ibadah-minggu-1-sept-2019-pagi-dan-siang

IBADAH MINGGU BAHASA BATAK TOBA
PUKUL 06.00 WIB & PUKUL 10.15 WIB


Topik Minggu Ini : XI Dung Trinitatis
“Jesus Roti Hangoluan / Yesus Roti Kehidupan”

Buku Ende Huria No. 125
MARLASNIROHA HITA ON
BL. 82

1. Marlasniroha hita on Mamuji Debata
Ai asi ni rohaNa i Do bongot tu rohanta i
Umbaen nuaeng mardomu i Dison sadari on, Dison sadari on

2. Dibaheni manggogo be Ma hita on sude
Mamuji Tuhan Jesus i Parasiroha godang i
Sibaen las ni rohanta i Nuaeng nang sogot pe Nuaeng nang sogot pe

3. Alai taingot ma huhut Mambaen sangap tongtong
Barita ni Tuhanta I Marhite parangenta i
Di jolo ni donganta i Di atas tano on Di atas tano on

Buku Ende Huria No. 121.
JESUS RAJA NI HURIA
BL.97

2. Lehon Tondi Parbadia
Saor tu roha ni huria.
Di sandok portibi on.

Asa tong sada rohaNa
nang marserak pe ruasNa.
Pasangaphon Ho tongtong,
Pasangaphon Ho tongtong

5. Sai pauli huriaMu
Asa lomo ni rohaMu
Jumpang Ho di ruasMi.

Angka na serep marroha
Na magigi mida dosa.
Ho ditiru sasude,
Ho ditiru sasude

Patik :
Mateus 6 : 33

6:33 Sai jumolo ma lului hamu harajaon ni Debata dohot hatigoranna, dung i
tambahononna do sude angka ondeng tu hamuna

Buku Ende Huria No.162 .
O DEBATA MANSAI
BL. 27

1. O Debata, mansai balga, huhut dokdok dosangku.
Na so adong di tano on, na tau haporusanku.

3. I pe tu Ho nama au ro, sai unang tulak ahu.
Paombun ma o Debata, rimasMu mida ahu.

BE No. 183
NA JUMPANG AU
BL. 105

2. Dibahen godang ni dosangku
Tung hona uhum au tama.
Hape ro Jesus dipadomu au muse dohot Debata.

MudarNa na badia i
pajongjong pardomuan i
pajongjong pardomuan i.

3. On pe holan asi ni roha sipangasahononhon i.
Sipujionku do Jahowa dung ro na pamanathon i.

Unduk huhut las rohangki
mamuji asi roha i.
Mamuji asi roha i.


Jeremia, 31 : 31 – 34

31:31 Ida ma, na ro do angka ari sogot, ninna Jahowa, pungkaonku ma padan na
imbaru tu pinompar ni si Israel dohot tu pinompar ni si Juda.

31:32 Ndada songon padan na hubahen i na jolo tu ompunasida, uju na hutangkup
tangannasida i laho manogihon nasida ruar sian tano Misir, hape diose nasida do
padan na hubahen i, atik pe ahu harajaannasida nian, ninna Jahowa.
31:33 Ai * on do padan sibahenonku tu pinompar ni si Israel, dung salpu angka
ari on, ninna Jahowa: ** Lehononku ma patikku tu bagasan ateatenasida jala
surathononku do i tu bagasan rohanasida, asa ahu gabe Debatanasida, * jala
nasida gabe bangsongku.

31:34 Jadi ndang pe * podaan ni sahalak donganna, manang dohononna tu
hahaanggina i songon on: Tanda hamu ma Jahowa! Ai tung saluhut nasida tumanda
ahu sogot, tole na metmet, tole na magodang sian nasida, ninna Jahowa, ai *
marpamuati do sogot rohangku mida hajahatonnasida i, jala ndang be ingotonku
dosanasida i

Buku Ende Huria No. 468. Logu.247. :
Adong do hasonangan i.

1. Di ganup luat mian tino busmi Tuhan.
Tarbege pamujion di holong ni rohaM.

Di ru ra partangisan marolopolop do
soara ni sisean naung monang dibaen Ho.

3. Di dia pe pajumpang parroha songon I,
Sai tong do marsnondangpambaen ni Jesus i.

Ai I do diendehon pangalahona i.
Mura masitandaan dibaen dameNa i.

Johannes 6 : 43 – 54

6:43 Jadi dialusi Jesus ma nasida: Unang hamu marmungutmungut!

6:44 Ndang adong na tarbahen ro tu Ahu, ia so na tinogu ni Ama i na marsuru
Ahu; jala Ahu pahehehon ibana di ari parpudi.

6:45 Na tarsurat do di angka panurirang: “Na pinodaan ni Debata ma nasida
saluhutna.” Ganup na manangihon Ama i jala na marguru tu Ibana, i do na ro tu
Ahu.

6:46 Ndang dung adong nian na marnida Ama i; holan Ibana na ro sian Debata, I
do na marnida Ama i.

6:47 Na tutu situtu do na hudok on tu hamu: Na porsea, i do naung gabe nampuna
hangoluan na salelenglelengna.

6:48 Ahu do roti hangoluan i!

6:49 Na mangan Manna i do angka ompumuna di parhorsihan, jadi mate do!

6:50 On do roti na tuat sian banua ginjang, asa unang mate na manganhonsa.

6:51 Ahu do roti na mangolu, na tuat sian banua ginjang i. Manang ise na
manganhon roti on, i do mangolu salelenglelengna. Ia roti silehononki, bahen
hangoluan ni portibi on, i ma dagingku.

6:52 Dung i marsual ma angka Jahudi sama nasida, ninna ma: Beha ma bahenon ni
Halak on mangalehon dagingna i panganonta?

6:53 Jadi didok Jesus ma tu nasida: Na tutu situtu do hatangkon na tu hamu:
Tung na so dapot hamu hangoluan i, molo so dipangan hamu daging ni Anak ni
jolma i, jala so diinum hamu mudarna!

6:54 Dapotan hangoluan salelenglelengna do ganup na manganhon dagingku jala
manginum mudarhu; jala paheheonku do ibana di ari parpudi.

Buku Ende Huria No.227
JESUS NGOLU NI TONDINGKU
BL.26

1. Jesus ngolu ni tondingku, Hodo haporusanki.
Gok di Ho na ma diringku,
ro di nasa langkangki.

2. Lam tangkas ma patuduhon, tu au on panghophopMi.
Asa i huhalungunhon, hot ma au di lambungMi

3. Jangkon au baen siseanMu,
Na girgir tu podaMi.
Sai surdukkon ma tanganMu, Asa tong hutiop i.

4. Tangkup au Jesus Tuhanku,
Tiop au mansai gomos.
Asa unang runsur pathu, Sian dalan na tingkos

5. Raphon Ho do au mangalo,
Dosa dohot hisaphi.
Ai sumurut do pangago, Anggo Ho di lambungki

6. TondiMi sai tong paian, Di au on tinobusMi.
Tung patau ma au manean,
PinarbagabagaMi

Pandidion Na Badia Tu Ianakhon ni Huria
BE 146 : 1,2 BL 6
BE 147 : 6 BL 78

Tangiang Pasupasu


  • BERIKUTNYA : IBADAH BAHASA INDONESIA PUKUL 17.00 WIB
  • IBADAH SKM

PS. IMMANUEL Festival 100 tahun Gereja