Lirik dan teks ibadah minggu rogate mei 2019

IBADAH MINGGU ROGATE (BERDOA)
HKBP Kramatjati Minggu, 26 Mei 2019

Minggu Rogate
Topik Minggu :
“Ale Debata Tangihon ma Tangianghon,
/ Ya Allah, Dengarlah Doaku”


::Rangkaian ibadah Minggu Rogate Mei 2019 


Buku Ende Huria No.14
PUJI HAMU JAHOWA TUTU
BL. 57

1. Puji hamu, Jahowa tutu,
Pardengganbasa, parasiroha
salelengna i.
Pardengganbasa i, parasiroha i.

2. Ingot tongtong, ale tondingkon,
Sude na denggan, na dipasonggop Debata tu ho.
Denggan basaNa do, na pangoluhon ho.

musik/instrument..

3. Nda tung adong, pargogo tongon,
Na martudosan, tu Tuhan Debata di surgo i.
Sun hinagogo i, sun hinagogo i.


Buku Ende Huria No. 29
NASA JOLMA INGKON MATE
BL. 186

1. I ma tingki hasonangan Molo Ho o Jesuski
Pinahusor di pingkiran Ro di asiasiMi

Molo Jesus ni luluan Holan Jesus sinangkapan
Tingki na lehet ma i Na pasonang roha i.

3. Ala nii o Tuhannami Topot ma huriaMon
Pasupasu dohot hami Gohi rohanami on

Mauas songon si Maria Di hataM na sun badia
Baen ma hami sasude Asa tung maruli be


Patik, Kolose 4 : 2
4:2 Manongtong ma hamu martangiang; dungo ma hamu disi, huhut mandok mauliate!


Buku Ende Huria No.172
O JESUS PANONDANG
BL.143

2. Sesa ma dosangku Ale Tuhanki
Ala ni mudarMu Na nilehonMi
Asal ma rohangku Salelengna i
Ingot di hansitMu Dohot mudarMi

3. Tondi,daging,roha Nang gogona i
Unang tu na roa Sai di Ho ma i
Ingkon gok di Ho ma Au hinophopMon
Asa saut martua Au siseanMon.


Buku Ende Huria No.437.
Tung na muba do rohangku.
BL. 390.

1. Tung na muba rohangku dibaen Tuhanki,
ndung Jesus ma ringan di au.

Nungga sonang au on,
tung dame rohangki,,
ndung Jesus maringan di au.

Ndung Jesus maringan di au,
ndung Jesus maringan di au,

tung na sonang do au,
ndung tu Jesus au lao,
ndung Jesus maringan di au.

3. HaroroNa hutagam, ndang uhum tahe,
Ndung Jesus maringan di au.

Dohot au ma partohap di sangap muse.
Ndung Jesus maringan di au.
Ndung Jesus……

Ndung Jesus maringan di au,
ndung Jesus maringan di au,

Tung na sonang do au,
ndung tu Jesus au lao,
ndung Jesus maringan di au.


EPISTEL MINGGU INI :
Psalmen 102 : 2 – 3 + 13 – 23

102:2 Ale Jahowa, sai tangi ma tangiangkon, jala sai tolhas tu Ho ma angukkon!

102:3 Unang tung tabunihon bohim maradophon ahu di ari hagogotanki, sai paeleng ma pinggolmu tu ahu, hapogani ma
mangalusi ahu di ari panjouonku.

+

102:13 Alai anggo Ho, ale Jahowa, sai marhabangsa do Ho salelenglelengna, jala marsundutsundut do parningotan di Ho.

102:14 Sai hehe ma Ho mambahen asi ni roham di Sion, ai nunga jumpang tingki parasi ni roha di ibana, nunga ro
tingkina.

102:15 Ai holong situtu do roha ni angka naposom mida angka batu ni Sion, jala habot do rohanasida mida orbukna.

102:16 Jadi mabiar sogot angka parbegu mida goar ni Jahowa, ro di sude angka raja ni tano on mida hamuliaonmu.

102:17 Ala naung dipauli Jahowa Sion i, naung tarida Ibana di hamuliaonna.

102:18 Naung marpangulahi rohana mida tangiang ni na so mardihadiha, jala * ndang lea rohana di tangiangnasida.

102:19 Surathononhon ma i tu na pinompar sogot, jadi bangso sitompaon dope mamuji Jahowa sogot.

102:20 Ala naung manatapnatap Ibana sian habadiaonna na timbo i, ala naung mandulo Jahowa sian banua ginjang tu tano
on.

102:21 Laho manangihon hoihoi ni angka na tarbuang, laho paluahon angka anak ni hamatean hian.

102:22 Asa dibaritahon nasida di Sion goar ni Jahowa dohot baritana di Jerusalem.

102:23 Molo sange marpungu sogot angka bangso ro di angka harajaon mangoloi Jahowa.


Buku Ende Suplemen
No. 755
Haposan Ho Tuhan

1. Haposan Ho Tuhan hot do holongMu
Di las ni roha tingki arsak pe

Asi ni rohaMi nang pambaenanMu
Ho Sipalua pangondingan pe.

Haposan Ho Tuhan, haposan Ho Tuhan
Ndang na mansohot asi ni rohaM,
Nasa na ringkot di au di parade
Tung ala ni asiM, do i sude.

2. Logo ni ari nang rondo ni ari
Nang tano laut bulan bintang i
Sude tinompaMi manghatindangkon
Denggan ni basaMi di hami on.
Haposan Ho Tuhan…

Haposan Ho Tuhan, haposan Ho Tuhan
Ndang na mansohot asi ni rohaM
Nasa na ringkot di au di parade
Tung ala ni asiM, do i sude.


BE No.249
NGOT MA HO, O TONDINGKI
BL. 122

1. Ngot ma ho, o tondingki,
Dungo martangiang
Asa unang musu i, Tole so tinagam

Bisuk ni setan i, Do manait tu dosa,
Lan na bonar roha.

2. Ngot ma ho, modom i, Dibagasan dosa
Asa unang ala ni, Ho marutang hosa

Ai hatop Nang tahop, Ro ma pangunjunan,
Tu naso mangam

3. Dungo, ai na so tarbaen, Tondi ni Jahowa
Manorangi ho, mambaen, Sirang sian dosa

Ingkon do dungo ho, Asa lehononNa,
Denggan ni basaNa

4. Dungo, jaga rohami, Unang dililuhon
Hisap ni dagingmu i, Jala ditaluhon

Ginjang ni, Roha i,
Do jumotjot ala, Pangalapan sala

5. Martangiang ho huhut
Asa saut malua
Sian jea saluhut
Gabe ho martua

Jesus do, Na gogo
Jala tau mangalo, Saluhut pangago

6. Ala ni sai jouhon ma
Goar ni Tuhanta
Na binaen ni Debata
Parsigantunganta

Meleng do Dompak ho
Pinggol ni Jesusmu
Mangoloi sangkapmu.

7. Ala ni manongtong ma Hita martangiang
Tu Amanta Debata Di banuaginjang

Lam tibu Ro tutu
Tingki binuhulNa
Manguhumi jolma

EVANGELIUM : Lukas 11 : 1 – 13
1. (Kotbah: Pdt. Arias S. Panjaitan S.Th)

EVANGELIUM : Lukas 11 : 1 – 13
2. (Kotbah: Pdt. Ertenius Napitupulu S.Th)

EVANGELIUM : Lukas 11 : 1 – 13
3. (Kotbah: Biv. Silpana br. Hutauruk M.Pdk)

Lukas 11 : 1 – 13
11:1 Uju martangiang Ibana di sada inganan, jala dung mansohot, ninna sahalak siseanna ma mandok Ibana: Tuhan, ajari
hami martangiang, songon na binahen ni si Johannes tu angka siseanna.

11:2 Gabe didok ma tu nasida: Songon on ma dok hamu laho martangiang: Ale Amanami, sai pinarbadia ma Goarmu! Sai ro ma
harajaonmu! Sai saut ma lomo ni roham di banua tonga on, songon na di banua ginjang!

11:3 Lehon ma tu hami sadari on hangoluan siap ari!

11:4 Sesa ma dosanami, songon panesanami di dosa ni nasa na mardosa tu hami; jala unang hami togihon tu pangunjunan!
Palua ma hami sian pangago!

11:5 Laos ninna ma mandok nasida: Ise hamu na maraleale, gabe ditopot ma i mareak tongaborngin, mandok tu ibana: Ua,
pasali ahu tolu roti!

11:6 Ai ro do alealengku sian pardalananna, jala ndang adong sipanganon lehononku tu ibana.

11:7 Gabe dialusi halak i ma sian bagasan, mandok: Unang ahu susai! Nunga sordak pintu, jala nunga modom angka
anakkonku rap dohot ahu; ndang tarbahen ahu hehe mangalehon di ho.

11:8 Hudok ma di hamu: Nang so hehe halak i mangalehon, ala naung maraleale nasida, ndang tarbahensa so hehe mangalehon
nasa na ringkot di ibana ala ni jugulna i mangido.

11:9 Ahu pe, hudok ma tu hamu: Pangido hamu ma, sai na lehonon do tu hamu; lului hamu ma, sai na jumpangan do hamu;
tuktuhi hamu ma, sai na ungkapon do di hamu!

11:10 Ai sai na manjalo do nasa na mangido; sai na jumpangan do na mangalului jala sai na ungkapon do di na manuktuhi.

11:11 Ise sian hamu angka amaama, anggo dipangido anakna roti tu ibana, gabe dilehon batu tusi, manang dengke
dipangido, gabe ulok dilehon?

11:12 Manang dipangido tinaru ni manuk, gabe dilehon hala tusi?

11:13 Gari hamu, angka na jahat i, umboto mangalehon na denggan tu angka anakkonmuna, lam so lehonon ni Ama i sian
banua ginjang Tondi Parbadia tu angka na mangido I sian Ibana?


Buku Ende Huria No. 487
Tung halak na margogo.
BL.329

1. Tung halak na margogo sipartangiang i.
Dokdok pe sitaonon, ndang olo talu i.

Pos situtu rohana di Debatana i.
Tuhan na manaluhon sude pangalo i.

instrument..

2. Nang hirahira mogap dibaen sitaonon i,
Marsinggang do Ibana managam Tuhan I.

Dung jumpang pe tingkina sumurut arsak i,
Tarapul ma rohana dibaen Tuhanna i.

instrument..

3. Imbaru pangkirimon nang hagogoon i.
Margogo, marsahala do partangiang i.

Togu muse langkana lao marjamita i.
Ai Kristus do donganna di ulaonna i.

instrument..