5 Mei 2019 minggu Manogot dohot Arian

MINGGU MISERICORDIAS DOMINI
( Psalmen, 33 : 5b )

Topik Minggu :
“Manghamauliatehon Denggan Basa ni Tuhan”
/ “Mensyukuri Kebaikan Tuhan”




Buku Ende Huria No.14
PUJI HAMU JAHOWA TUTU
BL. 57

1. Puji hamu, Jahowa tutu,
Pardengganbasa, parasiroha
salelengna i.

Pardengganbasa I,
parasiroha I.

2. Ingot tongtong, ale tondingkon,

Sude na denggan na dipasonggop Debata
tu ho.

Denggan basaNa do, na pangoluhon ho.

musik/instrument….

3. Nda tung adong, pargogo tongon,

Na martudosan tu Tuhan Debata di surgo i.

Sun hinagogo i,
sun hinagogo i.


Buku Ende Huria No.17
RAJA NA TUMIMBUL
BL.210

1. Raja na tumimbul
Sigomgomi hami
Jalo ma pujiannami

Denggan ni basaM do
Pangoluhon hami
Atik pe mardosa hami

Sai apoi pargogoi
hami mangendehon
SangapMi o Tuhan

3. Dohot do tondingku
Tungkap di adopan
Ni habangsaMi o Tuhan

Nang sude donganku
Nasa na marhosa
Pujionna do Jahowa

Sai tongtong na sintong,
Holan Debatanta
Do sipujionta.


Patik :
Psalmen, 106 : 1

106:1 Halleluya! Mandok mauliate ma hamu di Jahowa, ai na basa do Ibana, ai ro di salelenglelengna do asi ni rohana i.


Buku Ende Huria No.169
HO SIPANGOLU AU
BL.224

1. Ho sipangolu au,
sai topot ma au on.
Sai unang mandaodao.
Ho sian rohangkon.

Ro Sipangolu ro tibu.
Baen ma au anakMu tutu.
Dohot mudarMi buri au
ias songon hapas ma au.

Ias tutu, ias tutu,
dohot mudarMi buri au.
Ias songon hapas ma au.

3.Togu ma rohangkon
Sai taiti au tu Ho.
Ai langkaMi tongtong
Naeng tiruonku do

Ro Sipangolu ro tibu
Baen ma au anakMu tutu.

Dohot mudarMi buri au
Ias songon hapas ma au.

Ias tutu Ias tutu
Dohot mudarMi buri au
Ias songon hapas ma
au


Buku Ende Huria No.459.
Sonang do langkangku.
B.Logu. 310

3. Malum au di baen bugangNa I,
ias di baen mudar i.
Tung na sonang do rohangku,
Jesus pardameanki.

Dihosomi jolma ahu
insahinsak ndang boi so.
Haleahon ni Tuhanku
olo porsanonku do.

4. Jala ho, ale donganku,
tongtong loja, sorat ho.
Dohot ho mangido sonang,
hatop ma tu Jesus ro.

Holan Jesus pasonangkon
rohami na marsak i.
AmbingonNa ho, na loja,
ro tu ampuanNa i.


Epistel :
I Tessalonika 5 : 12 – 22

5:12 Huelehelek hami ma hamu, ale angka dongan, tanda hamu ma angka na mangkalojahon hamu, angka na manguluhon hamu marhitehite Tuhan i, ro di angka na paingothon hamu!

5:13 Sangap situtu ma rajumi hamu nasida mardongan holong ni roha ala ni ulaonnasida! Sai mardame ma hamu sama hamu!

5:14 Alai huapoi hami ma hamu, ale angka dongan, sai paingot hamu ma angka na so maradat, apuli hamu ma angka siotik roha, anju hamu ma angka na gale, lambas ma rohamuna dompak saluhutna!

5:15 Matamatahon hamu ma, asa unang dibaloshon manang ise na roa balos ni na roa; na denggan ma pareahi hamu tongtong, nang sama hamu, nang tu saluhut halak.

5:16 Tongtong ma hamu marlas ni roha!

5:17 Unang mansadi hamu martangiang!

5:18 Mandok mauliate ma hamu siala saluhutna! Ai i do dipangido Debata sian hamu marhitehite Kristus Jesus.

5:19 Unang intopi hamu tondi i!

5:20 Unang lea rohamuna di panurirangon!

5:21 Tangkasi hamu ma saluhutna; na denggan i ma tiop hamu!

5:22 Pasiding hamu ma nasa rumang ni na roa!


Buku Ende Huria No. 763
Molo Jesus donganmi

1. Molo Jesus donganmi las roham,
Jesus I pangurupim, las roham

Hot haporseaonmi
dohot pos ni roha mi
Mardonganhon Jesus I
las roham.

Las roham, las roham
mardonganhon Jesus I
Las roham,

Marsinondang
ma di ho,
bintang pangkirimon i
mardonganhon Jesus I
las roham.

2. Molo Jesus donganmi las roham,
JagaonNa tondimi las roham,

Tiruonmu ma tongtong dame nang holongNa I,
Saleleng dingolumi las roham
Las roham ………

Las roham, las roham
mardonganhon Jesus I
Las roham,

Marsinondang ma di ho,
bintang pangkirimon i
mardonganhon Jesus I
las roham.


Buku Ende Huria No. 706
Godang ni pasu-pasu I

1. Godang ni pasupasu i dilehon Tuhanki,
Tarlobi asiasiMi marhite anakMi.

Jalo ma pujianki, Jesus Sipalua i,
Boi au bongot tu surgo i,
Marnida hasangaponMi.

musik/instrument..

2. Tondong nang aleale i palashon rohangki,
Alai na umuli i boi au anakMi
Jalo ma pujionki ………

Jalo ma pujianki, Jesus Sipalua i,
Boi au bongot tu surgo i,
Marnida hasangaponMi.

musik/instrument..

3. Ndang dung mansohot basaMi saleleng ngolungki,
Ho ma tongtong pujionki sangap digoarMi
Jalo ma pujionki ………

Jalo ma pujianki, Jesus Sipalua i,
Boi au bongot tu surgo i,
Marnida hasangaponMi.

musik/instrument..


Jeremia 33 : 10 – 13

33:10 Songon on do hata ni Jahowa: Tarbege dope sogot di inganan on, naung nidokmuna i: Nunga tarulang, ndang be marisi jolma nanggo sahalak manang pinahan, di bagasan angka huta ni Juda dohot di alaman ni Jerusalem, angka naung tarulang i, ndang be marisi jolma nanggo sahalak manang pinahan.

33:11 * Tarbege dope sogot disi soara olopolop dohot soara las ni roha, soara ni pangoli dohot soara ni oroan, soara ni angka na mandok: * Puji ma Jahowa Zebaot, ai pardengganbasa do Jahowa, ai ro di saleleng ni lelengna do asi ni rohana! Tole muse soara ni halak na mamboan pelean hamauliateon tu joro ni Jahowa; ai ahu ma manogihon mulak sogot halak angka na tarbuang sian tano on, gabe suang songon di mulana, ninna Jahowa.

33:12 Songon on do hata ni Jahowa Zebaot: Adong dope sogot di inganan on, na tarulang nuaeng, so marisi jolma nanggo sahalak manang pinahan, jala di bagasan saluhut hutana adong muse pondokpondok ni parmahan, angka na paulon birubiruna disi.

33:13 Tole * di bagasan huta angka na di dolok, tole di bagasan huta angka na di pea dohot di bagasan huta angka na tungkan dangsina dohot di tano Benjamin dohot humaliang Jerusalem dohot di bagasan angka huta ni Juda, mamolus dope sogot birubiru angka na niadu ni halak na mamilangi, ninna Jahowa.


Buku Ende Huria No. 860
Mauliate, Puji Tuhan

1. Mauliate Puji Tuhan didenggan basaNa
Mauliate, Puji Tuhan Haleluya.

musik/instrument..

2. Mauliate, puji Tuhan, di panarihonNa,
Mauliate, puji Tuhan, haleluya.

musik/instrument..

3. Mauliate, puji Tuhan, asi do rohaNa.
Mauliate, puji Tuhan, haleluya.

musik/instrument..

4. Mauliate, puji Tuhan, holong do rohaNa,
Mauliate, puji Tuhan, haleluya.

musik/instrument..


Dung Sidung Jamita, Acara Pandidion Na Badia

Ende Huria 146 ayat 1 – 2

Buku Ende Huria No.146
PAIAN MA DI HAMI
BL.6

1. O Jesus naeng tardidi Do posoposo on
Sai ro ma mangaligi Huhut manjalo on.

2. Diboan natorasna Nasida be tuson
Ai naeng pasahatonna Tu Ho dakdanak on.

3. Ai dibagasan dosa Do tubu on sude
Isara ni ompuna Nang natorasna pe.


Ende Huria 147 ayat 6

Buku Ende Huria No.147
JESUS HAMI RO DISON, ASA
BL. 78

6. Sahat ma tu rohaMi,
Jesus pangidoannami
Togu i tu surgo i,
Sai olio ma sangkapnami
Nang goarna i,
O Tuhan Baen tu buku hangoluan


Tangiang Panutup :