jelang paskah minggu 07 April 19

victory Jesus

PAMINGGUON DI MINGGU JUDIKA 2019

Topik Minggu : “Mangolu di bagsan Asi ni Roha ni Debata
/ Hidup dalam Kasih Setia Allah”

Arti Minggu Judika : Berilah keadilan kepadaku (Luluhon ahu ale Jahowa)


Acara ibadah pukul 06.00, 10.15 wib
Hkbp Kramatjati – Maret, 07-2019


ACARA KEBAKTIAN :
1. IBADAH
2. BATISAN KUDUS Pukul 10.15 wib setelah ibadah Siang
3. SIDI Pukul 17.00 wib Setelah ibadah Sore


Buku Ende Huria No.440.
BL. 296. :
Sai puji ma Tuhanta.

1. Sai puji ma Tuhanta Jesus Kristus.
Pasangap ma, lomo na ma patulus, Pinujima
GoarNa da !

2. Na sahat ma endenta tu joloNa.
Na metmet ma nang angka na umbalga.
Dipuji ma
GoarNa da !

instrument/musik..

3. Ndang pande au mamuji Ho o Tuhan,
Alai dibege Ho au, ale Tuhan,
Pinuji ma goarNa, da !


Buku Ende Huria No. 475
B.Logu.92 :
Tuhan Jesus Siparmahan

1. Ho tongtong ihuthononku
Jesus sipangolu au.
Tung na so tadingkononku
Ho na paluahon au.

Sai marguru au tu Ho,
sai marguru au tu Ho,
Ho tongtong ihuthononku
Jesus sipangolu au.

2. Tung di dia jumpang ahu
Tuhan sada songon Ho ?
Na manogunogu ahu
tu na sonang songon Ho ?

Sai Marguru au tu Ho
Sai Marguru au tu Ho
Ho tongtong ihuthononku,
Jesus,
Sipangolu au


PATIK
Psalmen 37 : 5

37:5 :
“Pasahat ma dalanmu tu Jahowa jala haposi Ibana,
asa Ibana paturehon”


Buku Ende Huria No.162
O DEBATA MANSAI
BL. 27

1. O Debata, mansai balga,
huhut dokdok dosangku.
Na so adong di tano on,
na tau haporusanku.

3. I pe tu Ho nama au ro,
sai unang tulak ahu.
Paombun ma o Debata, rimasMu mida ahu.


Buku Ende Huria No.428.
BL. 288 “Ho na loja ho na sorat”

1. Ho na loja ho na sorat
pos roham di Debatam.
Di na hansit di na borat
dipapita do roham.

Unang ganggu rohamuna
dipandok ni Debatam.
Pasautonna bagabaga.
Pos roham di Debatam

2. Asa unang be ho talu
dibaen haholomon i.
Bereng Jesus i Tuhanmu,
bernit na-tinaonNa i.

Unang ganggu rohamuna
dipandok ni Debatam.
Pasautonna bagabaga.
Pos roham di Debatam.


Buku Ende Huria No. 190
LAS ROHANGKU SITUTU
BL. 69

1. Las rohangku situtu
mida Jesus na lulu.
Manjalahi hajolmaon
ai Ibana paluahon.
Jolma manisia i sian hamagoan i.

3. Las rohangku situtu
ai parjambar au tutu.
Di na denggan sasudena
Pinarbaga ni Debata

Di sude na burju i
Mangihuthon Jesus i.


EPISTEL
JOHANNES 15 : 9 – 15

15:9 Songon holong ni roha ni Damang di Ahu, songon i do holong ni
rohangku di hamu. Mian ma hamu di bagasan holong ni rohangki!

15:10 Radoti hamu ma angka patikku; i ma dalanna, asa mian hamu di
bagasan holong ni rohangku: Songon Ahu pe na mangaradoti angka patik
ni Damang, gabe mian di bagasan holong ni rohana.

15:11 Umbahen na huhatahon i tu hamu, asa di bagasan hamu halalas ni
rohangki, jala asa gok halalas ni rohamuna.

15:12 On ma patikku: Naeng ma masihaholongan hamu, songon Ahu na
mangkaholongi hamu.

15:13 Na sumeahon hosana humongkop angka alealena, i do parholong ni
roha na so halompoan.

15:14 Alealengku ma hamuna, molo diula hamu na hupatikkon i tu hamu.

15:15 Ndang hugoar be hamu anak somang, ai ndang diboto anak somang na
niula ni indukna; aleale do hamu hudok, ai nunga hupabotohon tu hamu
saluhutna na hubege sian Damang.


Buku Ende Huria No. 356
NA MALUNGUN DO ROHANGKU
BL. 179

1. Na malungun do rohangku,
Tu Ho, o Debatangki, Ho do
na hinaposanku, Jala haporusanki,
Sasude na ro tu Ho…

Sasude na ro tu Ho
Ndang tarurak bahenonMu
Nasa na manoisi Ho
I do na pailaonMu.

instrument/musik..

2. Pabotohon ma dalanmu
Dohot bogasMi di au, Asa i ihuthononku
Ale Tuhan togu au
Sian dalan na ture..

Sian dalan na ture
Dohot tu hasintonganMu

Ho do hatuaonki
TolongMi do paimaonku

instrument/musik..

3. Ingot ma, ale Tuhanku
Angka denggan ni basaM
Naung di au pinasahatMu
Dohot asi ni rohaM

Unang ingot dosangki
Na hubahen di posongku
Sai asi ma rohaMi
Ala lambas ni rohaMu.

instrument/musik..

4. Ndang marolat denggan basa
Ni Jahowa na bonar
Diajarhon tu pardosa
Dalan angka na tigor

Na serep marroha i
Ditogihon tu na sonang
Na lambok marroha i
Di diboan tu na torang

instrument/musik..

5. Hasintongan, asi roha
Do dalanna sasude
Di sude na burju roha,
Mangoloi patikNa

Tuhan, ala goarMi
Sesa ma sude dosangku
Ai mansai godang do i,
Lobi asa bilanganku.

instrument/musik..

6. Ise do mangkabiari
Debata Jahowa i ?
Halak i do diajari, Lao tu
hangoluan i
Sonang do tondina i..

Sonang do tondina i
Dibagasan hasonangan
Jala pinomparna i
Do tumean hasiangan.

instrument/musik..

7. Hasudungan ni Jahowa
Do na bonar roha i
Hahomion ni Tuhanna, Jadi do
botoon ni
Sai tongtong do matangki..

Sai tongtong do matangki
Mangaranap Tu Tuhanku
Dipalua do pathi
Sian jorgong ni musungku

instrument/musik..

8. Au na punjung jala dangol
Tatap ma , o Tuhanki
Ai tu Ho do au masihol
Sai palua tondingki
Tu gandana do tongtong..

Tu gandana do tongtong
Hagogotan ni rohangku
Sai palua ma au on
Ale Tuhan Debatangku.

instrument/musik..

9. Tatap ma pardangolanku
Dohot hangalutanki
Sesa ma sude dosangku
Sai papir ma tondingki
Lam torop do musungki..

Lam torop do musungki
Lam jorbut do pamuraiNa
Tuhan tatap au disi
Asa unang saut tahina.

instrument/musik..

10. Sai ramoti ma tondingku Tuhan
sai palua au
Ho, haposan ni rohangku
Unang ma paruak au
Sai jamot ma tondingki..

Sai jamot ma tondingki
Ala ni halidangonku
Bangso na pinillitMi
Naeng tangkas paluaonMu.

instrument/musik..


EVANGELIUM
PSALM 25 : 1 – 7

25:1 Ho do, ale Jahowa, dihalungunhon rohangku.

25:2 Ale Debatangku, marhaposan tu Ho do ahu, unang tung paila ahu,
asa unang marsuraksurak angka musungku mida ahu.

25:3 *Ndang tahe tagamon tarurak sude angka na mangkaposi Ho, sai
maila do sogot angka pangose soada alana.

25:4 Ale Jahowa, sai pabotohon ma tu ahu angka dalanmu, jala ajarhon
tu ahu angka bogasmu.

25:5 Sai togutogu ma ahu tubagasan hasintonganmu, jala ajari ahu, ai
Ho do Debata ni hatuaonku, Ho do na huhaposi ganup ari.

25:6 Sai ingot ma, ale Jahowa, angka denggan ni basam dohot asi ni
roham, ai sian na robi do angka i.

25:7 Sai unang paingotingot angka dosa ni haposoonku dohot
pangalaosingku, sai ingot ma ahu, ale Jahowa, hombar tu asi ni roham,
ala ni denggan ni basam.


Buku Ende Huria No.467.
Logu. 315. :
Asi ni rohaM hupuji.

1. Asi ni rohaM hupuji ala Ho manobus au.
Dipaias Ho rohangku, gabe soranganMu au.

IngananMu rohanami, TondiMi manggohi i.
Pangke dohot ngolunami, gabe ulaulaMi.

instrument/musik..

2. Sai ramoti ma rohangku, asa boi gohanMu au.
Sai mabaor ma pasupasu nang marhite sian au,
IngananMu……

IngananMu rohanami, TondiMi manggohi i.
Pangke dohot ngolunami, gabe ulaulaMi.

instrument/musik..

3. Naeng huhatindangkon hami hagogoonMi tongtong,
Paluahon na mardosa,
nang parjahat na bolong.
IngananMu……

IngananMu rohanami, TondiMi manggohi i.
Pangke dohot ngolunami, gabe ulaulaMi.

instrument/musik..

4. Sai papulik rohanami gabe pangoloi di Ho.
Asa marsahala hami lao mangkatindangkon Ho.
IngananMu……

IngananMu rohanami, TondiMi manggohi i.
Pangke dohot ngolunami, gabe ulaulaMi.

instrument/musik..

ENDE TU PANDIDION NA BADIA
/BAPTIS

Buku Ende Huria No.146
PAIAN MA DI HAMI
BL.6

1. O Jesus naeng tardidi
Do posoposo on
Sai ro ma mangaligi
Huhut manjalo on.

2. Diboan natorasna
Nasida be tuson
Ai naeng pasahatonna
Tu Ho dakdanak on.


Buku Ende Huria No.147
JESUS HAMI RO DISON, ASA
BL. 78

6. Sahat ma tu rohaMi,
Jesus pangidoannami
Togu i tu surgo i,
Sai olio ma sangkapnami

Nang goarna i,
o Tuhan
baen tu buku hangoluan


source : lirik ende
www.worship-liric.hkbpkramatjati.com

link :  https://www.worship-liric.hkbpkramatjati.com

About the Author

MMedia
pendukung informasi seputar Ghkbpkrjati

Be the first to comment on "jelang paskah minggu 07 April 19"

Tinggalkan komentar