IBADAH PARTANGIANGAN PASSION KE 1

PASSION 1 HKBP KRAMATJATI

KEBAKTIAN PASSION I – HKBP KRAMAT JATI

  • TEKS ACARA ADA DI HALAMAN BAWAH
  • FILE ACARA DOWLOAD – DI HALAMAN BAWAH
  • JADWAL IBADAH PASSION DAN JUMAT AGUNG

#siaran ibadah link video ( https://www.youtube.com/hkbpkramatjati  )

Estimasi Status Start 20.18 – 20.30 wib

 


 


LATIHAN LAGU PUJIAN PASSION PARJOLO (Passion 1)

 


DOWNLOAD ACARA PASSION 1

>> KLIK DOWNLOAD : ACARA PARTANGIANGAN PASSION 1 2020

 


 TEKS ACARA

PARTANGIANGAN PASSION
( Parjolo )
TOPIK:“AI SITIRUON DO NA HUBAHEN TU HAMU”
Evangelium, Johannes 13 : 12 – 17 Lanjutkan membaca “IBADAH PARTANGIANGAN PASSION KE 1”

HKBP KramatJati Minggu 5 April 2020

IBADAH HKBP KRAMATJATI Minggu, 5 April 2020


VIDEO IBADAH ONLINE PUKUL 08.00 WIB
UNTUK VIDEO ONLINE BAHASA BATAK 

………VIDEO ibadah bahasa batak 05/04/2020 08.00wib……

VIDEO IBADAH ONLINE PUKUL 08.00 WIB
UNTUK VIDEO ONLINE BAHASA INDONESIA

………VIDEO bahasa Indonesia 05/04/2020 08.00 wib…… Lanjutkan membaca “HKBP KramatJati Minggu 5 April 2020”

Video Renungan Harian di Minggu Judika

Renungan Harian di Minggu minggu pasca Wabah Cov19

 

Tgl 4 Memaknai Hari


Tgl 3 Paham Yudaisme dengan Harun

Lanjutkan membaca “Video Renungan Harian di Minggu Judika”

Acara Partangiangan Wijk

HKBP KRAMAT JATI

Acara Partangiangan Wijk

  • RABU Tanggal 1 April 2020
  • KAMIS Tanggal 2 April 2020
  • JUMAT  Tanggal 3 April 2020

1. Marende BE. 4 : 1+3 “SAI PUJI DEBATA”

1. Sai puji Debata Dibaen asi rohaNa
Huhut tongtong basa Di nasa tinompaNa
Ria ma hita be Mamuji Debata
Ai sesa do nuaeng Dosanta i dibaen

3. Dibahen i tama Pujion ni rohanta
Tuhanta Debata Nang Jesus pe AnakNa
Nang pangondian i Naung ro tu hita on
Manggonti Jesus i Pujion do tongtong

2. Votum :
Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia, na tumompa langit dohot tano on. Amen.
Asi ma rohaM di ahu, ale Jahowa, ai targogot do ahu, maras do rohangku dohot dagingku. Alai anggo ahu, tu Ho do ahu marhaporusan, ale Jahowa, ningku do: Ho do Debatangku. Marguru tu tangan-Mu do angka parsorionki, sai palua ma ahu sian tangan ni angka musungku dohot sian angka na mangalotongi ahu. Ale Jahowa, sai unang paurak ahu, ai Ho do na hujou, sai palua ma ahu marhitehite hatigoranMu.

Haleluya. Martangiang ma hita. Ale Tuhan Debata, Amanami na di banua ginjang, Parasi roha na sumurung! Na mandok mauliate ma hami tu Ho sian nasa rohanami, ala dilehon Ho AnakMu na sasada i tu hamatean humophop hami, asa unang mago na porsea di Ibana, alai asa hangoluan na saleleng ni lelengna di nasida. Tatap ma hami, ale Amanami di bagasan AnakMu Jesus Kristus, na gabe habadiaon dohot hatigoran di hami. Sai sesa ma dosanami saluhut ala ni pelean na sun denggan, na pinelehonNa i humophop hami. Sai paeleng ma pinggolMu tu tangiangnami jala asi ma rohaM di hami marhitehite AnakMu, Tuhan Jesus Kristus, Tuhannami. Amen.


3. Marende BE. 691 : 1+6 “Hupasahat Ma Tu Jesus”

1. Hupasahat ma tu Jesus saluhutna ngolungki
Roha nang pambaenanku saluhutna tingkingki
Hupasahat ma tu Jesus saluhutna diringki
Hupasahat ma tu Jesus saluhutna ngolungki

6. Mauliate ma rohangku, ala au hinophopMi
Pujionku ma goarMu, salelenglelengna i
Hupasahat ma tu Jesus saluhutna diringki
Hupasahat ma tu Jesus saluhutna ngolungki

4. Manjaha Yohanes 12 : 12 – 19

U : Dung i torang ni arina i dibege halak natorop na ro tu pesta i, na naeng ro ma Jesus tu Jerusalem.
R : Jadi dibuat nasida ma angka maremare, laho manomunomu Ibana huhut dijoujouhon: Hosianna! Pinanasupasu ma na ro marhite Goar ni Tuhan i, Raja ni Israel!
U : Dung i dapot Jesus ma halode sada, i ma dihunduli, hombar tu na tarsurat:
R : “Unang ho mabiar, boru Sion; ida ma, Rajam do na ro, marsihundul di anak ni halode!”

U : Alai ndang diantusi angka siseanna i hian; dung pe marsangap Jesus, asa diingot nasida, naung marhahonaan tu Ibana do hape na tarsurat i ro di pambahenannasida tu Ibana.

R : Laos dihatindangkon natorop, angka na mandongani Ibana do, paboa naung jinouna i si Lasarus sian tanoman, laho manungguli ibana sian na mate.
U : Jadi ala naung dibege natorop i barita ni tanda na binahenna i, umbahen na ditomu nasida Ibana.
R : Jadi didok angka Parise ma sama nasida: Diida hamu do, na so marniula na binahenmu, ai liat portibi on do paihutihut Ibana.
U : Olat ni I do sahat na. Martua do angka natumangihon hata ni Debata jala naumpeopsa. Amen.


5. Marende BE. 417: 1 ”RADE SITUTU HALUAON“

1. Rade situtu haluaon, na naeng tangkuponmu antong
Rade nang di ho hatuaon, si halashononmu tongtong
Bernit do ditaon Tuhanmu. Pasaehon dosam sasude
Tung unang paujat Ibana. Sai jangkon panghophopNa i


6. Jamita : Jesaya 52 : 7 – 12

IDA MA NA RO DO RAJAMI
Huria na hinaholongan dibagasan goar ni Tuhan Jesus Kristus, Panurirang Yesaya manurirangkon taringot tu haluon ni bangso Israel sian habuangan Babel (Nubuat berita pembebasan dan keselamatan bangsa Israel dari pembuangan Babel). Panurirang Yesaya gabe parhitean ni Debata (Mediator antara Allah dan umatNya) laho paingothon na tongtong do Debata marnida, marmuduhon bangsoNa lumobi ma Debata sandiri naeng mamboan haluaon tu bangsoNa sian habuangan Babel, (membebaskan serta menyelamatkan umatNya). Panurirang Yesaya manurirangkon na marujung parhatobanon ni Bangso Israel jala pasahaton ni Debata ngolu haimbaruon tu BangsoNa.

Huria na hinaholongan dibagasan goar ni Tuhan Jesus Kristus, Somalna di partingkian na salpu, sai humatop do pardalan ni na mamboan tona (berita), jala olo do marlojong sian sada luat tu luat na asing. Harorona pe mansai ringkot situtu lumobi molo masa porang. Diturpuk on, ayat 7, dipabotohon na ro parbarita nauli mamboan barita las na uli, ima na patubegehon hadameon di atas ni angka dolok. Barita na uli i, ima barita taringot tu haluaon nanaeng pasahaton ni Debata tu bangsoNa na tongon di bagasan habuangan. Diatas ni angka dolok namarlapatan diatas ni angka raja na marhuaso, na manaban bangso ni Debata. Ai holan Debata do raja na marhuaso paluahon bangsoNa. Ayat 8 mandok ‘soara ni jolma parhalmu, angka dipangiar be soarana rap marolopolop, ai adop bohi be diida nasida, molo mulak Jahowa tu Sion. Haroro ni Debata pahisar parngoluon ni bangsoNa nang angka jolma na porsea. Haroro ni Debata ima mangalehon las ni roha, soara olop-olop pamujion tu Debata. Ayat 9, pangiar ma soaramuna rap marolopolop ma hamu, ale angka pasi-pasi ni Jerusalem, ai nunga marpangulahi roha ni Jahowa mida bangsoNa. Ditogihon asa rap manghilalahon denggan basa ni Debata siala na marpangulahi roha ni Debata maradophon bangsoNa. Ayat 10, nunga pola dipatoltol Jahowa tanganNa na badia i di adopan ni saluhut bangso parbegu, jadi saluhut ujung ni tano on marnida hatuaon ni Debatanta. Sentuhan dan karya Allah pasti membawa perubahan yang luar biasa. Ai saluhut bangso parbegu jala saluhut ujung ni tano marnida pambehenan ni Debata, manghilalahon denggan basa ni Debata. ayat 11, dipabotohon asa ruar sian habuangan. Debata do na manogihon, na paruarhon bangso i. Alani do laos dipaingot asa unang be di jama na ramun (unang mangulahi be manundalhon Debata). manguras ma hamu, ale angka na mangusung ula-ula ni Jahowa. Ditogihon do angka na porsea asa tongtong paimbaru ngolu, anggiat marhabadiaon ngolu ni angka na porsea (na mangusung ula-ula ni Jahowa). Ayat 12. Jahowa do manguluhon, jala Debata ni Israel mangiringiring. Sada jaminan do on tu ngolu ni angka na porsea dipartingkian on laho mandalani ngoluna. Lumobi ma laho mamaritahon harajaon ni Debata di partingkian on. Na manontong Debata mangaromti ngolunta.

Huria na hinaholongan dibagasan goar ni Tuhan Jesus Kristus, Turpuk jamita partangiangan on ima sada barita hamonangan (Proklamasi Kemerdekaan), barita las ni roha siala marpangulahi roha ni Debata marnida bangsoNa jala disangkapi naeng mangalehon “haimbaruon” tu bangsoNa. Tagan di habuangan Babel bangso Israel ditongos Debata do Panurirang Jesaya laho pasahathon barita nauli huhut patubegehon barita hadameon nang patubegehon hatuaon. Na ro ma Debata mangalehon haluaon tu bangsoNa. Ditatap Debata do ngolu ni bangsoNa na di bagasan parhatobanon i, nunga marpangulahi roha ni Debata mida bangsoNa. Laos papataron ni Debata hadirionNa marhite na paulihon ngolu ni bangsoNa. Dipaingothon do di turpuk on taringot di na robi bangso ni Debata na dibagasan habuangan Misir jala Debata do na manguluhon huhut mangiringiring bangsoNa ruar sian habuangan Misir i. Debata do mangalehon haluaon tagan di habuangan Misir BangsoNa (ay. 4). Marhitei naeng rata diparningtan ni bangso Israel na tongtong do Debata mangula, marnida, marmuduhon bangsoNa. Nangpe ganup tongkin dibahen bangsoNa angka hatangkangon, alai sai marpangulahi do roha ni Debata mida bangso na ni asianNa. Debata na bangkit gabe Raja, mangalehon haluaon, dang dipasombu ‘Anak’ haholonganNa manongtong dibagasan parhatobanon. Dang dipasombu nang angka na porsea dibagasan parhatobanon ni dosa. Alai marhite holong ni rohaNa, ditopot do, dipapatar do holongNa di tongatonga ni portibion marhite Anak haholongan ima Jesus Kristus.

Huria na hinaholongan dibagasan goar ni Tuhan Jesus Kristus, Debata marhite panurirang Yesaya pasahathon barita hadameon huhut mangalehon barita na uli (mengabarkan berita keselamatan bagi umat Allah). Debata bongot marhite panurirangNa mamaritahon barita na uli asa anggiat jumpang gogo na imbaru, panghirimon na imbaru, dibagasan ngolu ni bangsoNa nang angka na porsea. Barita las ni roha on gabe “daya dorong” laho mambonai ngolu na imbaru.

• Ditogihon do hita asa mamboan haulion dibagasan ngolunta. Haroronta naeng ma maboan hadengganon, hadengganon dipangkataion, hadengganon di pambahenan, hadengganon nang dipangulahonon ditongatonga ni keluarga, parsaoran, nang huriaNa.

• Ditogihon do hita asa gabe patubegehon barita hadameon pangapulion tu angka halak na dibagasan parungkilon, na putus asa, na marsitaonon. Kehadiran kita disetiap pelayanan baik ditengah-tengah keluarga, pekerjaan dan masyarakat harus membawa sukacita.

• Ditogihon do hita asa mangolu na marhabadiaon ai na Badia do Debata. Amin.


Bahan diskusi :
1. Barita aha do na jumotjot tabaritahon ditongatonga ni parsaoran dibagasta, lingkunganta, di media sosialta nang hurianta?
2. Songon dia do bahenonta mamaritahon barita na uli ditongatonga ni halak na so sahaporseaon dohot hita?
3. Tapanghilalahon dope panguluhonon nang pangiringiringion ni Debata dibagasan ngolunta?


7. Marende BE. 391 : 1 “ So Tung Ditulak Rohami“
1. So tung di tulak rohami panjouon ni Tuhanta i
Disi do hangoluan mi, sadarion ma tangkup i
Sadarion, sadarion, paujung i sadarion Sadarion, sadarion, paujung i sadarion

8. Tangiang Pangondianon :

Doa kesembuhan dunia dari virus corona (covid-19)
Doa untuk para tenaga medis diseluruh dunia sebagai garda terdepan.
Doa untuk setiap anggota jemaat agar diberikan kesehatan dan dijauhkan dari wabah virus corona.
Doa bagi saudara-saudara kita yang terkena wabah virus corona agar dikuatkan dan diberikan kesembuhan oleh Tuhan.


9. Marende BE. 474 :1+4
”Ingkon Jesus Do Donganku“ P. Pelean

1. Ingkon Jesus do donganku, sahalakku lilu do
Raphon Jesus boi au monang, talu musu i na ro
Ndang mabiar au disi, Tuhan Jesus donganki
Sai ihuthononku Jesus, oloanku nama i

4. Ingkon Jesus do donganku, molo ingkon mate au
Holan mudar ni Tuhanku golomonku di na lao
Ndang mabiar au disi, Tuhan Jesus donganki
Sai ihuthononku Jesus, oloanku nama i


10. Tatangianghon Pelean :

U : Ale Debata, Amanami na di banua ginjang, Ho do haroroan ni saluhut silehonlehon na denggan dohot nasa ulibasa na mauliutus.
Hupasahat hami ma sian na nilehonMi tu hami, peleannami tu Ho. Sai jalo ma i gabe uap na hushus di joloM. Pasupasu ma i jala ramoti asa huparhaseang hami pelean on, patimbulhon harajaonMu di tongatonga ni HuriaM dohot di portibi on.
Buhai ma rohanami marhitehite TondiM, asa lam hutanda hami godang ni silehonlehonMi tu hami,
asa lam girgir hami mandak mauliate tu Ho, marhitehite Jesus Kristus Tuhannami. A m e n.

11. Tangiang Ale Amanami

Sude : Ale Amanami na di banua ginjang ! Sai pinarbadia ma GoarMu ! Sai ro ma harajaonMu ! Sai saut ma lomo ni rohaM di banua tonga on songon na di banua ginjang ! Lehon ma tu hami sadari on hangoluan siapari ! Sesa ma dosanami songon panesanami di dosa ni dongan na mardosa tu hami ! Unang hami togihon tu pangunjunan ! Palua ma hami sian pangago! Ai Ho do nampuna harajaon dohot hagogoon ro di hasangapon saleleng ni lelengna. A m e n !


(Apabila Pelayan Tahbisan : Doa Berkat; apabila tidak langsung nyanyi Amin 3x).

DOA BERSAMA JEMAAT

DOA BERSAMA

#socialdistancepray #socialdistanceworship #hkbpkramatjati

Jemaat HKBP Yang terkasih di Dalam Tuhan, secara serentak, pada

Hari/Tanggal : Selasa, 31 Maret 2020
Pukul : 20.00 Wib-selesai
Tempat : Di rumah masing-masing

Topik Doa :
1. Kesehatan dan kekuatan untuk Team Medis dan Para Medis yang menjadi garda terdepan pengobatan pasien Covid 19. Demikian Kebijaksaan untuk Pemerintah dan jajarannya dari tingkat pusat sampai ke daerah-daerah dalam upaya optimal pencegahan Covid 19. Termasuk setiap warga yang secara terpaksa melakukan aktivitas di luar rumah dikarenakan harus memenuhi kebutuhan sehari-hari keluarga.

2. Para korban dan keluarga korban yang terkena Virus Corona, agar kiranya Tuhan meneguhkan iman mereka. Demikian juga kita dimampukanNya membangun spirit/semangat kepada mereka untuk berjuang demi kesembuhannya, dan kita juga memohon agar dimampukan untuk menjaga diri serta tidak menimbulkan stigma negatif atau menghakimi orang lain.

3. Seluruh warga gereja, seluruh elemen Masyarakat, bersama dengan Pemerintah agar Dia (Tuhan) memberikan kebijaksanaan, kekuatan, dan kesatuan kepada kita semua untuk bersama – sama memutus penularan Covid 19.

Kita menyadari dan meyakini doa adalah kekuatan kita bersama, sebab Tuhanlah Empunya kehidupan kita. Kita percaya, Tuhan akan menolong UmatNya, dan Tuhan juga akan menolong Negara kita, sebagaimana Firman Tuhan yang tertulis dalam Matius 21: 22 “Dan apa saja yang kamu minta dalam doa dengan penuh kepercayaan, kamu akan menerimanya”. Amen

 


(Nb. Bagi mereka yang kebetulan tidak berada di rumah, dapat berdoa pada waktu yang sama di tempat masing-masing).

#socialdistancepray #socialdistanceworship #hkbpkramatjati