ACARA PARHURIAON HKBP KRAMATJATI AKHIR TAHUN

ACARA PARHURIAON UJUNG TAUN 2018


Topik Minggu : “HARAJAON NI DEBATA NA MANONGTONG”

Pamuhai : Martangiang

Marende Huria : 815 ayat 1,2,3,

Buku Ende Huria No. 815
Uli do tingki na hohom

1. Uli do tingki na hohom di joloni habangsa ni,
Amanghu na rade tongtong manjalo pangidoanhi
Ai di na marsak rohangki sai diapuli tondingki
Malua sian jorgong I ditingki martangiang i.

2. Uli do tingki na hohom, sonang martua rohangkon,
Tongtong masihol rohangkon, lao martangiang na hohom.
Au raphon na badia I, sai naeng marnida bohiMi
Tuhanku Sipartobus I, ditingki martangiang i.

instrument….

3. Uli do tingki na hohom, pasahat pangidoanki
Tu Debata na bonar I, Sitangihon tangiang i.

Di na huida bohiMi porsea au dihataMi,
Tompas holso ni rohangki, ditingki martangiang i.

Introitus :
Marende Huria : 753 ayat 2,3

Buku Ende Huria No. 753
Dipardalanan Jesus di jolongku

2. Sipata lilu haporseaonhu
Ni lilianan ni portibi on
Alai dung Ho hutatap o Tuhanku
Margogo do au dingolungkon
Huboto ………

Huboto do tangkas panoguonMu
Diiringiring Ho do langkangki
Sahat ro di ujung ni pardalanku
Togu ma au jonok tu lambungMi,

3. Patogu ma Tuhan haporseaonku,
Asa polin tu Ho manghirim au,
Tu surgo I patulus pardalananku,
TondiMi maringan ma di au.
Huboto do ………

Huboto do tangkas panoguonMu
Diiringiring Ho do langkangki
Sahat ro di ujung ni pardalanku
Togu ma au jonok tu lambungMi,

Patik / Taurat : Konfessi HKBP Bindu 15
Marende Huria : 86 ayat 2,3

Buku Ende Huria No.86
SILANG NA BADIA
BL. 67

2. Nasa na huula i
Ndang tau hasonanganki
Nang ringkot pe rohangki
Pola ro nang ilungki

Holan asi ni rohaM
Pangurupi o, Tuhan

3. Ro do au nuaeng tu ho,
sai palambas ma rohaM.
Nunga pola mate Ho,
ala asi ni rohaM

Jangkon au na dangol on,
sai ulosi tondingkon.

Koor :

Manopoti Dosa (instrument musik)
Marende Huria : 681 ayat 1 + reff + 681 ayat 1

Buku Ende Huria No. 681
Ale amang asi rohaM

1. Ale Amang asi rohaM di au pardosa on,
Unduk do rohangkon nuaeng marsomba di joloM.

Unang jujur unang jujur angka dosangki.
Sai salpuhon sai salpuhon sian rohaMi.

reff : Unang jujur unang jujur angka dosangki.
Sai salpuhon sai salpuhon sian rohaMi.

Buku Ende Huria No. 681
Ale amang asi rohaM

1. Ale Amang asi rohaM di au pardosa on,
Unduk do rohangkon nuaeng marsomba di joloM.

Unang jujur unang jujur angka dosangki.
Sai salpuhon sai salpuhon sian rohaMi.

Marende Huria : 213 ayat 3,4

Buku Ende Huria No. 213
DUNG SONANG ROHANGKU
BL. 115

3. Diporsan Tuhanku sandok dosangki
Bolong tu na dao do dibaen

Nang sada na so jujuronna be i
Na martua tondingku nuaeng

Sonang do, sonang do
Dipasonang tongtong rohangkon

4. Mangolu nang mate di Jesus do au
Ibana haporusanki

HataNa sambing do partogi di au
Ai na tau haposanku do i

Sonang do, sonang do
Dipasonang tongtong rohangkon

Manjaha Epistel : Pangungkapon 7 : 9 – 17

7:9 Dung salpu i, adong ma hubereng mansai torop, na so dapot bilangan ni jolma, sian nasa bangso, marga dohot houm dohot hata, angka na jongjong diadopan ni habangsa i dohot di adopan ni Birubiru i, angka na maruloshon abit na saksak jala na maniop maremare di tangannasida.

7:10 Gogo ma soaranasida manjoujou, angka ninna ma: Tua ma di Debatanta, na mangkunduli habangsa i, dohot di Birubiru i!

7:11 Jadi jongjong ma saluhut surusuruan i humaliang habangsa i dohot humaliang angka sintua i dohot parngolu na opat i, dung i manungkap ma nasida di jolo ni habangsa i huhut marsomba tu Debata.

7:12 Ninna nasida ma: Amen! Pujipujian dohot hasangapon dohot hapistaran dohot hamauliateon dohot hagogoon dohot hatoguon ma di Debatanta ro di salelenglelengna! Amen.

7:13 Dung i mangalusi ma sada sian angka sintua, didok ma mandok ahu: Ise do angka i; jala sian dia do ro angka na maruloshon abit na saksak i?

7:14 Jadi hudok ma mandok ibana: Ale tuanku, ho do umbotosa. Gabe didok ma tu ahu: I ma angka naung ro sian haporsuhon godang; nunga diburi nasida abitnasida jala dipasaksak di bagasan mudar ni Birubiru i.

7:15 Ala ni i sai di jolo ni habangsa ni Debata do nasida, mangoloi Ibana arian dohot borngin di bagasan jorona i, jala Ibana, na mangkunduli habangsa i, ma paulihon inganan di atasnasida.

7:16 Ndang be male nasida, ndang be mauas, ndang be ditinggang las ni ari nasida, manang dia na mohop pe.

7:17 Ai parmahanon ni Birubiru na di parsitongaan ni habangsa i do nasida jadi togihononna ma nasida tu angka mual aek hangoluan, jadi apusan ni Debata nasa iluilu sian matanasida.

Koor :

Marende Huria : 544 ayat 1,2

Buku Ende Huria No. 544 Logu.419 :
Molo ro panjou ni Tuhan.

1. Molo ro panjou ni Tuhan, molo salpu tingki on,
Molo binsar bintang sipaias i,

Jala sahat ma tu ginjang angka na tinobus i,
Dohot au dibaen Tuhanta lao tusi.

Molo jouon ni Tuhanta angka goar di pustaha,
dibaen asi ni rohana, alusanku :
O Tuhanku, au dison.

2. Molo dapot tingki, hehe angka na tinobus i,
Idaon nasida Tuhan Jesus i.

Di pangkuling ni sarune lao manomu Tuhan I.
Dohot au dibaen Tuhanta lao tusi.
Molo jouon…

Molo jouon ni Tuhanta angka goar di pustaha,
dibaen asi ni rohana, alusanku :
O Tuhanku, au dison.

Manghatindanghon Haporseaon

Koor :

Manjaha Tinting

PARNINGOTAN DI ANGKA NAUNG MONDING DI TAHUN 2018
( 04 Desember 2017 – 23 november 2018 )

Marende Huria : 528 ayat 1,4

Buku Ende Huria No. 528 Logu.362 :
Tu dia ho dung mate ho.

1. Tudia ho, dung mate ho,
alusi ma, alusi ma !
Jempek tingkim, ujung na ro
Tu dia ho dung mate ho,

Dung mate ho, dung mate ho,
sai pingkir ma, tudia ho ?

4. Jangkon ma Jesus, Rajami,
Sihophop ho, sihophop ho,

Ias dibaen mudarNa ho,
dung I rade tu surgo ho.

Rade ma ho, rade ma ho.
Tu surgo sai rade ma ho.

Marende Huria : 835 ayat 1,3

Buku Ende Huria No. 835
Nunga lao, nunga lao

1. Nunga lao, nunga lao
dongan deba tu na dao,
Mandapothon Debatanta,
dialapi suruanNa,
Tu banua ginjang i.
Tu banua ginjang i.

3. Tua ni, tua ni, saluhutna na porsea,
di Jesus Kristus Tuhanta,
hangoluan salelengna
do pinaradeNa i.
do pinaradeNa i.

Pangungkapon 21 ayat 1 -7

21:1 Dung i huida ma banua ginjang na imbaru dohot tano na imbaru, ai nunga salpu banua ginjang na parjolo dohot tano na parjolo i; laut i pe ndang adong be.

21:2 Jala huida ma huta na badia i tuat sian banua ginjang sian Debata, i ma Jerusalem na imbaru, na pinature songon oroan na sinanggulan mandapothon harajaanna.

21:3 Jadi hubege ma soara na gogo sian habangsa i, na mandok: On do joro ni Debata di tongatonga ni angka jolma; na maringanan ma Ibana di tongatonganasida, jala nasida ma bangsona, jala Debata sandiri saor tu nasida!

21:4 Jadi apusan ni Debata ma nasa iluilunasida sian matanasida: Ndang adong be hamatean nang arsak ni roha; nang angguhangguk, nang na hansit, ndang disi be; ai nunga salpu na parjolo i!

21:5 Dung i didok na hundul di habangsa i ma: Ida ma, saluhutna do hupaimbaru! Jadi didok ma: Surathon ma i, ai haposan do angka hata on jala na sintong!

21:6 Laos didok ma tu ahu: Nunga saut! Ahu do Parjolo jala Parpudi, Bonana jala Ujungna. Lehononku ma tu na mauas sian mual aek hangoluan i, so pola tuhoron!

21:7 Teanon ni na monang i ma saluhutna; jala Ahu gabe Debatana,
ibana gabe anakku!

**Tangiang Na Hohom (musik instrument BE 353)

Marende Huria : 347 ayat 1,2

Buku Ende Huria No. 507
Logu.347 :
Habangsa parasian i.

1. Habangsa parasian i,
parsilang ni Tuhnta i !
Tusi hatop maporus au
di na marhasusaan au.

2. Habangsa parasian i
di angka na targogot i,
Tarapul au dibahen i,
ai Jesus sipalua i.

Marende Huria : 368 ayat 1..dst

Buku Ende Huria No. 368
TUHAN JESUS, TUHAN JESUS
BL. 233

1. Tuhan Jesus, Tuhan Jesus ro mulak hape
TinobusNa , TinobusNa ditogu muse

Sai marhillong nasida songon bintang sude
Sai marlinang saksak do ulosna tahe

instrument….

2. Dipapungu, dipapungu tinobusna i
Angka jolma pinaias ni mudarNa i.

Sai marhillong nasida songon bintang sude
Sai marlinang saksak do ulosNa tahe

instrument….

3. Na magodang nang na metmet tu Jesus ma ro
Tu lambungNa na di surgo ditogu hamu

Sai marhillong nasida songon bintang sude
Sai marlinang saksak do ulosNa tahe

instrument….

4. Nang dakdanak, nang dakdanak haolonNa disi
Ai naung sahat, ai naung sahat rohana tusi

Sai marhillong nasida songon bintang sude
Sai marlinang saksak do ulosNa tahe

instrument….

KOTBAH (EV) : Daniel 7 : 9 – 14

7:9 Sai hupanotnoti do i paima * dipajongjong angka habangsa, jala hundul tusi ** ibana na so suda arina. Ia pangkeanna saksak do songon itak, jala obuk ni uluna, songon hapas na binusur, ia habangsana songon jillamjillam ni api, jala * angka rodana songon api na marnalanala.

7:10 * Ruar do sada sunge api, jala mabaor sian adopanna ** marriburibu angka na marsomba tu ibana, jala marloksaloksa tindang di jolona marhaladoi. Dung i tarpansang ma loloan jala * tarbungka angka buku.

7:11 Jadi sai hupanotnoti ma gumodang alani soara ni angka hata na jungkat, angka na hinatahon ni tanduki; sai hubereng i paima tarbunu binatang i, jala pidom pamatangna, jala dipasahat asa purunon tu api.

7:12 Jala tarrampas huhut parenta sian binatang angka na tinggal i, ai nunga * dibuhul tingki dohot jom ni ajalnasida.

7:13 Dung i huida muse di bagasan angka pangungkapon borngin, gabe ida ma, ro sahalak marhitehite ombun di langit i, songon * anak ni jolma, jala sahat ibana tu ibana na so suda arina, jala tarboan ibana tu jolona.

7:14 Jala dibasabasahon ma tu ibana pamarentaon dohot hamuliaon dohot harajaon, jala saluhut bangso, houm dohot halak parpangkuling marragamragam marsomba tu ibana. Ro di salelenglelengna do pamarentaonna, na so tupa munsat sian ibana, harajaonna pe na so tupa pesan do.

Marende Huria : 251 ayat 1..dst

Buku Ende Huria No. 251
NA MONANG I DO
BL. 138

1. Na monang i do na muse manganhon
Parbue ni hau hangoluan i

Ndang jadi idaonna hamagoan
Nang hamatean paduahon i
Ai Debatana, Papos rohana

Mambaen langkana tongtong tiur,
Mambaen langkana
tongtong tiur

instrument – musik…

2. Na monang i ndang tupa hahuaon
Ni hamatean paduahon i
Sai jongjong do ibana maradophon
Bohingku di banuaginjang i

Sai idaonna disi Tuhanna
Ro di donganna
na monang i,
Ro di donganna na monang i.

instrument – musik…

3. Na monang i do lehononku mangan
Di surgo manna na buni dope
Pangalahona do tongtong ingoton
Margoar na imbaru do muse

Na sinurathon tu batu intan
Tongtong martua
panjalo i,
Tongtong martua panjalo i.

instrument – musik…

4. Na monang i marnida pambaenanku
I do na marmahani bangso i
Pasahatonku deba sahalangku
Tu tangan ni sude na monang i.
Sai rosahanna muse alona

Patunduhonna
do musungki,
Patunduhonna do musungki

instrument – musik…

5. Na monang i do na manjalo ulos
Na saksak di banuaginjang i
Goarna i do na so jadi mosos

Sian pustaha hangoluan i
Taringotanku di Debatangku

Sude donganku na
monang i.
Sude donganku na monang i.

instrument – musik…

6. Na monang i do ingkon gabe tiang
Di bagasjoro ni Debatangki

Di bagas i tongtong ibana mian
Jumujung goar ni Jahowa i
Uhirhononku tusi goarhu

Sijujungonku
di surgo i,
Sijujungonku di surgo i

instrument – musik…

7. Na monang i do hundul raphon Ahu
Di habangsangku na di surgo i

Tudoshon Au di lambung ni
Amangku Partohap do di hasonangan i
Na maradian di hasonangan

Sude na monang na burju i,
Sude na monang na burju i

instrument – musik…

8. Urupi au, o Jesus asa monang
Au maralohon angka musungki
Portibi on sibolis nang pamatang
Do na manaiti au tu dosa i
Pasangaponku tongtong goarMu

Di ingananku di surgo i,
Di ingananku di surgo i.

instrument – musik…

Panutup : Tangiang Ale Amanami, Tangiang Pasupasu

**
Mementori : Psalmen 90 : 12
“Sai Ingot ma Ari Hammatem
Sai Ajari Hami Mamilangi angka ari ari nami,
Asa dapotan roha na bisuk hami”