ibadah minggu pagi dan siang

IBADAH MINGGU, 28 OKTOBER 2018

HKBP KRAMAT JATI

HARI TERKAIT “SUMPAH PEMUDA”

PATIK HEBER 13 : 16

13:16 Alai unang ma lupa hamu, mambahen na denggan dohot mangulahon asi ni roha;
ai dihalomohon Debata do angka pelean na songon i.

EPISTEL II Korintus 9 : 6 – 15

9:6 Ingot ma: Na manaburhon otik, otik do gotilonna; jala na manaburhon managam pasupasu, mangalap pasupasu di na manggotil.

9:7 Ganup ma nionjar ni rohana, unang ma sian muruk manang sian na so tarjua; ai dihaholongi Debata do na las roha mangalehon!

9:8 Alai marhuaso do Debata, mangusehon saluhut asiasi tu hamu, asa sandok tuk situtu di hamu jala marlobilobi hamu, laho patupahon saluhut ulaon na denggan;

9:9 hombar tu na tarsurat: “Na manaburi ibana, mangalehon tu angka na pogos; hot do hatigoranna i ro di salelenglelengna.”

9:10 Alai na padirihon boni tu panabur dohot indahan tu na manganhon, padirion jala pagandaon ni I do di hamu sisaburhononhon, jala patubuonna parbue ni hatigoranmuna,

9:11 asa di na saluhut hamu mamora tu nasa habasaon, na mangkorhon hamauliateon tu Debata, marhite sian hami.

9:12 Ai ndada, asal dipatuk ulaon guguan on hahurangan ni angka na badia i; na sumurung do i huhut, ala ni hamauliateon ni na torop tu Debata.

9:13 Gabe dipasangap hamu Debata, ia dung tau hamu jumpang di ulaon parhobason on, ala ni pangoloion ni rohamuna, laho mangkatindangkon barita na uli na sian Kristus, dohot ala na buas pangantoionmuna di nasida dohot di dongan saluhutna.

9:14 Nasida pe, ditangiangkon do hamu, jala masihol do nasida di hamu, marningot asi ni roha na sumurung na sian Debata tu hamu.

9:15 Alai mauliate ma tu Debata ala ni silehonlehonna, na so tarhatahon i!

EVANGELIUM Jesaya 58 : 4 – 12

58:4 Ida ma, marpuasa pe hamu asa mambahen bada dohot parsalisian huhut mamastapi mangasahon gostong ni botohon. Unang datdati hamu marpuasa songon nuaeng, ai ndang tarbahen sahat soaramuna tu banua ginjang.

58:5 Tung * parpuasaon na tarhalomohon ahu ma i, sadari dionsit jolma i rohana, dipatungki uluna songon arung, marpeahan di hori dohot di sirabun? Tung parpuasaon ma i goaron, jala ari lomo ni roha ni Jahowa?

58:6 Nda on do parpuasaon na huhalomohon: Harhari angka ihotihot ni hajahaton, palua angka tali ni auga; jala palua halak na nirupa, jala ropuhi nasa auga?

58:7 Nda on do, molo * diponggoli ho rotim tu halak na male, jala ditogihon ho tu jabum halak na dangol dohot panangkarnangkar? Molo diida ho halak na marsaemara, gabe diabiti ho ibana, jala ndang martabuni ho maradophon sibukmu.

58:8 Jadi tompu ma * binsar hatiuronmu songon buha siang ari, jala hatop martumbur hahisaronmu, jala mardalan di jolom * hatigoranmu, hamuliaon ni Jahowa manimpuli sian pudim.

58:9 Dung i * joujou ma ho, jadi alusan ni Jahowa ma ho; molo angguhangguk ho, gabe dohononna ma: Ida ma, dison do ahu! Molo dipaholang ho sian tongatongam pangarupaon, tudutudu ni jarijari dohot pangkuling hajahaton.

58:10 Jala dilehon ho asi ni roham tu na male, jala dipasabam ho roha ni na dangol, jadi binsar ma hatiuronmu di bagasan haholomon, jala hagolaponmu tudoshon hos ni ari.

58:11 Jadi sai tongtong ma togutoguon ni Jahowa ho jala pasabamonna roham di angka inganan na rahar, jala papironna holiholim, gabe tudoshon * porlak na siniram do ho, jala songon mual, na so dung marsik.

58:12 Jadi paulion ni angka anakmu ma angka pasipasi sian narobi, patindangonmu ma angka ojahan marsundutsundut, jala goaron ni halak ma ho: Sipauli angka riga, sitotas angka dalan balobung asa hainganan.

RANGKAIAN IBADAH 
MINGGGU XXII

Topik Minggu :
Huria Namangulahon Ulaon Parasinirohaon

BE. 440. BL. 296. :
Sai puji ma Tuhanta.

1. Sai puji ma Tuhanta Jesus Kristus.
Pasangap ma, lomo na ma patulus, Pinujima
Goar Na, da !

2. Na sahat ma endenta tu joloNa.
Na metmet ma nang angka na umbalga. Dipuji ma
Goar Na, da !

instrument musikal…

3. Ndang pande au mamuji Ho, o Tuhan,
Alai dibege Ho au, ale Tuhan,
Pinuji ma goarNa, da !

BE. 18
UNGKAP BAHAL NA UMMULI
BL. 84.

2. Nunga ro au, o Tuhanku,
ro ma Ho tu au muse.
Ai di bagas ingananMu,
las ni roha do sude.

Sai bongoti rohangkon,
baen ma JoroMi dison.

3. Sai pantun pangalahongku
Maradophon bohiMi
Sai suruhon tu rohangku
Tondi Parbadia i

Asa sai tongtong ture
Tangiangku ende pe

B.E. No.172
O JESUS PANONDANG
BL.143

1. O Jesus panondang Di portibi on
Mula ni na torang Tangi hatangkon
Sai asi rohaMu Di pardosa on
Ho ma mangapuli au na marsak on

2. Sesa ma dosangku Ale Tuhanki
Ala ni mudarMu Na nilehonMi
Asal ma rohangku Salelengna i
Ingot di hansitMu Dohot mudarMi

BE. 442. BL. 392. :
Najolo tung na loja

2. Ai arsak ni rohangku tung salpu do nuaeng.
Magotap angka rante ni dosa I dibaen.

Tuhanku na lao mate di hau parsilang I,
Ibana paluahon au, martua rohangki.
Na salpu……

Na salpui do I, na salpu do I,
ndang di jujur dosangku tu au.

Tung sesa do I dibaen
MudarNa i.
Ndang ditulak Tuhanku be au.

BE. 463. Logu. 312. :
PasupasuM tongosonMu.

1. PasupasuM tongosonMu i do didok hataMi
Suru tondiM na badia bosur ma baen rohangki

HagogoonMu songgop ma tu rohangkon
Unang sai holan manetek gohi sandok diringkon

3. Bereng ma sai hupaima nunga rade rohangki
Guru di Ho ma ngolungku dohot au tinobusMi

HagogoonMu songgop ma tu rohangkon
Unang sai holan manetek gohi sandok diringkon

BE.716
Di na mamolus sandok ngoluon

1. Di na mamolus sandok ngoluon gok do na marsak gale.
Boan sinondang tu na holom I asa margogo muse.

Bahen ma ahu parhiteanMu pasupasuM ma baor ma I

Ale Tuhanhu patupa ma au baen pasupasu tu dongan sude.

instrument musikal…

2. Sai baritahon Jesus na burju, tuk manesa dosa I,
Asa porsea di Jesus tutu, denggan pambaenmu disi.
Bahen ma ahu …

Bahen ma ahu parhiteanMu pasupasuM ma baor ma I

Ale Tuhanhu patupa ma au baen pasupasu tu dongan sude.

instrument musikal…

3. Ula na denggan tu halak sude, songon binaenNa tu ho,
Ingot urupi luhut na gale, gabe parholong ma ho
Bahen ma ahu …

Bahen ma ahu parhiteanMu pasupasuM ma baor ma I

Ale Tuhanhu patupa ma au baen pasupasu tu dongan sude.

instrument musikal…

BE.730
Sai patau ma au Tuhan.

1. Sai patau ma diringku ale Tuhan,
Papatarhon HinauliMi Tuhan,

Suru ma tondiMi saor tu rohangki,
Lao papatar HolongMu tu donganki.

instrument musikal…

2. Sai patau ma diringku ale Tuhan,
Papatarhon hinauliMi Tuhan,

Suruma TondiMi saor tu rohangki
Patariparhon basaM tu donganki.

instrument musikal…

3. Sai patau ma diringku ale Tuhan,
Papatarhon hinauliMi Tuhan,

Suru ma TondiMi saor tu rohangki,
Lao patandahon diriMu tu donganki

instrument musikal…

4. Sai patau ma diringku ale Tuhan
Papatarhon hinauliMi Tuhan,

Suru ma TondiMi saor tu rohangki
Baen ias hata dohot parangengki.

instrument musikal…

 


IBADAH REMAJA BAHASA INGGRIS

IBADAH SKM

Posted in Kebaktian Minggu

Tinggalkan Balasan