hkbp kramatjati minggu 16 sept 2018

ACARA IBADAH MINGGU HKBP KRAMAT JATI

IBADAH MINGGU 16/09/2018

MINGGU XVI TRINITATIS

Topik Minggu :
“Ngolu Na Marpanarihon maradpothon dongan jolma /
Solidaritas kepada sesama”

ACARA : IBADAH MINGGU PUKUL 06.00, 10.00 WIB
ACARA : PABORHATHON PENSIUN SIAN HAPARHALADOON
(St. ESMILER MARNANGON BUTAR BUTAR, PUKUL 10.00 WIB)

Rangkaian ibadah pukul 06.00 10.00

BE.574
Puji ma Debata

1. Puji ma puji ma Debata
na ni ainNa do umpuji Debata
Nunga sesa dosami, malum do hot rohami.
Puji ma puji ma Debata
na ni ainNa do umpuji Debata

2. Olophon-olophon Tuhan I
Hatindangkon denggan ni basaNa I,
Sai arahon donganmi, ro tu sipalua I,
Olophon-olophon…

Olophon-olophon Tuhan I,
Hatindangkon ma denggan basaNa I,

instrument….

3. Tagam ma, tagam ma Tuhan I,
Sai pagalak ma tongtong palitomi,
Lam jonok ari na I, salpu parungkilon I,
Tagam ma tagam ma….

Tagam ma tagam ma Tuhan I,
Sai pagalak ma tongtong palitomi.

BE.749
Songon sorha ni podati

3. Sotung pola ho madele unang biahaton ho,
Hehe ho hatop langkahon ingot padan na tu ho,

“haholongon do Tuhanmu”
ima mangapuli ho,
bahenon na ho martua asal ma porsea ho.
Tatap ………

Tatap ma halibutongan dungkon salpu udan i
Padan holong ni rohana disudena jolma i.

PATIK
22:39 Alai dos do arga ni na paduahon on:
Sihaholonganmu do donganmi doshon dirim!

PILIPI 2 : 1 – 11
2:1 Molo tung adong apoapo marhitehite Kristus, dohot sosososo holong ni roha dohot parsaoran ni tondi, nang talup dohot asi ni roha,

2:2 gohi hamu ma halalas ni rohangkon: Sada ma parrohahon hamu; sada ma haholonganmuna; saroha, sapingkiran ma hamu!

2:3 Unang ma mardingkandingkan manang marhasangapon na rumar; alai sian toruk ni rohamuna be ma rajumi hamu donganmuna sumurung sian dirimuna!

2:4 Unang ma na ringkot di hamu be matahon hamu, dohot ma na di dongan!

2:5 Songon parrohaon ni Kristus Jesus ma parrohaonmuna!

2:6 Atik pe rupa ni Debata di Ibana, ndada songon na nidobo dirajumi rohana tudosna i tu Debata.

2:7 Dirumari do dirina jala disolukkon rupa ni hatoban, gabe suman tu jolma do Ibana jala rumang jolma dapot di Ibana.

2:8 Dipatutoru do dirina; na gabe pangoloi do Ibana paima mate, pola tung mate tarsilang!

2:9 Ala ni i do dipatimbo Debata Ibana jala dibasabasahon tu Ibana Goar na sumurung asa nasa goar,

2:10 asa somba tu Goar ni Jesus nasa ulu ni tot, na di banua ginjang i dohot na di tano, nang na ditoru ni tano,

2:11 jala asa nasa na marsoara marhatopothon: Jesus Kristus do Tuhan, bahen hasangapon ni Debata Ama!

BE. 449. Logu. 300. :
Sai solhot tu silangMi.

2. Lao ma au tu silangMi, I haporusanku.
Sai asi ma rohaMi unang tulak ahu.
SilangMi………

SilangMi, Tuhanki I ma pujionku,
Paima sogot sahat au, I endehononku,

3. Domu ma tu silangMi, I ma tioponku.
Asa unang lilu au, Ho ihuthononku.
SilangMi…………

SilangMi, Tuhanki I ma pujionku,
Paima sogot sahat au, I endehononku,

BE.684
Lea situtu

2. Naso hatudosan do, holong ni Tuhanki
Parhatopotonku do denggan basaNa I,

Sai naradotanku do pinatikkonNa I,
Alani HolongNa I malua au,
HolongNa I ………

HolongNa I, holongNa I, alani HolongNa I malua au.
HolongNa I, holongNa I, ala ni holongNa I malua au

B.E. No. 121.
JESUS RAJA NI HURIA
BL.97

3. Sai palua ma ruasMu
Sian nasa haholomon Sian roha daging pe.

Ho sambing ma ale Tuhan
Las ni roha ni punguan.
Na jumujung goarMi
Na jumujung goarMi.

5. Sai pauli huriaMu
Asa lomo ni rohaMu
Jumpang Ho di ruasMi.

Angka na serep marroha
Na magigi mida dosa.
Ho ditiru sasude
Ho ditiru sasude

BE.720
Naeng marsinondang ngolungku.

1. Naeng marsinondang ngolungku di igil Jesus I,
Manang didia pe ahu tongtong huingot i.

Tiur marsinondang
ido ni igil ni Jesus
tongtong
Marsinondang panondang do au tutu.

instrument….

2. Ingkon hobas mangurupi, angka na gale I,
Jala burju manghobasi songon Tuhanta i.
Tiur marsinondang ………

Tiur marsinondang
ido ni igil ni Jesus
tongtong
Marsinondang panondang do au tutu.

instrument….

3. Tuhan urupi ma ahu, sai jaga rohangki,
asa marsinondang ahu, Ho naeng tiruonki.
Tiur marsinondang ………

Tiur marsinondang
ido ni igil ni Jesus
tongtong
Marsinondang panondang do au tutu.

instrument….

4. Naeng oloanku Tuhanku, saleleng ngolungki,
Sogot di surgo, endengku pasangap Tuhan i.
Tiur marsinondang ………

Tiur marsinondang
ido ni igil ni Jesus
tongtong
Marsinondang panondang do au tutu.

instrument….

RUT 2 : 8 – 16

2:8 Dung i ninna si Boas ma tu si Rut:
Tangihon ma hatangkon, ale ito! Unang ho laho manjomputi tu ladang na asing, jala unang ho laho sian on, sai marsilohot dison ma ho rap dohot naposongku boruboru.

2:9 Sai matahon ma ladang tinopotnasida laho manggotil,
jala paihutihut nasida. Nunga pola martona ahu tu angka naposongku, asa unang dihaori nasida ho; ia mauas ho, laho ma ho tu panguhatan, jala minum sian aek na tinahuan ni angka naposo i.

2:10 Jadi manungkap ma si Rut, pola dais bohina tu tano marsomba, huhut didok mandok ibana: Dia do dalanna umbahen marasi roha ho mida ahu, pola disarihon roham ahu halak dagang nian.

2:11 Dung i ninna si Boas ma mangalusi nasida:
Nunga sar dibaritahon halak tu ahu sude uhummu na denggan i,
na binahenmu tu simatuam boru, dung mate sinondukmu; na tinadingkonmi amanta dohot inanta dohot tano hagodanganmu, jala laho manopot bangso na so tinanda hian.

2:12 Sai dibalos Jahowa ma tu ho uhummu na denggan i,
jala ingkon marupa na gok ma ho sian Jahowa, Debata ni Israel,
na nidapothonmu, laho marondingonding tu toru ni habonghabongna.

2:13 Dung i ninna si Rut ma:
Sai dapotan asi ni roha ma ahu di adopanmu, ale tuanku, ai nunga diapuli ho ahu, jala didok ho hata sipir ni tondi ni naposom boruboru, atik pe so songon sada naposom boruboru ahu nian.

2:14 Dung i didok si Boas ma tu ibana:
Molo jumpang tingki mangan ro ma dohot ho mandapothon,
asa mangan sian sagusagu, jala tullukkon sagusagumi tu bagasan ingkau na asom i. Jadi hundul ma si Rut tu lambung ni angka panggotil, dilehon ibana huhut tu nasida biur na binolgang, gabe butong nasida mangan, pola marlobilobi.

2:15 Jadi dung hehe nasida muse laho manjomputi, ro ma hata ni si Boas mandok tu angka naposona: Pasombu hamu ibana huhut manjomputi di holangholang ni angka tibalan, jala unang paurak hamu nasida.

2:16 Pampisikpisikkon hamu huhut deba di nasida sian angka tibalan i, jala tadingkon hamu, asa dijomputi, jala unang mangonai hata hamu tu nasida.

BE.730
Sai patau ma au Tuhan.

1. Sai patau ma diringku ale Tuhan,
Papatarhon HinauliMi Tuhan,

Suru ma tondiMi saor tu rohangki,
Lao papatar HolongMu tu donganki.

instrument….

2. Sai patau ma diringku ale Tuhan,
Papatarhon hinauliMi Tuhan,

Suruma TondiMi saor tu rohangki
Patariparhon basaM tu donganki.

instrument….

3. Sai patau ma diringku ale Tuhan,
Papatarhon hinauliMi Tuhan,

Suru ma TondiMi saor tu rohangki,
Lao patandahon diriMu tu donganki

instrument….

4. Sai patau ma diringku ale Tuhan
Papatarhon hinauliMi Tuhan,

Suru ma TondiMi saor tu rohangki
Baen ias hata dohot parangengki.

instrument….

Posted in Kebaktian Minggu, PurnabhaktiTagged ,

Tinggalkan Balasan