohot na mambahen na denggan saleleng di ngoluna.

3:13 Angkup ni tahe manang ise jolma na mangan dohot na minumi dohot marnida na denggan marhite sian ulaonna, silehonlehon ni Debata do nang i.

3:14 Nunga tung tangkas huboto, luhut na binahen ni Debata, i do na hot ro di salelenglelengna; ndang tarbahen jolma i manambai tusi, manang mangorui sian i, dibahen Debata pe songon i, asa mabiar jolma i mida Ibana.

Buku Ende Huria No. 474 Logu.321 :
Ingkon Jesus do donganku

1. Ingkon Jesus do donganku, sahalangku lilu do.
Raphon Jesus boi au monang , talu musu I na ro.

Ndang mabiar au disi, Tuhan Jesus donganki,
Sai ihothononku Jesus, oloanku nama i.

2. Ingkon Jesus do donganku, molo marsitaonon au.
Tu Ibana hutinggangkon, nasa na pasorat au.
Ndang mabiar…

Ndang mabiar au disi, Tuhan Jesus donganki,
Sai ihothononku Jesus, oloanku nama i.

Buku Ende Huria No. 730
Sai patau ma au Tuhan.

1. Sai patau ma diringku ale Tuhan,
Papatarhon HinauliMi Tuhan,
Suru ma tondiMi saor tu rohangki,
Lao papatar HolongMu tu donganki.

instrument/musik..

2. Sai patau ma diringku ale Tuhan,
Papatarhon hinauliMi Tuhan,
Suruma TondiMi saor tu rohangki
Patariparhon basaM tu donganki.

instrument/musik..

3. Sai patau ma diringku ale Tuhan,
Papatarhon hinauliMi Tuhan,
Suru ma TondiMi saor tu rohangki,
Lao patandahon diriMu tu donganki

instrument/musik..

4. Sai patau ma diringku ale Tuhan
Papatarhon hinauliMi Tuhan,
Suru ma TondiMi saor tu rohangki
Baen ias hata dohot parangengki.

instrument/musik..

Ulaon Apostel 20 : 21 – 31

20:21 Tongtong do huhatindangkon tu halak Jahudi nang tu halak Junani hamumuba ni roha tu Debata dohot haporseaon di Tuhanta Jesus Kristus.

20:22 Anggo saonari, songon na diihoti Tondi i do ahu, laho tu Jerusalem; so adong huboto, manang dia na naeng masa tu ahu disi.

20:23 Holan on: Hira di ganup huta dilumbahon Tondi Parbadia, tali dohot na porsuk do sitagamonku disi.

20:24 Alai ndang pola arga hurajumi hosangku, asal ma hupaujung langkangki dohot ulaon naung hujalo sian Tuhan Jesus, i ma na mangkatindangkon barita na uli taringot tu asi ni roha ni Debata.

20:25 Nuaeng pe, huboto do, ndang be idaonmuna bohingku, saluhut hamu na hutopot i paboahon Harajaon i.

20:26 Dibahen i huhatindangkon tu hamu sadari on: Naung lias do ahu sian sapata ni mudar ni saluhut hamu.

20:27 Ai ndang adong hubuati agia aha; tung sahat do hupabotohon tu hamu nasa tahi ni Debata.

20:28 Antong, ramoti hamu ma dirimu ro di sandok panggungan i, ai dipatindang Tondi Parbadia i do hamu gabe simatamatai, asa diparmahani hamu huria ni Tuhan i, na tinobusna marhite sian mudarna sandiri.

20:29 Ai huboto do: Ia dung laho ahu, bongot ma tu hamu, babiat panoro, angka na so mangolani na pinarmahan i.

20:30 Gari sian tongatongamuna sandiri hehe ma halak angka na mamodahon na lipe, mangelaela angka sisean i mangihuthon nasida.

20:31 Dibahen i, dungo ma hamu; ingot hamu ma, na so marpansadian ahu arian dohot borngin tolu taon lelengna paingothon ganup hamu mardongan iluilu.

Buku Ende Huria No. 690
Hibul rohangku

1. Hibul rohangku tu Tuhan Jesus
sude ngolungku di Tuhan Jesus,
ihuthononku do Tuhan Jesus
ndang olo au sumurut be.

instrument/musik..

2. Sai hutundalhon haportibion,
Silang ni Kristus ma hudapothon,
Sai hutundalhon haportibion,
Ndang olo au sumurut be.

instrument/musik..

3. Tung so adong pe na olo dohot,
Alai rohangku sai marsihohot,
Tung so adong pe na olo dohot,
Ndang olo au sumurut be.

instrument/musik..

4. Beta ihuthon ma Tuhan Jesus,
Ho na dijou do, roham patulus,
beta ihuthon ma Tuhan Jesus,
sai unang ho sumurut be.

instrument/musik..


 

PANITIA PEMBANGUNAN,  GOTILAN DAN HUT HKBP KRAMAT JATI TAHUN 2019