Kramat Jati

Minggu Palmarum ibadah pagi 2019

MINGGU PALMARUM
(PALM)

Topik Minggu :
” Dungo Managam Haroro ni Tuhan i
/ Berjaga-jagalah menyongsong Kedatangan Tuhan”
14 April 2019


  • PALMARUM  / MAREMARE = KAIN VIOLET – APRIL ( palem ) ♦♦♦♦♦

Acara Kebaktian Pagi dan Siang Minggu Palmarum 2019

Pukul 06.00 wib & Pukul 10.15 wib

Buku Ende Huria No.27
DEBATA DO MANGGOMGOMI
BL.86

1. Haleluya ari Minggu
Ari na dumenggan i
Molo iba lao marpungu
Dohot dongan Kristen i

Ari na sumurung i
Las ni rohangki do i

2. Maradian do tondingku
Di na jumping Minggu i
Nasa arsak ni rohangku
Hulonongkon do disi

Tu bagasan roha ni
Jesus Kristus, Tuhanki

instrument/musik..

3. Na huula ganup ari
Hutundalhon do disi
Asa tarpasarisari
Au ngolu ni tondingki

Arta na ummarga i
Jumpang au di Minggu i


Buku Ende Huria No. 151
NA SONANG AU
BL. 136

1. Asi rohaM o Jesus Tuhanki
Sai jangkon ma au on.

“Sai ro ma ho”,
laos i do hataMi Tu au pardosaon
Dison huboan peleanMu
I ma tondingku, pamatangku,
Asi rohaM Sai jalo ma.

3. Masihol au di ho,
o Jesuski Pasolhot au tu Ho

Ai ndang na tuk patupa lomoMi
Sondangannami Ho

Ai Ho do parhiteannami Ho,
Jesus,
Sipangolu hami
O tua ni na solhotmi.


Patik Matius 26:41
“Dungo ma hamu jala martangiang, asa unang hamu bongot tu pangunjunan,
ai na girgir do nian tondi i, alai gale do ia daging !”


Buku Ende Huria No. 683
Di adopanMu Jesus

1. Di adopanMu Jesus
lea tutu do diringkon,
Dibaen godang ni dosangkon
di adopanMu Jesus.

2. Di adopanMu Jesus
marsomba au huhut tungki,
Lao manopoti dosangki
diadopanMu Jesus.


Buku Ende Huria No. 707
Hagogoon dohot apulapul

1. Hagogoon dohot apulapul
do dilehon Tuhan I tu au,
Ganup ari au ditogutogu
ganup tingki diondingi au.

Ai hombar tu lomo ni rohaNa
do dilehon Tuhan I tu au
Ro marsorin arsak las ni roha
haporseaonhu dipatau.

3. Songon Ama do tu anakkonNa
Holong ni Tuhanta I tu au.
Ndang mansadi pangurupionNa
Hombar tu padanna na tu au.

Debata Amanta na di ginjang
I do haposanhu sai tongtong.
Dipangiringiring ni tanganNa,
Dame, sonang do rohangkinon.


Epistel
Sakaria 12 : 10 – 14

12:10 Jadi * usehononku ma tu pinompar ni si Daud dohot tu isi ni Jerusalem tondi parasian dohot partangiangon, gabe ** paberengberengon nasida ma ahu, naung tinullang nasida; jala andungannasida ibana, songon pangandungion di anak sasada, jala habot situtu rohanasida taringot tu ibana songon habot ni roha mida * anak buhabaju.

12:11 Di ari na sasada i masa ma pangandungion bolon di Jerusalem, songon pangandungion uju di Hadadrimmon * di rura Megiddo.

12:12 Mangandungi ma isi ni tano on: Marompuompu pulik be pinompar ni ompu ni si Daud pulik, jolma nasida pe pulik; pinompar ni ompu ni * si Natan pulik, jolmanasida pe pulik.

12:13 Pinompar ni ompu ni si Lepi pulik, jolmanasida pe pulik; pinompar ni ompu ni si Simei pulik, jolmanasida pe pulik.

12:14 Suang songon i sude pinompar ni ompu na asing, ganup ompu pulik be, jala jolmanasida pulik


Buku Ende Huria No. 680
Sai togihon au mulak

1. Sai togihon au mulak tu Ama I,
Nunga loja au di parjalanganki,
Unang loas mago au didosangki,

Sai togihon mulak au tu bagas ni Ama i.
Sai togihon au, asa mulak au,
Ale Tondi Parbadia togihon mulak au.

2. Ale Debatangku baen ma au naposoM,
Taiti ma rohangku lao mangoloi Ho,
Haporseaonku baen gomos tu Ho,
Ale Jesus togu ahu, asa jonok tu Ho.
Sai togihon …

Sai togihon mulak au tu bagas ni Ama i.
Sai togihon au, asa mulak au,
Ale Tondi Parbadia togihon mulak au.


Buku Ende Huria No. 749
Songon sorha ni podati

1. Songon sorha ni podati do ngolu ni jolma i
Ari on marlas ni roha ala pangomoan i

Hape ro ma sorimago, na manosak roha i
Hapogoson boi do songgop, ise pangoluan i

Tatap ma halibutongan dungkon salpu udan i
Padan holong ni rohana disudena jolma i.

2. Molo ro pe halisungsung, holom humalian ho
Pos roham ndang dipasombu sai paluaonna ho,

Molo manariur langit, tung uli idaon i,
Tanda holong ni rohana di natinompana i.
Tatap………

Tatap ma halibutongan dungkon salpu udan i
Padan holong ni rohana disudena jolma i.

3. Sotung pola ho madele unang biahaton ho,
Hehe ho hatop langkahon ingot padan na tu ho,

“haholongon do Tuhanmu” ima mangapuli ho,
bahenon na ho martua asal ma porsea ho.
Tatap……

Tatap ma halibutongan dungkon salpu udan i
Padan holong ni rohana disudena jolma i.


EVANGELIUM
Matius 25 : 1 – 13

25:1 Disi ma tarpatudos harajaon banua ginjang i tu sampulu anak boru,
angka na borhat manomunomu pangoli i, masiboan parpalitoanna be.

25:2 Alai na oto do na lima sian nasida,
na pantas marroha do na lima.

25:3 Ianggo angka na oto i, diboan do nian parpalitoanna,
alai ndang mantat miak nasida.

25:4 Alai anggo na pantas marroha i,
diboan do miak di ingananna i rap dohot parpalitoannasida.

25:5 Alai di na leleng so ro pangoli i,
mondokondok ma nasida sasude, laos tarpodom ma.

25:6 Alai tonga borngin i, adong ma na joujou:
Na ro ma pangoli i; hehe ma hamu manomunomu!

25:7 Jadi hehe ma angka anak boru i saluhutna,
dipature be ma parpalitoanna.

25:8 Dung i didok angka na oto i ma tu angka na pantas marroha:
Lehon hamu ma tu hami deba sian miakmuna,
ai na mintop ma palitonami.

25:9 Alai dialusi angka na pantas marroha i ma:
Ndang sae maon di hami dohot di hamu;
tu angka panggadis ma hamu laho tagonan, manuhor di hamu!

25:10 Alai di tongandalan i dope nasida laho manuhor,
nunga ro pangoli i; jadi bongot ma angka naung hobas
hian rap dohot ibana tu hasampuran rea i,
dung i tarsordak ma pintu i.

25:11 Alai ro ma sian pudi anak boru na lima nari, angka ninna ma:
Tuannami, ungkap ma di hami!

25:12 Alai ninna ma mangalusi: Situtu do na hudok on tu hamu:
Ndang na hutanda hamu!

25:13 Antong, jaga ma hamu,
ai ndang diboto hamu arina manang sadiharina!


PARALOAN PARTONDION
Buku Ende Huria No. 785
Ala pangunjunan

1. Alo pangunjunan sai benget ma ho,
Ai molo dung monang lam togu ma ho,

Angka hajahaton sai patunduk ma,
Jesus pangasahon ingkon monang ho.

Jalo pangurupion sian Tuhanta Jesus,
Dapot ho hagogoon mandopang musu i.

2. Sai tundalhon dosa sai burju ma ho,
Unang si insahan di parange ho,

Anak hatiuron baen tiruan ho.
Jesus pangasahon ingkon monang ho.
Jalo pangasahon ingkon monang ho.
Jalo pangurupion ………

Jalo pangurupion sian Tuhanta Jesus,
Dapot ho hagogoon mandopang musu i.

3. Tumpal diparade Debata di ho,
Tu sude namonang di portibion,

Jesus pangasahon, ingkon monang ho.
Jalo pangurupion ………

Jalo pangurupion sian Tuhanta Jesus,
Dapot ho hagogoon mandopang musu i.


Arsip lirik lagu : https://www.worship-liric.hkbpkramatjati.com/

Posted in Kebaktian Minggu, Minggu Palmarum