ibadah minggu trinitatis 27 mei 2018

Minggu Trinitatis, 

  • Pelayan Ibadah Minggu Pagi-Siang : P.S ARBAB (Bahasa Batak Toba, Pukul 06.00 & 10.00wib)
  • Ibadah SKM Pukul 07.30 wib
  • Ibadah Remaja (Bahasa Inggris, Pukul 10.15wib)
  • Pelayan Ibadah Minggu Sore  : Ibadah Kren (Bahasa Indonesia, Pukul 17.00 wib)

Topik Mingu:
Trinitatis, (setelah minggu pentakosta) 
“Gage Jolma Na Imbaru di Bagasan Tuhan i /
Menjadi Manusia Baru di Dalam Tuhan”
Minggu “HKBP Kramat Jati
Ressort Kramat Jati, 27 Mei 2018

Epistel
Yohanes 3:1-8
3:1 Asa adong ma sahalak sian angka Parise, sintua ni Jahudi na margoar Nikodemus.
3:2 Na ro bornginborngin manopot Ibana, jadi didok ma mandok Ibana: Gurunami, huboto hami do Ho guru na ro sian Debata, ai ndang
tarpatupa agia ise tanda songon na binahenmi, ia so Debata donganna.
3:3 Dung i ninna Jesus ma mangalusi ibana: Na tutu situtu do na hudok on tu ho: Ia so tubu jolma sian ginjang, ndang tarbahensa marnida
harajaon ni Debata!
3:4 Dung i ninna si Nikodemus ma mandok Ibana: Songon dia ma tarbahen tubu muse halak, ia naung matua? Tung haulahansa ma mamasuhi
siubeon ni inana, asa tubu?
3:5 Jadi dialusi Jesus ma: Na tutu situtu do na hudok on di ho: Anggo so tubu jolma sian aek dohot sian Tondi, ndang habongotansa harajaon
ni Debata!
3:6 Daging do na tubu sian daging, tondi do na tubu sian Tondi.
3:7 Unang ma longang roham, ala hudok tu ho: Ingkon tubu hamu sian ginjang!
3:8 Na mangullus do alogo dompak lomo ni rohana; dibege ho do parngongosna, alai ndang diboto ho haborhatanna manang hasahatanna.
Laos songon i do ganup naung tubu sian Tondi.

Evangelium ; Hesekiel 36 ; 25-28
36:25 Dung i urashononku ma tu hamu aek angka na tio, asa tung ias hamu; urasonku do hamu tahe sian saluhut haramunonmuna i dohot
sian saluhut ganaganaanmunai.
36:26 Jala lehononku tu hamu roha na imbaru dohot tondi na imbaru tu bagasan ateatemuna; jala unsatonku do roha batu sian dagingmuna,
jala lehononku tu hamu roha sibuk.
36:27 Jala lehononku ma tondingku tu bagasan ate-ate muna, jala ahu mambahensa, asa marparange hamu di bagasan angka patikku, angka
uhumhu pe radotan jala patupaonmuna do.
36:28 Asa maringan hamu muse di tano, naung hubasabasahon tu ompumuna, jala sumuang hamu gabe bangsongku, jala ahu gabe
Debatamuna.

B.E No.112
O TONDI PARBADIA I, BONGOTI
BL. 206

1. Haleluya Tapuji ma
Amanta Tuhan Debata
Dibaen denggan basaNa

Sai tong girgir ma hita be
Pasangap Debatanta i
Dibaen asi rohaNa

Sangap, sangap, Hagogoon,
Hatoguon, hapistaran,
Di Amanta na di ginjang

2. Haleluya Di Jesus I
Talehon hasangapon i,
Nang pe pujipujian.

Dilehon do mudarNa I
Mamuri hita sasude
Parade hatigoran.

Denggan, denggan
Parsaoranta tu Tuhanta, badiaNa
Songgop do tu huriaNa

3. Haleluya. Di Tondi i
Na sangap, na badia i,
Tadok mauliate

Aut unang saor Ibana tu
Rohanta na so dung togu
Luhutna do mandate.

Tua, tua
Ma jambarta bahenonna salelengna
Di adopan ni Debata.

BE. 116
DITOMPA HO DO AU
BL. 243

1. Di tompa Ho do au, sondangi rohangkon;
Tung basa-basaMi sude na di au on.

Gomgomi pamatangku, naeng Ho do oloanku,

Sai lehon ma gogongku, lomoM naeng ulaonku.
Urupi tatap au tutu, Panompa na burju.

4. Ale Debatangki
Sitolusada i
Bongoti rohangki parbadiai ma i

Sai Ho ma lam hutanda gogongku lam paganda
Manangkup haluaon, maniop hatuaon
Ni Ama,Anak,Tondi, na tong pujion i.

B.E No. 114
PAROHON HARAJAONMI
BL. 212

1. Ale Jahowa Debata, Sai tatap hami on
Ai masiboan dosana be Do hami tu joloM

Asi rohaM di hami, Sai sesa dosa i sude
Marhite Jesus AnakMi Na mate di hau silang i
Di Golgata
Di dolok Golgata

2. O Jesus haholongan I
Sai tatap hami on .
Ho pangondingannami I
Ondingi hami on

Sai unang mago hami be
Ai na tinobusMi sude.
Taluhon ma sibolis i
Ai na jorbut parulan ni
Pangolu be ma hami on sude.

3. Ho Tondi Parbadia i
Sai tatap hami on
Lopokkon haholongonMi tu rohanami on

Pasada rohanami be
Patiur tondinami pe
Lao mangihuthon dasdasMi
Mangkasiholi sondang ni
Parholong I
Pardenggan basa I

BE. 437.
Tung na muba do rohangku.
BL. 390.

1. Tung na muba rohang’ku dibaen Tuhanki,
dung Jesus ma ringan di au.

Nunga sonang au on, tung dame rohangki,
dung Jesus maringan di au.
Dung Jesus……..

Dung Jesus maringan di au,
dung Jesus maringan di au,

tung na sonang do au,
dung tu Jesus au lao…..
dung Jesus maringan di au.

2. Au na lilu hian dapot sambulongki.
Dung Jesus maringan di au.
Nunga sae dosangki dibaen mudarNa i,
Dung Jesus maringan di au.
Dung Jesus…………..

Dung Jesus maringan di au,
dung Jesus maringan di au,

tung na sonang do au,
dung tu Jesus au lao,,,,
Dung Jesus maringan di au.

BE. 461. Logu. 407. :
Songgop tu hami.

1. Songgop tu hami na di joloMon,
o tondi, ni Debatangki.

Uhir patikMu tu rohangkinon,
O Tondi ni Debatangki.
Bereng siholhu di haroroMi,

Molo Ho ro, nda hisar tondingki.
Didihon ma tu au on
apiMi.
O Tondi ni Debatangki.

2. Suru TondiM paluahon au on.
Palua ma,
O Debata.

Bereng dagingku, tondingku dison,
palua ma,
O Debata.

Dao ma pangambat di soaraMi,
hisap ni daging,
sandok diringki,

Na mangarsahi tongtong TondiMi.
Palua ma,
O Debata.

BE.753
Dipardalanan Jesus di jolongku

1. Dipardalanan Jesus dijolongku
Holong ni tanganMi manogu au
Nang di ngoluku Ho do sombaonku
Tung sonang mardalan raphon au.

Huboto do tangkas panoguonMu
Diiringiring Ho do langkangki
Sahat ro di ujung ni pardalanku
Togu ma au jonok tu lambungMi,

2. Sipata lilu haporseaonhu
Ni lilianan ni portibi on
Alai dung Ho hutatap o Tuhanku
Margogo do au dingolungkon
Huboto ………

Huboto do tangkas panoguonMu
Diiringiring Ho do langkangki
Sahat ro di ujung ni pardalanku
Togu ma au jonok tu lambungMi,

3. Patogu ma Tuhan haporseaonku,
Asa polin tu Ho manghirim au,
Tu surgo I patulus pardalananku,
TondiMi maringan ma di au.
Huboto do ………

Huboto do tangkas panoguonMu
Diiringiring Ho do langkangki
Sahat ro di ujung ni pardalanku
Togu ma au jonok tu lambungMi,

BE.792
Pasu-pasu hami O Tuhan

1. Pasu-pasu hami o Tuhan
sai usehon dameMi,
Sai ampehon tanganMi Tuhan,
Lehon tu au gogoMi
di portibion Baen ma au Tuhan habaoran ni las ni roha
Tu na marsak I tu na dangol I gabe pangapuli i.

2. Diportibion, baen ma au Tuhan,
Monang maralohon dosa dibahen gogoMi,
Talu musu I sibolis pangago i.
#Pasu-pasu hami O Tuhan ………

Pasu-pasu hami o Tuhan
sai usehon dameMi,
Sai ampehon tanganMi Tuhan,
Lehon tu au gogoMi
di portibion Baen ma au Tuhan habaoran ni las ni roha
Tu na marsak I tu na dangol I gabe pangapuli i.

3. Diportibion, baen ma au Tuhan,
Sipatupa hadameon baen ma hataMi,
Saor tu roha ni na masihosoman i.
#Pasu-pasu hami O Tuhan ………

Pasu-pasu hami o Tuhan
sai usehon dameMi,
Sai ampehon tanganMi Tuhan,
Lehon tu au gogoMi
di portibion Baen ma au Tuhan habaoran ni las ni roha
Tu na marsak I tu na dangol I gabe pangapuli i.

4. Diportibion, baen ma au Tuhan,
Siradoti haholongon,
Togu-togu ma, hami on Tuhan,
Marparange na denggan.
#Pasupasu hami O Tuhan ………

Pasu-pasu hami o Tuhan
sai usehon dameMi,
Sai ampehon tanganMi Tuhan,
Lehon tu au gogoMi
di portibion Baen ma au Tuhan habaoran ni las ni roha
Tu na marsak I tu na dangol I gabe pangapuli i.

5. Diportibion baen ma au Tuhan,
Sipajongjong hatigoran,
Pargogoi ma au, raphon HuriaM,
Patupahon na denggan.
#Pasu-pasu hami O Tuhan ………

Pasu-pasu hami o Tuhan
sai usehon dameMi,
Sai ampehon tanganMi Tuhan,
Lehon tu au gogoMi
di portibion Baen ma au Tuhan habaoran ni las ni roha
Tu na marsak I tu na dangol I gabe pangapuli i.


PS.ARBAB
PS.ARBAB
Posted in Kebaktian Minggu, trinitatisTagged , , , ,

Tinggalkan Balasan