Kramat Jati

Acara Paojakhon Pendeta Ressort HKBP Kramatjati

Acara Paojakhon Pendeta Ressort HKBP Kramatjati,

ACARA PAOJAKHON PENDETA HKBP RESSORT KRAMAT JATI
MINGGU, 09 SEPTEMBER 2018

1. Marende Huria No. 467, 1 “Asi ni Roham hu Puji” BL. 315
Asi ni roham hupuji ala Ho manobus au. Dipaias Ho rohangku, gabe soranganMu au. IngananMu rohanami, TondiMi manggohi i. Pangke dohot ngolunami gabe ulaulaMi.

(Di tingki marende on, ro ma tujolo Pandita na naeng dipaojak mangadophon langgatan)

2. Paojakhon:

a. Praeses: Hamu Amanami/Inanami dongan sahuria; Sadari on ma ojakhonon
Amanta Pdt. Samuel Sitompul, STh gabe Pandita Resort di HKBP Ressort Kramat Jati.
Hombar tusi tabegema Surat Keputusan/Ketetapan ni Ephorus HKBP taringot tu parpindaon nasida dohot ulaon ni Pandita Ressort
hombar tu Aturan-Paraturan HKBP 2002 dung Amandemen paduahon.

b. Manjaha S.K ni Ephorus

Ulaon ni Pandita Ressort :

1) Manguluhon Resort rap dohot parhalado Resort

2) Manguluhon Huria sabungan ni Resort i rap dohot Parhalado partohonan

3) Manguluhon Rapot Resort, Rapot Parhalado Resort dohot angka rapot na marrumang tirket Resort

4) Mamingkiri nasa naringkot na tau pangoluhon dohot pahehehon huria dohot parhaladona di Resort i.

5) Maniroi huria na masuk tu Resort I laho manggohi tanggung jawab na.

6) Patulushon haputusan ni Sinode Godang, Majelis Pekerja Sinode, sinode distrik, majelis pekerja Sinode Distrik, dohot Rapot Resort.

7) Mangaramoti dohot maniroi parhepengon dohot arta ni huria na masuk tu resort i.

8) Patupa evaluasi dohot mangalehon laporan pangulaon, statistik dohot keuangan Resort tu Rapot Resort dohot Praeses.

c. Praeses: Nunga dibege hamu SK ni Ephorus HKBP dohot ulaon ni Pandita Ressort mangihuthon Aturan-Peraturan HKBP.
Nuaeng namanungkun ma ahu di hamu Pdt. Samuel Sitompul, STh Na olo do hamu ojakhonon gabe Pandita Ressort di HKBP Ressort Kramat Jati,
laho mangulahon ulaon songon naung binegemuna nangkin ?

d. Na pinaojak (mangalusi) NA OLO DO AHU, SAI DIDONGANI JALA DIPARGOGOI TUHAN I MA AHU MANGULAHON SALUHUTNA I.

e. Praeses : (huhut manjalang na pinaojak) : Marhitehite Goar ni Debata Ama, dohot Goar ni Anak-Na Tuhan Jesus Kristus
dohot Goar ni Tondi Parbadia huojakhon ma hamu gabe Pandita Ressort di HKBP Ressort Kramat Jati. Sai didongani jala dipargogoi Tuhan Debata ma
hamu mangulahon saluhut ulaoni, asa marsangap Goar-Na marhitehite panghobasion muna di huria i. Amen

f. Humusor ma napinaojak mandompakhon Huria.

g. Praeses: Hamu Amanami/Inanami dongan sahuria, jangkon hamu ma amanta Pdt. Samuel Sitompul, STh gabe Parmahan di huria na sa Ressort on;
masitangiangan jala ma siurupan ma hamu di bagasan hasadaon ni Tondi patulushon ulaon ni Tuhanta i.

h. Ruas: Hujangkon hami ma Pandita nami na imbaru di Ressort on, Debata ma mamasumasu (mulakma tu hundulanna)

i. Martangiang ma hita !

Ale Debata, Amanami Raja ni Huria i. Mauliate ma rohanami di Ho ala naung ditongos Ho naposoM,
Pdt. Samuel Sitompul, STh laho marhobas di Resort on. Sai urupi, pargogoi jala patau ma angka naposo-Mi manghobasi huriaM,
asa marsangap Ho di saluhut panggulmit ni huriaM diluat on. Laos pasupasu ma nang huriaM sa resort on,
tongtong marhasadaon laho manindangi di tongatonga ni luat on. Mauliate ma di Ho, di bagasan goar ni Tuhan Jesus Kristus Tuhannami. Amen.

6. Mandok Hata (jempek-jempek ma)

a. Hata pamuhai sian na pinaojak

b. Hata panjangkonon sian sahalak mewakili parhalado

c. Pengarahan sian Praeses

7. Panutup:

a. Marende Huria No. 227: 2,4“Jesus Ngolu ni Tondingku” BL. 26
(Jongjong ma huria)

Lam tangkas ma patuduhon, tu au on panghophopMi
Asa i huhalungunhon, hot ma au di lambungMi

Tangkup au Jesus Tuhanku tiop au mansai gomos
Asa unang runsur pathu sian dalan na tingkos

b. Tangiang pelean, Ale amanami, Pasupasu 


** ACARA MINGGU MANOGOT BOTARI >>>

Posted in PelantikanTagged , 1 Komentar pada Acara Paojakhon Pendeta Ressort HKBP Kramatjati

Minggu Kantate

MINGGU KANTATE


Topik Minggu :
Endehon ma ende hamauliateon tu Debata/
Nyanyikanlah Puji-pujian syukur bagi Allah

BE. 23
JESUS HAMI RO DISON
BL.78

1. Jesus hami ro dison, Asa masihangoluan
I pe ro ma Ho tuson, Jala baen ma pardomuan
Ni TondiM tu tondinami, Unang mampar rohanami

2. Holom rohanami be, Nang parbinotoannami
Molo so ro TondiMi, Manondangi rohanami
Ingkon Ho do paturehon, Dalannami sidegeon

instrument…

3. Sondang sian Debata, Hatiuron sian ginjang
Baen ture sondangi ma, Rohanami asa sonang
Lao manjalo hangoluan, PinatupaMi o Tuhan

BE. 17
RAJA NA TUMIMBUL
BL.210

1. Raja na tumimbul, Sigomgomi hami,
Jalo ma pujiannami
Denggan ni basaM do, Pangoluhon hami,
Atik pe mardosa hami

Sai apoi pargogoi hami mangendehon, SangapMi o Tuhan

4. Nasa na tumanda Tuhan Jesus Kristus
Sai endehon ma goarNa

Nasa na posea Sai ringgas patulus
Na sinangkap ni Tuhanta

Sai tongtong Ingot on
Tongtong pujionta
Sogot Debatanta.

B.E. No.172
O JESUS PANONDANG
BL.143

1. O Jesus panondang, Di portibi on
Mula ni na torang, Tangi hatangkon
Sai asi rohaMu, Di pardosa on
Ho ma mangapuli au na marsak on

2. Sesa ma dosangku Ale Tuhanki
Ala ni mudarMu, Na nilehonMi
Asal ma rohangku, Salelengna i
Ingot di hansitMu, Dohot mudarMi

BE. 464. Logu. 313. :
Huboan ma diringku.

1. Huboan ma diringku,
Tuhan, hibul tu Ho.
Ai au do tinobusMu,
Umbaen tarbaen au ro.
Pagalak ma rohangku, …..

Pagalak ma rohangku,
dison managam, au
Tondi Mi ma suru,
na boi manggomgom au.

2. Ho sipalua ahu, sun hinagogoMi HataM do huhaposi,
Na so boi muba i.
Pagalak…..d.u.

Pagalak ma rohangku,
dison managam, au
Tondi Mi ma suru, na boi manggomgom au.

B.E. No. 180
RO TU JESUS HO NA LOJA
BL. 228

1. Ro tu Jesus ho na loja Na maheu i
Lam lumbang do di lambungNa
Rohami

3. Timbang holong ni rohana Na sai godang i
Ai dilehon do hosaNa
Tobusmi

BE.581
Sangap di Jahowa

1. Sangap di jahowa
na sun timbul I,
Balga ni holongNa ndang tarasam i

Di lehon AnakNa na sasada I
manobus hita jolma pardosa i

Puji ma Debata ale manisia,
Las roham las roham somba ma Debata

Dapothon Jahowa na sun timbul i
Marhite AnakNa Tuhan Jesus i

musik…….

2. Tung so hasuhatan do basaNa I
Marhite AnakNa ni lehonna i

MudarNa durus do di hau silang i
Rara pe dosanta ias dibaen i
Puji ma Debata ………

Puji ma Debata ale manisia,
Las roham las roham somba ma Debata

Dapothon Jahowa na sun timbul i
Marhite AnakNa Tuhan Jesus I

musik…….

3. Balga situtu pambaenMi Debata.
Tung so hasuhatan holong ni rohaM.

Tu jolma pardosa asi do rohaM,
Di ungkap Ho dalan lao tu banuaM.
Puji ma Debata ………

Puji ma Debata ale manisia,
Las roham las roham somba ma Debata

Dapothon Jahowa na sun timbul i
Marhite AnakNa Tuhan Jesus i

BE.585
Somba ma Jahowa

1. Somba ma Jahowa Debatanta
Amen Haleluya
Sigomgom langit tano on ro diisi na
Amen Haleluya

Beta hita lao, marsinggang tu joloNa
Amen Haleluya
na songkal jala na badia do Jahowa
Amen Haleluya

Endehon Amen haleluya endehon
Amen haleluya endehon Amen haleluya endehon
Amen haleluya

2. Puji ma Jahowa Debatanta,
Amen Haleluya
Parasi roha na sumurung do Ibana,
Amen Haleluya

Taendehon ma goar ni Debatanta,
Amen Haleluya
Alani denggan ni basaNa na tu hita,
Amen Haleluya.

Endehon; “Amen Haleluya, endehon Amen Haleluya
Endehon Amen Haleluya, endehon Amen Haleluya”.

3. Sangap di Jahowa Debatanta,
Amen Haleluya
Na bonar jala marmulia do Jahowa,
Amen Haleluya

Tapatimbul ma goar ni Debatanta, Amen Haleluya
Na tigor jala na sun gogo salelengna, Amen Haleluya

Endehon; “Amen Haleluya, endehon Amen Haleluya
Endehon Amen Haleluya, endehon Amen Haleluya”.

 

Epistel – Evangeleum

MATIUS
11 25-30

11:25 Uju i ma didok Jesus hatana songon on: Hupuji Ho, Amang,
Tuhan na manggomgomi banua ginjang dohot tano on,

ala ditamondingkon Ho hata i sian jolo ni angka na pistar dohot na marroha, gabe
dipapatar Ho i tu angka siondihononhon.

11:26 Olo, Amang, ai i do dihalomohon roham hian.

11:27 Saluhutna i, nunga dipasahat Damang tu Ahu; asa ndang adong na
tumanda Anak i dungkon ni Ama i; Ama i pe, ndang adong na tumanda i, ia so
holan Anak i, angkup ni na pinodaan ni Anak i, mangihuthon lomo ni rohana.

11:28 Ro ma hamu tu Ahu, hamu angka na loja jala na sorat, asa hupasonang
hamu!

11:29 Jangkon hamu ma augangku, marguru ma hamu tu Ahu, ai na lambok do
Ahu jala na serep marroha, asa dapotan hasonangan tondimuna.

11:30 Ai lambok do augangku jala neang do dohot na hupaporsanhon.


KOTBAH
1 Kronika 7 s/d 13

16:7 Di ari na sasada i do apala parjolo didokkon si Daud mamujimuji Jahowa
marhite sian si Asap dohot angka hahaanggina i.

16:8 Puji hamu ma Jahowa, baritahon hamu ma Goarna i, pabotohon hamu ma di
tongatonga ni angka bangso angka pambahenanna i!

16:9 Endehon hamu ma Ibana, palu hamu ma parhinaloan umpuji Ibana,
marnonangi ma hamu taringot tu halongangan angka na binahenna i sudena!

16:10 Tanggulhon hamu ma Goarna na badia i, ingkon marlas ni roha ma angka
na mangalului Jahowa!

16:11 Sisiri hamu ma Jahowa dohot hagogoonna i, tongtong ma lulu i hamu
bohina.

16:12 Paingotingot hamu ma halongangan angka naung binahenna i, angka tanda
halongangan naung binahenna i dohot uhum angka na ruar sian pamanganna!

16:13 Hamu ale pinompar ni Israel, naposona i, hamu ale anak ni si Jakkob,
angka na pinillitna i!

 


  • IBADAH SIANG “PELANTIKAN GURU SEKOLAH MINGGU TAHUN 2018”
  • IBADAH PERDANA BAHASA INGGRIS REMAJA PUKUL 10.35 WIB RUANG REMAJA
  • KUNJUNGAN NHKBP (NAPOSO BULUNG) KE GEREJA BANTEN Mulai Tanggal 27/28/29/ 04-2018

 

Posted in Kebaktian Minggu, PelantikanTagged ,

Ibadah minggu 22 April 2018

Jadwal Minggu 22 April 2018


MINGGU JUBILATE Tahun 2018 – Acara ibadah dibawah

  1. Pagi Ibadah Masuk Pukul 06.00.00 wib bahasa Batak Toba
  2. SKM Masuk Pukul 07.30.00 wib habis ibadah LOMBA KREASI DI SERBAGUNA H-Kramatjati
  3. Siang Masuk Pukul 10.35.00 wib (Pelantikan Guru SKM 2018 Tgl 29/04/2018)
  4. Siang Remaja Pukul 10.35.00 wib
  5. Pelajar SIDI Setelah Ibadah Siang
  6. Sore “IBADAH KREN” Pukul 17.00.00 wib


  • Tgl 29 April 2018 Setelah ibadah Siang Pelantikan Guru SKM untuk 10 orang Pentahbisan G-SKM
  • Tgl 22 April 2018 Ulang Tahun 70, Gereja memberi Ulos bagi jemaat yang berulang tahun ke 70
  • Tgl 22 April 2018 DOA Pemberangkatan Ujian SLTP /sederajat.
  • Minggu sore 22 april 2018 ” PEMILIHAN PANITIA PARHEHEON RNHKBP KramatJati 2018

Dewan Diakonia

  • Tanggal 25 April 2018 Pukul 16.00.0 wib, Penyuluhan Penanggulangan Penyakit Kanker bersama LKKI di Ruang Serba Guna HKBP KramatJati


Acara Minggu Manogot dohot Arian

  1. PATIK Efesus 2 : 19
  2. Ep Jeremia 31 : 7-14
  3. Ev 1 Tesalonika 2 :13-20
  4. BE 15 ayat 1,4,9
  5. BE 35 ayat 1
  6. BE 165 ayat 3,4
  7. BE 210 ayat 94 : 1,2
  8. BE 94 ayat 1,2
  9. BE 701 ayat 1..dst
  10. BE 174 ayat 1..dst

  • Ibadah SKM : (sumber belum input data)
  • Ibadah Remaja bahasa Indonesia, minggu depan bahasa inggris.
  • Ibadah Sore bahasa Indonesia (ibadah Kren)

Minggu “JUDIKA”

Topik Minggu :
” Marlas Niroha di Bagasan Tuhan I ” /
” Bersukacita di dalam Tuhan “

Memulai Ibadah ;

BE. 15
AUT NA Saribu hali ganda
BL. 103

1. Aut na saribu hali ganda
saringar ni soarangki

Naeng nasa gogo bahenonku
mamuji Debatanta I

Paboa las ni rohangki
hinorhon ni pambaenna I

4. Mauliate ma rohangku
di Ho o Debata tongtong
dibaen sude denggan basamu
naung nilehonmu di au on

ai dipatongon ho tongtong
sude na ringkot di au on

instrument…….

9. Sai jalo ma ale Tuhanku
Pamujingkon na hurang i

Di surgo pe padengganonku
Dung sahat au di lambungMi

Marlok_saloksa hali do
Disi endehononku Ho.

B.E No. 35
SADA NAMA SANGKAP
BL. 199

1. Sude hami na dison marpungu
Do padomu tangan i

Patoguhon padan di mudarMu
Tanda hot di Ho sude

Jesus sai paboa ma di hami
Lomo ni rohaM di endenami

Dok ma amen situtu
Dame, dame di hamu

Efesus 2 : 19
2:19 Asa ndada be angka paisolat manang panginsua hamu;

angka dongan saharajaon raphon angka na badia do,
jala dongan sabagas ni Debata.

B.E No.165
O JESUS NA PANGOLU AU
BL. 19

3. O Tuhan hutopoti ma luhutna dosangki.
Asi rohaM sai sesa ma di Ho ma tondingki.

4. O Jesus sai tangihon on sude na jat padao.
Lam ias bahen rohangkon asa sai sonang au

B.E. No. BE. 210
O TUHAN NA MARASI ROHA
BL.100

1. O Tuhan na marasi roha,
na so tardodo jolma i

Torop do halak sipardosa,
na rap mamuji goarMi

Dibaen basaM na godang i,
marhitehite Jesus I.

2. Dibahen Ho do pardengganan,
pasaehon dosa i sude.

I do manghorhon haluaon,
di hita na tarjea i

I pe mauliate ma au on di Ho o Debata.

Jeremia 31 : 7 -14

31:7
Ai songon on do hata ni Jahowa: Marhinsa ni roha ma hamu marsuraksurak mida si Jakkob, jala marolopolop ma hamu mida ihutan ni angka bangso parbegu !
Pangiar…..
Pangiar hamu ma soaramuna mamujimuji jala dok hamu ma: Sai palua ma ale Jahowa bangsom, pasipasi ni Israel!

31:8
Ida ma, ingkon ahu manogihon nasida sian tano na tungkan utara jala ahu papunguhon nasida sian angka ujung ni tano on rap dohot angka na mapitung dohot na pangpang, na gabegabean dohot pangintubu di tongatonganasida.
Tung luhutan na bolon do nasida angka na mulak i tuson.

31:9
Ro do nasida tutu huhut tumatangis dohot marhuraja.
Ahu ma manogihon nasida tu angka batang aek di dalan na hornop,
ndang jala Epraim gabe anak buhabajungku.

31:10
Tangihon ma hata ni Jahowa, hamu ale angka bangso parbegu, jala baritahon hamu ma i di pulopulo angka na dao jala hatahon hamu:
Ibana na paserakkon Israel na jolo, laos ibana papunguhon muse jala ramotanna, songon parmahan di punguanna.

31:11
Ai nunga ditobus Jahowa Jakkob i jala nunga dipalua ibana sian tangan ni na gumogo sian ibana.

31:12
Ro do nasida sogot huhut marolopolop di punsu ni Sion jala marrongoman nasida mandapothon denggan basa ni Jahowa:
Eme dohot anggur dohot miak dohot anak ni birubiru dohot lombu, jadi tondinasida ingkon songon porlak na tangkas di aek, jala ndang be mandate nasida.

31:13
Jadi marlas ni roha ma disi namarbaju marhalianghaliang dohot dolidoli ro di angka na tuatua, jadi muba ma arsak nasida gabe las ni roha bahenonku, jala apulonku nasida huhut palashon dung salpu gondokna na sai laon.

31:14
Dung i marlobilobi ma tondi ni angka malim di tabotabo jala bosuran bangsongku marsaulihon denggan basangku, ninna Jahowa.

B.E No. 94
ALE TONDINGKU NAUNG HEHE
BL. 44

1. Ale tondingku naung hehe Tuhanmu
Nunga ditaban do banuatoru

Las ma roham ai martua ma ho
Rap dohot Jesus mangolu ma ho
Rap dohot Jesus mangolu ma ho

2. Talu sibolis dibahen Tuhanta
Nang hamatean nang dosa sudena

Sai dihalashon rohanta ma i
PangoluonNa do hita sude
PangoluonNa do hita sude

BE.701
Tu Ho do au marpadan

1. Tu Ho do au marpadan O Jesus Tuhanki,
Asa burju haposan au di adopanMi,

Sai Ho ma mandongan ni au di ulaonki.
Ajari pargogoi ma au di dalanki

instrument….

2. Baen ma pangkilalaan di au O Tuhanki,
Donok do Ho O Tuhan mandopang musungki.

Ragam do pangunjunan dihasiangan on,
Ho partanobatoan di paraloankon.

instrument….

3. PadanMu ale Jesus tu angka ruasMi,
Luhut do toguonMu tu hasangaponMi,

Padanku pe O Jesus satia au tu Ho,
Sai pargogoi ma au, lao mangihuthon Ho.

instrument….

1Tessalonika 2 : 13-20

2:13
Dibahen i tongtong do hami mandok mauliate tu Debata, ai dijangkon hamu do hata ni Debata na binegemuna sian hami;

ndada songon hata ni jolma dijangkon, hamu i, tung songon hata ni Debata do, ai i do i tutu, gabe marpangkorhon ma hata i di bagasan hamu, angka na porsea.

2:14
Ai nunga gabe paniru hamu, ale angka dongan, di angka huria ni Debata na di luat Judea, angka na di bagasan Kristus Jesus; ai ditaon hamu do na bernit dibahen angka donganmuna sabangso, songon nasida na pinaporsukporsuk ni halak Jahudi.

2:15
Ai dibunu nasida do Tuhan Jesus ro di angka panurirang i, nang hamu dilelei do; angka na hinasogohon ni Debata do nasida jala alo ni saluhut jolma.

2:16
Diorai do hami manjamitai halak parbegu laho paluahon nasida; asa tongtong do nasida pagukgukkon pardosaonnasida, lalu ma antong tu nasida sungkot ni haririmas i.

2:17
Alai anggo hami, ale angka dongan, hira na tilahaon do hami mandaodao sian hamu sangombas, mandok bohinami do na dao i, ndada…

ndada anggo rohanami; alai lam huharingkothon hami do marnida bohimuna mardongan sihol ni roha godang.

2:18
Dibahen i naeng ro do hami tu hamu, ahu si Paulus, sahali, dua hali tahe; alai diambat sibolis i do langkanami.

2:19
Ai ise do targoar pangkirimon ni rohanami dohot halalas ni rohanami jala tumpal pamujion di hami, ia so hamu di adopan ni Tuhanta Jesus Kristus, jumpa di harorona i?

2:20
Olo, hamu do hasangapon di hami dohot halalas ni roha.

BE. 174
TOROP DOPE
BL. 184

1. Torop do pe na siat i Di hasampuran rea
I pe hamu pardosa i Sai olo ma porsea

Ai Debata manjou hamu Tu hasonangan situtu
Hamu, hamu Dijou Debatamu.

instrument….

2. Tama longang roham, ale Umbege pangontangna
Antong sai unang jua be Tangihon pamiona

Ai Debata mamio ho Dibahen i sai ro ma ho
Sai ro, sai ro Tu surgo ma ho ro.

instrument….

3. Pardosa ho didok roham, na so tama be dohot?
Ndang pola ala ni dosam, umbaen na sundat bongot.

Ai nunga sae do dosami, digarar Tuhan Jesus i
Naung sae, naung sae, naung sae do dosami.

instrument….

4. Haporseai ma hata i Ai i do haluaon
Haposi Tuhan Jesus i MudarNa i ma golom

Ai nang gok dosa rohami Malua ho bahenon ni
Tutu, tutu Malua baenon ni.

instrument….

5. Antong, beha roham disi? Sai rap ma hita bongot
Tu hasampuran rea i Tu hasonangan sogot

Tapuji ma Tuhanta i Dibaen asi rohaNa i
Tongtong, tongtong Asi rohaNa i.

instrument….

Posted in Acara dan Kegiatan, Dewan Diakonia, Kebaktian Minggu, Parheheon, Pelantikan, Sidi, SKM, SKM HKBP Kramat Jati, Ulang Taun 70anTagged , , ,